លោកស្រី ហ៊ីលឡារី គ្លីនតុន បានអញ្ជើញលោកឧបនាយករដ្ឋមន្ត្រីហោ ណាំហុងអោយបំពេញទស្សនកិច្ចនៅអាមេរិកនៅថ្ងៃទី១២មិថុនាខាងមុខនេះ។ លិខិតអញ្ជើញទស្សនកិច្ចនេះធ្វើឡើងនៅពេលដែលលោកឧបនាយករដ្ឋមន្ត្រី ហោ ណាំហុង ក៏មានគម្រោងទស្សនកិច្ចកូរ៉េខាងជើងផងដែរនៅក្នុងខែមិថុនានោះ។
ចៅក្រមសាលាដំបូងខេត្តស្វាយរៀង បានកោះហៅដើមបណ្ដឹងក្នុងរឿងក្ដីលោក ឈូក បណ្ឌិត មកបកស្រាយបំភ្លឺជុំវិញហេតុការណ៍បាញ់បោះដែលបង្កឲ្យកម្មកររោងចក្រស្បែកជើងឈ្មោះ កៅវ៉េ (Kaoway) រងរបួសចំនួន ៣នាក់។
អ្នកភូមិពោធិ៍មង្គល ឃុំព្រែកតាទែន ស្រុកពញាឮ ខេត្តកណ្ដាល កំពុងមានក្ដីព្រួយបារម្ភចំពោះបាតុភូតបាក់ស្រុតដីភូមិ ដែលស្ថិតនៅក្បែរច្រាំងទន្លេសាប បណ្ដាលឲ្យបាក់ខូចខាតផ្ទះជាច្រើនខ្នង។
ជាទូទៅគេនិយមនិពន្ធបទចម្រៀងសម្រាប់បម្រើអារម្មណ៍មនោសញ្ចេតនាស្នេហា ឬរៀបរាប់ពីធម្មជាតិ ព្រៃព្រឹក្សា ឬរ៉ាយរ៉ាប់អំពីដំណើរជីវិតកម្សត់សប្បាយលាយឡំគ្នា។
គ.ជ.ប. និងអង្គការសង្គមស៊ីវិល ឃ្លាំមើលការបោះឆ្នោត បានអះអាងថា សភាពការណ៍ទូទៅ នៅថ្ងៃផ្តើមយុទ្ធនាការឃោសនាបោះឆ្នោតឃុំសង្កាត់ នៅថ្ងៃទី១៨ឧសភានេះ គឺបានប្រព្រឹត្តិទៅ ដោយមិនមានកើតឡើងនូវអំពើហិង្សា ឬការរារាំងណាមួយ គួរឲ្យចាប់អារម្មណ៍ឡើយ។
គ.ជ.ប. បានចេញសេចក្តីប្រកាសជាលាយលក្ខណ៍អក្សរ ដោយសរុបសកម្មភាពឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៣ នៅថ្ងៃទី១៨ ខែឧសភា ឆ្នាំ២០១២ គិតត្រឹមវេលាម៉ោង ៥ រសៀល ឃើញថា មិនមានបាតុភាពអ្វីកើតឡើងនោះទេ។
ប៉ូលិសខេត្តក្រចេះបានកសាងសំណុំរឿងបញ្ជូនមនុស្ស ៧ នាក់ជាបក្ខពួករបស់ក្រុមអនាធិបតេយ្យ ប៊ុន រដ្ឋា ដែលចាប់ខ្លួន ក្នុងប្រតិបត្តិការ បង្ក្រាប របស់អាជ្ញាធរ រដ្ឋាភិបាលនៅតំបន់កំពង់ដំរី ស្រុកឆ្លូង ទៅតុលាការខេត្តក្រចេះ កាលពីថ្ងៃទី១៨ ខែ ឧសភា ឆ្នាំ២០១២។
ក្រុមអ្នកឃ្លាំមើលយុទ្ធនាការឃោសនារកសំឡេងឆ្នោត បានសង្កេតឃើញថា នៅក្នុងថ្ងៃឃោសនា រកសំឡេងឆ្នោតដំបូងនេះ គណបក្សប្រជាជនកម្ពុជា ដែលសំបូរធនធានច្រើនជាងគណបក្សផ្សេងទៀតនោះ បានយកទ្រព្យសម្បត្តិជាកម្មសិទ្ធិរបស់រដ្ឋ មានរថយន្តជាច្រើនគ្រឿងទៅប្រើប្រាស់ក្នុងយុទ្ធនាការឃោសនារកសំឡេងគាំទ្រពីម្ចាស់ឆ្នោតនៅក្នុងខេត្តបាត់ដំបង។
កម្មករជាច្រើនពាន់នាក់ បម្រើការនៅរោងចក្រ អេសអិល (SL Garment Processing LTD.) ចំនួន ២សាខាក្នុងខណ្ឌមានជ័យ បានផ្ទុះការតវ៉ាបិទផ្លូវខាងមុខរោងចក្រនេះជាច្រើនម៉ោង។
ប្រជាពលរដ្ឋនៅតំបន់ភូមិអណ្ដូងជ្រៅ ក្នុងស្រុកឆ្លូង ខេត្តក្រចេះ ដែលគេចាត់ទុកថា ជាតំបន់អបគមន៍ដែរនោះ និយាយថា ពួកគាត់ត្រូវកងកំលាំងប្រដាប់អាវុធចម្រុះដេញចេញពីភូមិនៅម៉ោង ៤ទៀបភ្លឺ ថ្ងៃទី១៨ ខែឧសភា។
ប្រជាពលរដ្ឋប្រមាណជា១០នាក់ ក្នុងចំណោមអ្នកភូមិរាប់រយនាក់ ដែលបានរត់គេចខ្លួនចេញពីភូមិប្រមា ឃុំកំពង់ដំរី ស្រុកឆ្លូង ខេត្តក្រចេះ ដែលកំពុងឡោមព័ទ្ធដោយកម្លាំងប្រដាប់អាវុធជិត១០០០នាក់ បានមកកាន់ទីស្នាក់ការអង្គការសិទ្ធិមនុស្សអាដហុក ខេត្តកំពង់ចាម ដើម្បីស្វែងរកអន្តរាគមន៍តាមផ្លូវច្បាប់ ដើម្បីមានសិទ្ធិទៅរស់នៅក្នុងតំបន់ជម្លោះនោះវិញ
មន្រ្តីកងរាជអាវុធហត្ថម្នាក់ក្នុងស្រុកឆ្លូង ដែលសុំមិនបញ្ចេញឈ្មោះបានឲ្យដឹងថា យោងតាមរបាយការណ៍ដំបូង លោកទទួលដំណឹងថា មនុស្សពីរនាក់បានត្រូវគ្រាប់ស្លាប់ នៅពេលពួកគេមានជម្លោះជាមួយនឹងគណៈកម្មាធិការចម្រុះ ដែលចុះអនុវត្តវិធានការរដ្ឋបាល ក្រោមបញ្ជាពីលោក ស ខេង រដ្ឋមន្រ្តីក្រសួងមហាផ្ទៃ និងលោក នេត សាវឿន បន្ទាប់ពីកិច្ចប្រជុំបន្ទាន់មួយ នៅសាលាខេត្តក្រចេះ កាលពីថ្ងៃទី១៥ ខែឧសភា។
ក្រុមហ៊ុនទិញសម្លៀកបំពាក់ និងស្បែកជើងអន្តរជាតិមានយីហោល្បីៗ បានសម្តែងការចាប់អារម្មណ៍ នៅក្នុងការជួយផ្តល់ថវិកា សម្រាប់គម្រោងកម្មវិធីផ្តល់នូវអាហារថ្ងៃត្រង់ ដល់កម្មករកម្មការិនី នៅតាមបណ្តារោងចក្រនៅកម្ពុជា។
គ្រូបង្រៀនរាប់ម៉ឺននាក់ ត្រូវបានរំពឹងថា នឹងទទួលយកការងារជាមន្រ្តីក្នុងការបោះឆ្នោតឃុំ-សង្កាត់ ដែលនឹងចាប់ផ្តើមយុទ្ធនាការបោះឆ្នោត នៅថ្ងៃនេះ ធ្វើឲ្យមានការបារម្ភខ្លាចប៉ះពាល់ទៅដល់ការសិក្សារបស់សិស្ស ដែលមានភាពទន់ខ្សោយស្រាប់នោះ។
ក្បួនគណបក្សសមរង្ស៊ី នៅថ្ងៃផ្តើមបើកយុទ្ធនាការឃោសនាបោះឆ្នោត នៅព្រឹកថ្ងៃទី១៨ ខែឧសភា ឆ្នាំ២០១២ បានប្រមូលផ្ដុំគ្នានៅចំណុចបរិវេណសួនច្បារមុខវត្តបទុម ខណ្ឌដូនពេញ ដោយមានស្រែកជយឃោស រកសំឡេងឆ្នោត និងមានការរាំនៅបរិវេណសួនច្បារ។
បើទោះបីជាពុំមានវត្តមានមេដឹកនាំក៏ដោយ នៅព្រឹកថ្ងៃទី ១៨ ឧសភា ដែលជាថ្ងៃផ្ដើមឃោសនាដំបូង សម្រាប់ការបោះឆ្នោតឃុំ- សង្កាត់ គណបក្សសមរង្ស៊ីប្រចាំក្រុងភ្នំពេញ មានអ្នកចូលរួមដង្ហែរ ក្បួន ប្រមាណ ៦ ពាន់នាក់ និងរថយន្តជាង១រយគ្រឿង ។
គណបក្សប្រជាជនកម្ពុជា នៅភ្នំពេញ ទូទាំង ៩៦ សង្កាត់ បានជ្រើសរើសយកទីតាំងកោះពេជ្រ នៅផ្នែកខាងជើង ដើម្បីជួបជុំអបអរសាទរ “មិទ្ទិញបើកយុទ្ធនាការឃោសនាបោះឆ្នោតជ្រើសរើសក្រុមប្រឹក្សាសង្កាត់អាណត្តិទី៣ របស់គណបក្សប្រជាជនកម្ពុជា រាជធានីភ្នំពេញ” នាព្រឹកថ្ងៃទី១៨ ខែឧសភា ឆ្នាំ២០១២។
ថ្ងៃទី១៨ ខែឧសភា ឆ្នាំ២០១២ នេះ ជាថ្ងៃដំបូងដែលគណបក្សនយោបាយទាំង ១០ ចាប់ផ្ដើមធ្វើយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ នៅថ្ងៃទី៣ ខែមិថុនា។
នៅព្រឹកថ្ងៃទី១៨ ខែឧសភា នេះ ជាថ្ងៃដំបូងនៃយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៣។ ក្នុងទីក្រុងភ្នំពេញសំឡេងឧគ្ឃោសនស័ព្ទ និងការហ៊ោកញ្ជ្រៀវបានលាន់លឺនៅតាមដងវិថី និងទីប្រជុំជនដោយសារនយោបាយនានារបស់គណបក្សដែលបានចូលរួមក្នុងការបោះឆ្នោតឃុំសង្កាត់ដែលនឹងប្រព្រឹត្តទៅនាថ្ងៃទី០៣ ខែមិថុនា ខាងមុខ។
មតិអ្នកអាន