ភ្នំពេញ: ដើម្បីចូលរួមជំរុញចលនាប្រឡងប្រណាំងទីក្រុងស្អាត និងអបអរសាទរ ដែលប្រទេសកម្ពុជា ធ្វើជាប្រធានអាស៊ាន និងជាម្ចាស់ផ្ទះកិច្ចប្រជុំកំពូលអាស៊ាន ឆ្នាំ២០១២ ព្រមទាំងដើម្បីរក្សាបាននូវអត្តសញ្ញាណជាតិសម្រាប់ឱ្យកូនខ្មែរ ក៏ដូចជាភ្ញៀវទេសចរបរទេសបានស្គាល់ផងនោះ សាលារាជធានីភ្នំពេញសហការជាមួយក្រសួងវប្បធម៌ និងវិចិត្រសិល្បៈ បានរៀបចំធ្វើពិធីបង្ហាញនំ និងបង្អែមខ្មែរ រយៈពេល ៣ ថ្ងៃ គឺថ្ងៃទី៣០-៣១ ខែសីហា និងថ្ងៃទី ១ ខែកញ្ញា ឆ្នាំ២០១២ នៅសួនមុខវត្តឧណ្ណាលោម ក្នុងសង្កាត់ផ្សារកណ្តាលទី១ ខណ្ឌដូនពេញ។
នំ និងបង្អែមខ្មែរ ដាក់បង្ហាញមហាជនរយៈពេលបីថ្ងៃ ចាប់ពីថ្ងៃទី៣០សីហា នៅភ្នំពេញ
ថ្ងៃទី 30 សីហា 2012
ដោយ: CEN
CEN
ពិធីបង្ហាញនំ និងបង្អែមខ្មែរ ឆ្នាំ២០១២ បានបើកបង្ហាញ នៅរសៀលម៉ោង ៣ និង ៣០ នាទី រសៀលថ្ងៃទី៣០ ខែសីហា ឆ្នាំ២០១២ ក្រោមអធិបតីភាពរបស់លោក កែប ជុតិមា អភិបាលរាជធានីភ្នំពេញ។ ពិធីនោះ ធ្វើឡើង នៅសួនច្បារហាត់ប្រាណ ខាងជើងវត្តឧណ្ណាលោម ក្នុងសង្កាត់ផ្សារកណ្តាលទី១ ខណ្ឌដូនពេញ។
សេចក្តីអំពាវនាវរបស់សាលារាជធានីភ្នំពេញ បង្ហាញថា ការរៀបចំពិធីបង្ហាញនំ និងបង្អែមខ្មែរ ឆ្នាំ២០១២ នៅសួនច្បារមុខវត្តឧណ្ណាលោម ធ្វើឡើង ក្នុងគោលបំណង ដើម្បីលើកស្ទួយវប្បធម៌ប្រពៃណី និងរក្សានូវអត្តសញ្ញាណជាតិ ជាមរតករបស់បុព្វបុរសខ្មែរ ដែលបានបន្សល់ទុក តាំងពីយូរលង់មកហើយ និងដើម្បីបង្ហាញដល់កូនចៅជំនាន់ក្រោយ ឲ្យបានស្គាល់ បានភ្លក្សរសជាតិនំ និងបង្អែមខ្មែរ ក៏ដូចជា ការផ្សព្វផ្សាយបង្ហាញដល់ភ្ញៀវទេសចរ ដែលបានចូលមកទស្សនាព្រះរាជាណាចក្រកម្ពុជាអច្ឆរិយៈនៃយើង៕
