គណបក្ស​សង្គ្រោះ​ជាតិ​ត្រៀម​ថវិកា​ផ្ដល់​ឲ្យ​កងទ័ព​ដែល​ផ្ដាច់​ខ្លួន​ចេញ​ពី​របប​ក្រុង​ភ្នំពេញ​

ដោយ ហេង រស្មី
2019-09-16
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

លោក សម រង្ស៊ី ប្រធាន​ស្ដីទី​គណបក្ស​សង្គ្រោះ​ជាតិ និង​ថ្នាក់​ដឹកនាំ​គណបក្ស​​នេះ ក្នុង​កិច្ច​ប្រជុំ​មួយ នៅ​សហរដ្ឋ​អាមេរិក កាល​ថ្ងៃ​ទី១៧ ខែ​មីនា ឆ្នាំ២០១៩។ រូប៖ សន ចាន់រដ្ឋា/RFA
លោក សម រង្ស៊ី ប្រធាន​ស្ដីទី​គណបក្ស​សង្គ្រោះ​ជាតិ និង​ថ្នាក់​ដឹកនាំ​គណបក្ស​​នេះ ក្នុង​កិច្ច​ប្រជុំ​មួយ នៅ​សហរដ្ឋ​អាមេរិក កាល​ថ្ងៃ​ទី១៧ ខែ​មីនា ឆ្នាំ២០១៩។ រូប៖ សន ចាន់រដ្ឋា/RFA


គណបក្ស​សង្គ្រោះ​ជាតិ​ត្រៀម​ថវិកា​សម្រាប់​ជួយ​ដល់​កង​កម្លាំង​ប្រដាប់​អាវុធ​ដែល​ផ្ដាច់​ខ្លួន​ពី​របប​ក្រុង​ភ្នំពេញ​មក​ការពារ​ប្រជាពលរដ្ឋ​ក្នុង​ពេល​ដំណើរ​វិល​ចូល​ប្រទេស​វិញ​របស់​លោក​ សម រង្ស៊ី។

របប​ក្រុង​ភ្នំពេញ​មិន​​ព្រួយ​បារម្ភ​ ចំពោះ​ការ​ប្រកាស​វិល​ចូល​មាតុប្រទេស​វិញ​របស់​លោក​ សម រង្ស៊ី​ និង​បាន​ចាត់​ទុក​ថា​នេះ​គ្រាន់​តែ​ជា​អំពើ​វិទ្ធង្សនា​ប៉ុណ្ណោះ។​

គណបក្ស​សង្គ្រោះ​ជាតិ​បាន​ប្រកាស​រួច​ហើយ​ថា​គម្រោង​វិល​ចូល​ប្រទេស​កម្ពុជា​វិញ​របស់​លោក​ សម រង្ស៊ី នៅ​ថ្ងៃ​ទី៩ ខែ​វិច្ឆិកា ខាង​មុខ​នឹង​មិន​មាន​អ្វី​ផ្លាស់​ប្ដូរ​ទេ ហើយ​លោក សម រង្ស៊ី នឹង​មក​ក្នុង​តំបន់​អាស៊ី​នៅ​ថ្ងៃ​ទី៥ ខែ​វិច្ឆិកា គឺ​បួន​ថ្ងៃ​មុន​ពេលថ្ងៃ​កំណត់។

នៅ​ក្នុង​សេចក្ដី​ប្រកាស​ព័ត៌មាន​ស្ដីពី​លទ្ធផល​នៃ​កិច្ច​ប្រជុំ​គណៈកម្មាធិការ​អចិន្ត្រៃយ៍​របស់​គណបក្ស​សង្គ្រោះ​ជាតិ​រយៈពេល​ពី​ថ្ងៃ​នៅ​​ទី​ក្រុង​ឡូវ៉ែល (Lowell) សហរដ្ឋ​អាមេរិក​ បាន​អោយ​ដឹង​ថា គណបក្ស​បាន​ប្រគល់​ភារកិច្ច​ជូន​រចនាសម្ព័ន្ធ​គ្រប់​លំដាប់​ថ្នាក់ ទាំង​ក្នុង និង​ក្រៅ​ប្រទេស​ឱ្យ​អនុវត្ត​ផែន​ការ​មាតុភូមិ​និវត្តន៍​នៅ​ថ្ងៃ​ទី៩ ខែ​ វិច្ឆិកា ​ហើយ​ត្រៀម​ថវិកា​សម្រាប់​ផ្គត់ផ្គង់​កង​កម្លាំង​ប្រដាប់​អាវុធ ដែល​ផ្ដាច់​ខ្លួន​ចេញ​ពី​របប​លោក​ ហ៊ុន សែន​ មក​ការ​ពារ​ប្រជាពលរដ្ឋ។

