កម្ពុជា​គាំទ្រ​ចំណាត់​ការ​រដ្ឋាភិបាល​ចិន​រឿង​បាតុកម្ម​នៅ​ដែនដី​ហុង​កុង

នយោបាយ


ពលរដ្ឋហុងកុងដែលគាំទ្ររដ្ឋាភិបាលហុងកុងបាននាំគ្នាកាន់ទង់ជាតិចិន នៅក្នុងការដើរហែរក្បួនមួយដោយបង្ហាញការគាំទ្រប៉ូលិស និងទាមទារឲ្យបញ្ចប់អំពើហិង្សានៅក្រុងហុងកុង ថ្ងៃទី១៧ ខែសីហា ឆ្នាំ២០១៩។ (REUTERS/Thomas Peter)


18 សីហា 2019
សុខ ខេមរា
វីអូអេខ្មែរ

សេចក្តី​ថ្លែងការណ៍​កម្ពុជា​បាន​កើតឡើង​ក្នុងពេល​ក្រុមអ្នក​តវ៉ា​ដែល​លម្អៀង​ទៅរក​លទ្ធិ​ប្រជាធិប​តេយ្យ​បាន​ធ្វើ​បាតុកម្ម​ពាសពេញ​ទីក្រុង​ហុងកុង​១០សប្តាហ៍​មក​ហើយ។

ក្រៅពី​សង្កត់ធ្ងន់​ទៅលើ​ការ​គោរព​«គោល​នយោបាយ​ចិន​តែមួយ» ​ក្រសួងការ​បរទេស​កម្ពុជា​នៅ​ថ្ងៃសៅរ៍​នេះ ​បាន​ចាត់​ទុកថា​ស្ថានការណ៍​នៅ​ដែនដី​ហុងកុង ​ដែល​កំពុង​តែ​មាន​បាតុកម្ម​ប្រឆាំង​នឹង​ការ​ដឹកនាំ​ចិន​នោះ ​គឺជា​រឿង​ផ្ទៃក្នុង​ ហើយ​ប្រកាស​គាំទ្រ​«ចំណាត់ការ​របស់​ចិន»។ ​ការ​ប្រកាស​ពី​ជំហរ​កម្ពុជា​នេះ​កើត​ឡើង​ក្រោយ​មួយ​ថ្ងៃ ដែល​ចិន​បាន​វាយ​ប្រហារ​អាមេរិក​ថា​នៅពី​ក្រោយ​ស្ថានការណ៍​ហុងកុង។

នៅក្នុង សេចក្តី​ថ្លែងការណ៍​មួយ​របស់​ក្រសួង​ការ​បរទេស​បាន​បញ្ជាក់ថា​ កម្ពុជា​ចង់​ឃើញ​ការ​វិលត្រឡប់​ទៅរក​ប្រក្រតីភាព​ឆាប់ៗ​ និង​សុខ​សន្តិភាព​របស់​ប្រជាជន​ហុងកុង​ទាំង​មូល។

«ប្រទេស​កម្ពុជា​គាំទ្រ​នូវ​រាល់​ចំណាត់​ការ​ចាំ​បាច់​នានា​របស់​រដ្ឋាភិបាល​នៃ​សាធារណ​រដ្ឋ​ប្រជាមានិត​ចិន​និង​តំបន់​រដ្ឋបាល​ពិសេស​ទីក្រុង​ហុងកុង ​ដើម្បី​រក្សា​សន្តិភាព​សណ្តាប់​ធ្នាប់​សាធារណៈ ​សន្តិសុខជាតិ​ និង​ការ​រួមរស់​នៅ​ជាមួយ​គ្នា​ប្រកប​ដោយ​ភាព​សុខដុម​រមនា​ក្នុង​សង្គម ​ដោយ​អនុលោម​ទៅតាម​ច្បាប់​និង​បទបញ្ញត្តិ​ទាំងឡាយ​របស់​ប្រទេស​និង​ការ​ប្រតិបត្តិ​ជា​អន្តរជាតិ»។

