ពលការិនីម្នាក់ក្នុងចំណោមពលការិនីខ្មែរ ១២ នាក់ មានទារកម្នាក់ ដែលទើបនឹងមានអាយុជិត ១ ខែ ត្រូវបានស្ថានទូតកម្ពុជា ប្រចាំនៅប្រទេសម៉ាឡេស៊ី សហការជាមួយអង្គការទេសន្តប្រវេសន៍អន្តរជាតិ(IOM) រួមជាមួយនឹងរាជរដ្ឋាភិបាលកម្ពុជា និងរដ្ឋាភិបាលម៉ាឡេស៊ី ចាត់បញ្ចូនពលករខ្មែរទាំងនោះ មកកាន់ប្រទេសកម្ពុជាវិញ កាលពីព្រឹកថ្ងៃទី២ ខែកុម្ភៈ ឆ្នាំ២០១២។
Author Archive
កាលពីវេលាម៉ោង ១០ និង ៤០ នាទីព្រឹកថ្ងៃទី២ ខែកុម្ភៈ ឆ្នាំ២០១២ ពលការិនីចំនួន ១២ នាក់ ត្រូវបានគេបញ្ជូនពីប្រទេសម៉ាឡេស៊ី មកដល់ព្រលានយន្តហោះភ្នំពេញវិញហើយ។ ការវិលត្រលប់នោះ បន្ទាប់ពីមានការ ជួយជ្រំជ្រែង ពីក្រសួងការបរទេសកម្ពុជា អង្គការ IOM និងស្ថានទូតកម្ពុជា ប្រចាំនៅប្រទេសម៉ាឡេស៊ី។
កម្មករ-កម្មការិនី រោងចក្រកាត់ដេរ យីហោ ជិនអ៊ីម៉ូវ បាននាំគ្នាធ្វើកូដកម្ម ក្រោយពីភាគីរោងចក្របានបញ្ឈប់តំណាងសហជីពរបស់ពួកគេ ចំនួនពីររូប កាលពីវេលាម៉ោង ២ និង ៣០នាទី រសៀលថ្ងៃទី១ ខែកុម្ភៈ ឆ្នាំ២០១២។
ក្រោយពីបើកសវនាការរយៈពេលពេញមួយព្រឹក នៅថ្ងៃទី២ ខែកុម្ភៈ ឆ្នាំ២០១២ តុលាការសាលាដំបូងរាជធានីភ្នំពេញ បានសម្រេចថា សាលក្រមលើសំណុំរឿងរបស់លោក ឈឿន ចាន់ថន អតីតឧត្តមសេនីយផ្កាយបីយោធា និងជាអតីតមេកងអង្គរក្សសម្តេចជាស៊ីម ប្រធានព្រឹទ្ធសភា និងជាប្រធានគណបក្សប្រជាជនកម្ពុជា នឹងត្រូវប្រកាសនៅថ្ងៃទី១៦ ខែកុម្ភៈ ឆ្នាំ២០១២។
នៅព្រឹកថ្ងៃទី២ ខែកុម្ភៈ ឆ្នាំ២០១២ តុលាការរាជធានីភ្នំពេញ បានបើកសវនាការជំនុំជម្រះ ក្នុងសំណុំរឿងរបស់លោក ឈឿន ចាន់ថន អតីតឧត្តមសេនីយ៍ ផ្កាយបីយោធា និងជាអតីតមេអង្គរក្សសម្តេចប្រធានព្រឹទ្ធសភា។
