សៀមរាប :កុមារប្រមាណជា៤៥០នាក់បានមកជួបជុំគ្នានៅឯទឹកដីខេត្តសៀមរាបកាលពីសប្តាហ៍កន្លងទៅនេះដើម្បីចូលរួមសិក្ខាសាលាមួយស្តីអំពីស្នាដៃសិប្បកម្មរូបអាយ៉ងខ្មែរ ដែលសមិទ្ធផលនេះនឹងយកទៅដង្ហែជាក្បួនអាយ៉ងក្រដាសខ្នាតធំដែលមានបញ្ចូលទាំងបច្ចេកទេសសំឡេង ពន្លឺ ព្រមទាំងចលនា ដើម្បីបង្ហាញតាមទីសាធារណៈ នៅថ្ងៃទី២៣ខែកុម្ភៈខាងមុខនេះ។
Tuesday, 19 February 2013
Miranda Glasser
ភ្នំពេញ ប៉ុស្តិ៍
រូបអាយ៉ងសុវណ្ណទេពមច្ឆាធ្វើពីក្រដាសរួចរាល់ហើយ រង់ចាំការបញ្ចូលសំឡេងត្រៀមដង្ហែរនៅថ្ងៃទី២៣ ខែកុម្ភៈ ។ រូបថត សហការី
សិក្ខាសាលានេះបានបញ្ចប់ទៅកាលពីថ្ងៃសុក្រ ហើយកុមារទាំងនោះបានកែច្នៃនូវអាយ៉ងខ្នាតធំធ្វើពីក្រដាសជូតមុខ ដែលមានអំពូលភ្លើងនៅខាងក្នុង ដើម្បីតំណាងឲ្យប្រធានបទកោតសរសើរវប្បធម៌ និងលើកកម្ពស់វត្ថុដែលខិតទៅរកការបាត់បង់។ស្នាដៃធ្វើពីក្រដាសរបស់ក្រុមក្មេងទាំងនោះមាន៨ប្រភេទក្រោមវត្ថុបំណងលើកតម្កើង និងកោតសរសើដល់តម្លៃនៃវប្បធម៌ខ្មែរ។
អាយ៉ងទាំងនោះមានតួអង្គសំខាន់ៗដូចជានាង សុវណ្ណមច្ឆាដែលមានប្រភពមកពីទំនៀមទម្លាប់របស់ជាតិហិណ្ឌូក្នុងរឿងទេវកថានិងតួអង្គយក្សផងដែរ។
ស្នាដៃនិងការរៀបរាប់ដំណើររឿងលម្អិតរបស់ក្រុមក្មេងៗវ័យ៧ឆ្នាំសោះគឺពិតជាបានធ្វើឲ្យមានការភ្ញាក់ផ្អើលយ៉ាងខ្លាំងនូវសមិទ្ធផលរបស់ពួកគេ។
ក្រៅពីអាយ៉ងខ្នាតធំដែលត្រូវបានគេគ្រោងនឹងបង្កប់អំពូលភ្លើង ព្រមទាំងសំឡេងថែមទៀតនោះ ស្នាដៃផ្សេងៗទៀតរួមមានរូបសត្វទីទុយ ត្មាតក្រហម សត្វកង្កែប អណ្តើក ឃ្មុំ បបែល និងសត្វពស់វែក តំណាងឲ្យឆ្នាំម្សាញ់ជាដើម។
លោក ជីហ្គ កូក្រាន ជានាយកនៃការរៀបចំកម្មវិធីសិក្ខាសាលាសិល្បៈនេះ បានឲ្យដឹងថា ស្នាដៃទាំងអស់គឺជាគំនិតរចនារបស់កុមារទាំងនោះ ដោយពួកគេយកលំនាំតាមល្ខោនស្បែក។
លោកបាននិយាយថា៖ «ប្រសិនបើយើងប្របាច់បញ្ចូលស្នាដៃអាយ៉ង ជាមួយនឹងល្ខោនស្បែកខ្មែរនោះ នឹងទទួលបានទម្រង់ល្ខោនថ្មីមួយដែលគួរឲ្យចាប់អារម្មណ៍ជាមិនខាន »។
លោកបន្តថា៖ «រូបអាយ៉ងធំៗរបស់យើងក៏ត្រូវបានរចនាឲ្យមានចលនាដែរ។ ដូចជាភ្នែកនាងសុវណ្ណមច្ឆានឹងបិទបើកៗ ហើយបញ្ចេញពន្លឺប៉ប្រឹម»។
សិក្ខាសាលាបែបនេះត្រូវបានរៀបចំចំនួនបីកន្លែង។ លើកទីមួយនៅឯវត្តដំណាក់ និងពីរលើកទៀតនៅឯមណ្ឌលបណ្តុះបណ្តាលគ្រូភូមិភាគខេត្តបាត់ដំបងដោយមានក្រុមសិស្សមកពីសាលាហ្វារពន្លឺសិល្បៈជាអ្នកធ្វើបទបង្ហាញ ។
លោក ស្ទួត ខុជលីន នាយកគម្រោងនៃកម្មវិធីខាងលើបាននិយាយថា៖ «យើងមានសិស្សបញ្ចប់ការសិក្សាមកពីសាលា Green Gecko ខណៈបច្ចុប្បន្ននេះពួកគេបានធំពេញវ័យទៅហើយ និងកំពុងតែស្ម័គ្រចិត្តធ្វើកិច្ចការនេះយ៉ាងសស្រាក់សស្រាំ។ នេះគឺជាសកម្មភាពមួយដែលយើងចង់បានសម្រាប់គម្រោងសិល្បៈសហគមន៍»៕ PR
Very good idea, that is better than government fully un-educated leaders.
wow! it is fantastice.
តាមពិតអាយ៉ងតំណាងអោយរដ្ឋាភិបាលខ្មែរដែលដឹកនាំដោយ CPPសព្វថ្ងៃនេះឯង ដែលក្រោមការបព្ជាររបស់វៀតណាម និង ចិន។