លោក ថាច់ សេដ្ឋា ថាខ្មែរកម្ពុជាក្រោមប្រហែល៣០%មិនមានអត្តសញ្ញាណប័ណ្ណ


|
https://www.vodhotnews.com

ពិធីរំលឹកខួបលើកទី៤២ឆ្នាំ ទិវា​តស៊ូមតិរបស់យុទ្ធជន យុទ្ធនារី ខ្មែរកម្ពុជា​ក្រោម នាព្រឹកថ្ងៃទី១៦ ខែវិច្ឆិកា ឆ្នាំ២០១៨។ (រូបភាព៖ ណាត សុភាព)


ប្រធាន​សហគមន៍​ខ្មែរ​កម្ពុជា​ក្រោមថ្លែងថា ពលរដ្ឋខ្មែរកម្ពុជាក្រោមប្រហែល​៣០% មិនទាន់មាន​អត្ត​សញ្ញាណ​​​​ប័ណ្ណសញ្ជាតិខ្មែរនៅឡើយ ដោយសារ អាជ្ញាធរមួយចំនួន​រើស​អើង​ នឹងបង្កការលំបាកច្រើននៅពេលស្នើសុំធ្វើប័ណ្ណសំគាល់ខ្លួននោះ​ ។

​ក្នុងពិធីរំលឹកខួបលើកទី៤២ឆ្នាំ ទិវា​តស៊ូមតិរបស់យុទ្ធជន យុទ្ធនារី ខ្មែរកម្ពុជា​ក្រោម​ នាព្រឹកនេះប្រធាន​សហគមន៍​ខ្មែរ​កម្ពុជា​ក្រោម​ លោក ថាច់ សេដ្ឋា បានថ្លែងថា​នៅពេលពលរដ្ឋទៅស្នើសុំធ្វើសំបុត្រកំណើត សៀវភៅគ្រួសារ សៀវភៅស្នាក់នៅ លិខិតឆ្លងដែន និងអត្តសញ្ញាណប័ណ្ណជាដើម ត្រូវ​បានអាជ្ញាធរកម្ពុជាមួយចំនួនមិនសូវយកចិត្តទុកដាក់នោះទេ។ ករណីនេះ លោកជំរុញទៅខ្មែរកម្ពុជាក្រោមដែលជួបបញ្ហា​ទាំងនេះ ជូនដំណឹង​ទៅសហគមន៍ខ្មែរកម្ពុជាក្រោម ដើម្បីជួយរកដំណោះស្រាយ​ជូនពួកគេ។

លោក សេដ្ឋា បញ្ជាក់ថា នៅពេលពលរដ្ឋទៅស្នើសុំធ្វើសំបុត្រកំណើត សៀវភៅគ្រួសារ សៀវភៅស្នាក់នៅ លិខិតឆ្លងដែន និងអត្តសញ្ញាណប័ណ្ណជាដើម ត្រូវ​បានអាជ្ញាធរកម្ពុជាមួយចំនួនមិនសូវយកចិត្តទុកដាក់នោះទេ។ ករណីនេះលោកជំរុញទៅខ្មែរកម្ពុជាក្រោមដែលជួបបញ្ហា​ទាំងនេះ ជូនដំណឹង​ទៅសមាគមន៍ខ្មែរកម្ពុជាក្រោម ដើម្បីជួយរកដំណោះស្រាយ​ជូនពួកគេ។

លោកថ្លែងថា៖ «បើបងប្អូនណា ដែលបាន​ប៉ះពាល់ដល់អាជ្ញាធរដែលគេមិនផ្តល់លិខិតស្នាមឲ្យដូចជាសំបុត្រកំណើត ដូចជាសៀវភៅគ្រួសារ​ទាំងអស់ គេមិនទទួលស្គាល់យើងសុំឲ្យ​ទាក់ទង​មក​អង្គការសមាគម ដើម្បីយើងរៀប​ចំឯកសារទាំងអស់ ហើយយើងនឹងតវ៉ា​»។

​មេដឹកនាំសហគមន៍ខ្មែរកម្ពុជាក្រោមរូបនោះ អះអាងថា បើរដ្ឋាភិបាលកម្ពុជានៅតែមិនយកចិត្តទុកដាក់ ថែរក្សាអត្តសញ្ញាណជូនខ្មែរកម្ពុជាក្រោមនោះទេ លោកថានៅថ្ងៃអនាគតខ្មែរកម្ពុជាក្រោមនឹងបាត់បង់អត្តសញ្ញាណ ដូចសុភាសិតខ្មែរថា «វប្បធម៌រលត់ ជាតិរលាយ»

នាយកកម្មវិធីសមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិវឌ្ឍន៍ លោក សឺន ជុំជួន ថ្លែងថា ខ្មែរកម្ពុជាក្រោមមួយចំនួនដែលទៅសុំធ្វើលិខិតអត្រានុកូលដ្ឋាន ជាពិសេសអត្តសញ្ញាណប័ណ្ណ។ លោកថាអាជ្ញាធរខេត្តដែលមិនសូវចិត្តទុកដាក់នោះមានចំនួន៣ខេត្តរួមមាន ខេត្តសៀមរាប កំពង់ឆ្នាំង និងភ្នំពេញ។

