ច្រក​ទ្វា​ព្រំដែន​ប៉ោយប៉ែត​នឹង​ត្រូវ​បិទ​១​ថ្ងៃ​ក្នុង​ពិធី​ដែល​មេ​ដឹកនាំ​កម្ពុជា​ថៃ​ជិះ​រថភ្លើង​ឆ្លង​កាត់

ដោយ ទីន ហ្សាការីយ៉ា
2019-04-21
RFA

ទិដ្ឋភាព​ច្រកទ្វា​ព្រំដែន​អន្តរជាតិ​ប៉ោយប៉ែត ខេត្តបន្ទាយមានជ័យ។ រូប​ថ្ងៃ​ទី២១ មេសា ឆ្នាំ​២០១៩។ រូបពី​ហ្វេសប៊ុក​ប៉ូលិ​សអន្តប្រវេសន៍
ទិដ្ឋភាព​ច្រកទ្វា​ព្រំដែន​អន្តរជាតិ​ប៉ោយប៉ែត ខេត្តបន្ទាយមានជ័យ។ រូប​ថ្ងៃ​ទី២១ មេសា ឆ្នាំ​២០១៩។ រូបពី​ហ្វេសប៊ុក​ប៉ូលិ​សអន្តប្រវេសន៍


សមត្ថកិច្ច​ខេត្ត​បន្ទាយមានជ័យ​នឹង​បិទ​ច្រក​ទ្វារ​ព្រំដែន​អន្តរជាតិ​ប៉ោយប៉ែត​បណ្ដោះអាសន្ន ចាប់ពី​ម៉ោង​១០​យប់​ថ្ងៃ​ទី​២១ ដល់​ថ្ងៃ​ទី​២២ មេសា។

ទំព័រ​ហ្វេសប៊ុក​ប៉ូលិស​អន្តោប្រវេសន៍​ច្រក​ទ្វារ​អន្តរជាតិ​ប៉ោយប៉ែត ឱ្យ​ដឹង​ថ្ងៃ​ទី​២១ មេសា ថា ការ​បិទ​ច្រក​ព្រំដែន​នេះ គឺ​អាច​អនុញ្ញាត​ឱ្យ​អ្នក​ធ្វើដំណើរ​ថ្មើរជើង​ឆ្លងកាត់​ព្រំដែន​បាន​ដូច​ធម្មតា ប៉ុន្តែ យានយន្ត ឬ​មធ្យោបាយ​ធ្វើដំណើរ​គ្រប់​ប្រភេទ គឺ​បិទ​មិន​ឱ្យ​ឆ្លងកាត់​ច្រក​ទ្វារ​ព្រំដែន​មួយ​នេះ​ឡើយ រហូតដល់​ចប់​កម្មវិធី​សម្ពោធ​ស្ពាន​មិត្តភាព​កម្ពុជា​-​ថៃ ច្រក​របៀង​ស្ទឹង​បត់ សង្កាត់​ផ្សារ​កណ្ដាល​ក្រុង​ប៉ោយប៉ែត និង​ពិធី​ទទួល​មេដឹកនាំ​របប​ក្រុងភ្នំពេញ គឺ​លោក ហ៊ុន សែន និង​នាយករដ្ឋមន្ត្រី​ថៃ​ប្រាយុត ចាន់អូចារ (Prayuth chan oucha) ដែល​នឹង​ជិះ​រថភ្លើង​រួមគ្នា​ឆ្លងកាត់​ប្រទេស​ទាំង​២​នៅ​ថ្ងៃ​ទី​២២ មេសា។

ដោយឡែក​សេចក្ដីជូនដំណឹង​របស់​រដ្ឋបាល​សាលាខេត្ត​បន្ទាយមានជ័យ​ឱ្យ​ដឹង​ថា ចាប់ពី​ម៉ោង​៩​យប់​ថ្ងៃ​ទី​២១ មេសា រហូត​ដល់​ចប់​ពិធី​ជិះ​រថភ្លើង​រួមគ្នា​រវាង​មេដឹកនាំ​នៃ​ប្រទេស​ទាំង​២ គឺ​ហាម​រថយន្ត​ដឹកជញ្ជូន​ធុន​ធ្ងន់​គ្រប់​ប្រភេទ​ធ្វើ​ចរាចរ​​លើ​ផ្លូវ​ជាតិ​លេខ​៥​ចាប់ពី​រង្វង់​មូល​កូន​ដំរី រហូតដល់​រង្វង់​មូល​ច្រក​ទ្វារ​ព្រំដែន​ប៉ោយប៉ែត៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles