កម្ពុជា​បន្ត​រកឃើញ​អ្នកឆ្លង​ជំងឺ​កូវីដ-១៩​បំប្លែងថ្មី «អូមីក្រុង» ៣៤​ករណី​បន្ថែម​ទៀត

កូវីដ-១៩ព័ត៌មានជាតិ
លោក សេង ថៃ | ១៣ មករា ២០២២ | ម៉ោង ១៣:៤៥
VOD

ក្រុមមន្ត្រីជំនាញសុខាភិបាលចុះពិនិត្យអ្នកដែលធ្វើចត្តាឡីស័កនៅមណ្ឌលចត្តាឡីស័ក និងជាមណ្ឌលសម្រាប់ព្យាបាលអ្នកជំងឺកូវីដ-១៩ ស្ថិតក្នុងវិទ្យាល័័យ ហ៊ុន សែន កំពង់កន្ទួត ក្នុងស្រុកកណ្ដាលស្ទឹង ខេត្តកណ្តាល ព្រឹកថ្ងៃទី០១ ខែឧសភា ឆ្នាំ២០២១។ (វេបសាយ៖ រដ្ឋបាលខេត្តកណ្ដាល / kandal.gov.kh)

ក្រុមមន្ត្រីជំនាញសុខាភិបាលចុះពិនិត្យអ្នកដែលធ្វើចត្តាឡីស័កនៅមណ្ឌលចត្តាឡីស័ក និងជាមណ្ឌលសម្រាប់ព្យាបាលអ្នកជំងឺកូវីដ-១៩ ស្ថិតក្នុងវិទ្យាល័័យ ហ៊ុន សែន កំពង់កន្ទួត ក្នុងស្រុកកណ្ដាលស្ទឹង ខេត្តកណ្តាល ព្រឹកថ្ងៃទី០១ ខែឧសភា ឆ្នាំ២០២១។ (វេបសាយ៖ រដ្ឋបាលខេត្តកណ្ដាល / kandal.gov.kh)


ក្រសួងសុខាភិបាលបានប្រកាសពីការបន្តរកឃើញអ្នកឆ្លង​ជំងឺកូវីដ-១៩បំប្លែងខ្លួន​ថ្មីប្រភេទ «អូមីក្រុង» ចំនួន៣៤ករណី​បន្ថែមទៀត ក្នុងនោះមានករណីឆ្លងក្នុងសហគមន៍មានចំនួន១២ករណី។

សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី១៣ ខែមករា ឆ្នាំ២០២២ បានឱ្យដឹងថា អ្នកឆ្លងជំងឺកូវីដ-១៩ ចំនួន៣៤នាក់ថ្មីដែលរកឃើញកាលពីម្សិលមិញ គឺប្រភេទបំប្លែងខ្លួនថ្មី «អូមីក្រុង» ទាំងអស់ ​ហើយ​​ករណីនាំចូលពីក្រៅប្រទេសមាន២២ករណី និង១២ករណីឆ្លងចូលក្នុងសហគមន៍។

សេចក្ដីប្រកាសដដែលឱ្យដឹងដែរថា នៅថ្ងៃនេះមានអ្នកជាសះស្បើយ​​ចំនួន១៤នាក់ និងមិនមានករណីអ្នកស្លាប់នោះទេ​។

បើប្រៀបធៀបនឹងថ្ងៃម្សិលមិញ ចំនួនអ្នកឆ្លងជំងឺកូវីដ-១៩បំប្លែងថ្មីកើនឡើង២០ករណី។

គិតត្រឹមថ្ងៃ​ព្រហស្បតិ៍​នេះ កម្ពុ​ជាបានរកឃើញអ្នកឆ្លងជំងឺកូវីដ-១៩​ សរុបចំនួន១២០ ៧១៨នាក់ ក្នុង​នោះ ​អ្នកជំងឺព្យាបាលជាសះស្បើយ​ចំនួន១១៧ ០៥៧នាក់ អ្នកស្លាប់​​ចំនួន​៣ ០១៥ នាក់ និងករណីនាំចូលពីក្រៅប្រទេសចំនួន២០ ១០៦នាក់៕


COVID19កូវីដ១៩អូមីក្រុង


រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។


What Next?

Recent Articles