ទីផ្សារនៃការជួលអគារបច្ចុប្បន្នកំពុងមានការចាប់អារម្មណ៍ពីសំណាក់ក្រុមហ៊ុនអាជីវកម្ម អង្គការក្រៅរដ្ឋាភិបាល និងសហគ្រាសផ្សេងៗ នៅទីក្រុងភ្នំពេញ។ តំណាងមកពីម្ចាស់អគារទំនើបយល់ឃើញថា ម្ចាស់ក្រុមហ៊ុនអាជីវកម្ម ឬអង្គការមួយចំនួនយល់ថា ការជួលកន្លែងធ្វើការនៅតាមអគារខ្ពស់ទំនើបៗទាំងនោះ ពួកគាត់ចំណាយថវិកាច្រើន។
Author Archive
កាលពីព្រឹកថ្ងៃសៅរ៍ ទី៤ ខែកុម្ភៈ ឆ្នាំ២០១២ មានប្រជាពលរដ្ឋមួយក្រុមទៀត នៅឃុំប្រស្និប ស្រុករលាប្អៀរ បានមកជួបជាមួយលោក សំ ច័ន្ទគារ ប្រធានសមាគមការពារសិទ្ធិមនុស្ស អាដហុក ប្រចាំខេត្ដកំពង់ឆ្នាំង ដើម្បីសុំការជួយអន្ដរាគមន៍ស្រាវជ្រាវរកកូនរបស់ពួកគាត់ ដែលបាត់ដំណឹង ក្នុងខណៈពេលដែលពួកគេចេញទៅធ្វើការនៅក្រៅប្រទេស។
កាត់សក់ខ្លី ស្រដៀងមនុស្សប្រុស អ៊ិត ស៊ាងណៃ ជាស្ត្រីពលករខ្មែរម្នាក់ ទើបតែវិលត្រលប់មកពីធ្វើការ ជាអ្នកបម្រើតាមផ្ទះក្នុងប្រទេសម៉ាឡេស៊ី។ អ៊ិត ស៊ាងណៃ ទើបតែអាយុ ២០ ឆ្នាំ ប៉ុន្តែក្នុងពេលធ្វើការនៅប្រទេសម៉ាឡេស៊ី ស្ត្រីនៅជនបទ ក្នុងខេត្តរតនគរិនីរូបនេះ បានទទួលរងនូវការធ្វើបាបពីថៅកែម្ចាស់ផ្ទះ នៅប្រទេសម៉ាឡេស៊ី ស្ទើរតែនិយាយលែងចេញ។
គ.ជ.ប. បានពន្យារពេល មិនទាន់ប្រកាសនូវលទ្ធផលបោះឆ្នោតព្រឹទ្ធសភា ជាផ្លូវការ នៅថ្ងៃទី៥ ខែកុម្ភៈ ឆ្នាំ២០១២ ដោយសារតែមានពាក្យបណ្តឹងតវ៉ា។ តាមគម្រោងលទ្ធផលផ្លូវការនោះ នឹងត្រូវចេញយ៉ាងយូរត្រឹមថ្ងៃទី៥ ខែមីនា ឆ្នាំ២០១២។
គ.ជ.ប. គ្រោងនឹងចំណាយចំនួន ១៥ លានដុល្លារ សម្រាប់រៀបចំការបោះឆ្នោតជ្រើសរើសក្រុមប្រឹក្សាឃុំសង្កាត់ នៅថ្ងៃទី៣ ខែមិថុនា ឆ្នាំ២០១២។ ការចំណាយនេះ មិនរាប់បញ្ចូលនូវការចំណាយ សម្រាប់ការចុះឈ្មោះបោះឆ្នោត កាលពីឆ្នាំ២០១១ ដែលមានចំនួន ៣,៥ លានដុល្លារឡើយ។ នេះបើតាមការឲ្យដឹងរបស់លោក ទេព នីថា អគ្គលេខាធិការ គ.ជ.ប.។
ញត្តិរបស់អតីតអ្នកបុរីកីឡា ទាមទារឲ្យដោះលែងអ្នកភូមិ៨នាក់ដែលតុលាការក្រុងភ្នំពេញសម្រេចឲ្យឃុំខ្លួនបណ្ដោះអាសន្ននៅពន្ធនាគារព្រៃស ក្រោយពីការប៉ះទង្គិចដោយហិង្សាក្នុងការបណ្ដេញចេញកាលពីពីដើមខែមករា ត្រូវបានច្រានចោលដោយសាលាឧទ្ធរណ៍កាលពីថ្ងៃម្សិលមិញ។
