ដោយ៖ ណាត សុភាព | ថ្ងៃព្រហស្បតិ៍ ទី14 ឧសភា 2015
http://vodhotnews.com
ស្តាប់សំឡេង៖ |
ចម្លងទុក |
សមាគមការពារសិទ្ធិមនុស្សអាដហុកនៅថ្ងៃព្រហស្បតិ៍នេះ ច្រានចោលការថ្លែងរបស់រដ្ឋមន្ត្រីក្រសួងរ៉ែ និងថាមពលលោក ស៊ុយ សែម ដែលថាមន្ត្រីសមាគមនេះនៅពីក្រោយករណីទំនាស់ដីធ្លីភូមិឡពាង ក្នុងខេត្តកំពង់ឆ្នាំង ខណៈអ្នកភូមិទាំងនោះនៅតែតវ៉ាមិនព្រមទទួលយកសំណង ។
ការច្រានចោលនេះ ធ្វើឡើងបន្ទាប់ពីលោក ស៊ុយ សែម ថ្លែងប្រាប់អ្នកយកព័ត៌មានVOD បន្ទាប់ពីធ្វើសន្និសីទសារព័ត៌មានមួយនៅក្រសួងរ៉ែ និងថាមពល កាលពីថ្ងៃ១២ ខែឧសភា ឆ្នាំ២០១៥ ។ លោក ស៊ុយ សែម ថ្លែងថា ករណីជម្លោះដីធ្លីនៅភូមិឡពាង ឃុំតាជេស ស្រុកកំពង់ត្រឡាច ខេត្តកំពង់ឆ្នាំង ជាមួយក្រុមហ៊ុនរបស់ភរិយាលោកនោះ ដោយសារមានសមាគមអាដហុក និងអ្នកនយោបាយនៅពីក្រោយប្រជាពលរដ្ឋទាំងនោះ ។
លោកបញ្ជាក់ថា «គឺប្រាកដណាស់ មានអ្នកនៅពីក្រោយខ្នង មានអង្គការអាដហុក មានអ្នកនយោបាយនៅពីក្រោយ បើសិនតែជាប្រជាពលរដ្ឋ ដោះចប់បាត់ហើយ គឺមានអ្នកនៅពីក្រោយខ្នងចាំញុះញង់ ណែនាំ បញ្ឆេះបញ្ហាជានិច្ច ហ្នឹងហើយជាបញ្ហាដែលយើងពិបាក» ។
សេចក្តីថ្លែងការណ៍របស់សមាគមការពារសិទ្ធិមនុស្សអាដហុក ចុះផ្សាយនៅថ្ងៃព្រហស្បតិ៍ ទី១៤ ខែឧសភានេះមានខ្លឹមសារថា ការចោទប្រកាន់របស់លោក ស៊ុយ សែម មកលើសមាគមអាដហុក ថានៅពីក្រោយ អ្នកមានជម្លោះដីធ្លីឡពាងនោះ គឺជាការបិទបាំងនូវការប្រើអំណាចរដ្ឋរបស់លោក ដើម្បីផលប្រយោជន៍ផ្ទាល់ខ្លួន និងធ្វើយ៉ាងណាឲ្យសមាគមការពារសិទ្ធិមនុស្សមួយនេះ ដកខ្លួនចេញពីប្រជាពលរដ្ឋរងគ្រោះ ដើម្បីលោក ស៊ុយ សែម អាចប្រើប្រាស់តុលាការ និងអាជ្ញាធរក្រោមអំណាចរបស់លោកគាបសង្កត់ប្រជាពលរដ្ឋតែប៉ុណ្ណោះ ។
ទោះជាយ៉ាងណា លោក ស៊ុយ សែម បានអះអាងក្នុងសន្និសីទកាសែត នាថ្ងៃ១២ ឧសភាថា ករណីអ្នកមានជម្លោះដីធ្លីនៅភូមិឡពាងនោះ ប្រធានគណៈកម្មការទី១នៃរដ្ឋសភាមកពីគណបក្សសង្គ្រោះជាតិ និងសមាជិកមកពីគណបក្សប្រជាជនកម្ពុជាបានសិក្សាសំណុំរឿងនោះហើយ ។ លោកថា ប្រធានគណៈកម្មការទី១នៃរដ្ឋសភាលោក អេង ឆៃអ៊ាង បានប្រាប់ក្រុមហ៊ុនខេឌីស៊ី ឲ្យបន្តធ្វើការអភិវឌ្ឍនៅតំបន់មានជម្លោះនោះដដែល តែក្រុមហ៊ុនត្រូវរកវិធីដោះស្រាយជូនប្រជាពលរដ្ឋនៅពេលក្រោយ ។