ប្រធាននាយកដ្ឋានអត្តសញ្ញាណប័ណ្ណសញ្ជាតិខ្មែរនៅក្រសួង​មហាផ្ទៃ​ លោក ឃៀង សុគន្ធា​ បានពន្យល់ជាទូទៅថា ដើម្បីធ្វើអត្តសញ្ញាណប័ណ្ណបាន លុះត្រាតែបុគ្គលនោះមានលិខិតបញ្ជាក់កំណើតសញ្ជាតិខ្មែរ សៀវភៅគ្រួសារ ឬសៀវស្នាក់នៅ ទើប​ក្រសួងផ្តល់អត្តសញ្ញាណប័ណ្ណឲ្យបាន។ លោកបន្តថារដ្ឋាភិបាល មិន​ដែល​រើសអើងនោះទេ។

លោកពន្យល់ថា៖ «ពេលខ្លះមានការលំបាកដែរ ។ ខ្ញុំធ្លាប់ជួប ដែលគាត់ធ្លាប់អះអាងថា គាត់កម្ពុជា​ក្រោម។​ ប៉ុន្តែយើងត្រូវគិតថា កន្លែង​ណាបញ្ជាក់ថា គាត់កម្ពុជាក្រោម​ កន្លែងណាទៅបញ្ជាក់ថា គាត់មិនមែនជាកម្ពុជាក្រោម។ […] បើនិយាយឲ្យខ្លីរឿង​អត្តសញ្ញាណប័ណ្ណជា​រឿងដែល​ ក្រោយពីគាត់​មានលិខិតស្នាមដែលត្រឹមត្រូវដែលបញ្ជាក់ថា មានសញ្ជាតិខ្មែរ​ហើយ ទើបខ្ញុំអាច​ផ្តល់អត្តសញ្ញាណប័ណ្ណបាន​​​»។

គួរបញ្ជាក់ថា ទឹកដីកម្ពុជា ដែលមានចំនួន ២១ខេត្ត ត្រូវបានអាណាព្យាបាលបារាំង កាត់ទៅឲ្យវៀតណាម​គ្រប់គ្រង នៅក្នុងឆ្នាំ១៩៤៩ ដោយគ្មានការឯកភាពពីប្រជាពលរដ្ឋខ្មែរនោះឡើយ។

នាយកកម្មវិធីសមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិវឌ្ឍន៍ លោក សឺន ជុំជួន អះអាងថា បើតាមឯកសាររបស់សហព័ន្ធខ្មែរកម្ពុជាក្រោម ទឹកដីកម្ពុជាក្រោមមានផ្ទៃដីជាង៦៩០០ គីឡូម៉ែត្រក្រឡា និងមានប្រជាជនខ្មែរកម្ពុជាក្រោមរស់នៅជាង៧លាននាក់ គិតត្រឹមឆ្នាំ១៩៩៩ និងមានវត្តអារាមពុទ្ធសាសនា ជិត៦០០វត្ត មានព្រះសង្ឃខ្មែរជាង ២ម៉ឺនអង្គគង់។ ប៉ុន្តែសម្រាប់តួលេខឆ្នាំ២០១៨នេះ លោកថា មិនទាន់មានរបាយការណ៍នោះទេ​៕

អត្ថបទទាក់ទង


រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

What Next?

Recent Articles

2 Responses to "លោក ថាច់ សេដ្ឋា ថាខ្មែរកម្ពុជាក្រោមប្រហែល៣០%មិនមានអត្តសញ្ញាណប័ណ្ណ"

  1. Anonymous says:

    Don’t be surprised because Hun Sen government is Vietnam slaves. They are trying to eliminate all Cambodian people and take good care of Vietnamese people. Century after century, there is nothing changes because Cambodia leader has been always the most illiterate person thinks nothing more than his power and family and always relied on another country to defeat his Cambodian people. Most of educated Cambodian will be executed. The most embarrassing for all Cambodian is that stupid and brain washed leader declares himself as a nationalist. The current is the worst of all because they are handing Cambodia territory to Vietnam and China and execute any Cambodian who stands up to protect this poor nation.

  2. Anonymous says:

    Don’t be surprised because Hun Sen government is Vietnam slaves. They are trying to eliminate all Cambodian people and take good care of Vietnamese people. Century after century, there is nothing changes because Cambodia leader has been always the most illiterate person thinks nothing more than his power and family and always relied on another country to defeat his Cambodian people. Most of educated Cambodian will be executed. The most embarrassing for all Cambodian is that stupid and brain washed leader declares himself as a nationalist. The current is the worst of all because they are handing Cambodia territory to Vietnam and China and execute any Cambodian who stands up to protect this poor nation. Evidently, Vietnamese who lives in Cambodia has ID and right to vote but not Kampuchea Krom people who owns Cambodia centuries ago, why?