កម្ពុជា-សង្គម
28/04/2023 – 09:25
ដោយ៖ ញឹម សុផល
RFI
លោក ថាច់ សេដ្ឋា អនុប្រធានគណបក្សភ្លើងទៀន។ © Internet
តុលាការកំពូលនៅថ្ងៃសុក្រនេះ ទំនងបដិសេធសំណើសុំនៅក្រៅឃុំរបស់លោក ថាច់ សេដ្ឋា អនុប្រធានគណបក្សភ្លើងទៀន បើទោះណាជាមានការបង់ប្រាក់តម្កល់ដើម្បីធានាតាមច្បាប់ក៏ដោយ។ បន្ថែមពីនេះ លោក ថាច់ សេដ្ឋា បានរងនូវបទចោទព្រហ្មទណ្ឌចំនួនពីរករណីបន្ថែមទៀត ដែលពាក់ព័ន្ធនឹងការញុះញង់នៅពេលដែលលោកធ្វើដំណើរទៅកាន់ប្រទេសកូរ៉េខាងត្បូងកាលពីខែមករា ឆ្នាំ២០២៣។ នេះបើតាមលោក គីមសួរ ភីរិទ្ធ អ្នកនាំពាក្យគណបក្សភ្លើងទៀន។ តាមលោក គីមសួរ ភីរិទ្ធ ការបន្ថែមបទចោទលើលោក ថាច់ សេដ្ឋា គឺជារឿងនយោបាយ ដែលការណ៍នេះធ្វើឲ្យមានបរិយាកាសមិនល្អមុនការបោះឆ្នោតជាតិនៅខែកក្កដាខាងមុខ។ ទោះយ៉ាងណាសេចក្តីសម្រេចផ្លូវការតុលាការនឹងធ្វើឡើងនៅដើមខែក្រោយ។
សូមស្តាប់លោក គីមសួរ ភីរិទ្ធ៖
សូមរំលឹកថាលោក ថាច់ សេដ្ឋា អនុប្រធានគណបក្សភ្លើងទៀនត្រូវបានកម្លាំងសមត្ថកិច្ចចាប់ខ្លួនកាលពីថ្ងៃទី១៦ ខែមករា ឆ្នាំ២០២៣ ពីបទចេញសែកដោយមិនមានសាច់ប្រាក់។ ការចាប់ខ្លួនលោក ថាច់ សេដ្ឋាធ្វើឡើង១សប្តាហ៍ ក្រោយលោកបំពេញទស្សនកិច្ចនៅប្រទេសកូរ៉េខាងត្បូងកាលពីខែកុម្ភៈកន្លងទៅដែរ សាលាឧទ្ធរណ៍ក៏បានបដិសេធការស្នើនៅក្រៅឃុំរបស់លោក ថាច់ សេដ្ឋា៕