លោកចៅក្រម តែ សំអាង ចៅក្រមជំនុំជម្រះតុលាការសាលាដំបូងរាជធានីភ្នំពេញ នៅព្រឹកថ្ងៃទី២ ខែកុម្ភៈ ឆ្នាំ២០១២ បានប្រកាសសាលក្រម ដោយសម្រេចឲ្យលោក ណាន់ ស៊ី អតីតឯកអគ្គរាជទូតកម្ពុជា ប្រចាំប្រទេសព្រុយណេ សងលុយចំនួន ៣៣២.០០០ ដុល្លារ និងប្រាក់សងជំងឺចិត្ត ចំនួន ១៥០ លានរៀល ទៅកាន់ក្រសួងការបរទេស។
គ្រូពេទ្យនៅខេត្តសៀមរាប ថ្មីៗនេះបានឱ្យដឹងថា មនុស្ស ២នាក់ ស្លាប់ដោយសារការពុលស្រាធ្ងន់ធ្ងរ និងមនុស្សម្នាក់ទៀតពុលតិចតួច ត្រូវបានបញ្ជូនទៅសង្គ្រោះនៅឯមន្ទីរពេទ្យក្រុងភ្នំពេញ កាលពីយប់ថ្ងៃទី៣១ ខែមករា ឆ្នាំ២០១២។
បច្ចុប្បន្ន អ្នកសិល្បៈ រាប់ទាំងអ្នកសម្តែង ទាំងអ្នកចម្រៀង និយមចូលចិត្តស្រដៀងៗគ្នា ងាកមកប្រើប្រាស់សម្លៀកបំពាក់ពណ៌ខ្មៅ ទៅចូលរួមគ្រប់កម្មវិធី ។ ការប្រើប្រាស់ពណ៌ខ្មៅ ព្រោះគេគិតថា ពណ៌ខ្មៅជាពណ៌ដែលអាចឆ្លុះសាច់ ឲ្យមើលទៅឃើញសជាងមុន ពិសេសពណ៌ខ្មៅ មិនអាចមើលឃើញពីការឡើងទម្ងន់ ។
លោក សុខ រឿន ព្រះរាជអាជ្ញារង អមយ្យការសាលាដំបូងរាជធានីភ្នំពេញ នៅថ្ងៃទី១ ខែកុម្ភៈ ឆ្នាំ២០១២ បានបញ្ជាក់តាមទូរស័ព្ទថា តុលាការមិនទាន់ចាត់វិធានការបែបណា ចំពោះការស្នើសុំនីតិសម្បទារបស់លោកស្រី មូរ សុខហួរ ដើម្បីទទួលបានអភ័យឯកសិទ្ធិសភា ជាអ្នកតំណាងរាស្ត្រស្របច្បាប់ឡើងវិញនោះឡើយ។
គណបក្សសិទ្ធិមនុស្សបានធ្វើការអំពាវនាវឲ្យអាជ្ញាធរគ្រប់ជាន់ថ្នាក់ របស់ប្រទេសកម្ពុជាមានសម្បជញ្ញៈចាត់វិធានការ ចាប់ខ្លួនភ្លាមៗចំពោះជនដៃដល់ដែលបានធ្វើការវាយប្រហារពលរដ្ឋក្នុងទំនាស់ដីធ្លី ដោយពុំចាំបាច់រង់ចាំបញ្ជាពីនាយករដ្ឋមន្ត្រី។
គណបក្សសិទ្ធិមនុស្ស នៅថ្ងៃទី១ ខែកុម្ភៈ ឆ្នាំ២០១២ បានចេញនូវសេចក្ដីអំពាវនាវចំពោះសមត្ថកិច្ច រាជរដ្ឋាភិបាល និងតុលាការ សូមនាំខ្លួន និងផ្ដន្ទាទោសជនដៃដល់ ម្ចាស់ក្រុមហ៊ុន និងអ្នកបញ្ជាឲ្យបាញ់ប្រហារទៅលើប្រជាពលរដ្ឋ ដែលតវ៉ាអំពីបញ្ហាដីធ្លីឲ្យបានគ្រប់ករណី ឲ្យទាន់ពេលវេលា និងឲ្យមានប្រសិទ្ធភាពទៅតាមនីតិវិធីនៃច្បាប់ ដោយមិនត្រូវរង់ចាំតែមានបញ្ជាពីនាយករដ្ឋមន្ត្រីនោះទេ។
សម្តេចនាយករដ្ឋមន្ត្រី ហ៊ុន សែន បានព្យាយាមលួងចិត្តម្ចាស់ដី នៅខេត្តក្រចេះ កាលពីថ្ងៃអង្គារ ទី៣១ ខែមករា ឆ្នាំ២០១២ តាមរយៈការដាក់ចេញនូវបទបញ្ជាផ្ទាល់មាត់ ដើម្បីចាប់ខ្លួនជនប្រព្រឹត្តអំពើបាញ់ប្រហារឲ្យរបួសប្រជាពលរដ្ឋ ៤នាក់ ក្នុងជម្លោះដីធ្លីយកមកផ្តន្ទាទោស។ ក៏ប៉ុន្តែ មួយថ្ងៃក្រោយមក គឺនៅព្រឹកថ្ងៃទី១ ខែកុម្ភៈ ឆ្នាំ២០១២ អាជ្ញាធរចម្រុះរាជធានីភ្នំពេញ បានប្រើហិង្សា បង្ក្រាបការតវ៉ារបស់ប្រជាពលរដ្ឋបុរីកីឡា ក្នុងបញ្ហាជម្លោះដីធ្លី។
សាក្សីឃើញផ្ទាល់ភ្នែកនិងមន្ត្រីឃ្លាំមើលសិទ្ធិមនុស្សបាននិយាយនៅថ្ងៃពុធនេះថា យ៉ាងតិចមានប្រជាពលរដ្ឋអតីតតំបន់បុរីកីឡា និងតំបន់បឹងកក់ចំនួនប្រាំមួយនាក់ត្រូវបានសន្តិសុខសាលាខណ្ឌដូនពេញ និងមន្ត្រីប៉ូលិសបានចាប់ខ្លួនភ្លាមៗ រួចហើយបានយកទៅឃុំឃាំងនៅស្នងការប៉ូលិសក្រុងភ្នំពេញ បន្ទាប់ពីប្រជាពលរដ្ឋប្រមាណជាង១០០នាក់ បានប្រមូលផ្តុំគ្នាតវ៉ាដោយសន្តិវិធីនៅពីមុខសាលាក្រុងភ្នំពេញ។
ក្រុមពលរដ្ឋបុរីកីឡា បានតវ៉ាចំពោះការបាត់បង់ផ្ទះសម្បែង ដោយសារតែក្រុមហ៊ុន ផាន អ៊ីម៉ិច បានឈូសឆាយផ្ទះសម្បែងរបស់ពួកគាត់ ( បុរីកីឡា ) ។ ក៏ប៉ុន្តែការប្រមូលតវ៉ានោះ ត្រូវបានសមត្ថកិច្ចចម្រុះរាជធានីភ្នំពេញ វាយបំបែក និងចាប់ខ្លួនពលរដ្ឋ ៦ នាក់ ដាក់ឡានឃ្លុបរបស់ប៉ូលិស។ រីឯស្ត្រីអ្នកតវ៉ា ២ នាក់ បានដួលសន្លប់នៅនឹងកន្លែង។
សមត្ថកិច្ចក្រុងភ្នំពេញ និងប្រជាពលរដ្ឋតំបន់បុរីកីឡា បានផ្ទុះអំពើហិង្សាដាក់គ្នានៅមុខសាលាក្រុងភ្នំពេញ ក្នុងពេលដែលអ្នកភូមិបុរីកីឡាប្រហែល ៥០នាក់ ធ្វើបាតុកម្មដើម្បីទាមទារឲ្យអភិបាលសាលារាជធានីភ្នំពេញ អន្តរាគមន៍ទៅក្រុមហ៊ុនផានអ៊ីម៉ិច ឲ្យសងការខូចខាតពីការបណ្ដេញពួកគាត់ចេញពីលំនៅ។
