រថយន្ត អង្គរ

រំលេចដោយ ពន្លឺផ្លេកៗ ដែលចាំងចេញ ពីពណ៌ប្រាំពីរ យ៉ាងលាយចូលគ្នា និងរាងតូចច្រឡឹង បានធ្វើឱ្យរថយន្ត មួយគ្រឿងហាក់បី ដូចជាខុសប្លែក ចម្លែកពីរថយន្តដទៃទៀត ។ រថយន្តដ៏ប្រណីត មួយនេះមានឈ្មោះថា អង្គរ ដែលជា រថយន្ត បង្កើតដោយ ស្នាដៃកូនខ្មែរពិតៗ ដំបូងបំផុត ដើរដោយប្រព័ន្ធ បញ្ជាពិសេស ដែលគេហៅថា Telepathically ។

ជាមួយនឹងទឹកមុខ រីករាយលោកពូ ញាន ផល្លឹក ដែលជាវិស្វករ បង្កើតរថយន្តអង្គរ មានប្រសាសន៍ប្រាប់ អ្នកយកព័ត៌មានយើងថា “អង្គរមាន ចំណុចជាច្រើន ខុសប្លែកពីរថយន្ត ធម្មតាផ្សេងៗទៀត ហើយអ្វីដែលពិសេសនោះ គឺ អង្គរ អាច មានសមត្ថភាព ដោយ Telepathically” ។

លោក ញាន ផល្លឹក ជាវិស្វករបង្កើតរថយន្ត អង្គរ

លោកពូបន្តថា “ដោយសារតែអង្គរ មានសមត្ថភាពទំនាក់ទំនង ពិសេសបែបនេះ ខ្ញុំគ្រាន់តែចង្អុលដៃ ទ្វាររថយន្ត និងបើកដោយឯងៗ ដោយមិនចាំបាច់ ចាក់សោរ” ។

“ចំពោះកូនសោរវិញ ខ្ញុំបានធ្វើឡើងមានរាងជាប្រាសាទអង្គរវត្ត ហើយពុំមាននរណាម្នាក់អាចបើកបរ ឬ បញ្ជា រថយន្តនេះឡើយ បើទោះបីជាមានកូនសោក៏ដោយក្នុងករណីពុំមានការអនុញ្ញាតពីខ្ញុំ” ។

លោកពូបានបន្តថា ក្នុងករណីដែលមាននរណាម្នាក់ចង់លួច ឬ បើករថយន្តនេះដោយមិនមានការអនុញ្ញាត រថយន្តអង្គរនឹងចេញ សំឡេងព្រមានជាបន្តបន្ទាប់ដូចជាការបញ្ចោញសំឡេងប្រាប់ថាការបើកបររបស់លោកអ្នកពុំត្រឹមត្រូវ ទេ សូម ព្យាយាមម្តងទៀត ។

មួយវិញទៀតអ្វីដែលធ្វើឱ្យគ្រប់បណ្តាអ្នកទស្សនាមានអារម្មណ៍មិននឹកស្មានដល់នោះគឺអង្គរ និង បញ្ចោញសំឡេង បញ្ជាក់ប្រាប់ អ្នកកំពុងបើកបរជានិច្ចនៅពេលអ្នកដែលនៅក្នុងរថយន្តអង្គុយខ្លាំងៗទៅលើវា ឬ ក៏នៅពេល អ្នកបើកបរបាន បើករថយន្តរងការប៉ះទង្គិចខ្លាំងៗ ។

អាស្រ័យដោយសមត្ថភាពនៃការបង្កើតរថយន្តអង្គរនេះបានធ្វើឱ្យលោកពូ ផល្លឹក ដែលជាវិស្វករខ្មែរមួយរូបនេះ ត្រូវពិភពលោក មានការចាប់អារម្មណ៍យ៉ាងខ្លាំង ជាក់ស្តែងមានបណ្តាញស្ថានីយទូរទស្សន៍ទាំងក្នុងស្រុក ក៏ដូចជាក្រៅ ស្រុក ល្បីៗលើពិភពលោកដូចជា ជណណ្ប ពពជ។។។ បានមកធ្វើការសម្ភាសលោកពូទៀតផង ។

នៅពេលសួរដល់ថាតើមានអ្វីពិសេសទៀតក្រៅពីសមត្ថភាពអាចទាក់ទងដោយ Telepathically នោះលោកពូ បានញញឹមបន្តិច ហើយប្រាប់ថា “ដោយសារតែខ្ញុំចង់បង្កើតអ្វីដែលប្លែកៗនោះ ខ្ញុំបានរចនារថយន្តអង្គរនេះឡើយ ដោយបំពាក់ គ្រឿងបរិក្ខារ មួយចំនួនដែលកើតចេញពីគំនិតច្នៃប្រឌិតផ្ទាល់ខ្លួនរបស់ខ្ញុំ” ។

ទាក់ទងនឹងប្រវត្តិនៃការបង្កើតរថយន្តអង្គរនេះឡើងលោកពូ ផល្លឹក បានប្រាប់អ្នកយកព័ត៌មានដោយទឹកមុខ សញ្ជឹងគិតបន្តិចថា ដំបូងឡើយវាគ្រាន់តែជារូបគំនូរដែលគួរដោយកូនរបស់លោកពូ ប៉ុណ្ណោះតែដោយសារភាពជាអ្នក ចង់ចេះចង់ ដឹងបានធ្វើឱ្យលោកពូសម្រេចចិត្តចាប់ផ្តើមសាងរថយន្តនេះឡើង ។

“វាពិតជាមានការ លំបាកណាស់ មុនពេលដែលខ្ញុំ អាចសម្រេចបាន រថយន្តអង្គរ នេះឡើង” លោកពូបញ្ជាក់ថា ដោយសារតែ រថយន្តនេះត្រូវបាន បង្កើតឡើងចំណាយ រយៈពេលយូរ ប្រមាណជា ២២ ខែ សម្រាប់រថយន្តមួយគ្រឿង ហើយ រាល់បច្ចេកទេស ផ្សេងៗសុទ្ធសឹងតែកើតចេញពីគំនិតច្នៃប្រឌិតផ្ទាល់ខ្លួន ហើយបញ្ហាដែលសំខាន់នោះគឺយើងពុំ មានគ្រឿងបន្លាស់គ្រប់គ្រាន់ដូច្នោះហើយ ចំពោះម៉ាស៊ីនរថយន្ត និង ឧបករណ៍អេឡិចត្រូនិកមួយចំនួនប៉ុណ្ណោះដែល យើងត្រូវនាំ ចូលពីខាងក្រៅ ។

ទាក់ទងនឹងសំណួរថា តើលោកពូ និង មានគម្រោងអ្វីខ្លះ សម្រាប់អនាគតនោះ លោកពូ ញាន ផល្លឹក បន្តប្រាប់ថា “ឥឡូវនេះខ្ញុំពុំទាន់ មានគម្រោងអ្វី នៅឡើយទេ ប៉ុន្តែនៅពេលខាងមុខ ខ្ញុំនឹងមាន” ៕

ស៊ុយ ហាមខេមរា

លោករដ្ឋមន្រ្តីអប់រំ អ៊ឹម សិទ្ធី និងលោកស្រីទូតអាមេរិកក្នុងពីធី

ភ្នំពេញ: ស្ថានទូត​អាមេរិក​ប្រចាំ​កម្ពុជា​កាលពី​ថ្ងៃ​ទី​១២​ខែ​មីនា​បាន​ប្រកាស​ឲ្យដឹង​ថា​កាលពី​ថ្ងៃ​ទី​១១​ខែ​មីនា​សហរដ្ឋអាមេរិក​បាន​សម្ពោធ​ជា​ផ្លូវការ​គម្រោង​អប់រំ​នៅ​កម្ពុជា ដែល​មាន​រយៈ ពេល ៥​ឆ្នាំ និង​មាន​ថវិកា​សរុប ១០​លាន​ដុល្លារ​សហរដ្ឋអាមេរិក​។​គំរោង​នេះ​ត្រូវ បាន​បង្កើតឡើង ដើម្បី​ធ្វើឱ្យ​កាន់តែ ប្រសើរឡើង​នូវ​គុណភាព និង​ប្រយជ​ន៍​នៃ​ការអប់រំ​ជា​មូលដ្ឋាន និង​បង្កើន​លទ្ធភាព​ចូលរៀន​សំរាប់​កុមារ​ទាំង​អស់ ជាពិសេស​ក្រុម​កុមារ​ដែល​គ្រួសារ​ខ្វះ​លទ្ធភាព ដូចជា​ក្រុម​ជនជាតិភាគតិច កុមារី និង​អ្នកក្រីក្រ​ខ្លាំង​ជា​ដើម​។​