លោក ស៊ុយ សែម បានថ្លែងថា «គណៈកម្មការសភាក៏បានប្រាប់ដែរថា ក្រុមហ៊ុនចង់ដំណើរការអីក៏ដំណើរការទៅក្នុងដីជាកម្មសិទ្ធិរបស់ខ្លួន…ចេះចែបន្តដោះស្រាយទៅ មិនមែនមានន័យថាយើងឈប់ដោះស្រាយទេ» ។
យ៉ាងណាក៏ដោយ ប្រធានគណៈកម្មការសិទ្ធិមនុស្សទទួលពាក្យបណ្ដឹង អង្កេត និងទំនាក់ទំនងរដ្ឋសភា ព្រឹទ្ធសភា លោក អេង ឆៃអ៊ាង បដិសេធនឹងការលើកឡើងរបស់លោក ស៊ុយ សែម ដោយលោកអះអាងថា គណៈកម្មការមួយនេះមិនមានសិទ្ធិអំណាចបញ្ជាឲ្យក្រុមហ៊ុនណាមួយអភិវឌ្ឍន៍លើដីមានជម្លោះទេ ។ លោកថា «ខ្ញុំវាមិនជឿថា គាត់ធ្វើដល់ទៅរដ្ឋមន្ត្រីគាត់ទៅនិយាយអញ្ចឹងទេ ព្រោះគណៈកម្មការទី១មានសិទ្ធិឯណាទៅវិនិច្ឆ័យចង្អុលដើម្បីថាអ្នកនេះត្រូវធ្វើអញ្ចេះធ្វើអញ្ចុះឯណា? អត់ទេ អាហ្នឹងនិយាយឲ្យច្បាស់អញ្ចឹង ខ្ញុំមិនបាច់និយាយដល់គណៈកម្មការទី១ទេ គឺមានតែស្ថាប័ននីតិប្រតិបត្តិទេ ជាអ្នកដើម្បីធ្វើសេចក្ដីសម្រេច ក្នុងការធ្វើកិច្ចការអីប្រតិបត្តិការងារហ្នឹង ខាងនីតិបញ្ញត្តិគ្រាន់តែជាអ្នកដើម្បីធ្វើច្បាប់ អនុម័តច្បាប់ និងឃ្លាំមើលការអនុវត្តច្បាប់តែប៉ុណ្ណឹងទេ» ។
សេចក្តីថ្លែងការណ៍ដដែលឲ្យដឹងទៀតថា លោក ស៊ុយ សែម ដែលជាមន្ត្រីសាធារណៈរបស់រដ្ឋ កំពុងប្រើប្រាស់តួនាទី និងមុខងាររបស់ខ្លួនការពារប្រយោជន៍ឲ្យក្រុមហ៊ុន ខេឌីស៊ី ដែលផ្ទុយពីច្បាប់រដ្ឋធម្មនុញ្ញ និងច្បាប់ស្តីពីសហលក្ខន្តិកៈមន្ត្រីរាជការស៊ីវិល ។ សមាគមនេះ ក៏អំពាវនាវឲ្យស្ថាប័នពាក់ព័ន្ធទាំងអស់ត្រូវធ្វើការស៊ើបអង្កេតករណីលោក ស៊ុយ សែម ជារដ្ឋមន្ត្រីក្រសួងរ៉ែ និងថាមពល ថាបានយកតួនាទី និងអំណាចរបស់រដ្ឋ មកប្រើប្រាស់សម្រាប់ប្រយោជន៍ផ្ទាល់ខ្លួនទាំងបំពានច្បាប់ និងត្រូវផ្តន្ទាទោសតាមច្បាប់ ។
ទោះជាយ៉ាងណា ក្នុងសន្និសីទកាសែត នាថ្ងៃ១២ ឧសភា លោក ស៊ុយ សែម បានអះអាងថា ប្រជាពលរដ្ឋដែលនៅភូមិឡពាងមិនមានប័ណ្ណកម្មសិទ្ធិដីត្រឹមត្រូវនោះទេ ហើយក្រុមហ៊ុនខេឌីស៊ី បានទិញដីពីម្ចាស់ដើម ដែលមានប័ណ្ណរឹងត្រឹមត្រូវ និងទទួលស្គាល់ពីសុរិយោដីស្រុក និងខេត្ត ។ ទោះជាយ៉ាងនេះក្តីលោកថា ក្រុមហ៊ុនខេឌីស៊ីនៅតែដោះស្រាយករណីជម្លោះនោះជូនប្រជាពលរដ្ឋ ដែលនៅសេសសល់១៦គ្រួសារទៀត ឲ្យសំណងជាប្រាក់ ឬដីដែលនៅក្បែរដីមានជម្លោះនោះ ។
សូមរំឭកថា ជម្លោះដីធ្លីនៅភូមិឡពាង ឃុំតាជេស ស្រុកកំពង់ត្រឡាច ខេត្តកំពង់ឆ្នាំង រវាងប្រជាពលរដ្ឋ និងក្រុមហ៊ុនខេឌីស៊ី របស់លោកស្រី ជា ខេង ភរិយាលោក ស៊ុយ សែម រដ្ឋមន្ត្រីក្រសួងរ៉ែ និងថាមពលកើតឡើងរយៈពេល៩ឆ្នាំមកហើយ ។ កន្លងទៅអាជ្ញាធរធ្លាប់បង្កើត គណៈកម្មាធិការចម្រុះ រួមមានតំណាងក្រុមហ៊ុន តំណាងពលរដ្ឋ និងអាជ្ញាធរ ដើម្បីដោះស្រាយលើបញ្ហានេះ តែនៅមិនទាន់អាចដោះស្រាយបាននៅឡើយ ៕
សូមសរសេរមកលោគ ណាត សុភាព តាមរយៈ sopheap@vodhotnews.com
សេចក្តី លោភលន់ នឹង ត្រូវវិនាស ដល់ពេលស្លាប់ ទៅ គ្មានសល់ អ្វី សល់ តែ ឈ្មោះ អាសោចន៍ ត្រូវ
គេជុះ អាចមន៍ ជុះនោម ដាក់ !
តា ប៉ិះ ស៊ុយ សែម ដើរ និយាយ តាពាស គ្មានការ ពិត !
ធ្វើ រដ្ឋមន្ត្រី ផង រកស៊ីក្រៅ ផង តើ គួរទុក អោយនៅ ទៀត ទេ , ដេញគាត់អោយទៅនៅ
ជាមួយប្រពន្ធគាត់ វិញ ទៅ កុំអោយ បែកគ្នា !
(( ខ្វះណាស់ កូនខ្មែរ អ្នក ចេះដឹង ជំនាន់ ក្រោយ ម៉ា សន្ធឹក ? ))
អ្នកដែលប្លន់ដីរាស្ដ្រ គឺសុទ្ធតែជាមុខពួកមន្ដ្រីធំៗ ក្នុងជួរ រដ្ឋាភិបាល
ម្នាក់ៗ យកទួនាទីអំណាចបុណ្យសក្ដ័ខ្លួនជាមន្ដ្រីមកគាបសង្កត់រិបអូសយកដីប្រជាពលរដ្ឋ
បង្កើតភាពស្មុកស្មាញវេទនានឹងអយុត្តិធម៍ដល់ពួកគេ ហើយចោទទំលាក់កំហុសទំាងប៉ុន្មាន
ទៅលើរពួកគេទៀត ឯខ្លួនអែងជាមន្ដ្រីគឺត្រូវរហូត ដូចយ៉ាងស៊ុយ សែមនេះជាដើម
លោក ស៊ុយ សែម ជារដ្ឋមន្ត្រីធ្វេីការបំរេីប្រពន្ធ ឬ បំរេី រដ្ឋនិងរាស្ត្រ ——–?????????។
ឬមួយជាការឃុបឃិត យកផ្លាករដ្ឋមន្ត្រី ទៅធ្វេីជំនួញ ដោយដាក់ឈ្មោះប្រពន្ធគាត់ទៅវិញ —–?????។
បង្ហាញអោយឃេីញយ៉ាងច្បាស់ថា អំពេីពុករលួយ ចាប់ផ្តេីមតាំងពីមន្ត្រីជាន់ខ្ពស់ៗក្នុងរដ្ឋាភិបាល។
ហេតុនេះហេីយ ទេីបសម្តេច ហ៊ុន សែន មិនអាចបំបាត់អំពេីពុករលួយបាន ៗតែត្រឹម ព្រមាន។
កន្លងមក រដ្ឋាភិបាលបាន លេីកពីការអះអាង ក្នុងការអនុវត្តិច្បាប់ តែហាក់បីដូចជាច្បាប់ មិនបាននៅក្នុងរដ្ឋាភិបាលទេ បែរជាមន្ត្រី និងមហាមន្ត្រីយក ច្បាប់ទៅទុកឯផ្ទះអស់ទៅវិញ ——???????។
បេីបក្សប្រជាជនបំពេញនូវឆន្ទៈ នយោបាយ ដោយបំបាត់អំពេីពុករលួយ នោះ បក្សនេះនឹងឈ្នះក្នុងអណត្តិក្រោយទៀត។
សំនៀង