សេចក្តី​ថ្លែងការណ៍​កម្ពុជា​បាន​កើតឡើង​ក្នុងពេល​ក្រុមអ្នក​តវ៉ា​ដែល​លម្អៀង​ទៅរក​លទ្ធិ​ប្រជាធិប​តេយ្យ​បាន​ធ្វើ​បាតុកម្ម​ពាសពេញ​ទីក្រុង​ហុងកុង​១០សប្តាហ៍​មក​ហើយ។ បាតុកម្ម​នេះ​ដំបូង​គឺ​ដើម្បី​ប្រឆាំង​នឹង​សេចក្តី​ព្រាង​ច្បាប់​ស្តីពី​បត្យាប័ន​ដែល​អាច​ចាប់​បញ្ជូន​ខ្លួន​ជន​សង្ស័យ​ពាក់ព័ន្ធ​នឹង​បទល្មើស​ព្រហ្មទណ្ឌ​ទៅ​កាត់ទោស​នៅចិន​ដីគោក ហើយ​ក្រោយ​មក​ក្រុម​បាតុករ​បាន​ទាមទារ​ឲ្យ​មាន​លំហរ​ប្រជាធិបតេយ្យ​នៅដែន​ដី​ហុងកុង។ ​

ការតវ៉ា​នេះ​បាន​ពុះកញ្ជ្រោល​កាន់​តែខ្លាំង​ឡើងៗ​ដែល​ឈាន​ដល់​ការ​បិទ​ព្រលាន​យន្តហោះ​ ហាង​ទំនិញ​ បង្ក​អំពើ​ហិង្សា​រវាង​បាតុករ​នឹង​អាជ្ញាធរ​ ហើយ​បង្ក​ឲ្យ​មាន​មនុស្ស​របួស​និង​ស្លាប់​មួយ​ចំនួន​ផងដែរ។​ អាជ្ញាធរ​បាន​ពង្រឹង​សន្តិសុខ​ខ្លាំង​ឡើងៗ ​ដោយ​មាន​យោធា​និង​ប៉ូលិស​បំពាក់​គ្រឿង​សញ្វាវុធ​ទប់ទល់​បាតុកម្ម​ផង​ដែរ​ក្រៅពី​បាន​ចាប់ខ្លួន​ក្រុមអ្នក​តវ៉ា​រាប់រយ​នាក់។

ប្រទេស​ចិន​បាន​វាយ​ប្រហារ​ពាក្យ​សម្តី​ប្រឆាំង​នឹង​សហ​រដ្ឋ​អាមេរិក​យ៉ាង​ធ្ងន់ៗ​ កាល​ពីថ្ងៃ​សុក្រ​នេះ​ ដោយ​និយាយ​ថា​ រដ្ឋាភិបាល​ក្រុង​វ៉ាស៊ីនតោន​ស្ថិត​នៅ​ពី​ក្រោយ​ខ្នង​នៃ​ការ​តវ៉ា​ដ៏​ជ្រួល​ច្របល់​នៅ​ទី​ក្រុង​ហុងកុង ​តែគ្មាន​ការ​បញ្ជាក់​ពី​សហរដ្ឋ​អាមេរិក​នៅ​ឡើយ​ទេ។​

ការ​ចោទ​ប្រកាន់​របស់​រដ្ឋាភិបាល​ក្រុង​ប៉េកាំង​នេះ​ធ្វើ​ឡើង​មួយ​ថ្ងៃ​ប៉ុណ្ណោះ​ បន្ទាប់​ពី​មាន​សេចក្តី​រាយ​ការណ៍​ថា​ ​សហរដ្ឋ​អាមេរិក​«ខ្វល់ខ្វាយ​យ៉ាង​ខ្លាំង»​ ចំពោះ​ស្ថាន​ការណ៍​ដែល​កំពុង​រំជើប​រំជួល​នៅ​ហុងកុង។​

