ដោយ មួង ណារ៉េត
2020-11-26
RFA
អ្នកស្រី មូរ សុខហួរ អនុប្រធានគណបក្សសង្គ្រោះជាតិ រូប៖ RFA
មន្ត្រីជាន់ខ្ពស់គណបក្សសង្គ្រោះជាតិ ស្នើឲ្យលោកនាយករដ្ឋមន្ត្រី ហ៊ុន សែន បញ្ឈប់វប្បធម៌លាបពណ៌ និងឈ្លបយកការណ៍បែបខ្មែរក្រហម ព្រោះទង្វើបែបនេះ ជាការបំភិតបំភ័យ និងបំពានសិទ្ធិប្រជាពលរដ្ឋ និងមិនថ្លៃថ្នូរជាមេដឹកនាំសម័យទំនើបនេះទេ។
អនុប្រធានគណបក្សសង្គ្រោះជាតិអ្នកស្រី មូរ សុហួរ យល់ថាសាររបស់លោក ហ៊ុន សែន ដែលប្រកាសតាមទូរទស្សន៍ អំពីមនុស្សបង្កប់របស់លោក ដើម្បីឈ្លប និងស្ដាប់យកការណ៍ ពេលមនុស្សសន្ទនាគ្នានោះ គឺបង្ហាញអំពីការដឹកនាំបែបរអើលគូទ មិនទុកចិត្តខ្លួនឯង និងខ្លាចពលរដ្ឋខ្លួនឯង ទើបចាត់មនុស្សឲ្យតាមលួចស្ដាប់គេសន្ទនាគ្នាគ្រប់ពេលបែបនេះ។
អ្នកស្រីបន្ថែមថា ការដឹកនាំបែបនេះ បង្ហាញឲ្យឃើញអំពីភាពផ្ទុយគ្នាស្រឡះ ទៅនឹងការអួតអាងរបស់លោក ហ៊ុន សែន ដែលថា កម្ពុជាមានសុខសន្តិភាពនោះ៖ «បើសិនជារដ្ឋាភិបាលនៃប្រទេសប្រជាធិបតេយ្យពិតប្រាកដ ហើយអ្នកដឹកនាំនោះមានអំណត់ មានភាពថ្លៃថ្នូរ ជាអ្នកដឹកនាំអ្នកប្រជាធិបតេយ្យពិតប្រាកដ មិនខ្លាចពលរដ្ឋជជែកគ្នាទេ ទោះបីពលរដ្ឋនៅខាងគណបក្សប្រឆាំងក៏ដោយ គេបង្កើតវេទិកាឲ្យជជែកគ្នាឲ្យណាណីទៅ»។
ជាទូទៅ ទម្រង់នៃការតាមដាន និងឈ្លបយកការណ៍នេះ ត្រូវបានអនុវត្តយ៉ាងខ្ជាប់ខ្ជួនក្នុងរបបខ្មែរក្រហម និងក្នុងរបបដឹកនាំបែបកុម្មុយនិស្តផ្ដាច់ការ។ ក្នុងសម័យខ្មែរក្រហម អ្នកតវ៉ាត្រូវបានគេចាត់ទុកថាខ្មាំង ឯអ្នកប្រឆាំង គេចាត់ទុកថាខ្មោច បានន័យថា ត្រូវកម្ទេចចោល។
អ្នកស្រី មូរ សុខហួរ ថាកម្ពុជាសម័យក្រោយកិច្ចព្រមព្រៀងសន្តិភាពទីក្រុងប៉ារីសនេះ មិនគួរណាធ្លាក់ក្នុងស្ថានភាពបែបនេះសោះ។ អ្នកស្រីស្នើឲ្យលោក ហ៊ុន សែន បើឈប់បានគួរតែឈប់ទៅ ព្រោះគ្មានចំណេញអ្វីដល់ជាតិ និងប្រជាពលរដ្ឋនោះទេ បើនៅតែបន្តធ្វើបែបនេះ៖ «សូមឲ្យបញ្ចប់ទៅនៅក្នុងការតាមដាន នៅក្នុងការលាបពណ៌ នៅក្នុងការចោទប្រកាន់ធ្ងន់ធ្ងរ សុទ្ធតែជនក្បត់ជាតិទាំងអស់។ តើអ្នកក្បត់ជាតិហ្នឹងមានប៉ុន្មាននាក់ទៀតនៅក្នុងប្រទេសហ្នឹង? ឬពាក់កណ្តាលនគរសុទ្ធតែអ្នកក្បត់ជាតិ អ៊ីចឹងតើជាតិនោះទៅជាស្អី?»។