គណបក្ស​សង្គ្រោះ​ជាតិ​ក៏​អំពាវ​នាវ​ឲ្យ​ពលរដ្ឋ​ខ្មែរ​ដែល​កំពុង​ធ្វើ​ការ​នៅ​ក្រៅ​ប្រទេស​ វិល​ត្រឡប់​ចូល​មក​កម្ពុជា​មក​ចូល​រួម​ជា​មហា​កម្លាំង​ជាមួយ​លោក​ សម រង្ស៊ី ដើម្បី​ឲ្យ​មាន​ការ​ផ្លាស់​ប្ដូរ​ជា​វិជ្ជមាន​នៅ​កម្ពុជា។​

អតីត​អនុប្រធាន​គណបក្ស​សង្គ្រោះ​ជាតិ​អ្នក​ស្រី​ មូ សុខហួរ បញ្ជាក់​ថា​ ទាំង​សកម្មជន​គាំទ្រ និង​ថ្នាក់​ដឹកនាំ​គណបក្ស​ ព្រម​ទាំង​អ្នក​តំណាង​រាស្ត្រ​មក​ពី​បណ្ដា​ប្រទេស​មួយ​ចំនួន​នឹង​ជួប​ជាមួយ​លោក​ សម រង្ស៊ី នៅ​ក្នុង​ប្រទេស​អាស៊ី​នៅ​ថ្ងៃ​ទី៥ វិច្ឆិកា ដើម្បី​ធ្វើ​ដំណើរ​ជាមួយ​លោក សម រង្ស៊ី។ ពាក់ព័ន្ធ​នឹង​ថវិកា​ជួយ​កង​កម្លាំង​ប្រដាប់​អាវុធ​វិញ​អ្នក​ស្រី​មិន​បាន​បញ្ជាក់​គម្រោង​លម្អិត​ទេ តែ​អ្នក​ស្រី​អះអាង​ថា ​គណបក្ស​មាន​ថវិកា​គ្រប់​គ្រាន់​សម្រាប់​ជួយ​ដល់​កងកម្លាំង​ប្រដាប់​អាវុធ​ដែល​បែរ​មក​បម្រើ​ប្រជាពលរដ្ឋ​នៅ​ពេល​ដែល​លោក សម រង្ស៊ី ឈាន​ជើង​ចូល​ដល់​ប្រទេស​កម្ពុជា៖ «យើង​អាច​ធ្វើ​ការ​ផ្លាស់​ប្តូរ​បាន​ លើកស្ទួយ​ប្រជាធិបតេយ្យ​ ការពារ​ផល​ប្រយោជន៍​ជាតិ​ដោយ​អហិង្សា​ អ្នក​ដែល​គេ​ចង់​កាន់​អំណាច​គេ​ប្រើ​អាវុធ​​ គេ​ប្រើ​កង​កម្លាំង​ប្រដាប់​អាវុធ​គេ​ចង់​រក្សា​អំណាច​របស់​គេ​ទោះ​បី​មាន​ការ​បង្ហូរ​ឈាម​ក៏ដោយ តែ​មាតុភូមិ​និវត្តន៍​របស់​ប្រធាន​ស្ដីទី​លោក​ សម រង្ស៊ី គឺ​ជា​មាតុភូមិ​និវត្តន៍​ដោយ​អហិង្សា​ ដោយ​សន្តិវិធី​ និង​ដោយ​មាន​ការ​យក​ស្មារតី​រួបរួម​ជាតិ​ ផ្សះផ្សា​ជាតិ​ ឯកភាពជាតិ​ជាធំ»​​