លោក​ Wang Wentian ​ឯក​អគ្គរដ្ឋទូត​ចិន​ប្រចាំ​ប្រទេស​កម្ពុជា​ សរសេរ​ក្នុង​សេចក្តី​អធិប្បាយ​កម្រាស់​បួន​ទំព័រលើ​ទំព័រ​ហ្វេសប៊ុក​របស់​ស្ថានទូត​ចិនថា​ សហរដ្ឋ​អាមេរិក​បាន​«ធ្វើ​ជា​ខ្នង​បង្អែក»​ដល់​ក្រុម​អ្នក​តវ៉ា​នៅ​ហុងកុង​ ​ដែល​រដ្ឋាភិបាល​ក្រុង​ប៉េកាំង​បាន​ហៅ​ថា​«ជាក្រុម​សកម្ម​ជន​បង្ក​ហិង្សា​ខុស​ច្បាប់»។​

លោក ​Wang ​បន្ត​ចោទ​ប្រកាន់​សហរដ្ឋ​អាមេរិក​ថា​ «ជា​តួអង្គ​មិន​ល្អ​និង​កំពុង​ដើរ​តួ​ក្នុង​ស្ថានភាព​ចលាចល​ទី​ក្រុង​ហុងកុង»។​

ការវាយ​ប្រហារ​សហរដ្ឋ​អាមេរិក​ពី​ឯកអគ្គ​រដ្ឋទូត​ចិន​ប្រចាំ​ប្រទេស​កម្ពុជា​កើត​ឡើង​មួយ​ថ្ងៃមុន​សេចក្តី​ថ្លែង​ការណ៍​របស់​កម្ពុជា​បញ្ជាក់​ពី​គោលជំហរ​របស់​ខ្លួន ​លើ​រដ្ឋាភិបាល​ក្រុង​ប៉េកាំង​ចំពោះ​ស្ថានការណ៍​ហុងកុង​ដែល​ចិន​ត្រូវ​ដោះស្រាយ​រឿងនេះ​ឲ្យ​បាន​ចប់​ឆាប់ៗ​នោះ៕

What Next?

Recent Articles

4 Responses to "កម្ពុជា​គាំទ្រ​ចំណាត់​ការ​រដ្ឋាភិបាល​ចិន​រឿង​បាតុកម្ម​នៅ​ដែនដី​ហុង​កុង"

  1. so chết says:

    bravo hun sen for supporting the Chinese People’s Republic
    but it is only a statement the duty of hun sen is to send his squadrons of death to lend strong hands to our friends XI XINPING, as
    tea banh
    hing bunheang
    sao sokhar
      neth savoeun and inexperience
    hun manet
    hun manet
    hun many
    but the list is long

  2. Anonymous says:

    yes bravo HUN SEN if you acting to be slave just do not hesitated to licking CHINA ass. what was so un believable is no one nation supported CHINA or saying about this problem yet. so sad the guy acting as a good slave come first to lick CHINA ass. shame on you being one of the leader in the world why you are so dump no brain to think. may I ask you a question ?? in your stamen support china is that natural as your constitution said?? just answer to me Mr dump ass sorry I’m out of patient now by what I see this guy getting dumber from day to day. get lost we Cambodian need a normal person that smart enough to lead our nation. sorry not you HUN SEN you have to admitted that you are not capable to be a leader.

  3. Fake AI says:

    តើប្រជាពលរដ្ឋហុងកុងល្ងង់ ឬ ឆ្លាតសម្រាប់បញ្ហាមួយនេះ!!?

  4. Anonymous says:

    every one should look at HONG KONH people they used to live in democracy by ENLISH colonel after ENGLIS hand over to CHINA they toll HONG KONG people that they let them to have what they call one country whit two political system. right now you can see clearly what CHINA doing to CHINESE that is the same blood. all that mean communist and democracy can not mix together it’s just like water and oil .