អាមេរិក​ប្ដេជ្ញា​ចិត្ត ចំពោះ​អនាគត​មួយ​​មាន​ការ​គោរព​ច្បាប់ និង​បទដ្ឋាន ​ឲ្យ​មាន​ភាព​​រីកចម្រើន ​រុងរឿង​ក្នុង​ឥណ្ឌូប៉ាស៊ីហ្វិក

ដោយ យន់ សាមៀន
2022.05.13
RFA

អាមេរិក​ប្ដេជ្ញា​ចិត្ត ចំពោះ​អនាគត​មួយ​​មាន​ការ​គោរព​ច្បាប់ និង​បទដ្ឋាន ​ឲ្យ​មាន​ភាព​​រីកចម្រើន ​រុងរឿង​ក្នុង​ឥណ្ឌូប៉ាស៊ីហ្វិក

​ប្រធានាធិបតី​អាមេរិក (JOE BIDEN) ក្នុង​សន្ទរកថា​បើក​កិច្ចប្រជុំ​កំពូល​ពិសេស​​អាមេរិក-អាស៊ាន កាល​ពី​ល្ងាច​ថ្ងៃ​ទី១៣ ខែឧសភា ឆ្នាំ២០២២។ រូប៖ ហ្វេសប៊ុកលោក Joe Biden


លោក​ប្រធានាធិបតី​អាមេរិក (JOE BIDEN) ក្នុង​សន្ទរកថា​បើក​កិច្ចប្រជុំ​កំពូល​អាមេរិក​អាស៊ាន កាល​ពី​ល្ងាច​ថ្ងៃ​ទី១៣ ឧសភា ដោយ​លើក​ឡើង​ថា សហរដ្ឋ​អាមេរិក​ប្ដេជ្ញា​ចិត្ត ចំពោះ​អនាគត​មួយ ដែល​មាន​ការ​គោរព​ច្បាប់ និង​បទដ្ឋាន​ដែល​អនុញ្ញាត​ឲ្យ​មាន​ការ​រីកចម្រើន និង​ភាព​រុងរឿង ក្នុង​ឥណ្ឌូប៉ាស៊ីហ្វិក។ ការ​ប្ដេជ្ញា​ចិត្ត នោះ​រួម​មាន​ការ​គោរព​សិទ្ធិមនុស្ស និង​នីតិរដ្ឋ ដែល​នឹង​ផ្តល់​ផល​ប្រយោជន៍​ដល់​ពលរដ្ឋ​ប្រមាណ ១ពាន់​លាន​នាក់ នៅ​អាមេរិក និង​ប្រទេស​ជា​សមាជិក​អាស៊ាន។ លោក​បន្ត​ថា ក្នុង​សករាជ​ថ្មី នៃ​ទំនាក់ទំនង​អាមេរិក និង​អាស៊ាន រយៈ​ពេល ៤៥ឆ្នាំ​នេះ សហរដ្ឋ​អាមេរិក​នឹង​ផ្តល់​ថវិកា​ចំនួន ១៥០លាន​ដុល្លារ ដើម្បី​ពង្រឹង​ទំនាក់ទំនង​អាមេរិក និង​អាស៊ាន ដើម្បី​ដោះ​ស្រាយ​បញ្ហា​បរិស្ថាន និង​អភិវឌ្ឍន៍​ហេដ្ឋារចនាសម្ព័ន្ធ។

លោក​ប្រធានាធិបតី​អាមេរិក (JOE BIDEN) បន្ត​ថា អាមេរិក​ចង់​ឃើញ​ប្រទេស​ជា​សមាជិក​អាស៊ាន មាន​ការ​រីកចម្រើន ស្ថិរភាព នេះ​ហើយ​គឺ​អ្វី​ដែល​រដ្ឋបាល​របស់​យើង​ចង់​ឃើញ។ លោក​ថា ក្នុង​កិច្ចប្រជុំ​នេះ អាមេរិក និង​អាស៊ាន​នឹង​ជជែក​ជុំវិញ​ការ​ដោះ​ស្រាយ​បញ្ហា​ជំងឺ​កូវីដ១៩ អប់រំ បរិស្ថាន និង​កិច្ចសហការ​លំហ​សមុទ្រ។ លោក​បញ្ជាក់​ថា ភាព​ជា​ដៃគូ​រវាង​អាមេរិក និង​អាស៊ាន មាន​សារៈ​សំខាន់​ក្នុង​ការ​ដោះ​ស្រាយ​បញ្ហា​ប្រឈម​ក្នុង​ពិភពលោក។ លោក​ក៏​បាន​តែងតាំង​ឯកអគ្គរដ្ឋទូត​អាមេរិក​ប្រចាំ​អាស៊ាន លោក Yohannes Abraham។ លោកសង្ឃឹម​ថា ឯកអគ្គរដ្ឋទូត​អាមេរិក​ថ្មី​នេះ នឹង​ជំរុញ​ទំនាក់ទំនង​អាស៊ាន​អាមេរិក​កាន់​តែ​រីកចំរើន​ថែម​ទៀត៕


កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles