ព្រះ​មហា​ក្សត្រ​តែង​តាំង​អតីត​មន្ត្រី​បក្ស​ប្រឆាំង​ម្នាក់​ជា​រដ្ឋ​លេខា​ធិការ​តាម​ការ​ស្នើ​សុំ​ពី​នាយក​រដ្ឋ​មន្ត្រី​

នយោបាយ | ព័ត៌មានជាតិ
លោក សេង ថៃ | ១២ មិថុនា ២០២១ |ម៉ោង ១៨:២៤
VOD

សមាជិកព្រឹទ្ធសភាលោកស្រី ថាក់ ឡានី (រូបភាពពីកម្ពុជាថ្មី)

អតីតសមាជិកព្រឹទ្ធសភាលោកស្រី ថាក់ ឡានី


ព្រះមហាក្សត្រកម្ពុជានៅថ្ងៃសៅរ៍នេះ បានសម្រេចតែងតាំងលោកស្រី ថាក់ ឡានី អតីតសមាជិកព្រឹទ្ធសភានៃអតីតគណបក្សសមរង្ស៊ី ជារដ្ឋលេខាធិការក្រសួងទំនាក់ទំនងរដ្ឋសភា ព្រឹទ្ធសភា និងអធិការកិច្ច។

ព្រះរាជក្រឹត្យតែងតាំងនេះបានធ្វើឡើងនៅថ្ងៃទី១២ ខែមិថុនា ឆ្នាំ២០២១នេះ តាមការស្នើសុំរបស់លោកនាយករដ្ឋមន្ត្រី ហ៊ុន សែន។

គួររំឭកជូនថា លោកស្រី ថាក់ ឡានី គឺជាអតីតសមាជិកព្រឹទ្ធសភាគណបក្សសមរង្ស៊ី នៅអំឡុងឆ្នាំ២០១៦។ លោកស្រីបានសម្រេចនិរទេសខ្លួនទៅរស់នៅក្រៅប្រទេសអស់រយៈពេលជិត៦ឆ្នាំ បន្ទាប់ពីតុលាការកម្ពុជាបានកាត់ក្តីលោកស្រីឱ្យជាប់ពន្ធនាគាររយៈពេល១៨ខែ និងពិន័យជាប្រាក់៨ ០០០ ០០០រៀល ក្រោមការចោទប្រកាន់ពីបទ«បរិហារកេរ្តិ៍» និងបទ«ញុះញង់ឱ្យប្រព្រឹត្តអំពើបង្កឱ្យមានភាពវឹកវរធ្ងន់ធ្ងរដល់សន្តិសុខសង្គម»។ ការចោទប្រកាន់នេះបានធ្វើឡើងបន្ទាប់ពីលោកស្រីបានថ្លែងជាសាធារណៈ ដោយចោទប្រកាន់លោកនាយករដ្ឋមន្ត្រី ហ៊ុន សែន ថាជាអ្នកនៅពីក្រោយនៃការសម្លាប់លោកបណ្ឌិត កែម ឡី។

កាលពីថ្ងៃទី៣ ខែមីនា ឆ្នាំ២០២១ លោកស្រី ថាក់ ឡានី ត្រូវបានលោក សាយ ឈុំ ប្រមុខរដ្ឋស្តីទីចេញព្រះរាជក្រឹត្យលើកលែងទោស បន្ទាប់ពីមានសំណើពីលោកនាយករដ្ឋមន្ត្រី ហ៊ុន សែន៕


រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

What Next?

Recent Articles

One Response to "ព្រះ​មហា​ក្សត្រ​តែង​តាំង​អតីត​មន្ត្រី​បក្ស​ប្រឆាំង​ម្នាក់​ជា​រដ្ឋ​លេខា​ធិការ​តាម​ការ​ស្នើ​សុំ​ពី​នាយក​រដ្ឋ​មន្ត្រី​"

  1. Anonymous says:

    why you change you mind that fast you lady soon I will find out about the powers of$$$$$$$$$$