​ ​សេចក្តីប្រកាស​ដដែល​បាន​និយាយ​ថា​គម្រោង​កែ​លំអ​វិស័យ​អប់រំ​មូលដ្ឋាន​នៅក្នុង​ប្រទេស​កម្ពុជា​នេះ​ត្រូវបាន​សង្ឃឹមថា​នឹង អាច​ជួយ​ដល់​សិស្ស​ចំនួន ១២០.០០០ នាក់​នៅ​ថ្នាក់​បឋម​សិក្សា និង​មធ្យមសិក្សា​បឋមភូមិ នៅក្នុង​ខេត្ដ​កំពង់ចាម ក្រចេះ​និង​ខេត្ត​សៀម រាប​។​គម្រោង​នេះ​នឹង​ធ្វើការ​យ៉ាង​ជិត​សិទ្ធ​ជាមួយ​ក្រសួង​អប់រំ​យុវជន​និង​កីឡា ហើយ​នឹង​ត្រូវ​បាន​អនុវត្ដ​ដោយ​អង្គការ​អប់រំ​ពិភពលោក ។
​ក្នុង​ពិធី​សម្ពោធ​គំរោង​កាលពី​រាត្រី​ម្សិលមិញ​នៅ​និវេសដ្ឋាន​របស់​ឯក​អគ្គរដ្ឋទូត​សហរដ្ឋ​អាមេរិក​ប្រចាំ​នៅ​កម្ពុជា​លោកស្រី​ឯកអគ្គរដ្ឋទូត​សហរដ្ឋអាមេរិក​CarolA.Rodley​រួម​និង​លោក​អ៊ឹម​សិទ្ធី​រដ្ឋមន្ដ្រីក្រសួង​អប់រំ​យុវជន​និង​កីឡា​បានថែ្លង​សសើរ​ពី​សក្ដានុពលរ​បស់​គំរោង​ថ្មី​នេះ​។

​ ​សេចក្តីប្រកាស​បាន​ដកស្រង់​សំដី​របស់​លោកស្រី​ឯកអគ្គរដ្ឋទូត Rodley ដែល​បាន​និយាយ​នៅក្នុង​ពិធី​នោះ​ថា​“​គម្រោង​នេះ នឹង​ផ្ដល់​ដល់​សិស្សា​នុ​- សិស្ស កម្ពុជា​នូវ​ឱកាស​ដែល​ពួកគេ​ត្រូវការ​ដើម្បី​សំរេច​សក្តានុពល​ពេញលេញ​របស់​ពួកគេ​។ សហរដ្ឋ អាមេរិក សង្ឃឹម ថា​នឹង​ធ្វើ​ការងារ​ជាមួយ​ដៃគូ​អប់រំ​ទាំងអស់ ក្នុង​រយៈពេល​៥​ឆ្នាំ​ខាង មុខនេះ​” ។​

​ ​គំរោង​នេះ​នឹង​បន្ត​ពង្រឹង​បន្ថែម​លើ​បណ្តា​កម្មវិធី​អប់រំ​កន្លងមក​របស់​សហរដ្ឋអាមេរិក នៅក្នុង​ប្រទេស​កម្ពុជា​ដោយ​ទន្ទឹម​នឹង នោះ​នឹង​ពង្រីក​ទំហំ​គំរោង​របស់​ខ្លួន អោយបាន​កាន់តែ​ច្រើន​ថែមទៀត​ដល់​តំបន់​ថ្មីៗ​និង​បង្កើន​សិស្ស​ថ្មីៗ​រាប់ពាន់នាក់​ផ្សេង​ទៀត​ផង​ដែរ​។ នៅ​ក្រោម​កម្មវិធី​កន្លងមក អត្រា​សិស្ស​ចុះឈ្មោះ​ចូល​រៀន​នៅតាម​តំបន់​គោល ដៅ​មាន កំណើន​១៣% នៅ​តាម​សាលា​បឋមសិក្សា ៩% នៅ​តាម​សាលា​មធ្យមសិក្សា​។ ដោយឡែក​សាលា​ដែល​ទ្រទ្រង់​ដោយ សហរដ្ឋ​អាមេរិក​ចំនួន​៧៦% មាន​ការថយចុះ​អត្រា​សិស្ស​បោះបង់ ចោល​ការសិក្សា និង​សាលា​ចំនួន​៧២%​មាន​ការថយចុះ​សិស្ស​រៀន​ត្រួតថ្នាក់​។​សកម្មភាព​ដែល​នឹង​ត្រូវ​អនុវត្ដ​ក្រោម​គម្រោង​ថ្មី​នេះ​រួមមាន ការបង្កើត​និង​ការសាកល្បង​កម្មវិធីសិក្សា​បំណិន​ជីវិត​សំរាប់​ថ្នាក់​មធ្យមសិក្សា​បឋមភូមិ​ដែល​បង្រៀន​សិស្ស​នូវ​ជំនាញ​ទាក់ទង​ទៅ​នឹង​ជីវិត​រស់នៅ​របស់​ពួកគេ​នៅ​តាម​ជនបទ​ដូចជា​ការដាំដុះ​និង​ការចាប់ផ្ដើម​មុខរបរ​ក៏​ដូចជា​ការបង្កើត​បន្ថែ​ម​នូវ​មណ្ឌល​កុំព្យូទ័រ​ប្រើ​ថាម ពល​ពន្លឺព្រះអាទិត្យ​ដែល​ដើរ​ដោយ​ប្រព័ន្ធ​សូ​ឡា ដើម្បី​ធ្វើឱ្យ​សិស្ស​នៅ​តាម​ទី​ជនបទ​មាន​លទ្ធភាព​ប្រើប្រាស់​បច្ចេកទេស​កុំព្យូទ័រ​ផង ដែរ​។

អ្នក ប្រដាល់ ឃឹម ពេជ្រ វត្ថា

ភ្នំពេញ: លើ​សង្វៀន TV3 ថ្ងៃទី ១៣ មីនា​ខាងមុខ​នេះ ឃឹម ពេជ្រ​វុត្ថា ក្លឹប​នាគ​រាជ្យ ប្រកាស​វ៉ៃ​សងសឹក​ជាមួយ កប់ សុវណ្ណ ក្លឹប​តាខ្មៅ​មាន​រិទ្ធ ខេត្ត​កណ្តាល ។​

អ្នក ប្រដាល់ កប់ សុវណ្ណ

​កាលពី​ថ្ងៃ​ទី ២៧ កុម្ភៈ​កន្លង​មក អ្នក​ប្រដា​ល់ទាំង ២ រូបនេះ ធ្លាប់​ប្រកួត​ជាគា្ន​ម្តង​ហើយ ដោយ សុវណ្ណ ឈ្នះ​ពិន្ទុ វុត្ថា ។ ជាមួយ​នឹង​ជ័យជំនះ​នេះ សុវណ្ណ បាន​ធ្វើឲ្យ វុត្ថា មាន​ឈាម​ហូរ​លើ​ចិញ្ចើញ​ឆ្វេង នៅ​ទឹក​ទី ៣ ទៀតផង ។​

​ឡើង​សងសឹក​លើក​នេះ មិនដឹង​ជា​ឃឹម ពេជ្រ​វុត្ថា ធ្វើ​បាន​សំរេច ឫ​ក៏​បន្ថែម​ស្ថិតិ​ចាញ់​ទៀត​នោះទេ ។ វ៉ោ​យ សុធន ក្លឹប​រាជសីហ៍ ខេត្ត​បន្ទាយមានជ័យ និង​អ៊ឹម ដា​រា ក្លឹប​ក្រសួងការពារជាតិ​ណាត់គ្នា​ជម្រះបញ្ជី​ទៀតហើយ ។​

​អ្នក​ប្រដាល់​ទាំង ២ រូបនេះ ធ្លាប់​ជួប​ប្រកួត​គ្នា​ជាច្រើន​លើក​មក​ហើយ ដោយ​មាន​ឈ្នះ មាន​ចាញ់​ទៅវិញទៅមក ។ ពួកគេ​ប្រកួត​គ្នា​ចុងក្រោយ នៅ​ថ្ងៃ​ទី ២៦ កុម្ភៈ ហើយ សុធន ឈ្នះ​ពិន្ទុ ដា​រា ទាំង​លំបាក ។​

​ពួកគេ​សុទ្ធតែ​មាន​ឱកាស ដើម្បី​កសាង​ជ័យជំនះ​ដូចគ្នា ហើយ​ការប្រកួត​កន្លងមក​ពួកគេ​ចាញ់ ឈ្នះ​គ្នា​ទៅវិញទៅមក ដោយ​ពិន្ទុ​ប៉ុណ្ណោះ ។ សំរាប់​លើក​នេះ មិនដឹងថា នរណា​ជា​អ្នកឈ្នះ​នោះឡើយ ។​

អ្នក ប្រដាល់ ចាន់ រះ

អ្នក ប្រដាល់ សរ សី

​អ្នក​ប្រដាល់​ចាស់​វស្សា ចាន់ រះ ក្លឹប​កងទ័ពជើងទឹក ដែល​បាត់​មុខ​យូរហើយ​នោះ បាន​វិល​មក​កាន់​សង្វៀន​វិញ ដោយ​ជួប​ប្រកួត​ជា​មួយ​អ្នក​ប្រដាល់​ចិត្ត​ខ្លាំង សរ សី ក្លឹប​អេភូ​ថង ។​

​សរ សី ឆាប់​ទន់​ដែរ ប៉ុន្តែ​គេ​ហ៊ាន ហើយ​រាល់​ការប្រកួត គេ​តែងតែ​រុល​រក​គូរ​ប្រកួត​រហូត ។ គេ​វ៉ៃ​មិន​ច្បាស់​ឡើយ តែ​គេ​អាច​ប្រើ​គ្រប់​ស្នៀត ដើម្បី​យកឈ្នះ​គូរ​ប្រកួត ។ សរ សី មិនមែន​ជា​អ្នក​ប្រដាល់ ដែល​ស្រួល​បង្ក្រាប​នោះទេ ។​

​ចាន់ រះ​វិញ ចាស់​ហើយៗ អតីតកាល​របស់​គេ​មិនមែន​ជា​អ្នក​ប្រដាល់​ដែល​វ៉ៃ​ល្អ​មានឈ្មោះ​បោះ​សំឡេង​នោះឡើយ ។ អ្ន​ក​ប្រដាល់​រូបនេះ មាន​កណ្តាប់ដៃ​ធ្ងន់ ចិត្តធំ និង​មាន​ភាព​អំណត់​​ខ្ពស់ ។ គេ​ពូកែ​ទ្រាំទ្រ និង​ការវាយប្រហារ​របស់​គូរ​ប្រកួត​ណាស់ ។​
​ ផុន ថុល ក្លឹប​តា​ព្រហ្ម​មានជ័យ ប្រកួត​ជា​មួយ​កែវ មុន្នី ក្លឹប​សាលវ័ន្ត​កីឡា ។​​

បើ​តាម​ការអះអាង​ពី​លោក មាស សុខ​គ្រី នោះ​ថា ពួកគេ​នៅ​ខ្ចី​មែន តែ​វ៉ៃ​មិន​អន់​ឡើយ គ្រាន់តែ​ស្ទើរ​បទពិសោធន៍​ប៉ុណ្ណោះ ៕

បបួល គ្នា ធ្វើ សិក្ខាសាលា ត្រៀម ប្រកួត FESTIVAL ក្រោម ១៣ ឆ្នាំ ។

ភ្នំពេញ: សហព័ន្ធ​កីឡាបាល់ទាត់​កម្ពុជា បាន​រៀបចំ​ធ្វើ​សិក្ខ​សាលា ​មួយ​ស្តីពី​ការប្រកួត​បាល់ទាត់​ដណ្តើម​ពានរង្វាន់​យុវជន​អាយុ ក្រោម ១៣​ឆ្នាំ សំ​រាប់​ឆ្នាំ ២០១០ ។​

​ ​លោក​អ៊ុក សិទ្ធិ​ជាតិ លេខាធិការ​សហព័ន្ធ​កីឡាបាល់ទាត់ ​មានប្រសាសន៍ថា សិក្ខ​សាលា​នេះ​ធ្វើឡើង​ដើម្បី​ផ្សព្វផ្សាយ​ពី​ការប្រកួត​បាល់ទាត់​អាយុ​ក្រោម ១៣​ឆ្នាំ នា​ខែ​កក្កដា ខាង​មុខនេះ ។ ការ​ប្រារព្ធ​ការប្រកួត​ចំ​ខែកក្កដា បែបនេះ​គឺ ដើម្បី​អបអរ​ខួបកំណើត​កងរាជអាវុធហត្ថ ។​

បបួល គ្នា ធ្វើ សិក្ខាសាលា ត្រៀម ប្រកួត FESTIVAL ក្រោម ១៣ ឆ្នាំ ។

​ ​លោក​អគ្គលេខាធិការ​ពន្យល់​ថា សំរាប់​អាយុ ក្រោម ១៣​ឆ្នាំ គឺ​នៅ​ខ្ចី​ណាស់ ដូច្នោះ​ការប្រកួត​មាន​ចរិត​ជា FESTIVAL ប៉ុណ្ណោះ លើ​ពិភពលោក ក៏​គេ​ធ្វើ​បែប​នេះ​ដែរ ។​

​ ​ការប្រកួត​វា​មាន​លក្ខណៈ​ជា​កំសាន្ត​សប្បាយ ដើម្បី​បណ្តុះ​កំនិត​ស្រលាញ់​បាល់ទាត់​ក្នុង​ស្រទាប់​កុមារ ហើយ​តាមរយៈ​នេះ សហព័ន្ធ​អាច​ពិនិត្យ​មើល​ពី​ឧបនិស្ស័យ​របស់​ពួកគេ ។ FESTIVAL នេះ​ធ្វើឡើង​ក្នុង​បំណង​បង្ហាញ​ពី​សាមគ្គីភាព តាមរយៈ​បាល់ទាត់ ធ្វើឲ្យ​គេ​ស្គាល់​ពី​បាល់ទាត់ យល់ដឹង​ពី​ផលប្រយោជន៍​នៃ​បាល់ទាត់ ដើម្បី​ចាកចេញ​ពី​អំពើ​អបាយមុខ​នានា ។​

​ ​សំរាប់​អាយុ ១៣​ឆ្នាំ បែបនេះ ការប្រកួត​គឺ​យក​ទីលាន​ខ្នាត​ធំ ដែល​មាន​បណ្តោយ​ប្រវែង ១០៥​ម៉ែត្រ និង​ទទឹង ៦៨​ម៉ែត្រ ចែក​ធ្វើជា ២​ទីលាន ។​

​ ​ទីកន្លែង​ដែល​បាន​ពី​ការចែក​ទីលាន​ជា​២​នេះ​មាន​បណ្តោយ​ប្រវែង ៦៨​ម៉ែត្រ និង​ទទឹង ៥០​ម៉ែត្រ ។ ចំពោះ​ទី​ទទឹង​មាន​ប្រវែង ៧,៣២​ម៉ែត្រ និង​កំពស់ ២,៤៤​ម៉ែត្រ ។​ ​

​ ​គួរបញ្ជាក់​ថា U-13 គឺ​ថ្នាល​ដ៏​សំខាន់​សំរាប់​បន្តវេន​កីឡាករ ដែល​វ៏យ​កាន់តែចាស់ទៅ ។​

​ ​សំរាប់​ក្រុម​ដែល​ចូលរួម​ក្នុង FESTIVAL មាន​ក្រុម​ព្រះខ័ន​រាជ បណ្តា​ក្លឹប​នានា​នៅ​រាជធានី​ភ្នំពេញ និង​តំណាង​ខេត្ត​ក្រុង​ទាំង ២៤​ទូទាំង​ប្រទេស ៕

អ្នក មាន ចំណេះដឹង ខាង អុក រូប នេះ បង្ហាញ ភស្តុតាង ល្បែង អុក ដែល មាន នៅ ចំលាក់ ប្រាសាទ អង្គ វត្ត ។

អគ្គលេខា អូឡាំពិក ( កណ្តាល ) ប្រធាន សហព័ន្ធ អុក ( ស្តាំ ) ពេល ធ្វើ ស ន្និសីទ កាសែត ។

ភ្នំពេញ: សហព័ន្ធ​កីឡា​អុក កម្ពុជា រំពឹងថា ការប្រកួត​អុក ដែល​មានឈ្មោះ​ថា ’​ពានរង្វាន់​សម្តេច​តេជោ អុក​ច​ក្រង្គ​” ២០១០ ដែល​និង​ចាប់ផ្តើម​ពី​ថ្ងៃ​ទី​១ ដល់ ៣ មេសា និង​មាន​បេក្ខជន​ចូលរួម​ប្រកួត​ចំនួន ២០០​នាក់ ។​

​ ​លោក​វ៉ាត់ ចំរើន អគ្គលេខាធិការ​គណៈ​គ​ម្មា​ធិ​ការជាតិ​អូឡាំពិក​កម្ពុជា ថ្លែង​ក្នុង​សនិ្នសីទកាសែត​ថ្ងៃទី ១០ មីនា ថា មកដល់ពេលនេះ​មាន​បេក្ខជន ៦៤​រូប បាន​ដាក់​ពាក្យ​ចូលរួម​ប្រកួត ។ ក្នុងនោះ ៤៦​នាក់ នៅ​រាជធានី​ភ្នំពេញ និង ​១៨​នាក់ មកពី​បណ្តា​ខេត្ត​ចំនួន ៧​គឺ ខេត្ត​បាត់ដំបង ក្រចេះ ស្វាយរៀង ប៉ៃលិន ព្រះវិហារ កណ្តាល និង​កំពង់ស្ពឺ ។​

​ ​បើ​តាម​ការស្រាវជ្រាវ​អុក មានកំណើត​មុន​សម័យ​សមណ​គោត្ត​ម ប្រហែលជា ៤០០​ឆ្នាំ ។ ក្នុង​រឿង​រាម​កេរ្តិ៍ ខ្មែរ​ហនុមាន​ បាន​ទៅ​យក​រូបមន្ត​សាង​ស្ពាន​កាត់​សមុទ្រ​ពី​នគរ​ជម្ពូពាន ដើម្បី​ទៅ​យក​នាង​សី​តា ។ ពេល​សង់ស្ពាន​ហនុ​មា យក​ជើង​ទទួល​ថ្ម​ពី​លើ ឯ​ដៃ​រវល់​លេងអុក ដែរ ។​

​ ​កាលពី​ជាង ២០០​ឆ្នាំ មុន​គឺ​សម័យ​ព្រះថោង ក្នុង​ពុទ្ធ​សាក​រាជ ២៧៧ ដែល​បង្ហាញ​តាមរយៈ​រឿង​មហាភារតៈ​នោះ ក៏​មាន​និយាយ​ពី​ការ​លេងអុក ដែរ ។​

​ ​ឆ្នាំ ១១១៣ សម័យ​ព្រះបាទ​សូរិយា​វរ្ម័នទី​២ បាន​សាង​រូបចម្លាក់​លេងអុក នៅ​ជញ្ជាំង​ប្រាសាទ​អង្គ​វត្ត ។​

​ ​ឆ្នាំ ១១៨១ ព្រះបាទ​សូរិយា​វរ្ម័នទី​៧ ក៏​បាន​កសាង​រូបចំលាក់​នៅ​ជញ្ជាំង​ប្រាសាទ​បាយ័ន ជាន់​ទី​៣ ដែរ ។​

​ ​រឿង​ធនញ្ជ័​យក៏​បាន​បង្ហាញ​ពី​ល្បែង​អុក ក្នុង​រជ្ជកាល​សម្តេច​អង្គឌួង ក្នុង​រឿង​កាកី ក៏​បាន​បង្ហាញ​ពី​ការ​លេងអុក រវាង​ស្តេច​ព្រហ្ម​ទ​ត្ត​ជា​មួយគ្រុឌ ។​

​ ​ក្នុង​ល្បែង​អុក ដែលមាន ៦៤​ក្រឡា​នោះ​មានកូន​២ គឺ​តំណាង​ខុន ជា​តំណាង​ព្រះរាជា កូន​២ ទៀត​គេ​ហៅថា នាង គឺ​តំណាង​ឲ្យ​អគ្គមហេសី កូន​៤ មានឈ្មោះ​ថា គោល គឺ​តំណាង​ឲ្យ​សេនាបតី​មេទ័ព ។ ឯ​សេះ​២ ទូក​២ និង ត្រី ១៦​នោះ គឺ​តំណាង​ឲ្យ​ពល​សេនា​ទាហាន ។​

​ ​នៅក្នុង​បទបញ្ជា​ប្រកួត​គឺ​ក្នុងពេល​ប្រកួត កីឡាករ​-​ការិនី បើ​កាន់​កូន​ណា​ត្រូវតែដើរ​កូនអុក​នោះ​ជា​ចាំបាច់ ។ ក្នុង​ករណី​មិន​ព្រម​ដើរ​កូនអុក​នោះទេ ភាគី​នោះ​ត្រូវ​ចាត់ទុក​ថា​ជា​អ្នកចាញ់​ដោយ​ស្វ័យប្រវត្តិ ។​

​ ​ក្នុងពេល​ប្រកួត​ប្រសិនបើ​កីឡាករ​-​ការិនី ណា​មួយ​ដើរ​ច្រឡំ​ក្រឡា​លើក​ទី​១ នោះ​ត្រូវ​ទទួល​ការព្រមាន​ពី​អាជ្ញាកណ្តាល ។ បើ​ដើរ​ច្រឡំ​ក្រឡា​លើក​ទី​២ នោះ​ត្រូវ​ប្រកាស​ឲ្យ​ចាញ់ការ​ប្រកួត​ជា​ស្វ័យប្រវត្តិ ។​

​ ​ការប្រកួត​មាន ៣ ក្តារ ដោយ​មួយ​ក្តារៗ ត្រូវ​កំណត់​រយៈពេល​លេង​ចំនួន ៤៥​នាទី ។​

​ ​ក្នុង​សេចក្តីប្រកាស​ព័ត៌មាន​របស់​កីឡា​អូឡាំពិក​នោះ​ថា សំរាប់​ចំណាត់ថ្នាក់​លេខ​១ រង្វាន់ ៥.០០០​ដុល្លារ លេខ​២ បាន ២.០០០​ដុល្លារ និង​លេខ​៣ បាន ១.០០០​ដុល្លារ ។​

​ ​លោក​ឧកញ៉ា លី ហ៊ួត ប្រធាន​សហព័ន្ធ​កីឡា​អុក កម្ពុជា​មានប្រសាសន៍ថា ការប្រកួត​នេះ​មាន​អាជ្ញាកណ្តាល​មកពី​ប្រទេស​សិង្ហ​បូរី ។ លោក​ឲ្យដឹង​ទៀតថា ការប្រកួត ’​ពានរង្វាន់​សម្តេច​តេជោ អុក​ច​ក្រង្គ​” នេះ​និង​រៀបចំ​ឲ្យមាន​រៀងរាល់ឆ្នាំ ។​

​ ​លោក​វ៉ាត់ ចំរើន ក៏​អះអាង​ដែរ​ថា ជើងឯក​និងជើងឯករ​ង​កាលពី​ឆ្នាំ​ទៅ​ក៏​ចូលរួម​ប្រកួត​ដែរ ៕

សិស្ស ឈាមរាវ ទាំង ៤ ជាប់ចោទ ពី បទ វ៉ៃ នឹង កាប់ គ្នា នៅ ក្នុង សាលារៀន

តាកែវ: ​សិស្សសាលា​ចំនួន ៤​នាក់​ត្រូវបាន​ប៉ូលីស​បញ្ជូនទៅ​តុលាការ​កាលពី​ថ្ងៃ​ទី ១០ មីនា ២០១០ ដោយសារ​ក្រុម​សិស្ស​ទាំងនេះ​បាន​ប្រើ​កាំបិតប៉ុង័តោ​កាប​គ្នា់​នៅក្នុង​សាលា​វិទ្យាល័យ​ហ៊ុន​សែន​ពោធិ​អំពិល​ដែល ស្ថិតនៅ​ឃុំ​សំបួរ ស្រុក​ទ្រាំង កាលពី​ថ្ងៃ​ទី ០៩ មីនា ២០១០ វេលា​ម៉ោង ៨​និង​១០​នាទី ។​

​ប៉ូលីស ចាប់ខ្លួន​សិស្ស​ទាំង ៤​នាក់​តាម​ពាក្យបណ្តឹង​របស់​លោកនាយ​ក​សាលា​ក្រោយពេល​កើតហេតុ ។ លោក ផាន ផន អធិកា​រង​ស្រុក​ទ្រាំង​បានអោយដឹងថា សិស្ស​ទាំង ៤​នាក់​មាន​ឈ្មោះ ប៊ុន សុភ័​ក្រ អាយុ​១៦​ឆ្នាំ ឈ្មោះ ជួប សា​វេត អាយុ​១៦​ឆ្នាំ ឈ្មោះ ឃ​ន សុជាតិ អាយុ ១៦​ឆ្នាំ និង​ម្នាក់​ទៀត ឈ្មោះ ផែន ពិ​កេត អាយុ​១៥​ឆ្នាំ​រស់នៅ​ភូមិ​ព្រៃ​ភ្លង​ឃុំ​សំបួរ​ស្រុក​ទ្រាំង​ខេត្តតាកែវ ។ ជា​សិស្ស​រៀន​នៅ​វិទ្យាល័យ​ហ៊ុន​សែន​ពោធិ​អំពិល ។

​ចំណែក​ជង​រងគ្រោះ​ឈ្មោះ សេក ប៊ុន ធឿន អាយុ ១៨​ឆ្នាំ រស់នៅ​ភូមិ​ពោធិ ឃុំ​សំបួរ ស្រុក​ទ្រាំង ជា​សិស្សសាលា​ដែរ ។ ឈ្មោះ សេក​ប៊ុនធឿន​បាន​ប្រាប់​ប៉ូលីស​ថា​មុនពេល​កើតហេតុ​រូបគេ​កំពង់​ចេញ លេង​ស្រាប់តែ​ក្រុម​អ្នក​ទាំង ៤​នោះ​មក​វ៉ៃ​ហើយ​កាប់​រូបគេ​។​

សិស្ស​ចិត្ត​ឆៅ​ទាំង ៤ បាន​សារភាព​ប្រាប់​ប៉ូលីស​ថា ពួកគេ​ពិតជា​បាន​ព្រួត​គ្នា​វ៉ៃ និង កាប់​ត្រូវ​ចំហៀង​កាំបិតប៉ុង័តោ​ទៅលើ​ជនរងគ្រោះ​ខាងលើ​ប្រាកដ​មែន ព្រោះតែ​ពួកគេ​ខឹង​ជនរងគ្រោះ និង​បក្សពួក​គេ​វ៉ៃ ពួកគេ​ក្នុង​ពេល​រាំ​ធុងបាស់​កាលពី​ថ្ងៃ​មុន ។

សព លោក ចាយ ភិរម្យ ដេកស្លាប់ នៅលើ គ្រែ បន្ទាប់ពី បាញ់ ខ្លួនឯង

ក្រុមគ្រួសារ សព យំទួញសោក

ភ្នំពេញ: មន្ត្រីប៉ូលិស​ម្នាក់ បាន​យក​កាំភ្លើង​បាញ់​សម្លាប់​ខ្លួនឯង កាលពី​ម៉ោង ៣ និង ៤៥ រសៀល​ថ្ងៃ​ទី ១១ មីនា ២០១០ នៅផ្ទះ​របស់​បង ផ្លូវ​បេតុង (​ក្រោយ​វត្ត​ដំពូក​ខ្ពស់​) ក្រុម​៧ ភូមិ​ត្នោតជ្រុំ សង្កាត់​បឹងទំពុន ខណ្ឌមានជ័យ ។​
​មន្ត្រីប៉ូលិស ដែល​ធ្វើ​អត្តឃាត​មានឈ្មោះ ចាយ ភិរម្យ អាយុ ៣៧ ឆ្នាំ មាន​មុខរបរ​ជា​មន្ត្រី​ប៉ូលិស​នាយកដ្ឋាន​បេតិក​ភ័ណ្ឌ​ក្រសួងមហាផ្ទៃ មាន​ប្រពន្ធ​ឈ្មោះ លឹម ស្រ៊ាង អាយុ ៣២ ឆ្នាំ និង​មានកូន ២ នាក់ (​ស្រី​១ នាក់​) ។ គ្រួសារ​សព​និយាយថា ភិរម្យ​បាន​យក​កាំភ្លើង​ខ្លី K54 ភ្ជង់​ចំ​ចង្ការ​ហើយ​បាញ់​ធ្លាយ​ក្បាល​ខាងក្រោយ ស្លាប់​ភ្លាមៗ​នៅលើ​គ្រែ ។ ចំពោះ​កាំភ្លើង​ដែល​ប៉ូលិស​រូប​នេះ យក​មក​បាញ់​ធ្វើអត្តឃាត គឺ​របស់​ថ្លៃ​ឈ្មោះ ប៉ែន សារុន ជា​ប៉េអឹម ខេត្ត​ក្រចេះ ។​
​ប៉ូលិស​បាន​និយាយថា មុន​កើត ចាយ ភិរម្យ បាន​ឲ្យ​ពេទ្យ​វាស់​ឈាម ព្រោះ​មាន​ជំងឺលើសឈាម បន្ទាប់មក​ក៏​ជួស​ឈាម​ពិនិត្យ ហើយ​នៅ​រសៀល​ថ្ងៃកើតហេតុ គឺជា​ថៃ្ង​ត្រូវ​ទៅ​យក​លទ្ធផល ក៏​ប្រើ​ឲ្យ​ប្រពន្ធ​ទៅ​យក​ជំនួស តែ​ប្រហែលជា​លោក​ដឹង​ពី​លទ្ធផល​នោះ​មុន​ហើយ បាន​ជា​មក​សម្លាប់​ខ្លួន​បែប​នេះ ៕

ភ្នំពេញ: ក្រុម​អ្នកតំណាងរាស្ត្រ​ចំនួន ៨២ រូប មកពី​គណបក្ស​ប្រជាជន​កម្ពុជា គណបក្ស​ហ្វ៊ុនស៊ិនប៉ិច និង​គណបក្ស​ជាតិ​និយម (​អតីត​គណបក្ស​នរោត្តម​រណឫទ្ធិ​) ដែល​មាន​វត្តមាន​ក្នុង​អង្គប្រជុំ​វិសាមញ្ញ​រដ្ឋសភា បាន​លើកដៃ​អនុម័ត ដោយ​ឯកច្ឆ័ន្ទ​លើ​សេចក្តីព្រាងច្បាប់​ប្រឆាំង​អំពើពុករលួយ កាលពី​ព្រឹក​ថ្ងៃ​ព្រហស្បតិ៍ ទី​១១ ខែ​មីនា ឆ្នាំ​២០១០ ។​

​ ​ក្នុង​ពេល​រដ្ឋសភា​ពិភាក្សា​លើ​សេចក្តីព្រាងច្បាប់​ប្រឆាំង​អំពើពុករលួយ​នោះ ក្រុម​អ្នកតំណាងរាស្ត្រ​គណបក្ស​សម រង្ស៊ី ចំនួន ១៦ រូប បាន​ដើរចេញ​ពី​អង្គប្រជុំ​រដ្ឋសភា ។ ចំណែក​អ្នក​តំណាងរាស្ត្រ ៣ រូប​របស់​គណបក្ស​សិទ្ធិមនុស្ស​របស់​លោក កឹម សុខា បាន​ធ្វើពហិការ​មិន​ចូលរួម​ប្រជុំ​រដ្ឋសភា តាំងពី​ថ្ងៃ​បើក​កិច្ចប្រជុំ​វិសាមញ្ញ​រដ្ឋសភា ដើម្បី​ពិភាក្សា និង​អនុម័ត​លើ​សេចក្តីព្រាងច្បាប់​ប្រឆាំង​អំពើពុករលួយ កាលពី​ថ្ងៃ​ទី​១០ ខែ​មីនា ឆ្នាំ​២០១០ ។

​ ​ពហិការ​មិន​ចូលរួម​ប្រជុំ​រដ្ឋសភា របស់​អ្នកតំណាងរាស្ត្រ​គណបក្សប្រឆាំង ដោយសារ​តែ​រដ្ឋសភា មិន​ពន្យារ​ពេល​ប្រជុំ ។ ចំណែក​ការផ្តល់​យោបល់ សុំ​កែ​ខ្លឹមសារ​មួយ​ចំនួន ក្នុង​ច្បាប់​ប្រឆាំង​អំពើពុករលួយ ក៏​មិន​ត្រូវបាន​រដ្ឋសភា​ពិចារណា ដាក់បញ្ចូល​ក្នុង​ច្បាប់​នោះឡើយ ។​

​ ​យ៉ាងណាក៏ដោយ អង្គប្រជុំ​រដ្ឋសភា បានអនុម័ត​ជា​ឯកច្ឆ័ន្ទ​លើ​សេចក្តីព្រាងច្បាប់​ស្តីពី​ការប្រឆាំង​អំពើ​ពុករលួយ ដែលមាន ៩ ជំពូក និង ៥៧ មាត្រា នៅវេលា​ម៉ោង ១២ និង ១០ នាទី ព្រឹក​ថ្ងៃ​ទី​១១ ខែ​មីនា ឆ្នាំ​២០១០ ដោយ​សម្លេង ៨២ លើ ៨២ សម្លេង ។ ក៏​ប៉ុន្តែ​ក្រុម​អ្នកតំណាងរាស្ត្រ​គណបក្ស​សមរង្ស៊ី ចំនួន ១៦ រូប បាន​ដើរចេញ​ពី​កិច្ចប្រជុំ​រដ្ឋសភា នៅ​ថ្ងៃ​ទី​១១ ខែ​មីនា ឆ្នាំ​២០១០ ខណៈ​ដែល​អង្គប្រជុំ​រដ្ឋ​សភា បញ្ចប់​ការពិភាក្សា​លើ​សេចក្តីព្រាងច្បាប់​ដល់​ជំពូក​ទី​៤ ក្រោម​សម្លេង​អនុម័ត ៨១ លើ ៩៧ សម្លេង ។​

​ ​លោក យឹម សុវណ្ណ អ្នកតំណាងរាស្ត្រ និង​ជា​អ្នកនាំពាក្យ​គណបក្ស សម រង្ស៊ី បាន​លើកឡើង​ថា ការ​ដើរចេញ​ពី​កិច្ចប្រជុំ​នេះ ដោយសារ​តែ​យើង​ចំណាយ​ពេល​អត់​ប្រយោជន៍ ដោយ​ខំតស៊ូ​មតិ​គ្មាន​ន័យ គ្មាន​ការប្រែប្រួល​អ្វី​ទាំងអស់ ។ ច្បាប់​នេះ ធ្វើ​គ្រាន់តែ​បំពេញចិត្ត​ម្ចាស់ជំនួយ និង​ជា​ឡប់ឡែ សម្រាប់​បិទបាំង​នូវ​ទង្វើ​ខុសឆ្គង​របស់​មន្ត្រី​ខិលខូច និង​ជា​សំណាញ់​ដែក ដើម្បី​ការពារ​ជន​ពុករលួយ​យ៉ាង​រឹងមាំ​ថែម​ទៀត ។​

​ ​ក្រោយ​ពី​រដ្ឋសភា ផ្តល់​ការទុកចិត្ត ដោយ​ឆ្លង​ច្បាប់​ប្រឆាំង​អំពើ​ពុក​រលួយ​រួច​ហើយ​នោះ លោក​ឧបនាយករដ្ឋមន្ត្រី សុខ អាន រដ្ឋមន្ត្រី​ទីស្តីការគណៈរដ្ឋមន្ត្រី ដែល​តំណាង​រាជរដ្ឋាភិបាល ចូល​ការពារ​ច្បាប់ បាន​លើកឡើង​ថា សេចក្តីព្រាងច្បាប់​នេះ គឺ​ជា​ផលិតផល​មួយ​ដែល​កើតចេញពី​ដំណើរការ​យ៉ាង​វែង គឺ​រយៈពេល ១៥ ឆ្នាំ​មកហើយ ។

​ ​លោក​ឧបនាយករដ្ឋមន្ត្រី សុខ អាន បាន​បន្ថែមថា ច្បាប់​ប្រឆាំង​អំពើ​ពុករលួយ​នេះ​ច្បាប់រ​ស៊ើប និង​មាន​សារៈសំខាន់​ចំពោះ​ប្រទេសជាតិ ។ ច្បាប់​នេះ​ត្រូវបាន​ដាក់​បញ្ចូល​ដោយ​យោបល់​អ្នកជំនាញការ និង​អង្គការក្រៅរដ្ឋាភិបាល ដោយ​យក​មក​ធ្វើ​ជា​សំយោគ ដើម្បី​បង្កើត​ជា​ផលិតផល​នេះ​ឡើង​ឲ្យក្លាយ​ជា​សេចក្តីព្រាងច្បាប់ ហើយ​ត្រូវ​រដ្ឋសភា បាន​អនុម័ត​នា​ពេល​នេះ​។

​ ​លោក​ឧបនាយករដ្ឋមន្ត្រី សុខ អាន បានបញ្ជាក់​ថា ច្បាប់​ប្រឆាំង​អំពើ​ពុករលួយ​នេះ នឹង​ក្លាយជា​ឧបករណ៍​ថ្មី​មួយទៀត ដើម្បី​ប្រយុទ្ធប្រឆាំង​អំពើពុករលួយ ជាពិសេស​អង្គភាព​ប្រឆាំង​អំពើពុករលួយ​របស់​រា​ជ​រដ្ឋាភិបាល នឹង​ក្លាយ​ជា​មធ្យោបាយ និង​ក្លាយទៅជា​ឧបករណ៍​កាន់តែ​មុត​ស្រួច ដើម្បី​បំពេញ​នូវ​ភារៈកិច្ច​ដ៏​ធ្ងន់ធ្ងរ​នេះ ជូន​រាជរដ្ឋាភិបាល ។​

​ ​ចំណែក​លោក យឹម សុវណ្ណ បាន​លើកឡើង​ថា គណបក្ស​សមរង្ស៊ី មិនអាច​សុំ​កែប្រែ​សូម្បីតែ​មួយ​ចំណុច ។ គណបក្សប្រឆាំង​មាន​ការខកចិត្ត​យ៉ាង​ខ្លាំង ច្បាប់​ប្រឆាំង​អំពើ​ពុករលួយ​នេះ នឹង​ក្លាយទៅជា​ច្បាប់​ការពារ​អំពើពុករលួយ ដោយសារ​តែ​និយមន័យ​មិន​ច្បាស់លាស់ សមាសភាព​ក្រុមប្រឹក្សា​ជាតិ និង​អង្គភាព​ប្រឆាំង​អំពើពុករលួយ គឺជា​សមាសភាព ដែល​គ្រប់គ្រង​ដោយ​រដ្ឋាភិបាល ស្ទើរតែ​ទាំងអស់ ។ ចំណែក​អ្នក​ដែល​ប្រព្រឹត្ត​អំពើពុករលួយ​ច្រើនតែ​ជា​មន្ត្រី​ស្ថិតនៅក្នុង​ជួរ​រដ្ឋាភិបាល ។​

​ ​លោក យឹម សុវណ្ណ បាន​បន្ថែមថា យោង​តាម​ច្បាប់​នេះ ប្រជាពលរដ្ឋ​មិន​អាច​ដឹង​ពី​ការប្រកាស​ទ្រព្យសម្បត្តិ​បានទេ ដូច្នេះ​មានន័យថា គ្មាន​តម្លាភាព​ឡើយ ។ ម្យ៉ាង​ទៀង អ្នកចូលរួម​ដាក់​ពាំក្យបណ្តឹង ឬ​សាក្សី ដែល​ផ្តល់​ព័ត៌មាន​ទាក់ទង​នឹង​អំពើពុករលួយ ទៅឲ្យ​ស្ថាប័ប្រ​ឆាំង​អំពើពុករលួយ ហើយ​បើ​ស្រាវជ្រាវ​រក​ទៅ​ពុំ​ពុំ​ច្បាស់លាស់ គឺ​អ្នក​ផ្តល់​ព័ត៌មាន​នោះ ត្រូវបាន​ចាប់ខ្លួន និង​ជាប់​ពន្ធនាគារ ។ ដូច្នេះ​នឹង​ពុំមាន​អ្នកណា ហ៊ាន​ប្តឹង និង​ហ៊ាន​ធ្វើ​ជា​សាក្សី​ប្រឆាំង​ការប្រព្រឹត្ត​អំពើ​ពុករលួយ​ទេ ។​

​ ​ជាមួយគ្នា​នោះ លោក​មេធាវី សុខ សំអឿន នាយក​ប្រតិបត្តិ​អង្គការ​ក្រុម​អ្នកច្បាប់​ការពារ​សិទ្ធិ​កម្ពុជា បាន​ក៏​បាន​សម្តែង​ការខកចិត្ត​ចំពោះ​រដ្ឋសភា ដែល​ប្រញាប់ប្រញាល់​អនុម័ត​ច្បាប់​ប្រឆាំង​អំពើពុករលួយ ដោយ​គ្មាន​ការកែប្រែ​អ្វី​នោះ​។​

​ ​លោក សុក សំអឿន បាន​គូសបញ្ជាក់ថា សង្គម​ស៊ីវិល នៅ​រង់ចាំ​មើល​ការអនុវត្តន៍​ច្បាប់​នេះ ថា​តើ​វា​មាន​ប្រសិទ្ធភាព​ដល់​កម្រិត​ណា​? ។ ហើយ​សង្គម​ស៊ីវិល បាន​ត្រៀម​ខ្លួន សហការ​ជាមួយ​រដ្ឋាភិបាល ដើម្បី​ជួយ​រដ្ឋាភិបាល ក្នុង​ការអនុវត្តន៍​ច្បាប់ ឬក៏​ស៊ើបអង្កេត​លើ​ករណី​ពុករលួយ ប្រសិនបើ​រដ្ឋាភិបាល​ត្រូវការ​សង្គម​ស៊ីវិល ៕

នៅថ្ងៃ​ព្រហស្បតិ៍​នេះ រដ្ឋសភា​បាន​អនុម័ត​ច្បាប់​ប្រឆាំង​អំពើ​ពុក​រលួយ ដោយ​សំឡេង​ឯកច្ឆ័ន្ទ ៨២ លើ ៨២ សំឡេង។ ក៏​ប៉ុន្តែ​ការ​ឆ្លង​ច្បាប់​ប្រឆាំង​អំពើ​ពុក​រលួយ ដែល​ចំណាយ​​ពេល​តាក់​តែង​ប្រមាណ ១៥ ឆ្នាំ​នេះ ធ្វើ​ឡើង ដោយ​មិន​មាន​សំឡេង​ពី​គណបក្ស​ប្រឆាំង​ទេ។

រដ្ឋ សភា បានអនុម័ត ច្បាប់ ប្រឆាំង នឹង អំពើ ពុក រលួយ ហើយ

រដ្ឋសភា នៅ​ព្រឹក​ថ្ងៃ​ព្រហស្បតិ៍ ទី​១១ ខែ​មីនា​នេះ បាន​អនុម័ត​លើ​សេចក្តី​ព្រាង​ច្បាប់​ប្រឆាំង​អំពើ​ពុក​រលួយ ដោយ​សំឡេង ៨២ លើ ៨២ សំឡេង។ ក៏​ប៉ុន្តែ​មិនមាន​ សំឡេង​​របស់​គណបក្ស​សមរង្ស៊ី និង​គណបក្ស​សិទ្ធិ​មនុស្ស​ទេ។

ក្រោយ​ពី​រដ្ឋសភា ផ្តល់​ការ​ទុកចិត្ត ឆ្លង​ច្បាប់​ប្រឆាំង​អំពើ​ពុករលួយ ដែល​មាន ៩ ជំពូក និង ៥៧ មាត្រា លោក​ឧបនាយក​រដ្ឋមន្ត្រី សុខ អាន រដ្ឋមន្ត្រី​ទទួល​បន្ទុក​ទីស្តី​ការ​គណៈ​រដ្ឋមន្ត្រី ដែល​ជា​អ្នក​ការពារ​ច្បាប់ បាន​ច្រាន​ចោល​នូវ​រាល់​ការ​រិះគន់​​របស់​គណបក្ស​ប្រឆាំង។

លោក​ឧបនាយក​រដ្ឋមន្ត្រី សុខ អាន បាន​ប្រាប់​រដ្ឋសភា ច្បាប់​ប្រឆាំង​អំពើ​ពុក​រលួយ​នេះ គឺ​ជា​ផលិតផល ដែល​ត្រូវ​បាន​សំរិតសំរាំង កើត​ចេញ​ពី​ដំណើរការ​តាក់តែង​យ៉ាង​វែង គឺ​ប្រើ​ពេល​ដល់​ទៅ ១៥ ឆ្នាំ​មក​ហើយ។ ច្បាប់​ប្រឆាំង​អំពើ​ពុក​រលួយ​នេះ គឺ​ជា​ច្បាប់​ដ៏​រសើប និង​មាន​សារៈសំខាន់​ចំពោះ​ប្រទេស​​​ជាតិ។ ច្បាប់​នេះ ក៏​ជា​ឧបករណ៍​ថ្មី​មួយ​ទៀត ដើម្បី​ប្រយុទ្ធ​ប្រឆាំង​អំពើ​ពុក​រលួយ​នៅ​កម្ពុជា ជាពិសេស​អង្គភាព​ប្រឆាំង​អំពើ​ពុក​រលួយ របស់​រដ្ឋាភិបាល នឹង​ក្លាយ​ជា​មធ្យោបាយ និង​​ជា​ឧបករណ៍​កាន់​តែ​មុត​ស្រួច ដើម្បី​បំពេញ​នូវភារៈកិច្ច​ប្រឆាំង​អំពើ​ពុក​រលួយ​ដ៏​ធ្ងន់ធ្ងរ នៅ​កម្ពុជា។

ក៏​ប៉ុន្តែ ក្នុង​ពេល​រដ្ឋសភា ប្រជុំ​អនុម័ត​ច្បាប់​ប្រឆាំង​អំពើ​ពុក​រលួយ នៅ​ព្រឹក​ថ្ងៃ​ទី​១១​មីនា​នេះ ក្រុម​អ្នក​តំណាងរាស្ត្រ​គណបក្ស សម រង្ស៊ី ចំនួន ១៦ រូប បាន​ដើរ​ចេញ​ពី​អង្គ​ប្រជុំ​។ ចំណែក​​អ្នក​​​តំណាងរាស្ត្រ ៣ រូប របស់​គណបក្ស​សិទ្ធិមនុស្ស បាន​ធ្វើ​ពហិការ មិន​ចូល​រួម​​ប្រជុំ​រដ្ឋសភា តាំងពី​ថ្ងៃ​បើក​កិច្ចប្រជុំ​វិសាមញ្ញ កាល​ថ្ងៃ​ម្សិលមិញ។

ការ​ដើរ​ចេញ​ពី​រដ្ឋសភា ត្រូវ​បាន​លោក យឹម សុវណ្ណ អ្នក​តំណាងរាស្ត្រ និង​ជា​អ្នកនាំ​ពាក្យ​គណបក្ស​ សម រង្ស៊ី ពន្យល់​ថា រាល់​ការ​ផ្តល់​យោបល់ សុំកែ​ខ្លឹមសារ​មួយ​​ចំនួន ក្នុង​ច្បាប់​ប្រឆាំង​អំពើ​ពុក​រលួយ មិន​ត្រូវ​បាន​រដ្ឋសភា​ទទួល​យក​ពិចារណា ដាក់​បញ្ចូល​ក្នុង​ច្បាប់​នោះ​ឡើយ។

លោក យឹម សុវណ្ណ បាន​ហៅ​ច្បាប់​ប្រឆាំង​អំពើ​ពុក​រលួយ​នេះ ថា​ធ្វើ​គ្រាន់​តែ​បំពេញ​ចិត្ត​ម្ចាស់​ជំនួយ និង​ជា​ឡប់​ឡែ សម្រាប់​បិទ​បាំង​នូវ​ទង្វើ​ខុស​ឆ្គង​របស់​មន្ត្រី​ខិលខូច។ ច្បាប់​នេះ ក៏​ជា​សំណាញ់​ដែក ដើម្បី​ការពារ​ជន​ពុក​រលួយ​ប៉ុណ្ណោះ។