លោក សុខ រឿន ព្រះរាជអាជ្ញារងអមសាលាដំបូងរាជធានីភ្នំពេញ កាលពីរសៀលថ្ងៃទី៣ ខែកុម្ភៈ ឆ្នាំ២០១២ បានធ្វើលិខិតជម្រាបជូនទៅលោកស្រី មូរ សុខហួរ អ្នកតំណាងរាស្ត្រគណបក្សសមរង្ស៊ី ឱ្យបញ្ជាក់ពីទីលំនៅច្បាស់លាស់ ហើយសូមភ្ជាប់លិខិតនោះមកតុលាការដើម្បីពិនិត្យសម្រេច ដោយយោងតាមមាត្រា ៥៣៧ នៃក្រមនីតិវិធីព្រហ្មទណ្ឌ។
រដ្ឋាភិបាលរបស់ប្រទេសកម្ពុជា កាលពីពេលថ្មីៗនេះបានសម្រេចបង្កើតគណៈកម្មការមួយ ដើម្បីដោះស្រាយករណីដួលសន្លប់របស់កម្មករនៅតាមរោងចក្រ ដែលគេឃើញកើតមានជាញឹកញាប់នាពេលកន្លងមកនេះ។
មន្ត្រីសមាគម និងមន្ត្រីគណបក្សប្រឆាំងបានថ្លែងថា សមត្ថកិច្ចប៉ូលិសអន្តោប្រវេសន៍ខ្មែរប្រចាំនៅចក្រទ្វារអន្តរជាតិប៉ោយប៉ែត ខេត្តបន្ទាយមានជ័យ នៅតែបន្តជំរិតទារលុយពីពលករខ្មែររងគ្រោះ ដែលអាជ្ញាធរថៃ ចាប់បញ្ជូនពីប្រទេសថៃ មកស្រុកខ្មែរវិញរាប់ម៉ឺននាក់ក្នុងមួយឆ្នាំៗ។
ប៉ូលិសខេត្តក្រចេះ និងប៉ូលិសក្រសួងមហាផ្ទៃ បាននាំខ្លួនបុរស ២ នាក់ ពីក្នុងស្នាក់ការក្រុមហ៊ុន ធី ធី វ៉ាយ ស្ថិតនៅផ្លូវត្រសក់ផ្អែម កែងផ្លូវលេខ៣៣៤ សង្កាត់បឹងកេងកង១ ខណ្ឌចំការមន រាជធានីភ្នំពេញ កាលពីវេលាម៉ោងជិត ៩ ព្រឹក ថ្ងៃទី៤ ខែកុម្ភៈ ឆ្នាំ២០១២ ហើយបញ្ជូនទៅកាន់ខេត្តក្រចេះ។
នៅព្រឹកថ្ងៃទី៤ ខែកុម្ភៈ ឆ្នាំ២០១២ ប៉ូលិសព្រហ្មទណ្ឌក្រសួងមហាផ្ទៃ បានដឹកនាំកម្លាំងចុះឆែកឆេរនៅក្នុងទីតាំងក្រុមហ៊ុន ធីធីវ៉ាយ (T.T.Y.) ដែលបានបាញ់ប្រហារទៅលើប្រជាពលរដ្ឋ ៤ នាក់ រងរបួសជាទម្ងន់ ដោយសារកម្លាំងសន្តិសុខការពារក្រុមហ៊ុន ធី ធី វ៉ាយ (T.T.Y) បានប្រើកាំភ្លើង អាកា បាញ់រះ កាលពីវេលាម៉ាង ១០ និង ៣០ នាទីព្រឹក ថ្ងៃទី១៨ ខែមករា ឆ្នាំ២០១២ នៅចំណុចវាលបី ក្នុងស្រុកស្នួល ខេត្តក្រចេះ។
លោក ហ៊ុន សែន បានចោទលោក ប៉ែន សុវណ្ណ អតីតនាយករដ្ឋមន្ត្រីក្នុងពេលវៀតណាម កាន់កាប់កម្ពុជា ក្នុងទសវត្សរ៍ ៨០ ថា ជាមនុស្សជំនិតរបស់ទីក្រុងហាណូយ។
វេទិការមហាជន (People’s Tribunal) នឹងចាប់ផ្តើមនៅថ្ងៃអាទិត្យ ទី៥ ខែកុម្ភៈ ឆ្នាំ២០១២។ វេទិកានេះធ្វើឡើងដើម្បីពិនិត្យអំពីសិទ្ធិជាមូលដ្ឋានរបស់កម្មករ កម្មការិនី ក្នុងវិស័យកាត់ដេរនៅកម្ពុជា ដោយផ្តោតសំខាន់លើប្រាក់ខែគោល និងលក្ខខណ្ឌការងារសមស្រប។
នៅថ្ងៃទី៥-៦ ខែកុម្ភៈ ឆ្នាំ២០១២ខាងមុខនេះ ដើម្បីអំពាវនាវសុំប្រាក់ឈ្នួលទ្រទ្រង់ជីវិត សម្ព័ន្ធប្រាក់ឈ្នួលអប្បបរមាអាស៊ី និងប្រាក់ឈ្នួលអប្បបរមាកម្ពុជា ដែលជាសម្ព័ន្ធសហជីពចំនួនប្រាំបួន និងអង្គការមិនមែនរដ្ឋាភិបាលនានានៅកម្ពុជា នឹងបើកវេទិការលើកទីមួយដែលមិនធ្លាប់មាន តាមរយៈ វេទិការកម្មករស្ដីពីប្រាក់ឈ្នួលអប្បបរមាដើម្បីទ្រទ្រង់ជីវិត និងលក្ខខណ្ឌការងារសមរម្យ សម្រាប់កម្មកររោងចក្រកាត់ដេរ។
លោកអ្នកដែលចូលចិត្តប្រើប្រាស់សេវាសង្គម Facebook ឥឡូវនេះពិតជាមានភាពងាយស្រួលជាងមុន ព្រោះទំព័រ Facebook ត្រូវបានគេបកប្រែជាភាសាខ្មែរហើយ។
មន្ត្រីជាន់ខ្ពស់ នៃរដ្ឋាភិបាលអាមេរិក បានសន្យាផ្ទាល់មាត់ថា នឹងផ្ដល់ថវិកាសម្រាប់សាលាក្ដីខ្មែរក្រហមបន្ថែមទៀត បន្ទាប់ពីសាលាក្ដីខ្មែរក្រហម ភាគីកម្ពុជា អត់ថវិកាសម្រាប់បើកប្រាក់ខែមន្ត្រី និងបុគ្គលិក។
ប្រជាជនជប៉ុន បានផ្តល់ជំនួយជាទឹកប្រាក់ជាង ១០ ម៉ឺនដុល្លារអាមេរិច សម្រាប់ធ្វើកំពង់ផែ នៅអន្លង់មរកត ឃុំអូរស្វាយ ស្រុកថាឡាបរិវ៉ាត់ ខេត្តស្ទឹងត្រែង។ កំពង់ផែទេសចរន៍នោះ ត្រូវបានបើកសម្ពោធជាផ្លូវការ កាលពីថ្ងៃទី១ ខែកុម្ភៈ ឆ្នាំ២០១២។
ប៉ុន្មាននាទី ក្រោយពីអង្គជំនុំជម្រះតុលាការកំពូល របស់អង្គជំនុំជម្រះវិសាមញ្ញក្នុងតុលាការកម្ពុជា ឬតុលាការខ្មែរក្រហម បានប្រកាសសាលដីកាស្ថាពរ បិទផ្លូវតវ៉ា លើសំណុំរឿង០០១ ប្រឆាំង លោក កាំង ហ្កេកអ៊ាវ ហៅ ឌុច នៅថ្ងៃទី៣កុម្ភៈនេះ សហប្រធាននៃក្រុមមិត្តរបស់អង្គជំនុំជម្រះវិសាមញ្ញក្នុងតុលាការកម្ពុជា បានចេញសេចក្តីថ្លែងការណ៍មួយ ដោយសម្តែងការសាទរចំពោះការបិទបញ្ចប់សំណុំរឿង០០១។
ក្នុងកិច្ចប្រជុំជាមួយលោក Kurt M. Campbell ឧបការីរដ្ឋមន្ត្រីក្រសួងការបរទេស សហរដ្ឋអាមេរិក នៅរសៀលថ្ងៃទី៣ ខែកុម្ភៈ ឆ្នាំ២០១២ លោក ហោ ណាំហុង ឧបនាយករដ្ឋមន្ត្រី រដ្ឋមន្ត្រីក្រសួងការបរទេស បានស្នើឲ្យអាមេរិកគាំទ្របេក្ខភាពកម្ពុជា ជាសមាជិកមិនអចិន្ត្រៃយ៍ក្រុមប្រឹក្សាសន្តិសុខ នៃអង្គការសហប្រជាជាតិ សម្រាប់ឆ្នាំ២០១៣ ដល់ឆ្នាំ២០១៤។
សហរដ្ឋអាមេរិក កំពុងតែពិចារណាយ៉ាងយកចិត្តទុកដាក់លើសំណើរបស់កម្ពុជា ដែលសុំឲ្យគាំទ្របេក្ខភាពរបស់កម្ពុជា ដើម្បីក្លាយជាសមាជិកមិនអចិន្ត្រៃយ៍របស់ក្រុមប្រឹក្សាសន្តិសុខអង្គការសហប្រជាជាតិ (អ.ស.ប.) នៅពេលខាងមុខនេះ។
មតិអ្នកអាន