លោក ​ស ​ខេង​ ថា​ នឹងបន្ត​ជំរុញ​ដំណើ​រការប្រ​ជាធិប​តេយ្យ​ ខណៈ​​មាន​​ការ​​រិះ​​គ​ន់​​ថា សិ​​ទ្ធិម​​នុ​ស្ស​ធ្លាក់​ចុះ​គួរ​ឲ្យ​បារម្ភ​


|
https://www.vodhotnews.com

លោក ស ខេង នាយករដ្ឋមន្ត្រីស្ដីទី អញ្ជើញជាអធិបតី នៅក្នុងពិធីប្រកាសចូលកាន់មុខតំណែងអភិបាល នៃគណ:អភិបាលខេត្តត្បូងឃ្មុំ នាព្រឹកថ្ងៃព្រហស្បតិ៍ ៨កើត ខែកត្តិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៥ ខែវិច្ឆិកា ឆ្នាំ២០១៨ នៅសាលាខេត្តត្បូងឃ្មុំ ។ (រូបភាព៖ ហ្វេសប៊ុក លោក ស ខេង)


នាយករដ្ឋមន្ត្រីស្តីទី លោក​ ស ខេង បាន​ក្រើនរំឭកមន្ត្រីឲ្យចេះទទួ​ល​យក​​ម​តិ​​​​ផ្ទុយ​មកដោះស្រាយ ទើបអា​ចធានាពីប្រសិទ្ធិ​ភាពនៃការ​ជំរុញ​​ឲ្យមានការគោរ​​ព​សិ​​ទ្ធិមនុស្ស និងលទ្ធិប្រជាធិបតេយ្យ។

ក្នុងពិធីផ្ទេរតំណែងអភិបាលខេត្តត្បូងឃ្មុំ ថ្ងៃព្រហស្បតិ៍ម្សិលមិញនេះ លោក ស ខេង ថ្លែងថា រដ្ឋាភិ​បាលអា​ណ​ត្តិថ្មីនេះ នៅតែបន្តជំរុញ​គោ​ល​កា​រណ៍​គោរព​សិទ្ធិម​នុស្ស និងលទ្ធិប្រជាធិបតេយ្យ តា​មស្មារតីរដ្ឋធម្មនុញ្ញ បើទោះ​បី​​ស​​​ភាអាណត្តិទី៦នេះ មានតែ​គណប​ក្ស​​ប្រ​​ជា​ជន​តែមួយ​ក៏​ដោយ។

លោក ស​ ខេង បានក្រើនរំឭកថា ភាពជោគជ័យរបស់ថ្នាក់ដឹកនាំ គឺត្រូវចេះស្តាប់ទាំងមតិស្រប និងមតិផ្ទុយ​ពីគ្រប់មជ្ឈដ្ឋាន មិន​ថា ម​តិ​មន្ត្រី​ក្រោមឱវាទ មតិពលរដ្ឋ និងអង្គការ សមាគមនៅក្នុងដែនសមត្ថកិច្ចរបស់ខ្លួន សម្រាប់ធ្វើជាមូលដ្ឋាន​គ្រឹះ​ពិ​​ចារ​ណា និង​​ស្វែ​ងរ​កដំណោះស្រាយ ដោយថា ដើម្បីជំរុញដល់ដំណើរប្រជាធិបតេយ្យ។

លោកថា៖ «ខ្ញុំនឹងដឹកនាំធ្វើ ហើយបានធ្វើជាច្រើនរួចមកហើយ និងបន្តធ្វើតទៅទៀត ដើម្បីជៀសវាងការរិះគន់ថា កម្ពុជាបិ​ទសិ​ទ្ធិ​សេ​រីភា​ពដល់សមាគម អង្គការមិនមែនរដ្ឋាភិបាល ប៉ុន្តែ យើងទាំងអស់គ្នាទាំងភាគីរដ្ឋាភិបាល ទាំងមិនមែនរដ្ឋា​ភិបាល គឺស្ថិត​នៅ​ក្រោម​ច្បា​ប់ដូចគ្នា»

