ក្រសួង​យុត្តិធម៌​៖ ​ការ​ប្រើ​លិខិត​ឆ្លង​ដែន​បរទេស ​មិន​អាច​រារាំង​ការ​អនុវត្ត​ច្បាប់​លើ លោក សម រង្ស៊ី ​បាន​ឡើយ​

ដោយ វណ្ណ សុគន្ធា
17/09/2019
RFI

media
លោក ជិន ម៉ាលីន អ្នកនាំពាក្យគណៈកម្មាធិការសិទ្ធិមនុស្សកម្ពុជា
@Chin Malin Facebook


លោក សម រង្ស៊ី តាម​រយៈ​បទ​សម្ភាសន៍​មួយ​ជាមួយ​វិទ្យុ​អាស៊ី​សេរី​កាល​ពី​សប្តាហ៍​មុន​បាន​អះអាង​ថា អាជ្ញាធរ​កម្ពុជា​មិន​មាន​អំណាច​អ្វី​លើ​រូប​លោក​ទេ​នៅ​ពេល​ដែល​លោក​ធ្វើ​ដំណើរ​ទៅ​ប្រទេស​ផ្សេងៗ​ដោយ​កាន់​លិខិត​ឆ្លង​ដែន​បារាំង​។ ប៉ុន្តែ​ក្រសួង​យុត្តិធម៌​បញ្ជាក់​ទៅ​វិញ​ថា រដ្ឋា​ភិបាល​កម្ពុជា​អាច​ស្នើ​ធ្វើ​បត្យាប័ន​ឱ្យ​ប្រទេស​ផ្សេង​បញ្ចូន​ខ្លួន​លោក សម រង្ស៊ី មក​ដាក់​ទោស​នៅ​កម្ពុជា​បាន ព្រោះ លោក​បាន​ប្រព្រឹត្ត​ខុស​នៅ​ទីនេះ​។ មិន​តែ​ប៉ុណ្ណោះ ក្រសួង​យុត្តិធម៌​ក៏​បាន​អះអាង​ទៀត​ថា សម្រាប់​ការ​ចូល​មក​កម្ពុជា​វិញ ទោះ​លោក សម រង្ស៊ី កាន់​លិខិត​ឆ្លង​ដែន​អ្វី​ក៏​ដោយ ក៏​អាជ្ញាធរ​អនុវត្ត​ច្បាប់​បាន​ដែរ​។

ថ្លែង​ប្រាប់​វិទ្យុ​បារាំង​អន្តរ​ជាតិ​នៅ​ព្រឹក​ថ្ងៃ​អង្គារ​នេះ លោក ជិន ម៉ាលីន អ្នក​នាំ​ពាក្យ​ក្រសួង​យុត្តិធម៌​កម្ពុជា​បាន​អះអាង​ថា លិខិត​ឆ្លង​ដែន​បរទេស​មិន​មែន​ជា​អភ័យ​ឯក​សិទ្ធិ​ដែល​អាច​ការពារ​លោក សម រង្ស៊ី ឱ្យ​រួច​ផុត​ពី​ទោស​កំហុស​ដែល​ខ្លួន​បាន​ប្រព្រឹត្ត​នោះ​ទេ​។ បើ​តាម​អ្នក​នាំ​ពាក្យ​ក្រសួង​យុត្តិធម៌​កម្ពុជា​រូប​នេះ គឺ​អាជ្ញាធរ​កម្ពុជា​នឹង​អនុវត្ត​ច្បាប់​ភា្លម​នៅ​ពេល​ណា​ដែល​លោក​សម រង្ស៊ី ចូល​មក​ដល់​ប្រទេស​កម្ពុជា​បើ​ទោះ​បី​លោក​ប្រើ​ប្រាស់​នូវ​លិខិត​ឆ្លង​ដែន​បារាំង​ក៏​ដោយ​ចុះ​។

នេះ​និយាយ​នៅ​ក្នុង​ក្រប​ខណ្ឌ​នៅ​ប្រទេស​កម្ពុជា ប៉ុន្តែ​ក្នុង​ករណី​ដែល​លោក សម រង្ស៊ី ធ្វើ​ដំណើរ​មក​កាន់​ប្រទេស​ជិតៗ​កម្ពុជា​វិញ លោក ជិន ម៉ាលីន បាន​គូស​បញ្ជាក់​ថា កម្ពុជា​អាច​ស្នើ​សុំ​បត្យាប័ន​ទៅ​ប្រទេស​ទាំង​នោះ ដើម្បី​ឱ្យ​បញ្ជូន​ខ្លួន​លោក សម រង្ស៊ី មក​អនុវត្ត​ទោស​នៅ​កម្ពុជា​បាន​។ ប៉ុន្តែ​ការ​ធ្វើ​បែប​នេះ​បាន គឺ ទាល់​តែ​ប្រទេស​ទាំង​នោះ​យល់​ព្រម​ផង​ដែរ​។

ការ​អះ​អាង​របស់​អ្នក​នាំ​ពាក្យ​ក្រសួង​យុត្តិ​ធម៌​នេះ ជា​ការ​ឆ្លើយ​តប​ទៅ​នឹង​ការ​លើក​ឡើង​បែប​ចំអក​របស់​លោក សម រង្ស៊ី ចំពោះ​ការ​អនុវត្ត​ច្បាប់​របស់​អាជ្ញាធរ​កម្ពុជា​ក្នុង​ពេល​លោក​កាន់​លិខិត​ឆ្លង​ដែន​បារាំង​។ តាម​រយៈ​បទ​សម្ភាសន៍​ជាមួយ​វិទ្យុ​អាស៊ី​សេរី​កាល​ពីថ្ងៃទី១២ ខែកញ្ញា លោក សម រង្ស៊ី បាន​អះអាង​ថា អាជ្ញាធរ​កម្ពុជា​គ្មាន​អំណាច ឬ ឥទ្ធិពល​អ្វី​មក​លើ​រូប​លោក​នៅ​ពេល​ដែល​លោក​ធ្វើ​ដំណើរ​ទៅ​កាន់​ប្រទេស​នៅ​តំបន់​អាស៊ាន​ដោយ​ប្រើ​ប្រាស់​លិខិត​ឆ្លង​ដែន​បារាំង​។ បើ​តាម​លោក សម រង្ស៊ី គឺ​មាន​តែ​រដ្ឋា​ភិបាល​បារាំង​តែ​ប៉ុណ្ណោះ​ដែល​មាន​អំណាច​លើ​រូប​លោក​។

ការ​លើក​ឡើង​របស់​លោក សម រង្ស៊ី នេះ ធ្វើ​ឡើង​បន្ទាប់​ពី​លោក​នាយក​រដ្ឋ​មន្រ្តី ហ៊ុន សែន បាន​សម្រេច​បញ្ជូន​ដីកា​ចាប់​ខ្លួន​លោក សម រង្ស៊ី ទៅ​កាន់​ប្រទេស​ទាំង​អស់​ដែល​ជា​សមាជិក​អាស៊ាន​។ គោល​បំណង​នៃ​ការ​ធ្វើ​ដូច្នេះ គឺ​ដើម្បី​ជា​ការ​ជូន​ដំណឹង​ពី​ការ​មាន​ទោស​ទណ្ឌ​របស់​លោក សម រង្ស៊ី ដល់​ប្រទេស​ទាំង​នោះ និង ប្រាប់​ពួក​គេ​កុំ​អនុញាត​ឱ្យ​លោក សម រង្ស៊ី ប្រើ​ប្រាស់​ទឹក​ដី​របស់​ពួក​គេ​ធ្វើ​ការ​ប្រឆាំង​នឹង​រដ្ឋា​ភិបាល​កម្ពុជា​។

យ៉ាង​ណា​ក៏​ដោយ លោក ជិន ម៉ាលីន បាន​គូស​បញ្ជាក់​ថា លោក សម រង្ស៊ី មិន​អាច​គេច​ផុត​ពី​ការ​អនុវត្ត​ច្បាប់​របស់​អាជ្ញាធរ​កម្ពុជា​បាន​ឡើយ ព្រោះ​លោក​បាន​ប្រព្រឹត្ត​បទ​ល្មើស​នៅ​ក្នុង​ប្រទេស​កម្ពុជា​។ ប៉ុន្តែ​ទោះ​មាន​ការ​ព្រមាន​បែប​នេះ​ក្តី លោក សម រង្ស៊ី នៅ​តែ​អះអាង​ម្តង​ជា​ពីរ​ដង​ថា លោក​នឹង​មក​ដល់​ប្រទេស​កម្ពុជា​នៅថ្ងៃ​ទី០៩ ខែវិច្ឆិកា ខាង​មុខ​នេះ​ដោយ​មិន​មាន​អ្វី​ផ្លាស់​ប្តូរ​នោះ​ទេ​៕

What Next?

