រដ្ឋ​សភា​នឹង​ប្រកាស​បេក្ខភាព​ប្រធាន​ គ.ជ.ប​ ថ្មី​ នៅ​ថ្ងៃ​ទី​១៥​មិថុនា

នយោបាយ | បោះឆ្នោត | ព័ត៌មានជាតិ
លោក សេង ថៃ |១២ មិថុនា ២០២១ |ម៉ោង ១២:៥៨
VOD

កិច្ចប្រជុំផ្សព្វផ្សាយជាមួយភាគីពាក់ព័ន្ធ ការផ្ដល់សុពលភាព និងការប្រកាសផ្សាយបញ្ជីបោះឆ្នោតផ្លូវការ ឆ្នាំ២០២០ ថ្ងៃទី៣១ ខែធ្នូ ឆ្នាំ២០២០។  (ណាត សុភាព)

កិច្ចប្រជុំផ្សព្វផ្សាយជាមួយភាគីពាក់ព័ន្ធ ការផ្ដល់សុពលភាព និងការប្រកាសផ្សាយបញ្ជីបោះឆ្នោតផ្លូវការ ឆ្នាំ២០២០ ថ្ងៃទី៣១ ខែធ្នូ ឆ្នាំ២០២០។ (ណាត សុភាព)


គណៈកម្មាធិការអចិន្ត្រៃយ៍រដ្ឋសភា នឹងប្រកាសបេក្ខភាពប្រធានគណៈកម្មាធិការជាតិរៀបចំការបោះឆ្នោត (គ.ជ.ប) ថ្មី ជំនួសលោក ស៊ិក ប៊ុនហុក នៅថ្ងៃទី១៥ ខែមិថុនា។

អ្នកនាំពាក្យរដ្ឋសភា លោក ឡេង ប៉េងឡុង បានប្រាប់ វីអូឌី នៅថ្ងៃសៅរ៍នេះថា នៅពេលបិទបញ្ចប់ការទទួលពាក្យកាលពីថ្ងៃសុក្រ រដ្ឋសភាបានទទួលពាក្យស្នើសុំពីបេក្ខជនតែពីរនាក់ប៉ុណ្ណោះ ដើម្បីប្រកួតប្រជែងយកតំណែងជាប្រធាន គ.ជ.ប ថ្មី។ លោក ឡេង ប៉េងឡុង នៅមិនទាន់អាចបង្ហើបឱ្យដឹងនៅឡើយទេ ថាតើបេក្ខជនទាំងពីរនាក់នោះគឺជានណា ប៉ុន្តែលោកបានបង្ហើបប្រាប់ត្រឹមថា ជាបេក្ខជនដែលមកពីមជ្ឈដ្ឋានសាធារណជនទូទៅ។

កាលពីថ្ងៃចន្ទដើមសប្តាហ៍នេះ អគ្គលេខាធិការដ្ឋានរដ្ឋសភា បានប្រកាសបើកចំហឱ្យសាធារណជនទូទៅដាក់ពាក្យឈរឈ្មោះជាបេក្ខជនជ្រើសរើសជាប្រធានគណៈកម្មាធិការជាតិរៀបចំការបោះឆ្នោត (គ.ជ.ប) ថ្មី ជំនួសលោក ស៊ិក ប៊ុនហុក ដែលបានប្រកាសលាឈប់ក្រោមហេតុផលបញ្ហាសុខភាព។

យោងតាមសេចក្តីជូនដំណឹងរបស់អគ្គលេខាធិការដ្ឋានរដ្ឋសភា កាលពីថ្ងៃទី៤ ខែមិថុនានោះ ឥស្សរជនដែលមានបំណងចង់ដាក់ពាក្យឈរឈ្មោះជាប្រធាន គ.ជ.ប ថ្មី ត្រូវមានលក្ខខណ្ឌមួយចំនួនដូចជា ជាប្រជាពលរដ្ឋខ្មែរទូទៅដែលមានអាយុចាប់ពី៤៥ឆ្នាំឡើង មានសញ្ញាបត្រចាប់ពីឧត្ដមសិក្សា និងមានបទពិសោធន៍ការងារចាប់ពី១០ឆ្នាំឡើងទៅ។

បន្ទាប់ពីប្រកាសរើសរយៈពេល៥ថ្ងៃ គឺមានបេក្ខជន៤នាក់ដែលបានមកយកពាក្យទៅបំពេញ ប៉ុន្តែក្នុងនោះមានតែបេក្ខជនពីរនាក់ប៉ុណ្ណោះដែលបានយកមកដាក់នៅរដ្ឋសភាវិញ។

បើតាមលោក ឡេង ប៉េងឡុង ក្រោយពីទទួលបានពាក្យស្នើសុំពីបេក្ខជនទាំងពីរនាក់រួចហើយ គណៈកម្មាធិការអចិន្ត្រៃយ៍រដ្ឋសភានឹងប្រជុំសម្រេចនៅថ្ងៃទី១៥ ខែមិថុនា សប្តាហ៍ក្រោយនេះ ថាតើបេក្ខជនរូបណាដែលមានលក្ខណៈសម្បត្តិគ្រប់គ្រាន់ ដើម្បីដាក់ជូនអង្គសភាបោះឆ្នោតសម្រេចឱ្យធ្វើជាប្រធានគណៈកម្មាធិការជាតិរៀបចំការបោះឆ្នោត (គ.ជ.ប) ថ្មី ជំនួសលោក ស៊ិក ប៊ុនហុក។

ទោះជាយ៉ាងណាក្តី លោក កន សាវាង្ស ​អ្នកសម្រប​សម្រួល​ផ្នែក​អង្កេត​និង​តស៊ូមតិ​ នៃអង្គការ​ឃ្លាំមើលការបោះឆ្នោត (ខុមហ្រ្វែល) បានធ្លាប់ប្រាប់ វីអូឌី ថាបេក្ខជនប្រធានគណៈកម្មាធិការជាតិរៀបចំការបោះឆ្នោតថ្មីនេះ គឺមិនមានបេក្ខជនណាឆ្ងាយក្រៅពីឥស្សរជនមកពីគណបក្សកាន់អំណាចនោះឡើយ៕


រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

What Next?

Recent Articles

One Response to "រដ្ឋ​សភា​នឹង​ប្រកាស​បេក្ខភាព​ប្រធាន​ គ.ជ.ប​ ថ្មី​ នៅ​ថ្ងៃ​ទី​១៥​មិថុនា"

  1. Anonymous says:

    do not spend too much money while you don’t have it . the world will not recognize a new leaders in 2023 election WELL if you doing that kind of fake election one more you will lose your shirt Mr no legitimize in the UN no US GSP..no EU EBA either . WELL if you are not believing me just hand over every thing to CHINA . one more if CHINA still clime for N01 supper powers nation be prepare for WW3 . OK .LUK CHESSTU.