អ្នកនាំពាក្យសមាគមអាដហុកការពារសិទ្ធិមនុស្ស លោក ស៊ឹង សែនករុណា និយាយថា ការប្តេជ្ញាចិត្តរបស់រដ្ឋមន្ត្រីក្រសួងមហាផ្ទៃ ជា​សញ្ញា​វិជ្ជមានមួយ ដោយថា កន្លងមកនេះ រដ្ឋាភិបាលបានចាត់ទុកអ្នកឃ្លាំមើលសិទ្ធិមនុស្ស ឃ្លាំមើលការបោះឆ្នោត និងអភិបាលកិច្ច ថា​ ជា​ក្រុ​មប្រឆាំង រហូត​ដាក់ក្នុងសៀវភៅ​ថា ជាក្រុមបដិវត្តពណ៌

ប៉ុន្តែ អ្នកនាំពាក្យរូបនេះ បង្ហាញការព្រួយបារម្ភពីប្រសិទ្ធិភាពនៃការអនុវត្ត បើរដ្ឋាភិបាលមិនអាចលុបបំបាត់​​ការលាភពណ៌​​​សង្គ​ម​​ស៊ីវិលថា ជា​អ្នក​​ប្រ​ឆាំងនោះ ។

លោកថា៖ «អង្គការផ្នែកសិទ្ធិមនុស្ស ឬក៏ផ្នែកបោះឆ្នោត និងផ្នែកតស៊ូមតិទាំងអស់ហ្នឹង មិនមែនជាក្រុមប្រឆាំងរដ្ឋាភិបាលទេ គឺគ្រាន់​តែជា​ក្រុមដែលធ្វើការប្រឈមខ្លាំងទៅនឹងការការពារយុត្តិធម៌សង្គម ការគោរពសិទ្ធិមនុស្ស ឬក៏ការបោះឆ្នោត​សេរីត្រឹម​ត្រូវ និងយុត្តិធម៌ទេ។ អញ្ចឹង យើងចង់ឲ្យមានការទទួលស្គាល់បែបនេះដែរ ដើម្បីឲ្យយើងងាយស្រួល»

សេចក្តីថ្លែងការណ៍របស់អ្នករាយការណ៍ពិ​សេសរបស់អង្គ​ការសហប្រជា​ជាតិទទួលបន្ទុ​កសិទ្ធិ​មនុស្ស​ប្រ​ចាំក​​​ម្ពុជា​កាល​ពី​ថ្ងៃទី៨​ ខែវិច្ឆិកា លោកស្រី រ៉ូណា ស្មីត បានកត់សម្គាល់ថា ការគោរពសិ​​ទ្ធិមនុស្សនៅកម្ពុជា ធ្លា​ក់ចុះគួឲ្យព្រួ​យបា​ម្ភ និ​ង​​​បាន​​ជំរុញរដ្ឋាភិបា​ល ឲ្យ​​ពិ​និត្យ​មើល​ឡើ​ងវិញ ពីក្របខ័ណ្ឌច្បាប់ ដើម្បីធា​នាថា ​​បទប​​ញ្ញត្តិទាំ​ងនោះ​ស្របតាម​គោ​លបំ​​​​ណ​ង​រ​ប​​​ស់​​​​​​ច្បាប់​​ មិនបន្ថែមប​ន្ទុ​ក​រឹ​ត​​​ត្បិត​ដល់​សកម្មភាព​អង្គការ​សង្គមស៊ីវិល ។

អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា លោកស្រី រ៉ូណា ស្មីត ថ្លែងប្រាប់ក្រុមអ្នកសារព័ត៌មាន​នៅការិយាល័យឧត្តមស្នងការអង្គការសហប្រជាជាតិ ក្នុងរាជធានីភ្នំពេញ ថ្ងៃទី០៨ ខែវិច្ឆិកា ឆ្នាំ២០១៨។ (រូបភាព៖ ជន ចាន់រ៉ែន)