ប្រតិកម្មរបស់មន្ត្រីជាន់ខ្ពស់គណបក្សប្រឆាំងរូបនេះ ធ្វើឡើងក្រោយលោក ហ៊ុន សែន ដែលកាលពីថ្ងៃទី២៥ ខែ វិច្ឆិកា ក្នុងពិធីជួបជាមួយមេធាវីស្ម័គ្រចិត្ត នៅវិមានសន្តិភាព បានប្រកាសថា លោកមានមនុស្សបង្កប់ តាមយកការណ៍ពីខាងបក្សប្រឆាំងនៅគ្រប់ទីកន្លែង៖ «មនុស្សតែចាប់ពីប្រាំនាក់ឡើងទៅ វាមានមនុស្សហ៊ុន សែន នៅក្នុងនោះហើយ កុំឆ្ងល់ពេក»។
មនុស្សបង្កប់នេះ លោក ហ៊ុន សែន សំដៅទៅលើមនុស្សដែលបន្លំក្នុងក្រុមទំនាក់ទំនងតាមបណ្ដាញទំនាក់ទំនងសង្គម ដែលទាំងនោះ នឹងលួចបញ្ចេញសំឡេងសន្ទនាគ្នាក្នុងក្រុម ទៅឲ្យគាត់។ ពេលបានសំឡេងនោះហើយ គាត់ក៏បានយកមកបញ្ចេញជាសាធារណៈ ដូចអ្វីដែលគាត់ធ្លាប់បានធ្វើជាហូរហែ និងចុងក្រោយដូចក្នុងករណីតំណាងរាស្ត្រគណបក្សសង្គ្រោះជាតិលោក ហូរ វ៉ាន់។
អ្នកច្បាប់ ថាការលួចស្ដាប់សំឡេងសន្ទនាគ្នាជាឯកជន ដោយគ្មានការអនុញ្ញាត ឬដឹងឮពីសាមីខ្លួន ទោះជាតាមមធ្យោបាយណា គឺល្មើសច្បាប់រដ្ឋធម្មនុញ្ញផង និងច្បាប់អន្តរជាតិផង។
លោកមេធាវី សំ សុគង់ ថា ជាការរំលោភច្បាប់ និងសិទ្ធិឯកជនដែរ នៅពេលដែលជនណាម្នាក់យកសំឡេងបុគ្គល ដែលត្រូវគេលួចបញ្ចេញពីក្រុមឯកជនណាមួយ មកចាក់ផ្សាយជាសាធារណៈ ព្រោះសិទ្ធិសម្រេចក្នុងការអនុញ្ញាតឲ្យចាក់សំឡេងសន្ទនាគ្នាជាឯកជនបែបនេះ គឺមានតែសមត្ថកិច្ចរបស់តុលាការប៉ុណ្ណោះ៖ «ខ្ញុំគិតថាជាការរំលោភសិទ្ធិឯកជន ឬសិទ្ធិរបស់បុគ្គលផ្សេងៗ។ ធម្មតាបើសិនយើងគិតថាគាត់ខុស ទៅនឹងការនិយាយអ្វីមួយ វាត្រូវតែមានយន្តការច្បាប់ ប្តឹងមកតុលាការ ដើម្បីឲ្យច្បាប់រកខុសរកត្រូវ ហើយផ្ដន្ទាទោសទៅតាមច្បាប់ និងសងសំណងទៅតាមអ្វីដែលមានចែងក្នុងច្បាប់។ ប៉ុន្តែ នៅពេលដែលយើងយកសំឡេងនោះ មកផ្សាយជាសាធារណៈ ទៅជារឿងមួយផ្សេង គឺអត់យកច្បាប់មកអនុវត្ត»។
កន្លងមកលោក ហ៊ុន សែន ធ្លាប់បញ្ចេញខ្សែអាត់សំឡេងសន្ទនាគ្នាជាឯកជនជាច្រើនរបស់មន្ត្រីគណបក្សប្រឆាំង រួមទាំងសំឡេងប្រធានគណបក្សនេះ គឺលោក កឹម សុខា ផង។ ការសន្ទនាគ្នានោះ មានទាំងតាមទូរស័ព្ទ និងបណ្ដាញទំនាក់ទំនងសង្គម។
ពលរដ្ឋសង្ស័យថា លោក ហ៊ុន សែន ប្រហែលលួចស្ដាប់សំឡេងទាំងនោះ ហើយលួចថត រួចយកមកផ្សាយ។ ប៉ុន្តែ អ្នកជំនាញវិញ ថាលោក ហ៊ុន សែន អាចលួចស្ដាប់សំឡេងសន្ទនាគ្នាតាមទូរស័ព្ទបាន ប៉ុន្តែ មិនអាចលួចស្ដាប់តាមបណ្ដាញទំនាក់ទំនងសង្គមបានទេ។
អ្នកជំនាញផ្នែកបច្ចេកវិទ្យាព័ត៌មានវិទ្យា ដែលថ្លែងក្នុងលក្ខខណ្ឌសុំមិនបញ្ចេញឈ្មោះ ព្រោះព្រួយបារម្ភពីការសងសឹកពីសំណាក់អាជ្ញាធររបបក្រុងភ្នំពេញ បានប្រាប់អាស៊ីសេរីថា ការសន្ទនាគ្នាជាឯកជន តាមបណ្ដាញទំនាក់ទំនងសង្គម ដូចជា ហ្វេសប៊ុក (Facebook) វាត់អាប់ (WhatsApp) ស៊ិកណល (Signal) ស្កៃប (Skype) តេឡេក្រាម (Telegram) ជាដើម មិនមាននរណាអាចលួចស្តាប់បានងាយៗ ដូចការសន្ទនាគ្នាតាមទូរស័ព្ទនោះទេ ព្រោះក្រុមហ៊ុននៃប្រព័ន្ធទំនាក់ទំនងសង្គមទាំងនោះ សុទ្ធតែមានប្រព័ន្ធការពារសុវត្ថិភាពកិច្ចសន្ទនាគ្នាជាឯកជននេះ។
អ្នកជំនាញរូបនេះ បន្ថែមថា គេអាចលួចស្ដាប់ការសន្ទនាគារតាមបណ្ដាញទំនាក់ទំនងសង្គម តែក្នុងករណីដែលមានសមាជិកណាម្នាក់ ឬច្រើន នៅក្នុងក្រុមសន្ទនាគ្នានោះ លួចថតសំឡេងកំពុងសន្ទនាគារ រួចបញ្ចេញទៅឲ្យអ្នកដទៃដឹងប៉ុណ្ណោះ។
ទោះជាលោក ហ៊ុន សែន ព្រមានអំពីការឈ្លបយកការណ៍លើមនុស្សបក្សប្រឆាំងយ៉ាងណាក្តី ក៏អ្នកស្រី មូរ សុខហួរ លើកទឹកចិត្តឲ្យពលរដ្ឋខ្មែរ ឲ្យបន្តហ៊ានជជែកគ្នា និងបញ្ចេញមតិ ដើម្បីអនុវត្តសិទ្ធិសេរីភាពរបស់ខ្លួន ហើយស្នើឲ្យលោក ហ៊ុន សែន មានអារម្មណ៍ស្ងប់ក្នុងខ្លួន ព្រោះគ្មានពលរដ្ឋណា គេចង់ប្រឆាំងដើម្បីឲ្យមានអសន្តិសុខនៅក្នុងប្រទេសនោះទេ។ តែពលរដ្ឋគាត់លំបាក នៅក្នុងជីវិតរស់នៅរបស់ពួកគាត់ ទើបពួកគាត់ត្រូវការបញ្ចេញមតិ និងដង្ហោយឲ្យរដ្ឋាភិបាលដោះស្រាយ។ អ្នកស្រីបន្ថែមថា រដ្ឋាភិបាលមានកាតព្វកិច្ចស្ដាប់កង្វល់ពលរដ្ឋដោយស្មោះត្រង់ មិនមែនលបស្តាប់ រួចចាប់ចងនោះទេ៕
អត្ថបទដែលទាក់ទង
- លោក ហ៊ុន សែន ប្ដេជ្ញាការពារត្រកូលហ៊ុន ទោះបីជារលាយផែនដីក៏ដោយ
