បក្ស​កាន់​អំណាច​ជឿ​ថា ចិន​អាច​ជួយ​កម្ពុជា​ចៀស​ផុត​ពី​ហានិភ័យ​ បើ​អត់ EBA

ដោយ សេក បណ្ឌិត
2019-03-25
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

អ្នក​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន ក្នុង​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​ថ្ងៃ​ទី​១០ ខែ​មីនា ឆ្នាំ​២០១៦។ RFA
អ្នក​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន ក្នុង​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​ថ្ងៃ​ទី​១០ ខែ​មីនា ឆ្នាំ​២០១៦។ RFA


គណបក្ស​កាន់​អំណាច​ជឿ​ជាក់​ថា ប្រទេស​ចិន​នឹង​អាច​ជួយ​កម្ពុជា​ឱ្យ​ចៀស​ផុត​ពី​បញ្ហា​ផ្សេងៗ​ ដែល​បង្ក​ឡើង​ដោយ​ការ​បាត់បង់​ប្រព័ន្ធ​អនុគ្រោះ​ពន្ធ EBA។ ក៏​ប៉ុន្តែ​អ្នក​ជំនាញ​យល់​ថា នេះ​ជា​រឿង​ដែល​មិន​អាច​ទៅ​រួច ​ព្រោះ​ចិន​មិន​មែន​ជា​ទីផ្សារ​សំខាន់​សម្រាប់​នាំចេញ​ផលិត​ផល​របស់​កម្ពុជា​នោះ​ឡើយ។

សមាជិកព្រឹទ្ធសភា និង​ជា​អ្នក​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន ថ្លែង​នៅ​ក្នុង​បណ្ដាញ​សង្គម​តេឡេក្រាម (Telegram) នៅ​ថ្ងៃ​ទី២៤ មីនា​ថា ការ​រីក​ចម្រើន​ និង​អភិវឌ្ឍន៍​នៅ​កម្ពុជា ដែល​មាន​សន្ទុះ​ខ្លាំង​ក្លា​ដូច​ពេល​បច្ចុប្បន្ន​ គឺ​ដោយសារ​ការ​គាំទ្រ​ដ៏​ធំធេង​ពី​ប្រទេស​ចិន​។ លោក​បន្ត​ថា មិត្ត​ភាព​កម្ពុជាចិន បាន​ឈាន​ដល់​កម្រិត​ភាព​ជា​យុទ្ធសាស្ត្រ​គ្រប់​ជ្រុង​ជ្រោយ និង​ស៊ីជម្រៅ ព្រម​ទាំង​​មាន​លក្ខណៈ​ស្មោះ​ត្រង់​ជាមួយ​គ្នា​ទៀត​ផង។

មន្ត្រី​ជាន់ខ្ពស់​បក្ស​កាន់​អំណាច​រូប​នេះ​ថ្លែង​ទៀត​ថា របប​ឯក​បក្ស​ក្រុង​ភ្នំពេញ​បាន​ត្រៀម​ខ្លួន​រួច​ហើយ​ក្នុង​ការ​ទប់ទល់​នឹង​ស្ថានការណ៍​ដែល​កម្ពុជា​ត្រូវ​បាត់​បង់​ប្រព័ន្ធ​អនុគ្រោះ​ពន្ធ EBA ពី​សហភាព​អឺរ៉ុប។ លោក​បញ្ជាក់​ថា បើ​កម្មវិធី​អនុគ្រោះ​ពន្ធ​នេះ​ត្រូវ​បាន​ព្យួរ​មែន​នោះ ក្រុង​ប៉េកាំង​​មាន​លទ្ធភាព​គ្រប់​គ្រាន់​ក្នុង​ការ​ជួយ​ឱ្យ​កម្ពុជា​ចៀស​ផុត​ពី​ហានិភ័យ​ផ្សេងៗ​ដែល​អាច​នឹង​កើត​មាន​ឡើង​ជា​យថាហេតុ។

ការ​ថ្លែង​របស់​អ្នកនាំពាក្យ​ចាស់​វស្សា​រូប​នេះ គឺ​ជា​បន្ទរ​តាម​ក្រោយ​លោក​នាយករដ្ឋមន្ត្រី ហ៊ុន សែន ដែល​ជា​ញឹកញាប់​តែង​តែ​លើក​សរសើរ​មិន​ដាច់​ពី​មាត់​ពី​គុណ​បំណាច់​របស់​មហា​អំណាច​កុម្មុយនិស្ត​ចិន​ ដែល​ប្រកាស​គាំទ្រ​របប​របស់​លោក​គ្រប់​កាលៈទេសៈ​ទាំង​អស់។

ទោះ​ជា​យ៉ាង​ណា​ក្ដី អ្នក​វិភាគ​យល់​ថា ប្រសិន​បើ​គ្មាន​ប្រព័ន្ធ​អនុគ្រោះ​ពន្ធ EBA មហា​អំណាច​ចិន​អាច​ជួយ​របប​លោក ហ៊ុន សែន​ បាន​តែ​មួយ​រយៈពេល​ខ្លី​ប៉ុណ្ណោះ ហើយ​ជួយ​បាន​តែ​ទៅ​លើ​ការ​​​ចំណាយ​របស់​រដ្ឋាភិបាល​ប៉ុណ្ណោះ មិន​អាច​ជួយ​ដោះ​ស្រាយ​បញ្ហា​ការងារ​ជូន​ពលរដ្ឋ​ខ្មែរ​បាន​ឡើយ។

អ្នក​វិភាគ​នយោបាយ លោក គឹម សុខ ថ្លែង​ថា អ្ន​ក​វិនិយោគ​ចិន​បន្ត​រកស៊ី​នៅ​កម្ពុជា ដោយ​សារ​ពួកគេ​ទទួល​បាន​ផល​ចំណេញ​ខ្ពស់​តាម​រយៈ​ប្រព័ន្ធ​អនុគ្រោះ​ពន្ធ EBA ដូច្នេះ​បើ​ប្រព័ន្ធ​នេះ​ត្រូវ​បាត់បង់​ នោះ​ពួក​គេ​នឹង​ឈប់​រក​ស៊ី​នៅ​កម្ពុជា។ ម្យ៉ាង​វិញ​ទៀត លោក​ថា ការ​ដែល​ក្រុម​មេដឹកនាំ​របប​ក្រុង​ភ្នំពេញ​រំពឹង​ខ្ពស់​លើ​ទីផ្សារ​របស់​ចិន​ក្នុង​ការ​ស្រូប​យក​ទំនិញ​ពី​កម្ពុជា​នោះ គឺ​ជា​គំនិត​រវើរវាយ ព្រោះ​មហាអំណាច​សេដ្ឋកិច្ច​មួយ​នេះ​ក៏​មាន​ផលិត​ផល​នាំចេញ​ដូច​កម្ពុជា​ដែរ ហើយ​ជាពិសេស​ចិន​ក៏​កំពុង​សម្រួល​ទំនាក់​ទំនង​ជា​មួយ​ប្រទេស​លោក​ខាង​លិច​ផង​ដែរ ដើម្បី​អាច​នាំចេញ​ផលិត​ផល​របស់​ខ្លួន​បាន៖ «ការ​បើក​ទីផ្សារ​របស់​ចិន​ បើក​រាប់​ឆ្នាំ​មក​ហើយ កម្ពុជា​មិន​បាន​នាំ​ទំនិញ​អ្វី​ទៅ​ប្រទេស​ចិន​ច្រើន​នោះ​ទេ ហើយ​មាន​តែ​ចិន​ទៅ​វិញ​ដែល​មក​រកស៊ី ប្រើ​ឈ្មោះ​ប្រទេស​កម្ពុជា​តាម​កម្មវិធី EBA ហ្នឹង ដូច​ជា សំលៀក​បំពាក់ កាត់​ដេរ ស្បែក​ជើង​ ជាដើម​ហ្នឹង នាំ​ទៅ​អឺរ៉ុប​ទៅ​វិញ។ ម្ល៉ោះហើយ​ការ​ដែល​សង្ឃឹម​ទៅ​លើ​ទីផ្សារ​ចិន គឺ​ជា​ការ​រវើរវាយ​ ហើយ​មិន​យល់​អំពី​ស្ថានភាព​ជាក់​ស្ដែង​នៃ​ពាណិជ្ជកម្ម​ដែល​កំពុង​កើតមាន»

កាល​ពី​ចុង​ឆ្នាំ២០១៨ កន្លងទៅ អនុប្រធាន​សភា​តំណាង​ប្រជាជន​ចិន លោក ចាង ឈុនស៊ាន (Zhang Chunxian) បាន​ថ្លែង​ប្រាប់​លោក ហ៊ុន សែន ថា​ ប្រទេស​ចិន​មាន​ទីផ្សារ​ធំ​ណាស់។ ដូច្នេះ​លោក​នឹង​ប្រាប់​ឱ្យ​​ថ្នាក់ដឹកនាំ​ចិន ​ជួយ​ពង្រីក​ទីផ្សារ​​​សម្រាប់​ទំនិញ​កម្ពុជា។ តាំង​ពី​ពេល​នោះ​មក​ លោក ហ៊ុន សែន និង​មន្ត្រី​របស់​លោក បាន​ប្រកាស​ប្រាប់​ពលរដ្ឋ​ឱ្យ​ខិត​ខំ​បង្កើន​ការ​ផលិត ដើម្បី​នាំចេញ​ទៅ​ប្រទេស​ចិន ហើយ​លោក​ហាក់​មាន​ក្តី​​រំពឹង​ខ្ពស់​ថា ចិន​នឹង​អាច​ជួយ​ទិញ​ទំនិញ​ពី​កម្ពុជា​បាន​កាន់​តែ​ច្រើន។

