កម្ពុជា-នយោបាយ
01/02/2023 – 06:37
ដោយ៖ អ៊ឹង ប៊ុនថន
RFI
លោក សម រង្ស៊ី ប្រធានស្តីទីអតីតគណបក្សសង្រ្គោះជាតិ (ខាងឆ្វេង) និង លោកនាយករដ្ឋមន្ត្រី ហ៊ុន សែន (ខាងស្តាំ) © សហការី
លោក សម រង្ស៊ី អំពាវនាវឲ្យខ្មែរគ្រប់រូប ចូលរួមក្នុងការបោះឆ្នោត ដោយរក្សាឧត្តមគតិដើមដដែល ហើយថាកុំបារម្ភហួសហេតុ ពីការលួចបន្លំសន្លឹកឆ្នោត។ ការលើកឡើងរបស់ប្រមុខអតីតគណបក្សប្រឆាំងរូបនេះ បន្ទាប់ពីប្រមុខគណបក្សកាន់អំណាចព្រមានប្តឹងអ្នកនយោបាយណាដែលបន្តចោទគណបក្សប្រជាជនកម្ពុជាថាលួចសន្លឹកឆ្នោត។
នៅក្នុងសារតាមរយៈវីដេអូផ្សព្វផ្សាយនៅថ្ងៃទី៣១មករា អតីតប្រមុខបក្សប្រឆាំងដែលនិរទេសខ្លួន បានថ្លែងសារនយោបាយហាក់ដូចជាសម្របខ្លួនទៅនឹងសភាពការណ៍នយោបាយនៅកម្ពុជា ខណៈប្រមុខគណបក្សកាន់អំណាចព្រមានបន្តប្តឹងអ្នកនយោបាយណាដែលបន្តចោទគណបក្សប្រជាជនកម្ពុជាថាលួចសន្លឹកឆ្នោត។
សម្រាប់ លោក សម រង្ស៊ី គេមិនគួរកុំបារម្ភហួសហេតុទេពីការលួចបន្លំសន្លឹកឆ្នោត នៅក្នុងការបោះឆ្នោតចុងខែកក្កដាខាងមុខនេះ ដោយលោកអំពាវនាវឲ្យខ្មែរគ្រប់រូប ត្រូវទៅចូលរួមក្នុងការបោះឆ្នោត ដោយរក្សាឧត្តមគតិដើមដដែល។ ឧត្តមគតិដើមដែល លោក សម រង្ស៊ី ទំនងសំដៅទៅគណបក្សភ្លើងទៀនដែលជាបក្សប្រឆាំងមួយកំពុងមានសក្តានុពលហក់ចូលឆាកនយោបាយឡើងវិញ ក្រោយពីរំលាយគណបក្សសង្គ្រោះជាតិ។
យ៉ាងណាក៏ដោយ លោក សម រង្ស៊ី ថ្លែងថា ប្រសិនបើនៅមានការចោទប្រកាន់ថា គណបក្សកាន់អំណាចលួចបន្លំសន្លឹកឆ្នោត នោះវានឹងមានផលវិបាកសម្រាប់គណបក្សប្រឆាំង តួយ៉ាងករណីដែលគណបក្សប្រជាជនកម្ពុជា ប្តឹងលោក សុន ឆ័យ អនុប្រធានគណបក្សភ្លើងទៀន ទាមទារជំងឹចិត្ត១លានដុល្លារជាដើម។ ប៉ុន្តែលោកថា ការរិះគន់បែបនេះនៅតែអាចធ្វើទៅបានសម្រាប់រូបលោកដែលនៅក្រៅប្រទេស។
កាលពីព្រឹកថ្ងៃទី៩មករា២០២៣ លោកនាយករដ្ឋមន្ត្រី ហ៊ុន សែន បានព្រមានប្តឹងចាត់ការចំពោះអ្នកដែលចោទលោកថា ជាចោរលួចបន្លំសន្លឹកឆ្នោត។ នៅក្នុងចំណោមនោះ លោក ហ៊ុន សែន បានព្រមានវាយខ្នោះចំៗទៅលើ លោក គង់ គាំ ឧត្តមទីប្រឹក្សាគណបក្សភ្លើងទៀន។
តែប៉ុន្មានថ្ងៃក្រោយផលវិបាកបានកើតឡើងទៅលើអតីតរដ្ឋមន្ត្រីការបរទេសរូបនេះ តាមរយៈការបង្ខំឲ្យប្រគល់ដីដែលលោក គង់ គាំ រស់នៅប្រមាណ៤០ឆ្នាំមកនោះ ទៅឲ្យរដ្ឋវិញ។ ចំណាត់ការនេះ គឺធ្វើដោយសារតែអតីតសមាជិកគណបក្សប្រជាជនកម្ពុជារូបនេះ ដែលទៅចូលរួមជាមួយគណបក្សភ្លើងទៀនងាកមករិះគន់គណបក្សដើម៕
we knew if there is a true Democracy party get in this election Cambodian will be over warming to support them . HUN SEN can never get to be prime minister if he did not use his dirty trick . 1991 this evil HUN SEN lost that election but he threaten the king that right we have two prime minister . in 1993 this evil HUN SEN made his way to lead the whole country by did military cure . after all HUN SEN never got elected by Cambodian . we already know this 2023 if HUN SEN not eliminate opposition party this time people will over warming elect HUN SEN out .