ប្រធាន​ស្ដីទី​គណបក្ស​សង្គ្រោះ​ជាតិ​លោក សម រង្ស៊ី ដែល​កំពុង​និទ្ទេស​ខ្លួន​នៅ​ឯ​ក្រៅ​ប្រទេស បាន​កំណត់​យក​ថ្ងៃ​តី៩ ខែ​វិច្ឆិកា​ខាង​មុខ​នេះ ដើម្បី​វិល​ចូល​មកកាន់​ប្រទេស​កម្ពុជា​វិញ​បន្ទាប់​ពី​លោក​បាន​ចាក​ចេញ​ពី​ប្រទេស​កម្ពុជា​កាល​អំឡុង​ឆ្នាំ២០១៥។

អ្នក​នាំ​ពាក្យ​រដ្ឋាភិបាល​លោក ផៃ ស៊ីផាន​ បញ្ជាក់​ថា ការប្រកាស​វិល​ចូល​មាតុ​ប្រទេស​វិញ​របស់​លោក​ សម រង្ស៊ី ​គ្រាន់​តែ​ជា​អំពើ​វិទ្ធង្សនា​ប៉ុណ្ណោះ​គ្មាន​អ្វី​ពិត​ប្រាកដ​នោះ​ទេ។​ លោក​បញ្ជាក់​ថា​ ចំពោះ​ការ​អំពាវនាវ​អោយ​កម្លាំង​ប្រដាប់​អាវុធ​មក​គាំទ្រ​លោក​ សម រង្ស៊ី គឺ​គ្មាន​កងទ័ព​ណា​មួយ​មក​ស្ដាប់​បញ្ជា​មេ​ឧទ្ទាម​ក្រៅ​ច្បាប់​នោះ​ទេ៖ «លោក​ សម រង្ស៊ី រក​តែ​លុយ​ចូល​ស្រុក​មិន​បាន​ ដើរ​សុំ​ប្រជាពលរដ្ឋ​នៅ​ក្រៅ​ប្រទេស​។មាន​លុយ​ឯ​ណា​ទៅ​ប៉ាវ​ ទៅ​ទិញ​ទឹកចិត្ត​កងទ័ព​កម្ពុជា​បាន​នោះ​ទេ។ជម្រាប​ជូន​ថា​ កងទ័ព​កម្ពុជា​ហ្នឹង​មាន​ បទ​ពិសោធន៍​ក្នុង​ការ​រំដោះ​ប្រជាពលរដ្ឋ​ចេញ​ពី​សង្គ្រាម និង​ថែ​រក្សា​សន្តិភាព​ ដែល​ជា​ក្ដី​បំណង​ប្រាថ្នា​របស់​មហាជន ក៏​ដូចជា​កងកម្លាំង​ប្រដាប់​អាវុធ​នោះ​ដែរ​ដូច្នេះ​គ្មាន​អ្វី​ត្រូវ​ភ្ញាក់​ផ្អើល​ទេ។​ការ​និយាយ​គ្រាន់​តែ​ជា​វិទ្ធង្សនា​តែប៉ុណ្ណោះ»

ចំណែក​លោក​រដ្ឋមន្ត្រី​ ហ៊ុន សែន វិញ លោក​ថា រដ្ឋាភិបាល​របស់​លោក​បាន​ផ្ញើ​ដីកា​ចាប់ខ្លួន​លោក​ សម រង្ស៊ី ទៅ​បណ្ដា​ប្រទេស​ទាំង​អស់​ជា​សមាជិក​​អាស៊ាន​រួច​ហើយ។ តែ​លោក​ សម រង្ស៊ី បញ្ជាក់​ថា លោក​ប្រើ​លិខិត​ឆ្លង​ដែល​ជា​ជន​ជាតិ​បារាំង ដូច្នេះ​គ្មាន​ប្រទេស​ណាមួយ​ហ៊ាន​ចាប់​ខ្លួន​លោក​ទេ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

2 Responses to "គណបក្ស​សង្គ្រោះ​ជាតិ​ត្រៀម​ថវិកា​ផ្ដល់​ឲ្យ​កងទ័ព​ដែល​ផ្ដាច់​ខ្លួន​ចេញ​ពី​របប​ក្រុង​ភ្នំពេញ​"

  1. so socheath says:

    ហាស ! ហាស
    មានលុយប៉ុន្មានកោដិដុល្លារអា ឡប់ !
    អ្ហែងនិយាយប៉ុណ្ណឹង កងទ័ពអាចមានសិទ្ធបាញ់បំបែកក្បាលពួកអាក្បត់ជាតិ
    ដោយមិនបាច់សុំការអនុញ្ញាតិបានហើយ !
    យល់ !

