Cambodia News: Cambodian Internet Newspaper
ក្រសួងអប់រំ យុវជន និងកីឡា បានជ្រើសយកខេត្តតាកែវ ជាទីតាំងប្រកួតកីឡាប្រណាំងកង់ ស្វែងរកជើងឯកប្រចាំឆ្នាំ២០១០នេះ។ កីឡានាំមកនូវថាមពលកម្លាំង សាមគ្គីភាព និងការអភិវឌ្ឍ នេះជាប្រធានបទ ដែលក្រសួងអប់រំ យុវជន និងកីឡា រួមសហការជាមួយសហព័ន្ធខ្មែរកីឡាប្រណាំងកង់ បានកំណត់ក្នុងកម្មវិធីប្រណាំងកង់ប្រចាំឆ្នាំ២០១០ ដែលមានរយៈពេលពីរថ្ងៃ គឺថ្ងៃទី២៣ និង២៤ ឧសភា ដោយជ្រើសយកខេត្តតាកែវ ជាគោលដៅនៃការប្រារព្ធពិធីនេះ។
ជើងឯកប្រដាល់ពិភពលោកម៉ានី ប៉ាក់គីអាវ កាលពី ថ្ងៃពុធ ទី១២ ឧសភា បានប្រកាសថាខ្លួនចង់ឡើងប្រកួតជាមួយលោកមេវេដឌ័រ ដើម្បីទុកជាអនុស្សាវរីយ៍នៃការប្រកួតចុងក្រោយរបស់ខ្លួន ។ ប៉ាក់គីអាវ មានបំណងលាឈប់ពីការប្រដាល់ហើយចាប់អាជីពជាអ្នកនយោបាយវិញ ។
កីឡាការិនី ល្បុក្កតោ ជើងខ្លាំង អ៊ុំ ថារ័ត្ន ដែលជាម្ចាស់ មេដាយមាស ចំនួន ៥ ពីការប្រកួត ជើងឯកជាតិឆ្នាំ ២០០៨ និង ២០០៩ មកនេះ មានបំណងចង់ក្លាយ ជាអ្នកសម្តែងក្បាច់ គុនបុរាណខ្មែរ (ល្បុក្កតោ) នៅហូលីវូដ ដើម្បីឱ្យ ពិភពលោក បាន ស្គាល់ក្បាច់គុន បុរាណខ្មែរ ហើយដែលស្ត្រីខ្មែរ អាចធ្វើបាន ។
រឿង សោភ័ណ្ឌ ក្លឹបខេមរកីឡា ប្រកួតឈ្នះ ផុន ផល ក្លឹបតាព្រហ្មមានជ័យ មុនស្នូរជួងបញ្ចប់ទឹកទី៥ ក្នុងការប្រកួត នាយប់ថ្ងៃទី ២៣ មេសា លើសង្វៀន TV5 ។
METFONE CAMBODIAN League 2010 សំរាប់ថ្ងៃទី ២១ មេសាខាងមុខនេះ មានតែមួយប្រកួតប៉ុណ្ណោះ ។ ក្រុមភ្នំពេញ CROWN មិនត្រឹមតែជាក្រុមដែលលេងក្នុង League ដ៏ចាស់វស្សាប៉ុណ្ណោះទេ តែជាក្រុមខ្លាំង ធ្លាប់គ្រប់គ្រងដំណែងជើងឯក League និងធ្លាប់គ្រប់គ្រងដំណែងជើងឯក HUN SEN Cup បាន 2 ឆ្នាំជាប់គ្នាទៀតផង ។
លើសង្វៀន TV5 ថ្ងៃទី ១៨ មេសា អ្នកប្រដាល់ សយ សាអ៊ឹម ក្លឹបទ័ពឆ័ត្រយោង៩១១ តស៊ូជាមួយ ឈាន ហុង ក្លឹប ខាំបុក្សកីឡា តែ២ទឹកប៉ុណ្ណោះ ។