អំពើហិង្សាកើតឡើងជាថ្មី ក្នុងរឿងជម្លោះដីធ្លីនៅបុរីកីឡានិងបឹងកក់ ប្រជាពលរដ្ឋនៅសហគមន៍បុរីកីឡានិងអតីតអ្នករស់នៅតំបន់បឹងកក់ប្រមាណ ២០០នាក់ បានប្រមូលផ្តុំតវ៉ាជាថ្មីនៅមុខសាលារាជធានីភ្នំពេញកាលពីព្រឹកថ្ងៃពុធទី១កុម្ភៈនេះ។ ក៏ប៉ុន្តែការប្រមូលតវ៉ានៅព្រឹកមិញ បានក្លាយជាអំពើហិង្សា ដោយសមត្ថកិច្ចចម្រុះ វាយបំបែកហ្វូងអ្នកតវ៉ា។ ស្ត្រីអ្នកតវ៉ា ៦ នាក់ ត្រូវប៉ូលិសចាប់ឃុំខ្លួន។ រីឯស្ត្រី ២ នាក់ បានដួលសន្លប់។
យ៉ាងហោចណាស់មានស្ត្រីអ្នកភូមិបុរីកីឡា២នាក់សន្លប់ និង ៥នាក់ទៀតក្នុងចំណោមជាង២រយនាក់ត្រូវបានចាប់ខ្លួន អំឡុងការប៉ះទង្គិចគ្នាយ៉ាងស្រួចស្រាវជាមួយកម្លាំងអាជ្ញាកាលពីព្រឹកមិញ ។
នៅម៉ោង ១០ និង ៣០នាទី ព្រឹកថ្ងៃទី១ ខែកុម្ភៈ ឆ្នាំ២០១២នេះ មានអំពើហិង្សាយ៉ាងក្ដៅគគុក រវាងក្រុមប្រជាពលរដ្ឋបុរីកីឡា ដែលមានស្ដ្រីផ្ទុកមេរោគអេដស៍មួយចំនួនផងនោះ បានដោះអាវតវ៉ា ព្រមជាមួយនឹងការលើករូបសម្ដេច ហ៊ុន សែន និងលោកជំទាវ។ ក្រុមពលរដ្ឋបានប៉ះទង្គិចជាមួយកម្លាំងសណ្តាប់ធ្នាប់ខណ្ឌដូនពេញ និងកម្លាំងបង្ក្រាបបាតុកម្ម នៃអគ្គស្នងការដ្ឋាននគរបាលជាតិ។
នៅវេលាម៉ោង ៩ និង ៥០នាទី ថ្ងៃទី១ ខែកុម្ភៈ ឆ្នាំ២០១២ ក្រុមប្រជាពលរដ្ឋបុរីកីឡា បានស្រែកតវ៉ានៅមុខសាលាក្រុង បន្ទាប់មកបានលើកស្លាកបដារូបភាពក្រុមហ៊ុន ផានអ៊ីម៉ិច បំផ្លាញផ្ទះប្រជាពលរដ្ឋ និងរូបថតផ្សេងៗទៀត កាលពីថ្ងៃទី៣ ខែមករា ឆ្នាំ២០១២ កន្លងមក ។
អាជ្ញាធរខេត្តកំពង់ចាម គ្រោងនឹងសាងសង់ស្ពានបេតុង រនូតអ៊ី ឬភាសាបច្ចេកទេសហៅ បេតុងប៉ុងម៉ិច ប្រវែង ៧៧៩ ម៉ែត្រ ជំនួសស្ពានកោះប៉ែន ដែលសព្វថ្ងៃធ្វើពីបន្តឹសឫស្សី។ ស្ពានបេតុងនោះ គ្រោងនឹងចំណាយទឹកប្រាក់ជាង ៧ លានដុល្លារសហរដ្ឋអាមេរិក ហើយរយៈពេលសាងសង់ចំនួន បី ឆ្នាំ តែមិនដឹងចាប់ផ្តើមនៅពេលណាឡើយ។
មតិអ្នកអាន