  2. so socheath says:

    Send to facebook
    អ្នកនយោបាយក្បាលទទូរសារុង!
    *******
    ពាក្យចំអករបស់ខ្មែរ ទៅលើដែគូរប្រជែងណាមួយ ដែលបានតែសម្តីអត់បានការ
    ហើយកំសាកញី គេតែងចំអកឲ្យថាជាមនុស្សក្បាលទទូរសារុង ដែលមានន័យថា
    ជាមនុស្សខ្លាំងក្នុងគ្រប ជាកង្កែបក្នុងអណ្តូង ជាមនុស្សដែលត្រូវមនុស្សស្រីដឹកមុខ
    និយាយរួមគឺជាមនុស្សចោលម្សៀតអត់បានការ ។យ៉ាងណាម៉ិញសមរង្ស៊ី គឺជាមនុស្ស
    បែបនេះ ។
    ពិតណាស់សមរង្ស៊ី ធ្វើនយោបាយ គឺចូលចិត្តប្រើក្បាច់មាត់ត្រីកំផ្លាញ។
    ជានិច្ចកាលភាពបង្កររឿង តាមនិយមន័យដំបៅមិនឈឺយកឈើចាក់ វាជាកត្តា
    យុទ្ធសាស្ត្រដែលសមរង្ស៊ីត្រូវប្រើជាប្រចាំខានមិនបាន ក្នុងន័យកេងចំណេញ
    នយោបាយផង និងដើម្បីបោកប្រាសយកលុយពីជនល្ងង់ខ្លៅនៅក្រៅប្រទេស តែ
    លោភលន់ចង់បានអំណាចផងតាមទិសស្លោកបោកប្រាសថាចូលរួមថវិកាជាមួយ
    សមរង្ស៊ីគឺស្នេហាជាតិ។ ព្រោះថាចូលលុយច្រើន ស្នេហាជាតិច្រើន ចូលលុយតិច
    ស្នេហាជាតិតិច ។
    ភាពជាអ្នកនយោបាយដែលស្មោះត្រង់ចំពោះជាតិនិងប្រជាជនមិនមានឡើយក្នុង
    ជម្រៅចិត្តសមរង្ស៊ី ដែលវាដូចគ្នា ជាមួយកឹមសុខាបេះដាក់។ តែថាអ្នកទាំងពីរនេះ
    ថ្វីត្បឹតចំណុចខាងលើដូចគ្នា តែមានភាពខុសគ្នាសម្រាប់ការប្រជែងយកអំណាច
    សម្រាប់បក្សពួករៀងខ្លួន។ ចំណុចនេះហើយដែលធ្វើឲ្យអតីតបក្សសង្គ្រោះជាតិ ដែលកើត
    ចេញពីសម្ព័ន្ធភាពរវាងគណបក្សសមរង្ស៊ី និងគណបក្សសិទ្ធិមនុស្សរបស់កឹមសុខា មានការមិនសូវចុះ
    សម្រុងគ្នា ដែលកឹមសុខាបាននិយាយដោយបើកចំហរថា ជាតិជាអ្នកនយោបាយគឺ
    មានតែកឹមសុខាមួយគត់ ដែលអាមេរិកគាំទ្រនិងបង្ហាត់បង្រៀនយុទ្ធសាស្ត្រធ្វើនយោបាយ
    ដោយផ្ទាល់ចាប់តាំងពីឆ្នាំ១៩៩៣មក ដែលវាហាក់ជាសារព្រមានដល់សមរង្ស៊ីថា សូម្បីតែសមរង្ស៊ី
    ក៏មិនមែនជាដៃគូរខាងនយោបាយជាមួយកឹមសុខាដែរ ។
    ពិតហើយក្រោយពេលសមរង្ស៊ីរត់ចេញទៅក្រៅប្រទេស ដើម្បីគេចចេញពីផ្លូវច្បាប់នៅកម្ពុជា
    វាជាឱកាសដែលកឹមសុខា ត្រូវរុញច្រានសមរង្ស៊ីផ្ទប់គៀនជញ្ជាំង។
    រដ្ឋប្រហារក្នុងបក្សសង្គ្រោះជាតិបានចាប់បង្ខំឲ្យសមរង្ស៊ីឲ្យលាលែងចេញពីតំណែង
    ប្រធានគណបក្សសង្គ្រោះជាតិ និងពីសមាជិកភាពក្នុងបក្ស ប្រែក្លាយទៅជាជនសាមញ្ញ
    ធម្មតា។ តែថាការដើរនយោបាយឃុបឃឹតជាមួយបរទេសក្នុងការធ្វើបដិវត្តន៍ពណ៌ដើម្បី
    ផ្តួលរំលំរាជរដ្ឋាភិបាលស្របច្បាប់ ត្រូវបានបើកកកាយចេញពីមាត់កឹមសុខាដែលទើប
    ដណ្តើមតំណែង មេបក្សសង្គ្រោះជាតិ បានពីសមរង្ស៊ី ហើយក៏គាប់ជួនក្នុងពេលដែល
    គណបក្សសង្គ្រោះជាតិបានកើនអាសនៈបន្ថែមនៅក្នុងការបោះឆ្នោតក្រុមប្រឹក្សាឃុំសង្កាត់
    ជាមួយនយោបាយភូតភរបោកប្រាសសន្យាផ្តល់ថវិកា៥០ម៉ឺនដុល្លារសម្រាប់ឃុំសង្កាត់
    និមួយៗក្នុងមួយឆ្នាំ។ យើងសុំមិនរម្លឹកពីរឿងសន្យាបោកប្រាសទៀតទេ តែថាក្រោយ
    កឹមសុខា ត្រូវបានជាប់ទោស ពីបទសង្ស័យថាក្បត់ជាតិវាជាឱកាសសម្រាប់អ្នកនយោបាយ
    ទទូរសារុងសមរង្ស៊ីក្រោកឈរវិញដែរ ។
    ក្រោយសម្រេចជោគជ័យក្នុងការដណ្តើមតំណែងជាប្រធានបក្សបានមកវិញ សមរង្ស៊ី
    ដែលប្រាកដក្នុងចិត្តដោយច្បាស់ថា ខ្លួនសមរង្សីផ្ទាល់និងបក្សពួក ដែលកំពុងរត់ភៀស
    ខ្ឡួនទៅក្រៅប្រទេសគេចចេញពីសំណាញ់ច្បាប់ បន្ទាប់ពីបានកសាងកំហុសច្រើនស្អេកស្កះ
    រាប់មិនអស់ក្នុងការចូលរួមដៃជាមួយកឹមសុខា ក្នុងការប្រព្រឹត្តអំពើក្បត់ជាតិ បានរៀបចំ
    ប្រើវិធីនយោបាយដើម្បីកេងចំណេញនយោបាយផង និងដើម្បីបោកប្រាសយកលុយ
    ពីជនល្ងង់ខ្លៅនៅក្រៅប្រទេស តែលោភលន់ចង់បានអំណាចផងតាមទិសស្លោក
    បោកប្រាសថាចូលរួមថវិកាជាមួយសមរង្ស៊ីគឺស្នេហាជាតិ។
    យើងមិនបដិសេធទេថា ក្នុងសកម្មភាពនយោបាយកន្លងមក សមរង្ស៊ី និងកឹមសុខា ទោះបី
    បានប្រើមហិច្ឆិតាដណ្តើមអំណាចគ្នាទៅវិញទៅមកក្នុងបក្សសង្គ្រោះជាតិក្តី តែដើម្បីមាន
    កម្លាំងផ្តួលរំលំគណបក្សប្រជាជនកម្ពុជាដែលជាគណបក្សកាន់អំណាច ពួកគេបានកសាង
    កម្លាំងប្រតិកិរិយារបស់ពួកគេបានខ្លះ ដែលកម្លាំងទាំងនោះ មានខ្លះនៅក្នុងកម្លាំង
    ប្រដាប់អាវុធ ជាយោធា នគរបាល ជាគ្រូបង្រៀន ជាគ្រូពេទ្យ មួយចំនួននៅតាម
    ស្ថាប័នក្រសួង មន្ទីរនិងក្នុងចំណោមសកម្មជនមូលដ្ខាន ដែលពួកអ្នកទាំងនោះ សុទ្ធជាអ្នក