- តុលាការសម្រេចលើកពេលជំនុំជម្រះរឿងក្ដីមន្ត្រី និងសកម្មជនបក្សប្រឆាំង ទៅដើមឆ្នាំ២០២១
- លោក ថាច់ សេដ្ឋា ប្រកាសជំហរថា លោកនឹងចូលខ្លួនទៅបំភ្លឺតាមការកោះហៅរបស់តុលាការ
- មន្ត្រីបក្សប្រឆាំងស្នើឱ្យបញ្ឈប់សាងសង់ស្តូបមិត្តភាពកម្ពុជាវៀតណាម
- លោកមេធាវី សំ សុគង់ ថា ការចាត់តាំងមេធាវីនៅកៀកថ្ងៃសវនាការ គឺជាការធ្វើគ្រាន់តែបង្គ្រប់កិច្ចប៉ុណ្ណោះ
- ប្រពន្ធសកម្មជនបក្សប្រឆាំងម្នាក់ស្លុតចិត្តបន្ទាប់ពីចូលសួរសុខទុក្ខឃើញប្ដីធ្លាក់ខ្លួនឈឺនៅពន្ធនាគារព្រៃស
- មេធាវីថា ដីកាកោះហៅមនុស្សជាង១០០នាក់ ក្នុងរយៈពេលខ្លីធ្វើឲ្យពិបាកក្នុងការត្រៀមខ្លួន
- បក្សប្រឆាំង និងអ្នកឃ្លាំមើលថា លោក ហ៊ុន សែន កំពុងប្រើវិបត្តិកូវីដ-១៩ ដើម្បីលើកស្ទួយកូនប្រុសច្បង
- សេង ធារី៖ ពិភពលោកកំពុងសម្លឹងមើលករណីតុលាការកោះហៅនាងពីបទរួមគំនិតក្បត់
- តើមូលហេតុអ្វីបានជាស្ត្រីជាប្រពន្ធមន្ត្រីបក្សប្រឆាំង ដែលកំពុងជាប់ពន្ធនាគារ នៅតែខ្លាំងក្នុងការតស៊ូមតិតវ៉ាឲ្យប្ដីបាននៅក្រៅឃុំ?
HOW can you stop Khmer red this evil used to killed so many human life during POL POT and up to this day to be a leader this guy was not hesitated to killed his own people to please VIECONG’s plane of UNITED ENDOCHEN . every CAMBODIAN knew HUN SEN was just the lowest educated jungle man educated by Vietcong communist policy . Cambodian have to rising up to take this evil out so that they can save their nation
ស្ថានបេសកកម្មអចិន្ត្រៃយ៍កម្ពុជា នៅទីក្រុងហ្សឺណែវ បានចេញសេចក្តីថ្លែងការណ៍មួយ ដោយទាមទារឱ្យ លោកស្រីរ៉ូណា ស្មីត Rhona Smith អ្នករាយការណ៍ពិសេស របស់អង្គការសហប្រជាជាតិ ស្ដីពីស្ថានភាពសិទ្ធិមនុស្សនៅកម្ពុជា គោរពការងារ និងឯករាជ្យភាពរបស់ប្រព័ន្ធតុលាការកម្ពុជា។
តាមសេចក្តីថ្លែងការណ៍ដែល ទទួលបាន នៅថ្ងៃទី២៦ ខែវិច្ឆិកា ឆ្នាំ២០២០ ស្ថានបេសកកម្ម
