នយោបាយ
កញ្ញា ហេង សុខលីន | ២១ មករា ២០១៩ ម៉ោង ១១:៥៩ ព្រឹក
https://www.vodhotnews.com
ប្រមុខការទូតកម្ពុជាបង្ហាញការសោកស្តាយរបស់លោកទៅដល់ប្រមុខការទូតអាស៊ានបន្ទាប់ពីសហគមន៍អឺរ៉ុបបានកំណត់យកពន្ធលើអង្ករកម្ពុជាកាលពីសប្ដាហ៍មុន។
ក្នុង សេចក្ដីប្រកាសព័ត៌មានកាលពីថ្ងៃម្សិលមិញ នេះ ក្រសួងការបរទេសកម្ពុជា បានលើកឡើងថា រដ្ឋមន្ត្រីការបរទេស លោក ប្រាក់ សុខុន ថ្លែងទៅកាន់កិច្ចប្រជុំរដ្ឋមន្ត្រីការបរទេសអាស៊ាន ដែលត្រូវបានរៀបចំធ្វើឡើងនៅឯទីក្រុងឈៀងម៉ៃ ក្នុងប្រទេសថៃ ចន្លោះពីថ្ងៃទី១៧ ដល់ថ្ងៃទី១៨ ខែមករា។
លោក ប្រាក់ សុខុន ត្រូវបានដកស្រង់សម្ដីដាក់ក្នុងសេចក្ដីប្រកាសព័ត៌មាននោះដែលបានថ្លែងប្រាប់ប្រមុខការទូតអាស៊ានថា លោកសោកស្ដាយចំពោះការសេចក្ដីសម្រេចរបស់សហភាពអឺរ៉ុបដែលបានកំណត់យកពន្ធលើអង្ករនាំចូលពីប្រទេសកម្ពុជា។
បើតាមសេចក្ដីប្រកាសព័ត៌មានដដែលនេះ ប្រមុខការទូតកម្ពុជារូបនេះក៏បានថ្លែងផងដែរថា កម្ពុជានឹងមិនដោះដូរនូវអធិបតេយ្យជាតិដើម្បីជំនួយជាដាច់ខាត ហើយលោកថាកម្ពុជាបានឆ្លងកាត់នូវភាពលំបាកពីអតីតកាលរួចមកហើយ។
សហគមន៍អឺរ៉ុបដែលជាទីផ្សារធំបំផុតសម្រាប់អង្ករកម្ពុជាបានសម្រេចយកពន្ធលើអង្ករនាំចូលពីកម្ពុជា និងប្រទេសភូមាកាលពីសប្ដាហ៍មុនសម្រាប់រយៈពេល ៣ឆ្នាំជាប់គ្នា បន្ទាប់ពីអង្ករនាំចូលពីប្រទេសទាំងពីរនៅតំបន់អាស៊ានមួយនេះបានធ្វើឲ្យប្រទេសផលិតអង្ករនៅក្នុងសហគមន៍អឺរ៉ុប បាត់បង់ចំណែកទីផ្សារយ៉ាងធំ៕
រក្សាសិទ្វិគ្រប់យ៉ាងដោយ ស៊ីស៊ីអាយអឹម
សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។
Yes sir’ you are in the internatiobnal group’ so you have to followed the way of international but you are stubborn not listen you get what you wanted ” Don’t blame international ‘ you will end up like Venezeala haha