Cambodia News: Cambodian Internet Newspaper
លោក ង៉ូ អាញ់ហ្សុង ឯកអគ្គរដ្ឋទូតវៀតណាមប្រចាំនៅកម្ពុជា មានប្រសាសន៍លើកឡើងថា ដោយសារទំនាក់ទំនងមិត្តភាព និងកិច្ចសហប្រតិបត្តិការប្រសើរជាប្រពៃរវាងវៀតណាម និងកម្ពុជា ត្រូវបានពង្រឹងដោយឥតឈប់ឈរ និងមានការរីកលូតលាស់យ៉ាងខ្លាំងក្លា លើគ្រប់វិស័យ ដើម្បីភាពសំបូររុងរឿងនៃប្រជាជនទាំង២ ដើម្បីសក្ខីភាព ការអភិវឌ្ឍន៍ប្រកបដោយចិរភាពក្នុងតំបន់ និងសកលលោក ។
អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រ នៅថ្ងៃ៣ កញ្ញានេះ បានឲ្យដឹងថា លោកបានលាឈប់ពីតំណែងជាទីប្រឹក្សារបស់លោក ហ៊ុន សែន និងជាទីប្រឹក្សាសេដ្ឋកិច្ចរដ្ឋាភិបាលកម្ពុជា ដើម្បីចៀសវាងការរំខាន និងដោយសារតែលោកគ្មានពេលវេលាគ្រប់គ្រាន់។
ក្រុមកម្មកររាប់រយនាក់របស់ក្រុមហ៊ុនម៉ៅការសំណង់កូរ៉េមួយឈ្មោះ ឌូសុង (Doosong) បានបញ្ចប់ការតវ៉ា និងការទាមទាររបស់ខ្លួនរយៈពេលពីរថ្ងៃ ក្រោយទទួលការសន្យាមួយចំនួនពីក្រុមហ៊ុន។
លោក ខៀវ កាញារីទ្ធ រដ្ឋមន្ត្រី ក្រសួងព័ត៌មាន ឱ្យដឹងថា ជំនួបរវាងសម្តេច អគ្គមហាសេនាបតី តេជោ ហ៊ុន សែន ជាមួយ នាយករដ្ឋមន្ត្រីថៃ លោកអាប់ភីស៊ីត វាចាជីវ៉ា អាចនឹងធ្វើនៅក្នុង កិច្ចប្រជុំអាស៊ាន នៅអាមេរិកនៅថ្ងៃ ទី២៤ កញ្ញា ខាងមុខនេះ ដោយ ផ្តោតលើបញ្ហាជាច្រើន ប៉ុន្តែមិនជជែកគ្នា អំពីបញ្ហាព្រំដែននោះទេ ។
ប្រសិនបើគម្រោងសាងសង់អគារកម្ពស់ ៥៥៥ម៉ែត្រនេះ ក្លាយជាការពិតវិញនោះ កម្ពុជានឹងមានអគារខ្ពស់ជាងគេនៅក្នុងតំបន់អាស៊ី គឺខ្ពស់ជាងអគាររបស់តៃវ៉ាន់ តៃពៃ ១០១ ថាវវរ៍ (Taipei 101 Tower) សៀងហៃ វើល ហ្វាយនិនហ្សល់ សេនធើ (Shanghai World Financial Center) និងកូឡាឡាំពួរ ភេត្រូណាស់ ថាវវរ៍ (Kuala Lumpur’s Petronas Towers)។ អគារទាំងបីនេះ មានកម្ពស់ទាបជាងអគារ ប៊ួ ខាលីហ្វា (Burj Khalifa) នៅទីក្រុងឌូបៃ ប្រទេសអារ៉ាប់រួម ដែលមានកម្ពស់ ៨២៨ម៉ែត្រ។
លោក កុយ គួង អ្នកនាំពាក្យក្រសួងការបរទេសកម្ពុជា នៅថ្ងៃទី២ ខែកញ្ញា បានប្រកាសថា កម្ពុជាមិនត្រូវការប្រាក់កម្ចីការប្រាក់ទាបរបស់ប្រទេសថៃ ចំនួនជាង ៤០លានដុល្លារ ដើម្បីស្ដារផ្លូវលេខ ៦៨ ក្នុងខេត្តឧត្តរមានជ័យទៀតឡើយ ពីព្រោះកម្ពុជាបានប្រើប្រាស់ថវិកាជាតិជួសជុលផ្លូវនេះរួចហើយ។
ពលរដ្ឋខ្មែររស់នៅសហរដ្ឋអាមេរិក ដែលពុំមានសញ្ជាតិចំនួន ៥នាក់ ត្រូវរដ្ឋាភិបាលសហរដ្ឋអាមេរិកបានបញ្ជូនមកដល់កម្ពុជាហើយ។ ប្រធានអង្គការក្រៅរដ្ឋាភិបាលដែលធ្លាប់បានទទួលបន្ទុកជួយជនមាតុភូមិនិវត្តន៍ លោក ក្លឹង អូន មានប្រសាសន៍ថា លោកមិនទាន់ទទួលការអនុញ្ញាតពីក្រសួងមហាផ្ទៃ ឲ្យចូលទៅជួបបងប្អូនខ្មែរ ដែលត្រូវបញ្ជូនមកពីសហរដ្ឋអាមេរិកនោះទេ។
កម្ពុជា-ថៃរៀបចំយន្តការត្រួតពិនិត្យប្រព័ន្ធផ្សព្វផ្សាយព័ត៌មាននៃប្រទេសទាំងពីរ ដើម្បីចៀសវាងការផ្សព្វផ្សាយព័ត៌មានមិនពិត ដែលនាំឲ្យខូចទំនាក់ទំនងមិត្តភាពនៃប្រទេសទាំងពីរ បន្ទាប់ពីប្រទេសទាំងពីរបានបញ្ជូនឯកអគ្គរាជទូត ចូលកាន់តំណែងរៀងៗខ្លួនវិញ។
ការិយាល័យអង្កេតឃ្លាំមើល ដើម្បីការពារអ្នកការពារសិទ្ធិមនុស្ស ដែលមានមូលដ្ឋាននៅទីក្រុងប៉ារីស និងនៅហ្សឺណែវ បានចេញផ្សាយនូវរបាយការណ៍ នៅថ្ងៃនេះថា ប្រជាជនកម្ពុជា បានប្រឈមនឹងការរឹតបន្តឹងកាន់តែធ្ងន់ធ្ងរទៅៗ លើសេរីភាពក្នុងការបញ្ចេញមតិ ចាប់តាំងពីឆ្នាំ ២០០៨។
អតីតក្រុមកម្មករសំណង់នៃសហគ្រាសផលិតគ្រឿងសំណង់ ខេស៊ី ហ្សេស៊ីន (KC Gecin Enterprises) ដែលត្រូវបញ្ឈប់ពីការងារ បានផ្អាកការតវ៉ាហើយ កាលពីថ្ងៃ១ កញ្ញា ដើម្បីរង់ចាំការដោះស្រាយពីក្រសួងការងារ។
ប្រជាពលរដ្ឋខ្មែរកម្ពុជាក្រោម ដែលកំពុងតែរស់នៅលើទឹកដីខ្មែរកម្ពុជាក្រោម គ្រប់គ្រងដោយអាជ្ញាធរវៀតណាមនោះ បានឲ្យដឹងថា គ្រួសារខ្មែរក្រោមជាច្រើនគ្រួសារ កំពុងរងការរើសអើង និងគាបសង្កត់យ៉ាងខ្លាំង ពីសំណាក់អាជ្ញាធរវៀតណាម ដោយសារគ្រួសារទាំងនោះធ្លាប់បានងើបតវ៉ាទាមទារដីធ្លីរបស់ដូនតា ដែលរងការរឹបយកកន្លងមកដោយគ្មានសំណង។
I flew to Phnom Penh, the capital, from Singapore and stayed for a few days before traveling northwest to Siem Reap, where I made a brief visit to the Angkor of Faith 4 youth camp. While in Phnom Penh, I stayed at the home of Rich and Ronda Dolan.
ស្ថានភាពសុខភាពអ្នកទោស និងពិរុទ្ធជននៅពន្ធនាគារខេត្តរតនគិរី កំពុងតែចុះទ្រុឌទ្រោមច្រើនឡើងជាលំដាប់គួរឲ្យបារម្ភ។ ក្រោយពីមានអ្នកទោសម្នាក់នៅពន្ធនាគារខេត្តរតនគិរី បានស្លាប់កាលពីពេលកន្លងទៅថ្មីៗ នៅមន្ទីរពេទ្យ ក៏មានអ្នកទោសជាច្រើននាក់ទៀត ត្រូវបានគេបញ្ជូនទៅព្យាបាលជាបន្តបន្ទាប់ដែរ។
ពលរដ្ឋខ្មែររាប់ពាន់នាក់នៅសហរដ្ឋអាមេរិក ជំរុញឲ្យលោកប្រធានាធិបតីសហរដ្ឋអាមេរិក បញ្ឈប់ការបញ្ជូនពលរដ្ឋអន្តោប្រវេសន៍ខ្មែរ ដែលធ្លាប់មានទោសក្នុងសហរដ្ឋអាមេរិក ទៅប្រទេសកម្ពុជា។
តុលាការខេត្តកំពង់ស្ពឺ បានចេញដីកាកោះហៅប្រជាពលរដ្ឋ ៥រូប តាមបណ្ដឹងប្រធានមន្ទីរឧស្សាហកម្មរ៉ែ និងថាមពល ទៅសាកសួរអំពីបញ្ហាកាន់កាប់ដី នៅថ្ងៃ១៥ ខែកញ្ញា ខាងមុខ។
តុលាការសាលាឧទ្ធរណ៍កម្ពុជា មានគម្រោងការបើកសវនាការជាថ្មីទៀតលើសំណុំរឿងរបស់លោក សម រង្ស៊ី មេដឹកនាំគណបក្សប្រឆាំង និងកសិករខ្មែរចំនួន ២នាក់ នៅថ្ងៃទី៥ ខែតុលា ខាងមុខនេះ ក្រោយពីមានការខកខានកាត់សេចក្ដីចំនួន ២លើករួចមកហើយ។
សហគមន៍អង្គការការពារសិទ្ធិមនុស្សអន្តរជាតិ នៅថ្ងៃពុធ ទី១ កញ្ញានេះ បានអំពាវនាវឲ្យរដ្ឋាភិបាលកម្ពុជាដោះលែងបុគ្គលិកអង្គការសិទ្ធិមនុស្ស លីកាដូ គឺលោក លាង សុខជឿន ពីពន្ធនាគារជាបន្ទាន់។
នគរបាលចរាចរណ៍រាជធានីភ្នំពេញ គ្រោងនឹងចាប់ផ្ដើមត្រួតពិនិត្យ និងផាកពិន័យអ្នកបើកបរស្រវឹងនៅដើមខែតុលា ឆ្នាំ២០១០ ខាងមុខនេះ។ ការប្រកាសពេលវេលាចាប់ផ្ដើមផាកពិន័យនេះ កើតមានក្រោយពេលកាសែតក្នុងស្រុកនានា បានសរសេរផ្សាយថា ការផាកពិន័យចាប់ផ្ដើមពីថ្ងៃទី១ ខែកញ្ញាតទៅ។
ក្រុមអ្នកជំនាញ បាននិយាយថា ការខ្វះឥណទាន សម្រាប់កម្ចីទិញផ្ទះ ពីធនាគារនានា ជាការដាក់កម្រិត តម្រូវការក្នុងទីផ្សារ អចលនទ្រព្យ លំនៅស្ថាន ជាពិសេសនៅ ក្នុងតំបន់ជាយក្រុង និង ខេត្ត ។
ប្រមុខរដ្ឋាភិបាលកម្ពុជាលោក ហ៊ុន សែន បានត្រឡប់មកនិយាយអំពីបញ្ហាទំនាស់ព្រំដែនជាមួយថៃឡើងវិញនៅថ្ងៃទី ១កញ្ញានេះ ដោយទាមទារអោយថៃដកកងទ័ពរបស់ខ្លួនចេញពីតំបន់ជុំវិញប្រាសាទព្រះវិហារ។ នាយករដ្ឋមន្ត្រីនៃប្រទេសកម្ពុជាបានបញ្ចេញប្រតិកម្មលើបញ្ហាទំនាស់ជាមួយថៃ បន្ទាប់ពីទីក្រុងបាងកកបានធ្វើអត្ថាធិប្បាយជារៀងរាល់ថ្ងៃ លើបញ្ហាខ្មែរថៃ ពិសេសការលាលែងរបស់លោកថាក់ស៊ីន ស៊ីណាវ៉ាត់ចេញពីតួនាទីជាទីប្រឹក្សាសេដ្ឋកិច្ចរបស់រដ្ឋាភិបាលកម្ពុជា។
ការសម្ដែងមតិ