អចិន្ត្រៃយ៍កម្ពុជា បានបដិសេធទាំងស្រុងចំពោះការចេញផ្សាយព័ត៌មាន ចុះថ្ងៃទី២៥ ខែវិច្ឆិកា ឆ្នាំ ២០២០ របស់លោកស្រីរ៉ូណា ស្មីត Rhona Smith ដែលបានលើកឡើងថា ការបើកសវនការលើអតីតក្រុមប្រឆាំងរយៈពេលប៉ុន្មានថ្ងៃនេះ គឺទំនងជាធ្វើឡើងក្នុងហេតុផលនយោបាយ។
«ទស្សនៈផ្ទាល់ខ្លួនរបស់បុគ្គលដែលអះអាងថាជាអ្នកជំនាញ ប៉ុន្តែមិនមែនជាមន្ត្រីរបស់អង្គការសហប្រជាជាតិ គឺជាការលើកឡើងដែលសម្រាំងយកតែផ្នែកខ្លះ និងបកស្រាយដោយមួលបង្កាច់ មិនផ្អែកលើការពិត។ មានឧទាហរណ៍ អំពីករណីមន្ត្រីគណបក្សកាន់អំណាចជាច្រើន ដែលបានប្រព្រឹត្តខុស ហើយត្រូវបានយកមកឱ្យទទួលខុសត្រូវចំពោះមុខច្បាប់។ ការណ៍នេះសបញ្ជាក់ឱ្យឃើញច្បាស់ថា ការចូលរួមជាមួយគណបក្សនយោបាយ ឬអង្គការមិនមែនរដ្ឋាភិបាលណាមួយ ពុំមែនជាការផ្តល់សិទ្ធិឱ្យ បុគ្គលណាម្នាក់បំពានច្បាប់ ដោយនិទណ្ឌភាពឡើយ។ វាគឺជាយុត្តាធិការរបស់តុលាការនៅក្នុងការ កំណត់បទចោទ និងបន្តនីតិវិធី ដោយផ្អែកលើមូលដ្ឋាននៃអង្គហេតុនិងអង្គច្បាប់។ ការធ្វើសេចក្ដីសន្និដ្ឋានថា ការបើកសវនាការជំនុំជម្រះលើបុគ្គលណាមួយធ្វើឡើងក្នុងហេតុផល នយោបាយនិងទម្រង់យុទ្ធសាស្ត្របំភិតបំភ័យចំពោះទស្សនៈផ្ទុយគ្នា គឺជាការនិយាយបំផ្លើសនិងជាការ ប្រមាថទាំងស្រុងលើស្ថាប័នតុលាការឯករាជ្យនៃរដ្ឋអធិបតេយ្យ»។
ស្ថានបេសកកម្មអចិន្ត្រៃយ៍កម្ពុជា បានពន្យល់ថា បទល្មើស «ឧបឃាត» និង «ការញុះញង់ឱ្យប្រព្រឹត្តបទឧក្រិដ្ឋជាអាទិ៍» មានចែងយ៉ាងច្បាស់នៅក្នុងមាត្រា៤៥១ និង មាត្រា៤៩៥ នៃ ក្រមព្រហ្មទណ្ឌកម្ពុជា ដែលត្រូវបានតាក់តែងឡើងដោយមានជំនួយពីអ្នកជំនាញផ្នែកច្បាប់មកពី ប្រទេសលោកខាងលិចផងដែរ។ ចុងចោទមានឱកាសពេញលេញចូលរួមសវនាការ ព្រមទាំងមានសិទ្ធិរកមេធាវីការពារ ដើម្បីបង្ហាញ ទឡ្ហីករណ៍ និងដាក់ភស្តុតាងដោះបន្ទុក នៅក្នុងប្រព័ន្ធតុលាការ ដែលជាផ្នែកមួយនៃសិទ្ធិទទួលបាននូវ ការជំនុំជម្រះត្រឹមត្រូវ ធានាដោយរដ្ឋធម្មនុញ្ញរបស់កម្ពុជា។ ជនជាប់ចោទក៏បានត្រូវគេផ្តល់មេធាវី ការពារសិទ្ធិដោយមិនយកកម្រៃ ប៉ុន្តែពួកគាត់បានសម្រេចយកមេធាវីការពារ តាមជម្រើសផ្ទាល់ខ្លួនវិញ។