សេក្តីថ្លែងការណ៍​សរសេរថា៖ «អង្គការសង្គមស៊ីវិលនៅតែប្រឈមនឹងបន្ទុកយ៉ាងធ្ងន់ធ្ងរ ក្នុងការអនុវត្តច្បា​ប់របស់កម្ពុជាដែ​លមានការ​រឹត​ត្បិត​ និងជំរុញរដ្ឋាភិបាល ឲ្យពិនិត្យឡើងវិញ ពីក្របខ័ណ្ឌច្បាប់ និងក្របខ័ណ្ឌរដ្ឋបាល ដោយត្រូវ​ពិ​គ្រោះ​យោ​​​ប​លជាមួ​យ​អង្គ​ការសង្គមស៊ីវិល និងអង្គការសហប្រជាជាតិ ដើម្បីធានាថាបទបញ្ញ​ត្តិទាំងនោះស្រ​បតាម​គោល​បំណង​រ​បស់​​ច្បាប់ ដោ​យមិ​នមា​នកា​រ​ប​ន្ថែមបន្ទុកមិនត្រឹមត្រូវដល់ពួកគេ ហើយថាច្បាប់ទាំងនេះ ត្រូវបានយកមកអនុវត្តដោយតម្លាភាព និ​ងយុ​ត្តិធម៌»។

អង្គការ​ Freedom House ដែល​មាន​មូលដ្ឋាន​នៅ​សហរដ្ឋ​អាមេរិក បាន​វាយ​តម្លៃ​ថា ស្ថានភាព​សិទ្ធិ​សេរីភាព​ក្នុង​ប្រទេស​កម្ពុជា​បាន​ធ្លាក់​ចុះ​នៅ​ក្នុង​ឆ្នាំ​២០១៨​នេះ ដោយសារ​តែ​ការ​បង្ក្រាប​ទៅ​លើ​បក្ស​ប្រឆាំង និង​ការ​ចោ​ប្រកាន់​មេដឹកនាំ​បក្ស​ប្រឆាំង​ពី​បទ «ក្បត់​ជាតិ» ការ​រឹត​ត្បិត​ទៅ​លើ​សេរីភាព​សារព័ត៌មាន​ ព្រម​ទាំង​ការ​បង្ក្រាប​លើ​ការ​រិះគន់​ដទៃ​ទៀត។

ស្ថានភាព​សេរីភាព​កម្ពុជា ក៏​បាន​ជំរុញ​ឲ្យ​ប្រទេស​កម្ពុជា​ប្រឈម​មុខ​នឹង​ការ​ដក​ហូត​ប្រព័ន្ធ​អនុគ្រោះ​ពន្ធ​ដែល​សហគមន៍​អឺរ៉ុប​ផ្ដល់​មក​ប្រទេស​កម្ពុជា​ផង​ដែរ ខណៈ​ដែល​ប្រព័ន្ធ​អនុគ្រោះ​ពន្ធ​ពី​អឺរ៉ុប បាន​ផ្ដល់​អត្ថ​ប្រយោជន៍​ធំ​ធេង​ដល់​វិស័យ​កាត់ដេរ និង​កម្មការ-កម្មការិនី​រាប់​ម៉ឺន​នាក់​នៅ​ក្នុង​វិស័យ​មួយ​នេះ៕

អត្ថបទទាក់ទង


រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

What Next?

Recent Articles

One Response to "លោក ​ស ​ខេង​ ថា​ នឹងបន្ត​ជំរុញ​ដំណើ​រការប្រ​ជាធិប​តេយ្យ​ ខណៈ​​មាន​​ការ​​រិះ​​គ​ន់​​ថា សិ​​ទ្ធិម​​នុ​ស្ស​ធ្លាក់​ចុះ​គួរ​ឲ្យ​បារម្ភ​"

  1. Anonymous says:

    the massage from SOR KHENG seem to be better then HUN SEN but in what so ever the whole world knew this party is not democracy . SOR KHENG attitude is fare deference then Mr jungle educated HUN SEN that was not suitable to be human being. in what so ever we knew Cambodia right now is not following what we call democracy as said. right at this moment we are seeing Cambodia gone 100% to communist . my question to SOR KHENG is>>> are you a wear that your party was walking naked . every one can see your ass in an open field and you keep saying I’m fully dress up . this question SOR KHENG should ask every one around him. no matter how clean SOR KHENG was but when you are among those who was dirty your are also dirty. you can clean all these dirty by your good intention for us to see to believe in you . GOD bless KAMPOUCHEA