    លោភលន់ខាងបុណ្យសក្តិ ដើម្បីមុខមាត់ ហើយបើពួកគេឈរចំកន្លែងដែលអាចមួលក
    ប្រជាពលរដ្ឋទាញយកប្រយោជន៍សម្រាប់ពួកគេទៀតនោះ ពួកគេរឹតតែមិនខ្លាចក្នុងការធ្វើ
    សកម្មភាពដើម្បីទាញយកប្រយោជន៍ផង និងដើម្បីឲ្យពួកគេមានលេសសម្រាប់ការទម្លាក់កំហុស
    ដាក់លើការគ្រប់គ្រងរបស់រាជរដ្ឋាភិបាល ដែលក្នុងនោះក៏មានការចូលរួមក្នុងសកម្មភាពបែបនេះ
    ពីសំណាក់សង្គមស៊ីវិល អង្គការសហជីព ដែលមាននិន្នាការប្រឆាំងរដ្ឋាលផងដែរ ។
    ដោយសំអាងលើកម្លាំងប្រតិកិរិយាក្នុងប្រទេសបែបនេះ ទើបម្តងហើយម្តងទៀត សមរង្ស៊ី បាន
    ធ្វើការអំពាវនាវឲ្យកម្លាំងប្រដាប់អាវុធ ក៏ដូចជាកម្លាំងផ្សេងទៀត ដែលពួកគេបានកសាងនៅ
    មូលដ្ឋាន ឲ្យក្រោកឈរប្រឆាំងរដ្ឋាភិបាល។ ប៉ុន្តែសមរង្ស៊ីប្រហែលភ្លេចគឹតថា ទង្វើក្បត់ជាតិ
    ដែលសមរង្ស៊ីនិងបក្សពួកបានសាងឡើង មិនអាចទាក់ទាញទឹកចិត្តពួកគេបានទៀតឡើយ
    ទោះបីសមរង្សីបញ្ជូនសកម្មជនពីប្រទេសថៃឲ្យមកភ្ជាប់ទំនាក់ទំនងខ្សែរយះរបស់ខ្លួនក្តី ។
    នៅមានសកម្មជនឃ្លានអំណាច តែឆោតល្ងង់ខ្លះក្នុងប្រទេស បានបញ្ចេញភាពហក់កញ្ឆេង
    បញ្ចើចបញ្ជោរសមរង្សី ឲ្យមានសេចក្តីក្លាហានហានវិលត្រឡប់មកកាន់កម្ពុជាវិញ ។
    ពួកគេបានធ្វើឱកាសជួបជុំ ឃោសនានយោបាយ តាមរយះការស៊ីនំបញ្ចុក ការជប់លៀង
    ដែលគ្មានកម្មវិធី ដោយផ្អែកលើពាក្យ សេរីភាព សិទ្ធិមនុស្ស ប្រជាធិបតេយ្យ តាមរយះ
    ការបន្ទរអុចអាលពីសំណាក់ក់សង្គមស៊ីវិលដែលមាននិន្នាការប្រឆាំងរដ្ឋាភិបាល ដោយភ្លេច
    គឹតពីផ្លូវច្បាប់របស់ជាតិ ។ សកម្មភាពបែបនេះហើយ ទើបជម្រុញឲ្យសមរង្ស៊ី និងបក្សពួក
    អន្ទោកអន្ទោលចង់វិលត្រឡប់មកកម្ពុជាវិញ ហើយដែលការចង់នេះ ធ្វើឡើងក្នុងជំនឿមួយ
    សម្រាប់បរិបទដែលមិនសមហេតុផល។
    ជាមួយជំនឿលង់ប្រកបដោយអំនួត ផ្តល់ឲ្យពីភាពហៃអើពីសំណាក់សកម្មជនអតីត
    គណៈបក្សសង្គ្រោះជាតិ ដែលត្រូវរំលាយ ចោលដោយតុលាការអាស្រ័យលើទោសកំហុស
    ក្បត់ជាតិដែលនៅសេសសល់ បូកផ្សំនិងការអន្ទងពីសំណាក់កឹមសុខាដែលកំពុងជាប់ពិរុទ្ធ
    ពីទោសក្បត់ជាតិ រៀបចំធ្វើបដិវត្តន៍ពណ៌តាមការបង្រៀននឹងបង្គាប់បញ្ជាពីជនបរទេស ដើម្បី
