កម្ពុជា-នយោបាយ
16/01/2021 – 12:04
ដោយ៖ អ៊ឹម រចនា
RFI
ភ្លាមៗបន្ទាប់ពីត្រូវបានបដិសេធមិនឲ្យឡើងយន្តហោះពីទីក្រុង Los Angeles លោកស្រី មូរ សុខហួរ បានថ្លែងសូមឲ្យប្រជាពលរដ្ឋរកយុត្តិធម៌ឲ្យលោកស្រី ដែលត្រូវបានតុលាការកម្ពុជាកោះហៅឲ្យចូលរួមសវនាការជំនុំជម្រះក្ដី ប៉ុន្តែបែរជាមិនត្រូវបានផ្ដល់ទិដ្ឋាការឲ្យចូលទៅកាន់ប្រទេសកម្ពុជាទៅវិញ។
លោកស្រី មូរ សុខហួរ អនុប្រធានអតីតគណបក្សសង្គ្រោះជាតិ បានចាត់ទុករឿងនេះថាជាការរំលោភសិទ្ធិរបស់លោកស្រី រួមមានសិទ្ធិក្នុងការទទួលបានលិខិតឆ្លងដែន និងសិទ្ធិក្នុងការទទួលបានយុត្តិធម៌ តាមរយៈការបង្ហាញវត្តមានក្នុងពេលជំនុំជម្រះក្ដីនៅតុលាការជាដើម។
នៅក្នុងព្រឹត្តិការណ៍មាតុភូមិនិវត្តន៍របស់មន្ដ្រីអតីតគណបក្សសង្គ្រោះជាតិនេះដែរ មិនមែនមានតែ លោកស្រី មូរ សុខហួរ ម្នាក់ប៉ុណ្ណោះទេ ដែលពុំត្រូវបានក្រុមហ៊ុនអាកាសចរណ៍បដិសេដមិនឲ្យឡើងយន្តហោះ។
នៅទីក្រុងប៉ារីសប្រទេសបារាំង លោក ម៉ែន សុថាវរិន្ទ្រ សមាជិកគណៈកម្មាធិការអចិន្ត្រៃយ៍នៃអតីតគណបក្សសង្គ្រោះជាតិ ក៏ត្រូវបានហាមឃាត់មិនឲ្យឡើងយន្តហោះចាកចេញពីទីក្រុងប៉ារីសមកកាន់ប្រទេសសិង្ហបុរី មុននឹងបន្តដំណើរមកកាន់កម្ពុជាដូចគ្នាដែរ។ នេះបើតាមការគូសបញ្ជាក់របស់លោក សម រង្ស៊ី ប្រធានស្ដីទីអតីតគណបក្សសង្គ្រោះជាតិ នៅថ្ងៃសៅរ៍ ទី១៦មករានេះ។ លោក សម រង្ស៊ី ឲ្យដឹងបន្ថែមទៀតថា ក្រុមហ៊ុនអាកាសចរណ៍ Singapore Airlines មិនឲ្យលោក ម៉ែន សុថាវរិន្ទ្រ ឡើងយន្តហោះ គឺព្រោះតែរដ្ឋាភិបាលកម្ពុជា មិនអនុញ្ញាតឲ្យលោក ម៉ែន សុថាវរិន្ទ្រ ត្រឡប់មកមាតុប្រទេសវិញទេ បើទោះបីជាឆ្លងកាត់ប្រទេសណាក៏ដោយ។ នេះបើតាមលោក សម រង្ស៊ី៕
នេះគឺជាភាពអាមាស់ដល់របបផ្ដាច់ការរបស់ ហ៊ុនសែន ដែលព្យាយាមរារាំងក្រុមប្រឆាំងមិនអោយចូលតុលាការនិងបរាជ័យក្នុងការស្ដារលិទ្ធិប្រជាធិបតេយ្យនិងសិទ្ធសេរីភាពរបស់ប្រជាពលរដ្ធខ្មែរ។យើងបន្តរតាមដានតទៅទៀត
ហាស ! ហាស
មីកាដួយស្អុយ ប៉ាស្ព៍រ អាមេរិកង៉ែងម៉េចមិនប្រើ ?
កាលង៉ែងរត់ចេញទៅ មិនមែនប្រើប៉ាស្ព័រកម្ពុជាឯណា ?