បន្ទាប់ពីចូលឆ្នាំថ្មីប្រពៃណីខ្មែរកីឡាប្រដាល់ស្ម័គ្រចិត្តក្បាច់គុនបុរាណខ្មែរក៏នៅតែដំណើរការជាធម្មតា គឺស្ថិតនៅសង្វៀនទូរទស្សន៍បាយ័ន ភូមិឫស្សីស្រស់ សង្កាត់និរោធ ខណ្ឌមានជ័យ ។
លើសង្វៀន TV3 ថ្ងៃទី ១០ មេសា ខាងមុខនេះ ភុំ សារាយ ក្លឹបខាំបុស្សកីឡា ប្រកួតជាមួយ កែវ រំចង់ ក្លឹបកងពលធំអន្តរាគមន៍លេខ៣ ។ អ្នកប្រដាល់ទាំង២ រូបនេះ ពុំធ្លាប់ជួបប្រកួតគ្នា ពីមុនមកទេ ។
មានកីឡាករល្បីៗជាច្រើនរូបដែលត្រូវឡើងរេញប្រកួតក្បាច់គុនបុរាណខ្មែរនៅស្ថានីយទូរទស្សន៍បាយ័ន ភូមិប្ញស្សីស្រស់ សង្កាត់និរោធ ខណ្ឌមានជ័យ នៅថ្ងៃទី១០ ខែមេសា ខាងមុខនេះ ។
អតីតកីឡាករ-ការិនី មន្ត្រីកីឡា ដែលចូលរួមក្នុងពិធីជួបជុំនោះមានព្រឹទ្ធាចារ្យ អ៊ឹង គីមសួរ ដែលសព្វថ្ងៃមានអាយុ ៨៩ឆ្នាំហើយ តែលោកនៅជាសមាជិកប្រតិបត្តិសហព័ន្ធប្រដាល់ ។ លោកសូ ថែន អតីតជាមន្ត្រីការិយាល័យរដ្ឋបាល នៃនាយកដ្ឋានអប់រំកាយ និងកីឡា ។ គួរបញ្ជាក់ថា លោកសូ ថែន សព្វថ្ងៃមានអាយុ ៨១ឆ្នាំ ។
លើសង្វៀន TV5 យប់ថ្ងៃទី ៩ មេសា អ្នកប្រដាល់ម៉ៃ សុភ័ក្រ ក្លឹប CMAC ប្រកួតចាញ់ពិន្ទុ នៅ ចន្ថា ក្លឹបតាព្រហ្មមានជ័យដាច់ ។
អ្នកប្រដាល់ជនជាតិរុស្ស៊ី ឈ្មោះ CALOFF CHITEYIM ត្រូវ ជ័យ កុសល ក្លឹបសិង្ហកីឡាផ្តួលមុនស្នូរជួងបញ្ចប់ទឹកទី១ ។ CALOFF ដែលមានប្រវត្តិប្រកួត ៣០ដង ឈ្នះ ២០ដង ចាញ់ ១០ដងនោះត្រូវ កុសល ទាត់តែមួយជើងចំកំភួនជើងឆ្វេងបណ្តាលឲ្យអ្នកប្រដាល់ឆ្លងដែនរូបនេះ មិនមានសមត្ថភាពឈរបន្តការប្រកួតបានទៀត ។
ឆយ វីរ៉ា បានជាប់ជា ជើងឯកអុកខ្មែរ ឆ្នាំ ២០០៨ ក្នុងការដណ្តើម ពានរង្វាន់ អុកចត្រង្គ សម្តេចតោជា ទីបំផុតបានរកឃើញ អ្នកឈ្នះ និង អ្នកចាញ់ ពិតប្រាកដ ។
លើសង្វៀន TV5 យប់ថ្ងៃទី ២មេសា អ្នកប្រដាល់ម៉ន វិរៈ ក្លឹបព្រែកឯងកីឡា ប្រកួតឈ្នះ ម៉ាត់ ឆ្វេង ក្លឹបខេត្តកោះកុង ដោយពិន្ទុ ដាច់តែម្តង ។
ផាវ ភឿក ក្លឹបកងពលធំអន្តរាគមន៍លេខ ៣ ប្រកាសវ៉ៃសងសឹកជាមួយ សរ សី ក្លឹបអេភូថង លើសង្វៀន TV5 ថ្ងៃទី ៤ មេសា ខាងមុខនេះ ។ កាលពីឆ្នាំកន្លងទៅគឺថ្ងៃទី ៥ មិថុនា ២០០៩ ផាវ ភឿកចាញ់ពិន្ទុ សរ សី ម្តងហើយ ។
League ក្នុងសប្តាហ៍ដំបូងសំរាប់ឆ្នាំ២០១០ នេះ មាន ៤ ប្រកួតឯណោះ ។ ក្រុមភ្នំពេញ CROWN បានយកឈ្នះក្រុមវត្តភ្នំ ៨ ទល់ ១ ។ លេងបាន ២ នាទី ភ្នំពេញ CROWN រកបានមួយគ្រាប់មុន ដែលស៊ុតបញ្ចូលទីដោយលេខ ២០ ឈ្មោះ JUSTINE UCH PRINCE ។
អ្នកប្រដាល់ យឹម ឌៀប ក្លឹបក្រសួងការពារជាតិ បានយកឈ្នះ សឹង្ហ សាវ៉ន ក្លឹបសឹង្ហកីឡា ដោយពិន្ទុដាច់ ។ អ្នកប្រដាល់ទាំង ២រូបនេះ ប្រើកំលាំងវាយប្រហារគ្នា ពេញទាំង ៥ទឹកតែម្តង ។ លទ្ធផលចុងក្រោយ យឹម ឌៀប ឈ្នះ សឹង្ហ សាវ៉ន ដោយពិន្ទុ ។ ចៅ ផលឌឿ ក្លឹបកងកេង ខេត្តបាត់ដំបង ប្រកួតស្មើពិន្ទុ ជាមួយ ណាំ នឿន ក្លឹបបង្ក្រាបគ្រឿងញៀន ។
វង្ស ណយ ក្លឹបប្រដាល់ក្រសួងការពារជាតិ នឹងជួបប្រកួតគ្នាជាលើកដំបូង លើសង្វៀនTV5 ជាមួយ កែវ ប៊ុនហេង ក្លឹបព្រះខ័នរាជថ្ងៃទី ២ មេសា ខាងមុខនេះ ។
METFONE CAMBODIA League ថ្ងៃទី២៨ មីនា មាន២ប្រកួត គឺខេមរាជួបក្រសួងការពារជាតិ និង NAGA CORP ជួបព្រែកប្រាកីឡា ។ ខេមរាជាក្រុមលេខ២ ក្នុង League រដូវកាលចាស់ ឯក្រុមការពារជាតិកាលពីរដូវកាលចាស់ មិនមានចំណាត់ថ្នាក់ល្អក្នុង League ទេ តែ HUN SEN Cup ឆ្នាំ២០១០ ក្រុមការពារជាតិជាក្រុមដែលលើកពានជើងឯក ។
ការប្រកួតកីឡាសិស្សក្របខណ្ឌមធ្យមសិក្សាទូទាំងប្រទេសឆ្នាំ ២០១០ បានចាប់ផ្តើមហើយនៅខេត្តស្វាយរៀង ។ បាល់ទាត់បុរស ដែលមាន ២៤ក្រុមនោះ ចែកចេញជា ៨ពូល ដោយមួយពូលៗ មាន ៣ក្រុម ។ ពូល A មានខេត្តប៉ៃលិន សៀមរាប បាត់ដំបង ។
ការសម្ដែងមតិ