    ផ្តួលរំលំរដ្ឋាភិបានស្របច្បាប់នៃកម្ពុជា ដែលថា បើមានមេដឹកនាំទាំងពីរមកជាប់ទោសរួមគ្នា
    នៅកម្ពុជានឹងធ្វើឲ្យមានការកែប្រែស្ថានការណ៍នយោបាយនៅកម្ពុជា ដែលនាំដល់ការរស់
    ឡើងវិញសម្រាប់គណបក្សសង្គ្រោះជាតិនោះ វាជាការវាយតម្លៃខុស ហើយក៏បង្ហាញយ៉ាងច្បាស់ថា
    ខួរក្បាលសមរង្ស៊ី គឺជាខួរក្បាលអ្នកនយោបាយទទូរសារ៉ុង ។
    បើយើងចាំមិនភ្លេច កឹមសុខាដែលកាលនោះ បានគេចវេសពីពីសំណាញ់ច្បាប់ ទាក់ទង
    នឹងអំពើឆបោករួមសង្វាស ហើយដែលបានប្តឹងដោយសាម៉ីខ្លួនស្ត្រីផ្ទាល់ ហើយដែលបាន
    ពួនសម្ងំលាក់ខ្លួនក្នុងទីស្នាក់ការគណបក្សសង្គ្រោះជាតិយ៉ាងយូរ ពិតជាមានសកម្មជន
    ជាច្រើនរយនាក់ នៃគណៈបក្សនេះ មកដេកយាមការពារដោយប្រាកដមែន ។ តែថាពេលចាប់ខ្លួន
    កឹមសុខាពីទោសក្បត់ជាតិ សួរថា តើសភាពនៃការប្រែប្រួលពីសំណាក់កម្លាំងគាំទ្រនៃ
    បក្សនេះទៅជាយ៉ាងណា ។ វាពិតជាគ្មានកម្លាំឯណាមកគាំទ្រទៀតទេ ត្បឹតពួកគេដឹង
    ច្បាស់ថាកឹមសុខាគឹជាជនក្បត់ជាតិ។ ដូច្នេះការប្រព្រឹត្តណាមួយ ដើម្បីគាំទ្រសមរង្ស៊ី
    និងបក្សពួកដែលជាជនក្បត់ជាតិមិនខុសអីពីពួកគេទាំងនោះ បានដាក់ខ្លួនចំពោះមុខច្បាប់
    ថាពួកគេគឺជាជនក្បត់ជាតិដែរនោះទេ ។
    វាគ្មានការឃាត់ឃាំងណាមួយ ចំពោះជនក្បត់ជាតិសមរង្ស៊ីនិងបក្សពួក ក្នុងការវិលត្រឡប់
    ចូលកម្ពុជាវិញនោះទេ ។
    តែថាពួកអ្នកទាំងនោះសុទ្ធតែមានសាលដីការបស់តុលាការត្រូវចាប់ខ្លួនដើម្បីផ្តន្ទារទោស
    តាមកំហុសដែលពួកគេបានប្រព្រឹត្តក្នុងអំពើក្បត់ជាតិ។
    វាជាការល្អសម្រាប់ជំនឿងលង់ពេញដោយអំនួត របស់សមរង្ស៊ីនិងបក្សពួក ដែលយល់ខុស
    ពីស្ថានភាពបច្ចុប្បន្ននិងអតីត ដែលសមរង្ស៊ី បានទទួលនូវការលើកលែងទោសពីអង្គ
    ព្រះមហាក្សត្រ តាមការស្នើសុំពីសំណាក់នាយករដ្ឋមន្ត្រីនៃកម្ពុជា សម្តេចអគ្គមហាសេនាបតីតេជោហ៊ុន សែន ។
    ច្បាប់នឹងបង់តែមួយសំណាញ់ ក្រសោបយកក្រុមជនក្បត់ជាតិទាំងនេះ មកកាត់ទោសតាមច្បាប់
    ហើយសន្តិភាពជាតិសុខសុវត្ថិភាពសង្គម និងបន្តល្អប្រសើរទ្វេរឡើងថែមទៀតក្នុងពេលដែលគ្មានវត្តមានជនក្បត់ជាតិទាំងនេះ៕

Leave a Reply

Submit Comment