គ្រោះថ្នាក់ចរាចរណ៏នៅទូទាំងប្រទេសកម្ពុជា នាថ្ងៃទី១១ខែមេសា ឆ្នាំ២០១៣ បានឆក់ស្រូបជីវិតមនុស្សយ៉ាងហោចណាស់៦នាក់ ស្លាប់ និងរងរបួសធ្ងន់ស្រាល២៥នាក់ទៀត។ នេះបើតាមតួលេខដែលស្រង់បានដោយនាយកដ្ឋាន សណ្ដាប់់ធ្នាប់ចរាចរណ៏ នៃ អគ្គស្នងការនគរបាលជាតិ។
សណ្តាប់
Friday 12 April 2013
The Free Press Magazine
របាយការណ៏ដែលគេរកឃើញនៅលើគេហទំព័រ ស្នងការនគរបាលជាតិបានឲ្យដឹងថាគ្រោះថ្នាក់ចរាចរណ៍ទូទាំងប្រទេស កើតឡើងដល់ទៅ ១៣លើក (យប់ ០៨លើក), បណ្តាលឲ្យមនុស្សស្លាប់ ០៦នាក់ (ស្រី ០៣នាក់), របួសធ្ងន់ ១៤នាក់ (ស្រី ០៥នាក់) និងរបួសស្រាល ១១ នាក់ (ស្រី០៤នាក់) ក្នុងនោះបានបង្កឲ្យខូចខាតយានយន្តសរុប ១៩គ្រឿង ក្នុងនោះម៉ូតូ ១១គ្រឿង, រថយន្តធុនតូច ០៧គ្រឿង, យាន្តផ្សេងៗ ០១គ្រឿង។
របាយការណ៏ដដែលបន្តថា មូលហេតុដែលបណ្តាលឲ្យមានគ្រោះថ្នាក់ដល់ស្លាប់និងរងរបួសនេះ គឺបណ្តាលមកពីល្បឿន ០៧លើក, មិនគោរពសិទ្ធិ ០១លើក, ប្រជែងគ្រោះថ្នាក់ ០១លើក, ស្រវឹង ០២លើក និងកត្តាផ្សេងៗ ០២លើក ក្នុងនោះគ្រោះថ្នាក់ជិះម៉ូតូមិនពាក់មួកសុវត្ថិភាព ០៩ នាក់ (យប់ ០៥នាក់)។
ចំពោះរថយន្តដែលទទួលរងការផាកពិន័យនៅអង្គភាព នៅថ្ងៃទី១១ ខែមេសា ឆ្នាំ២០១៣នេះ មានចំនួន ៨៥គ្រឿង គឺ រថយន្តទេសចរណ៍ ១០គ្រឿង, រថយន្តដឹកអ្នកដំណើរធុនតូច ៥០គ្រឿង, រថយន្តដឹកអ្នកដំណើរធុនតូច ០៤គ្រឿង, រថយន្តដឹកទំនិញធុនតូច ១៨គ្រឿង និង រថយន្តដឹកទំនិញធុនធំ ០៣គ្រឿង ។
រថយន្តទាំងអស់ខាងលើបានបង់ប្រាក់ពិន័យរួចរាល់ នៅ អធិការដ្ឋាននគរបាល ស្រុក/ខណ្ឌ ១០គ្រឿង, និង នៅស្នងការដ្ឋាននគរបាល រាជធានី/ខេត្ត ៧៥គ្រឿង ៕
គួរឲ្យចាប់អារម្មណ៌និងគឹតឡើងវិញហើយ តើកក្តាគ្រោះថ្នាក់ចរាចរណ៍បណ្តាលមកពីអ្វី????