ចំណែក​គណបក្ស​សិទ្ធិមនុស្ស​របស់​លោក កឹម សុខា នៅ​ក្នុង​សេចក្តី​ថ្លែង​ការណ៍​របស់​ខ្លួន នៅ​ថ្ងៃ​១១​មីនា​នេះ បាន​ចាត់ទុក​ច្បាប់​ប្រឆាំង​អំពើ​ពុក​រលួយ​ថា ពុំ​អាច​នាំ​ជន​ពុក​រលួយ​មក​ផ្តន្ទា​ទោស​បាន​ឡើយ។ តែ​ផ្ទុយ​ទៅវិញ ច្បាប់​នេះ នឹង​ប្រែ​ក្លាយ​ជា​ឧបករណ៍​បង្ក្រាប​ពលរដ្ឋ ដែល​ហ៊ាន​និយាយ​ពី​មន្ត្រី​ដែល​ពុក​រលួយ និង​សម្រាប់​ជា​ឧបករណ៍​របស់​រដ្ឋាភិបាល ដើម្បី​អួត​ប្រាប់​ម្ចាស់​ជំនួយ​ប៉ុណ្ណោះ។

អង្គការ​សង្គម​ស៊ីវិល​ប្រមាណ ២០០ នៅកម្ពុជា ក៏​បាន​ចេញ​សេចក្តី​ថ្លែងការណ៍​រួម​មួយ ក្រោយ​ពី​រដ្ឋសភា​អនុម័ត​ច្បាប់​ប្រឆាំង​អំពើ​ពុក​រលួយ។ ថ្វី​ត្បិត​តែ​សង្គម​ស៊ីវិល សម្តែង​កង្វល់​ជាច្រើន ដើម្បី​ស្ថាបនា ក៏​ប៉ុន្តែ​សង្គម​ស៊ីវិល ក៏​រំពឹង​ថា រដ្ឋាភិបាល​នឹង​ផ្តោត​សំខាន់​ក្នុង​ការ​អនុវត្តន៍​ច្បាប់​ប្រឆាំង​អំពើ​ពុក​រលួយ ឲ្យ​មាន​ប្រសិទ្ធភាព៕

អ្នក​នាំ​ពាក្យ​ក្រសួង​ការបរទេស​កម្ពុជា​លោក កុយ គួង បាន​ថ្លែង​នៅ​ថ្ងៃ​ព្រហស្បតិ៍​នេះ​ថា កម្ពុជា​មិន​ចង់​បន្ត​បញ្ហា​វែង​ឆ្ងាយ​ជាមួយ​អគ្គលេខាធិការ​អាស៊ាន​លោក សូរិន ពិតសូវ៉ាន នោះ​ទេ។ អ្នក​នាំពាក្យ​ក្រសួង​ការបរទេស​បាន​ថ្លែង​យ៉ាង​នេះ ដោយ​ព្រលយ​អោយ​ដឹង​អំពី​ការ​មិន​សូវ​ពេញ​ចិត្ត​របស់​ថ្នាក់​ដឹកនាំ​កម្ពុជា​លើ​សេចក្តី​បំភ្លឺ​របស់​លោក សូរិន ពិតសូវ៉ាន។

លោកសូរិន ពិតសូវ៉ាន អគ្គលេខាធិការ អាស៊ាន (រូបថត៖reuters)

ប្រមុខ​រដ្ឋាភិបាល​លោក​នាយក​រដ្ឋមន្ត្រី​ហ៊ុន សែន និង​រដ្ឋមន្ត្រី​ការបរទេស​កម្ពុជា​លោក​ឧបនាយក​រដ្ឋមន្ត្រី​ ហោ ណាំហុង​ ទំនង​ជា​មិន​ស្ងប់​ចិត្ត​ជាមួយ​នឹង​ការ​បំភ្លឺ​របស់​អគ្គលេខាធិការ​អាស៊ាន​លោក​ សូរិន ពិតសូវ៉ាន​ នោះ​ឡើយ នេះ​បើ​គេ​ស្តាប់​ការ​ពន្យល់​របស់​លោក​ កុយ គួង​ អ្នក​នាំពាក្យ​ក្រសួង​ការបរទេស​កម្ពុជា។ លោក កុយ គួង​ បាន​អត្ថាធិប្បាយ​ថា ថ្នាក់​ដឹកនាំ​កម្ពុជា​បាន​ទាយ​ទុក​មុន​ហើយ​ថា ការ​ទទួល​ខុសត្រូវ​នឹង​ត្រូវ​លោក​អគ្គលេខាធិការ​អាស៊ាន​ឆ្លើយ​ទំលាក់​ដាក់​លើ​សារព័ត៌មាន។ លោក​ កុយ គួង​ បន្ត​ថា​តាម​ធម្មតា​អ្នក​ប្រព្រឹត្ត​ខុស មិន​ដែល​ទទួល​ស្គាល់​កំហុស​របស់​ខ្លួន​ទេ ហើយ​តែងតែ​រក​ហេតុផល​មក​សំអាង បើ​ទោះ​ណា ហេតុផល​នោះ​មិន​សមរម្យ​ក៏ដោយ។ ទោះ​យ៉ាង​ណា​ក្តី បើ​តាម​ការ​បញ្ជាក់​របស់​អ្នក​នាំពាក្យ​ក្រសួង​ការបរទេស​ខ្មែរ កម្ពុជា​មិន​ចង់​អោយ​បញ្ហា​កាន់​តែ​វែង​ឆ្ងាយ​អ្វី​នោះ​ដែរ។

កាល​ពីថ្ងៃ​ទី​៩​ខែ​មិនា លោក ​សូរិន ពិតសូវ៉ាន ដែល​ជា​អគ្គលេខាធិការ​អាស៊ាន​បាន​ធ្វើ​លិខិត​បំភ្លឺ​ចំនួន​២​ច្បាប់ ផ្ញើ​ទៅ​លោក​នាយក​រដ្ឋមន្ត្រី ហ៊ុន សែន និង​ទៅ​ប្រមុខ​ការទូត​ខ្មែរ​លោក ហោ ណាំងហុង​ ដើម្បី​ពន្យល់​បក​ស្រាយ​លើ​ការ​អត្ថាធិប្បាយ​របស់​លោក​ដែល​ត្រូវ​បាន​ទីភ្នាក់ងារ​សារព័ត៌មាន​ប៊ែរណាម៉ា Bernama​ដក​ស្រង់​សម្តី​ថា ការ​ធ្វើ​សមយុទ្ធ​យោធា​របស់​កម្ពុជា ​គឺ​ជា​ការ​បង្ហាញ​សញ្ញា​អាក្រក់​ទៅ​កាន់​ពិភព​លោក​ថា តំបន់​អាស៊ាន​មិនមាន​ស្ថិរភាព។ លោក សូរិន ពិតសូវ៉ាន​ បាន​​ពន្យល់​ថ្នាក់​ដឹកនាំ​កម្ពុជា​ទាំងពីរ​រូប​ថា ទីភ្នាក់ងារ​ប៊ែរណាម៉ា Bernama​បាន​ដក​ស្រង់​សម្តី​របស់​លោក​ខុស​បរិបទ​ទាំង​ស្រុង។ លោក សូរិន​បាន​បញ្ជាក់​ថា សំណួរ​ដែល​អ្នក​កាសែត​បាន​សួរ​មក​លោក គឺ​ជា​សំណួរ​ដែល​មាន​លក្ខណៈ​ទូទៅ ហើយ​ចម្លើយ​របស់​លោក​បាន​យោង​ទៅ​លើ​ស្ថានការណ៍​ដែល​កំពុង​កើត​មាន​នៅ​តាម​ព្រំដែន​កម្ពុជា​ថៃ។

ទោះ​យ៉ាង​ណា​ក៏​ដោយ ទន្ទឹម​នឹង​ការ​សរសេរ​លិខិត​ពន្យល់​បំភ្លឺ​លោក ហ៊ុន សែន អំពី​ការ​អត្ថាធិប្បាយ​របស់​ខ្លួន អគ្គលេខាធិការ​របស់​អាស៊ាន​លោក សូរិន ពិតសូវ៉ាន ក៏​បាន​បញ្ជាក់​ថា លោក​នឹង​រង់​ចាំ​ជួប​លោក​នាយក​រដ្ឋមន្ត្រី​កម្ពុជា​ក្នុង​ឱកាស​នៃ​កិច្ច​ប្រជុំ​កំពូល​អាស៊ាន​នៅ​ទីក្រុង​ហាណូយ​នៅ​ខែ​មេសា​ខាង​មុខ​ទៀត ប្រសិន​បើ​មាន​អនុញ្ញាត​នោះ៕