កម្ពុជាបញ្ជាក់ទៀតថា ដំណើរការនីតិវិធីរបស់តុលាការចំពោះជនជាប់ចោទ ត្រូវបានធ្វើឡើងយ៉ាងម៉ត់ចត់ ដោយផ្អែកទៅលើ បទល្មើសដែលបានចោទប្រកាន់ស្របតាមច្បាប់ ហើយក៏មិនបានពាក់ព័ន្ធនឹងការអនុវត្តសិទ្ធិសេរីភាព ក្នុងការបញ្ចេញមតិនិងជួបជុំដោយសន្តិវិធីនោះឡើយ។ បើគេចាត់ទុកការអនុវត្តច្បាប់គឺជាការរឹតត្បិត សេរីភាព នោះគឺជាការបន្ទាបតម្លៃនៃគោលការណ៍នីតិរដ្ឋ និងការអនុវត្តស្មើភាពគ្នាចំពោះពលរដ្ឋទាំងអស់ ដែលត្រូវបានធានាក្នុងរដ្ឋធម្មនុញ្ញនៃព្រះរាជាណាចក្រកម្ពុជា។
ស្ថានបេសកកម្មអចិន្ត្រៃយ៍កម្ពុជា បានទទូចថា អ្នករាយការណ៍ពិសេសត្រូវគោរពការងារ និងឯករាជ្យភាពនៃ ប្រព័ន្ធតុលាការជាតិ ដែលក្នុងចំណោមនោះ មិនត្រូវធ្វើការវិនិច្ឆ័យជាមុន ឬធ្វើអ្វីដែលជះឥទ្ធិពលលើ លទ្ធផលនៃសំណុំរឿងពាក់ព័ន្ធនឹងបុគ្គលដែលកំពុងរង់ចាំសវនានោះឡើយ។ ការយកចិត្តទុកដាក់ ប្រកបដោយការប្រុងប្រយ័ត្ន និងគោរពនីតិវិធីតុលាការខាងលើ ព្រមជាមួយនឹងការប្រកាន់ខ្ជាប់យ៉ាង ម៉ឺងម៉ាត់នូវក្រមសីលធម៌ និងសៀវភៅណែនាំប្រតិបត្តិការសម្រាប់អ្នកទទួលអាណត្តិនីតិវិធីពិសេស ដែលបានគូសបញ្ជាក់អំពីសារឮសំខាន់នៃការគោរពច្បាប់ជាតិ និងធម្មនុញ្ញអង្គការសហប្រជាជាតិ នឹងជួយឱ្យរដ្ឋទូទៅទាំងអស់ និងកម្ពុជា ជាពិសេស បន្តរក្សានូវទំនុកចិត្ត និងកិច្ចសហប្រតិបត្តិការពិតប្រាកដ ជាមួយ អ្នករាយការណ៍ពិសេស៕
instate AH..MOUYNESS CHEA CHHUN KBOTHCHEATH
ហាស ! ហាស
មិនបង្អាប់ទេ ទូតស៊ុយអែតហ្នឹងនោះ ។ តែថាបើនៅក៏វាគ្មានចំណេញស្អីដល់ប្រជាជនកម្ពុជាដែរ ?
ប្រជាជនកម្ពុជាត្រូវការមិត្ត ត្រូវការជំនួយអភិវឌ្ឍន៍ជាតិ តែមិនត្រូវការជំនួយ
ប្រកបដោយភាពពិសពុល បំផ្លាញសន្តិភាពជាតិកម្ពុជា ដែលរកបានដោយលំបាកនោះទេ ។
ដូចនេះនៅឬទៅ វាគ្មានអីអស្ចារ្សសម្រាប់កម្ពុជាទេ !
(បង្វែរជំនួយជាង២០លានដុល្លារអាមេរិកពីការជួយរដ្ឋាភិបាលកម្ពុជា មកជួយ
អង្គការសង្គមស៊ីវិល នេះជា សម្តីនាង ចក់ សុភាព នាយិកានៃមជ្ឈមណ្ឌលសិទ្ធិមនុស្សកម្ពុជា ។
(អង្គការសង្គមស៊ីវិលការពារចោរ)