(William Todd) បានផ្ដោតការចាប់អារម្មណ៍ថា ផ្លូវនៅកម្ពុជា គឺបានសាងសង់ឡើងមិនត្រឹមត្រូវតាមបច្ចេកទេស សម្រាប់បើកបរក្នុងល្បឿនលឿនទេ ដែលបង្កឲ្យមានគ្រោះថ្នាក់ចរាចរណ៍ ហើយគ្រោះថ្នាក់នេះកំពុងធ្វើឲ្យមនុស្សស្លាប់ច្រើនជាងគេបង្អស់
អង្គការជនពិការអន្តរជាតិបែលហ្សិក ហេនឌីខេប (Handicap) ២០១២ ថា តិចជាង ៣០% នៃអ្នកបើកបរ យល់ដឹងពីផ្លាកសញ្ញាចរាចរណ៍ និងល្បឿនដែលបានកំណត់។ ចំណែក ៧០% ទៀតនៃអ្នកបើកបរយានយន្ត បានទិញប័ណ្ណបើកបរ តាមរយៈការប្រព្រឹត្តអំពើពុករលួយពីសាលាបង្រៀនបើកបរមួយចំនួន។
លោក វីល្លៀម ថត បានសរសេរទៀតថា ថ្មីៗនេះលោកមើលឃើញថា មានតែ ៦% ប៉ុណ្ណោះនៃរថយន្តដឹកទំនិញធំៗ ដែលបានឆ្លងកាត់ការត្រួតពិនិត្យបច្ចេកទេសសុវត្ថិភាពរថយន្ត ត្រឹមត្រូវ ហើយជាប់ ហើយថា បញ្ហាទាំងអស់ គួរតែមានការដោះស្រាយជាបន្ទាន់មួយ។
របាយការណ៍ប៉ូលិសនាយកដ្ឋានសណ្ដាប់ធ្នាប់នៃក្រសួងមហាផ្ទៃ បានបង្ហាញថា ៣ខែដើមឆ្នាំ២០១៣ គ្រោះថ្នាក់ចរាចរណ៍បានកើតមានជាង ១ពាន់លើក ស្លាប់មនុស្សចំនួន ៥៤០នាក់ និងរបួសជាង ២ពាន់នាក់។ អត្រាគ្រោះថ្នាក់នេះថយចុះ បើប្រៀបធៀបឆ្នាំ២០១២ ក៏ប៉ុន្តែចំនួនមនុស្សស្លាប់បានកើនឡើង។
គ្រោះថ្នាក់ភាគច្រើន បណ្ដាលមកពីអ្នកបើកបរមានល្បឿនលឿន បើកប្រជែង និងស្រវឹងជាដើម។ ដើម្បីកាត់បន្ថយគ្រោះថ្នាក់អ្នកបើកបរ ឬអ្នកប្រើប្រាស់ផ្លូវគ្រប់រូប ចាំបាច់ត្រូវមានស្មារតីគោរពច្បាប់
មានសុជីវធម៌ក្នុងការបើកបរ រួមនិងសមត្ថកិច្ចផ្នែកចរាចរណ៍ក៏ត្រូវមានសមត្ថភាព និង
ជៀសឲ្យឆ្ងាយពីការស៊ីសំណូកបន្តិចបន្តួច (ដូចជារថយន្តដឹកលើសចំណុះ
អ្នកបើកបរបង្ករគ្រោះថ្នាក់ស្លាប់គេហើយនៅតែរួចខ្លួន ដោយគ្រាន់តែបង់លុតតិចតួច
រួចចែកវិភាគទានទៅសមត្ថកិច្ចចរាចរណ៍ និង
សមត្ថកិច្ចដែលមានតួនាទីជាអ្នករៀបរយសណ្តាប់ធ្នាប់ចរាចរណ៍
បែជាមិនហានចំពោះអ្នកប្រព្រឹត្តល្មើសដែលមានបុណ្យស័គ្គ ឬខ្នងបង្អែកធំៗពីក្រោយ
ហើយឲ្យអ្នកប្រព្រឹត្តល្មើសច្បាប់ចរាចរណ៍រួចខ្លួន។
បើនាំគ្នាទប់ស្កាត់កត្តាទាំងនេះបាននោះគ្រោះថ្នាក់ចរាចរណ៍នឹងត្រូវបានកាត់បន្ថយជាស្ថាពរ
ដោយពុំចាំបាច់សូមមន្តរំដោះគ្រោះក៏បានដែរ។