ពលករ​ខ្មែរ​៧​នាក់​រង​របួស​ធ្ងន់​ស្រាល​ក្នុង​ហេតុការណ៍​បាក់​ស្ពាន​បេតុង​នៅ​ប្រទេស​ថៃ

ដោយ ខែ សុណង
2021-01-24
RFA

ស្ដាប់ ឬទាញ​យក​សំឡេង
ស្តាប់សំឡេងថតសំឡេង

ពលករ​ខ្មែរ​៧​នាក់​រង​របួស​ធ្ងន់​ស្រាល​ក្នុង​ហេតុការណ៍​បាក់​ស្ពាន​បេតុង​នៅ​ប្រទេស​ថៃ

រូប​ភាព​បាក់​ស្ពានបេតុង នៅ​ខេត្ត​ណាខនរាជស៊ីមា (Nakhon Ratchasima) នៅ​ភូមិភាគ​ខាងកើត​នៃ​ប្រទេស​ថៃ នៅ​រសៀល​ថ្ងៃ​ទី​២៣ មករា ២០២១។ Photo Provided


ពលករ​ខ្មែរ​ចំនួន​៧​នាក់​រង​របួស​ធ្ងន់​ស្រាល​ក្នុង​ហេតុការណ៍​បាក់​ស្ពានបេតុង នៅ​ខេត្ត​ណាខនរាជស៊ីមា (Nakhon Ratchasima) នៅ​ភូមិភាគ​ខាងកើត​នៃ​ប្រទេស​ថៃ នៅ​រសៀល​ថ្ងៃ​ទី​២៣ មករា។

អ្នកបកប្រែ និង​ធ្វើ​ការងារ​ផ្នែក​ការពារ​សិទ្ធិ​ពលករ​ខ្មែរ​នៅ​ប្រទេស​ថៃ លោក ប្រាក់ ភត្រា ឱ្យ​ដឹង​ថា ករណី​បាក់​ស្ពាន​កំពុង​សាងសង់​សង្កត់​លើ​កម្មករ​នោះ មាន​ពលករ​ខ្មែរ ៧​នាក់ និង​កម្មករ​ជនជាតិ​មីយ៉ាន់ម៉ា ឬ​ភូមា​ម្នាក់ (Myanmar) និង (Thai) ម្នាក់​ដែរ ប៉ុន្តែ​លោក​ថា ចំនួន​អ្នករបួស​អាច​មាន​ច្រើនជាង​នេះ​៖ «ស្ពាន​ទើប​សាងសង់​ស្ពាន​ធ្វើ​ដើម្បី​វៀង​ចេញទៅ​ក្រៅ​ខេត្ត​ដើម្បី​ឆ្លង​ទៅ​ខេត្ត​មួយ​ទៀត​កុំ​ឱ្យ​ស្ទះ​ឡាន​។ កំពុង​សាងសង់​វា​ស្រុត​ដែក​ដែល​គេ​ចាក់​បេតុង​វា​ស្រុត​ទៅ​កម្មករ​យើង​កំពុងតែ​ធ្វើ​ការ​ចាក់​ស៊ីម៉ង់​វា​ស្រុត​ទៅ​វា​សង្កត់​ធ្លាក់​មក​លើ​ពលករ​ដែល​កំពុង​ធ្វើ​កា​រ​នៅ​ហ្នឹង​រង​របួស»។

លោក ប្រាក់ ភត្រា ឱ្យ​ដឹង​ទៀត​ថា កម្មករ​ដែល​របួសធ្ងន់​ស្រាល​ទាំងនេះ ភាគច្រើន​បាក់​ដៃ​បាក់ជើង ត្រូវ​បាន​គេ​ជួយសង្គ្រោះ​នៅ​មន្ទីរពេទ្យ​ចំនួន​៣​នៅ​ក្នុង​ខេត្ត​នេះ។

លោក​បន្ត​ថា អាជ្ញាធរ​ថៃ​កំពុង​ធ្វើ​ការ​ស្រាវជ្រាវ​រក​មូលហេតុ​ដែល​បណ្ដាល​ឱ្យ​បាក់​ស្ពានបេតុង​នេះ ថា​តើ​បណ្ដាលមកពី​សំណង់​មិន​រឹងមាំ ឬ​ជា​កំហុស​របស់​វិស្វករ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles