សហរដ្ឋ​អាមេរិក​ទាមទារ​ឱ្យ​របប​ក្រុង​ភ្នំពេញ​ស្តា​លិទ្ធ​ប្រជាធិ​បតេយ្យ​និង​ការ​គោរព​សិទ្ធិមនុស្ស​ឡើងវិញ

ដោយ ហេង រស្មី
2019-11-13
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

លោក ប៉ាទ្រីក មើរហ៊្វី (Patrick Murphy) ឯកអគ្គរដ្ឋទូត​សហរដ្ឋ​អាមេរិក និង​លោក ទៀ បាញ់ រដ្ឋមន្ត្រី​ការពារ​ជាតិ​កម្ពុជា ក្នុង​ជំនួប​គ្នា​មួយ នៅ​រាជ​ធានី​ភ្នំពេញ ថ្ងៃ​ទី១៣ ខែ​វិច្ឆិកា ឆ្នាំ២០១៩។

លោក ប៉ាទ្រីក មើរហ៊្វី (Patrick Murphy) ឯកអគ្គរដ្ឋទូត​សហរដ្ឋ​អាមេរិក និង​លោក ទៀ បាញ់ រដ្ឋមន្ត្រី​ការពារ​ជាតិ​កម្ពុជា ក្នុង​ជំនួប​គ្នា​មួយ នៅ​រាជ​ធានី​ភ្នំពេញ ថ្ងៃ​ទី១៣ ខែ​វិច្ឆិកា ឆ្នាំ២០១៩។

 រូប៖ ហ្វេសប៊ុក​លោក ទៀ បាញ់


សហរដ្ឋ​អាមេរិក​ជំរុញ​ឱ្យ​របប​ក្រុង​ភ្នំពេញ​ចាត់​វិធានការ​ស្តារ​សិទ្ធិមនុស្ស និង​លទ្ធិ​ប្រជាធិបេតយ្យ​ឡើង​វិញ​​ដើម្បី​អាច​ស្តារ​ទំនាក់ទំនង​ផ្នែក​យោធា​រវាង​ប្រទេស​ទាំង​ពីរ។

ការ​លើក​ឡើង​របស់​សហរដ្ឋ​អាមេរិក​នេះ​ បាន​កើត​មាន​ឡើង​ក្រោយ​ពេល​ជំនួប​មួយ​រវាង​លោក​ឯកអគ្គរដ្ឋទូត​ ប៉ាទ្រិច ម៊ើហ្វី (W. Patrick Murphy) ជាមួយ​លោក​ឧបនាយក​រដ្ឋមន្រ្តី​ ទៀ បាញ់ ​រដ្ឋមន្ត្រី​ក្រសួង​ការពារ​ជាតិ​ ដើម្បី​ពិភាក្សា​ពី​កិច្ចសហ​ប្រតិបត្តិការ​យោធា​រវាង​អាមេរិក-កម្ពុជា​នៅ​ឯ​ទីស្តីការ​ក្រសួង​ការពារ​ជាតិ។

លោក​ឯកអគ្គ​រដ្ឋទូត​ ប៉ាទ្រិច ម៊ើហ្វី W. Patrick Murphyបាន​បង្ហោះសារ​នៅ​លើ​បណ្តាញ​សង្គមTwitter របស់​លោក​ថា នៅ​ក្នុង​ជំនួបនោះ​ ពួក​គេ​ក៏​បាន​ពិភាក្សា​គ្នា​ជុំវិញ​ជំហាន​នានា ដែល​កម្ពុជា​អាច​ចាត់​វិធានការ​ដោះ​ស្រាយ​បញ្ហា​លទ្ធិ​ប្រជាធិបេតយ្យ និង​សិទ្ធិ​មនុស្ស ដើម្បី​អាច​ធ្វើ​ឲ្យ​កិច្ច​សហប្រតិបត្តិ​វិស័យ​យោធា​នៃ​ប្រទេស​ទាំង​ពីរ​ល្អ​ប្រសើរ​ឡើង​វិញ។


អាស៊ីសេរី​មិន​អាច​ស្នើសុំ​សេចក្តី​អត្ថាធិប្បាយ​បំភ្លឺ​ពី​លោក ទៀ បាញ់ រដ្ឋមន្ត្រី​ក្រសួង​ការពារ​ជាតិ​បាន​ទេ ដោយ​សារ​តែ​លោក​មិន​លើក​ទូរស័ព្ទ​។

គេហទំព័រ​របស់​ស្ថានទូត​សហរដ្ឋ​អាមេរិក​ប្រចាំ​ប្រទេស​កម្ពុជា​ក៏បាន​បញ្ជាក់ ក្នុងទំព័រ ហ្វេសប៊ុក​ស្ថានទូត​ថា ក្រៅ​ពី​ការ​ពិភាក្សា​រឿង​សិទ្ធិ​មនុស្ស​ និង​លទ្ធិ​ប្រជាធិបតេយ្យ​ ជំនួប​ ឯក​អគ្គ​រដ្ឋ​ទូត និង​លោក ទៀ បាញ់ ក៏​បាន​ពិភាក្សា​ការ​ថែ​រក្សា​សន្តិភាព ការ​ដោះ​មីន​ប្រកប​ដោយ​មនុស្សធម៌​ និង​ការ​ស្វែង​រក​អដ្ឋិធាតុ​ឈ្លើយ​សឹក និង​អ្នក​បាត់​ខ្លួន​ក្នុង​សង្គ្រាម​ផង​ដែរ។ លោកMurphy បាន​កត់​សម្គាល់​ថា ជំហាន​ជាបន្ថែមទៀត ក្នុងការស្តារ​ឡើងវិញ​នូវ​លទ្ធិប្រជាធិបតេយ្យ​សេរី​ពហុបក្ស និង​ផ្តល់​សិទ្ធិ​ពេញលេញ ចំពោះ​បុគ្គល​នយោបាយ នឹង​រួមចំណែក​ដល់ស្ថិរភាព និង​ភាព​រុងរឿង​របស់​ប្រទេស​កម្ពុជា ពង្រឹង​នូវ​ទំនាក់​ទំនង​ជាទូទៅ​រវាងអាមេរិក កម្ពុជា ​និង​ជួយ​ការពារ​នូវ​អធិបតេយ្យ និង​ឯករាជ្យ​របស់​កម្ពុជា៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


អត្ថបទ​ដែល​ទាក់ទង

What Next?

Recent Articles

Leave a Reply

Submit Comment