Recent Articles

2 Responses to "ក្រសួង​យុត្តិធម៌​៖ ​ការ​ប្រើ​លិខិត​ឆ្លង​ដែន​បរទេស ​មិន​អាច​រារាំង​ការ​អនុវត្ត​ច្បាប់​លើ លោក សម រង្ស៊ី ​បាន​ឡើយ​"

  1. Anonymous says:

    this is what we call Cambodian freedom house. this quantitative analysis was a substance of poison ivy from POL POT regime. so sad some Cambodian young was not getting proper advice from their older generation . if we let HUN SEN teach our young too long all our young will speak animal language in the whole country. for example recently some Cambodian actor and actress open their dancing stage showing every one in foreigner air port without permission it kind of shameful and also embarrassing to another people that did not understanding even one Cambodia word. total the situation in Cambodia right now is no one can help only let it go as what it is. just like the guy in this pitcher he is a pure young Cambodian the only sad thing is some one putting those poison ivy in his brain. what a worse analysis separation, examination , determine and then they can fine out the nature of the problem. it is not that straight to see the whole story about Cambodia dictatorship every one in the whole world knew the election in 2018 was not free and fear . world community was not recognize HUN SEN as a legitimated government in Cambodia the only a few communist that support it. it seem to be shameful to hear some one said Cambodia can order world law enforcement to get SAM RASY to HUN SEN’s jail. sorry I never seen SAM RANSY been in any jail in Cambodia all I hearing is SAM RANSY going every where in the world excepting HUN SEN’s jail.

  2. so socheath says:

    Send to facebook
    ដំណឹង សម្រាប់ ពួកអាកាកសំណល់ អតីតបក្សខ្មោចតៃហោងសង្គ្រោះជាតិ
    ដែលត្រូវយល់ឲ្យច្បាស់មុនបង្កររឿងហេតុ ដែលនាំគ្រោះដល់ខ្លួន
    ដែលនឹកស្មានមិនដល់ !
    *******
    កម្ពុជា ជារដ្ឋអធិបតេយ្យ !
    ក្រោមបាវចនា ជាតិ សាសនា ព្រះមហាក្សត្រ
    ច្បាប់ស្ដីពីវិសោធនកម្មច្បាប់ស្ដីពីគណបក្សនយោបាយ ត្រង់មាត្រា៦
    គឺសំដៅដាច់ខាត ឲ្យមានការគោរពអនុវត្តន៍ ដោយចែងថា
    គ្រប់គណបក្សនយោបាយមិនត្រូវធ្វើសកម្មភាពណាមួយ
    ដូចខាងក្រោមជាដាច់ខាត៖
    ១. ធ្វើឱ្យមានអបគមន៍ ដែលនាំឱ្យអន្តរាយដល់ឯកភាពជាតិ និងបូរណភាពដែនដី។
    ២. ធ្វើវិទ្ធង្សនាប្រឆាំងនឹងរបបប្រជាធិបតេយ្យ សេរី ពហុបក្ស និង
    របបរាជានិយមអាស្រ័យធម្មនុញ្ញ។
    ៣. ធ្វើប៉ះពាល់សន្តិសុខនៃរដ្ឋ។
    ៤. បង្កើតកម្លាំងប្រដាប់អាវុធ។
    ៥. ធ្វើការញុះញង់ដែលអាចនាំអោយមានការបែកបាក់ជាតិ។
    ដូច្នេះចលានាណាមួយដែលមានបំណងបំផ្លាញសន្តិភាពជាតិ ដើម្បី
    ផ្តួលរំលំរដ្ឋាភិបាលស្របច្បាប់ដែលកើតចេញពីការបោះឆ្នោត
    តាមលទ្ធិប្រជាធិបតេយ្យ សេរីពហុបក្ស សម្រាប់ឆន្ទះប្រជាពលរដ្ឋ
    ដែលជ្រើសរើសអ្នកដឹកនាំជាតិ ទោះក្នុងទម្រង់ណាមួយទម្រង់ណាមួយក៏ដោយ
    គឺដាច់ខាតកម្ទេចចោល ដោយគ្មានការអត់ឱនឡើយ ។
    ដូច្នេះ ! ត្រូវចាំឲ្យច្បាស់ពួកអាកាកសំណល់បក្សក្បត់ជាតិសង្គ្រោះជាតិ

Leave a Reply

Submit Comment