ទោះ​ជា​យ៉ាង​ណា មក​ទល់​ពេល​នេះ​ មាន​តែ​ការ​សន្យា​បង្កើន​ការ​ទិញ​អង្ករ​ពី​កម្ពុជា​ប៉ុណ្ណោះ ក្រៅពី​នេះ​មិន​ទាន់​ឃើញ​ប្រទេស​ចិន​ប្រកាស​ទិញ​អ្វី​ផ្សេង​ទៀត​ពី​កម្ពុជា ជាដុំ​កំភួន​នៅ​ឡើយ​ទេ ខណៈ​ឱសានវាទ​នៃ​ការ​ព្យួរ​ប្រព័ន្ធ​អនុគ្រោះ​របស់​សហភាព​អឺរ៉ុប​ចេះតែ​បន្ត​ទៅ​មុខ។

អ្នក​វិភាគ និង​អ្នក​ឃ្លាំមើល​សង្គម​ នៅ​តែ​ទទូច​ឱ្យ​របប​ក្រុង​ភ្នំពេញ​ស្ដារ​សិទ្ធិមនុស្ស និង​ប្រជាធិបតេយ្យ​ឡើង​វិញ ដូច​អ្វី​ដែល​លក្ខខណ្ឌ​តម្រូវ​របស់​សហភាព​អឺរ៉ុប ដើម្បី​បញ្ចៀស​ការ​បាត់​បង់​ប្រព័ន្ធ​អនុគ្រោះ​ពន្ធ EBA

ប្រព័ន្ធ​អនុគ្រោះ​ពន្ធ​ក្រោម​កម្មវិធី «ទំនិញ​គ្រប់​មុខ លើក​លែង​គ្រឿង​សព្វាវុធ ឬ EBA”» បាន​ជួយ​លើក​ស្ទួយ​ជីវភាព​ពលរដ្ឋ​ខ្មែរ​យ៉ាង​ច្រើន​សម្បើម​ តាម​រយៈ​ការ​បង្កើត​ការងារ​រាប់​សែន​កន្លែង ហើយ​ពលរដ្ឋ​រាប់​លាន​នាក់​បាន​ទទួល​ផល​ដោយ​ផ្ទាល់ និង​ដោយ​ប្រយោល​ពី​ការ​អនុគ្រោះ​ពន្ធ​នេះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

One Response to "បក្ស​កាន់​អំណាច​ជឿ​ថា ចិន​អាច​ជួយ​កម្ពុជា​ចៀស​ផុត​ពី​ហានិភ័យ​ បើ​អត់ EBA"

  1. Anonymous says:

    Cambodian is a very unfortunate people in the world. for many century this poor nation was always a problem’s nation never ending. this poor people meet all kind of sorrow, sadness, never seen what we call peace not even dreaming about prosper. the worse leader that leaded this nation was starting from POL POT. at this moment Cambodian meet another critical leader that can be worse then POL POT. as I still making my research from untrue misery about the killing field I still pin point to this current leader HUN SEN . the main problem started from the HO CHI MIN policy that what we Cambodian have known in general. as we Cambodian knew in POL POT we call it as year zero and we knew POL POT and HUN SEN was came the same group the deference was HUN SEN took Vietcong to be his mastermind . it is still a misery we still investigate who was the murder of more then two million Cambodian ???? at those day we knew POL POT took China and HUN SEN took Vietcong the question is which one was those murder. right now I’m seeing some clue that HUN SEN leaded this poor nation toward year minus ZERO . this un educated man becoming a new dictator of the world in this century . as I see he is a very stubborn jungle animal talking about killing all the time . as this SOK ESAN guy talking about China the rising tare this guy and his master did not study about China enough . CHINA need to connect to the world for their economic . remembers in the 80th the whole world saw the dangers of the world they was worry about China big population 1, 3 billion people did not have enough food to supported this people the whole world can be in a disaster . the world leader the US and all EU leader made a move to bring their investment to China ,factory, high volume of new high tech , right now China become richer but just remember those price was came from world community. this is just my sample to this SOK ESAN guy and the jungle educated HUN SEN . PLEASE DO NOT lay to China 100% it can be a big disaster in a very near future.