លោក​ ហ៊ុន សែន​ បញ្ជា​​ឱ្យ​ចាប់ខ្លួន​អ្នក​ធ្វើ​ទារុណកម្ម​លើ​ពលរដ្ឋ​ម្នាក់​ស្លាប់​នៅ​ក្នុង​ខេត្ត​បន្ទាយ​មានជ័យ

ដោយ ហេង រស្មី
2020-01-15
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

លោក​នាយក​រដ្ឋ​មន្ត្រី​ហ៊ុន សែន​ ក្នុង​ពិធី​​ជួបជុំ​ជាមួយ​អ្នក​សារព័ត៌មាន​នៅ​កោះពេជ្រ នៅ​ថ្ងៃ​ទី១៤ ខែ​មករា ឆ្នាំ២០២០ និង​ខាង​ស្ដាំ​រូប​លោក ទុយ ស្រស់ ដែល​ស្លាប់​ កាល​ពី​ថ្ងៃ​ទី១ ខែ​មករា ឆ្នាំ២០២០ ​ក្នុង​ពេល​ឃុំ​ខ្លួន​ដោយ​សារ​រឿង​ដីធ្លី​នៅ​ខេត្ត​បន្ទាយ​មាន​ជ័យ។

លោក​នាយក​រដ្ឋ​មន្ត្រី​ហ៊ុន សែន​ ក្នុង​ពិធី​​ជួបជុំ​ជាមួយ​អ្នក​សារព័ត៌មាន​នៅ​កោះពេជ្រ នៅ​ថ្ងៃ​ទី១៤ ខែ​មករា ឆ្នាំ២០២០ និង​ខាង​ស្ដាំ​រូប​លោក ទុយ ស្រស់ ដែល​ស្លាប់​ កាល​ពី​ថ្ងៃ​ទី១ ខែ​មករា ឆ្នាំ២០២០ ​ក្នុង​ពេល​ឃុំ​ខ្លួន​ដោយ​សារ​រឿង​ដីធ្លី​នៅ​ខេត្ត​បន្ទាយ​មាន​ជ័យ។

 រូប៖ ហ្វេសប៊ុក​លោក ហ៊ុន សេន


​​​លោក​ ហ៊ុន សែន​ ​បញ្ជា​ឲ្យ​ចាប់​ខ្លួន​អ្នក​ធ្វើ​ទារុណកម្ម​សកម្មជន​ដីធ្លី​រហូត​ដល់​ស្លាប់


លោក​នាយក​រដ្ឋ​មន្ត្រី​ហ៊ុន សែន​ នៅ​ថ្ងៃ​ទី១៤ មករា បាន​បញ្ជា​ឱ្យ​លោក សៅ សុខា មេបញ្ជាការ​កង​រាជ​អាវុធហត្ថ​លើ​ផ្ទៃ​ប្រទេស​តាម​ចាប់​ខ្លួន​​អ្នក​ដែល​ពាក់​ព័ន្ធ​ក្នុង​សំណុំរឿង​តុលាការ ករណី ទារុណកម្ម​បណ្ដាល​ឱ្យ​ពលរដ្ឋ​មាន​ជម្លោះដីធ្លី​ម្នាក់​ស្លាប់​នៅ​ក្នុង​ខេត្ត​បន្ទាយ​មាន​ជ័យ។

លោក​ ហ៊ុន សែន​បាន​បញ្ជាក់​នៅ​ក្នុង​ពេល​ជួបជុំ​ជាមួយ​អ្នក​សារព័ត៌មាន​នៅ​កោះ ពេជ្រ លោក​បាន​បញ្ជាក់​ថា​ អំពើ​ទារុណ​កម្ម​នេះ​មិន​អាច​អត់​អោន​អោយ​បាន​ទេ​ ហើយ​លោក​សៅ​ សុខា​ ត្រូវ​តែ​ចាប់​អ្នក​ដែល​ពាក់ព័ន្ធ​នឹង​អំពើ​ទារុណ​កម្ម​នេះ​អោយ​បាន​។​

លោក សៅ សុខា បញ្ជាក់​ថា គណៈកម្មការ​ចំពោះ​កិច្ច​កំពុង​ធ្វើ​ការ​ស្រាវជ្រាវ​ករណី​នេះ កាល​ពី​ថ្ងៃ​ទី១៣ មករា។ លោក​ថា លោក​កំពុង​រង់ចាំ​លទ្ធផល​នៃ​ការស្រាវជ្រាវ។

លោក ទុយ ស្រស់ តំណាង​ពលរដ្ឋ​មាន​ទំនាស់​​ដីធ្លី​នៅ​ភូមិ​ជ្រៃ ឃុំ​ចង្ហា ស្រុក​អូរជ្រៅ បាន​ស្លាប់​នៅ​ថ្ងៃ​ទី១ មករា គឺ​ក្រោយ​ពេល​មន្ត្រី​កងរាជអាវុធហត្ថ​ខេត្ត​បន្ទាយ​មាន​ជ័យ​ចាប់​ខ្លួន និង​បញ្ជូន​ទៅ​ដាក់​ឃុំ​នៅ​ទីបញ្ជាការ​កង​រាជ​អាវុធហត្ថ​ខេត្ត​ ចាប់​ពី​ថ្ងៃ​ទី២៨ ដល់​ថ្ងៃ​ទី៣១ ខែ​ធ្នូ ឆ្នាំ២០១៩ និង​បញ្ជូន​បន្ត​ទៅ​ពន្ធនាគារ​ខេត្ត។ កាល​នោះ សមត្ថកិច្ច​បាន​ចាប់​ខ្លួន​ប្រជាពលរដ្ឋ​ចំនួន ៥នាក់​យក​ទៅ​សាកសួរ​ ដោយសារ​តែ​ពួក​គាត់ តវ៉ា​​​​​រឿង​ទំនាស់​ដី​របស់​ពួក​គាត់​នៅ​ស្រុក​ស្វាយ​ចេក។ សង្គម​ស៊ីវិល បាន​ជួយ​ផ្នែក​ច្បាប់​ដល់​អ្នក​សាក្សី ចំនួន​ពីរ​នាក់ ដែល​បាន​ដាក់​ពាក្យ​បណ្ដឹង​នៅ​តុលាការ​ខេត្ត​បន្ទាយ​មាន​ជ័យ ចោទ​ប្រកាន់​មន្ត្រី​អាវុធហត្ថ​ថា នៅ​ធ្វើ​ទារុណកម្ម​ជន​រង​គ្រោះ​រហូត​ដល់​ស្លាប់៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


អត្ថបទ​ដែល​ទាក់ទង

What Next?

Recent Articles

2 Responses to "លោក​ ហ៊ុន សែន​ បញ្ជា​​ឱ្យ​ចាប់ខ្លួន​អ្នក​ធ្វើ​ទារុណកម្ម​លើ​ពលរដ្ឋ​ម្នាក់​ស្លាប់​នៅ​ក្នុង​ខេត្ត​បន្ទាយ​មានជ័យ"

  1. Anonymous says:

    This case i support mr P-M ‘ because it not wright to punish people in prison to death ‘ life is so value and not old time ‘ this is 21 century ‘

  2. Anonymous says:

    Very interesting, why Cambodia authorities need to have order from Mr Hun Sen rather than independently take care and protect justice for Cambodia as a nation? Where is the value of Cambodia government that used to declare to the world that respect human rights and maintain peace for the country. Peace will only happen when justice is served

Leave a Reply

Submit Comment