ដោយ៖ សុខ ទី
ថ្ងៃពុធ ទី11 ខែកញ្ញា ឆ្នាំ2013
http://vodhotnews.com
ក្រុមហ៊ុន Apple កាលពីថ្ងៃទី ១០ ខែកញ្ញា បានបង្ហាញទូរស័ព្ទថ្មីរបស់ខ្លួន គឺ iPhone 5S និង iPhone 5C ដែលមានរូបរាងដូចការប៉ាន់ស្មានរបស់អ្នកប្រើប្រាស់។ ទូរស័ព្ទ iPhone 5S មានកម្រាស់ 7.6mm និងមានទម្ងន់ប្រមាណ 112g។ iPhone 5s នេះមានការរចនាម៉ូដដូច iPhone 5 មិនថាទំហំអេក្រង់ក៏ដូចគ្នាដែរ គឺ 4 inch តួគ្រឿងធ្វើពីលោហៈ ខុសត្រង់លក្ខណៈសម្បត្តិគ្រឿង iPhone 5S ដំណើរការលឿនជាងមុន ព្រមទាំងមានមុខងារពិសេសៗជាច្រើនដែល iPhone 5 មិនមាន។
បើតាមគេហទំព័ររបស់ក្រុមហ៊ុន Apple លក្ខណៈសម្បត្តិរបស់ iPhone 5S ៖
– ដំណើរការដោយប្រព័ន្ធប្រតិបត្តិការ iOS 7
– មានមុខងារពិសេស Touch ID គាំទ្រការសំគាល់ក្រយៅដៃ តាមប៊ូតុង Home
– ទំហំអេក្រង់ 4 inch ជាប្រភេទ Retina display កម្រិតរូបភាព 1136 x 640 Pixel (326 ppi)
– ប្រើប្រាស់បន្ទះឈីប Apple A7 ព្រមជាមួយការគាំទ្រដំណើរការលក្ខណៈ 64-bit និងបន្ទះឈីប M7 motion coprocessor
– អង្គចងចាំក្នុងរួមមានទំហំ 16GB 32GB និង 64GB
– កាមេរ៉ាក្រោយ 8 Megapixel ភ្ជាប់ជាមួយភ្លើងពន្លឺ ជាប្រភេទ True Tone flash, មានប្រព័ន្ធការពាររូបភាពមិនឲ្យញ័រ
– កាមេរ៉ាមុខ 1.2 Megapixel គាំទ្រការថតវីដេអូទំហំ 720p
– មាន 3 ពណ៌ជ្រើសរើសដូចជា៖ ប្រផេះខ្មៅ ទឹកមាស និងពណ៌ទឹកប្រាក់
ចំណែកឯទូរស័ព្ទ iPhone 5C តួគ្រឿងធ្វើពីប្លាស្ទីកដែលមាន ៥ពណ៌សម្រាប់ជ្រើសរើសដូចជា៖ ពណ៌ស ផ្ទៃមេឃ ប៉ៃតង ស៊ីជំពូ និងពណ៌លឿង ទូរស័ព្ទនេះ ដំណើរការដោយប្រព័ន្ធប្រតិបត្តិការ iOS 7 ។
លក្ខណៈសម្បត្តិរបស់ iPhone 5C ៖
– ដំណើរការដោយប្រព័ន្ធប្រតិបត្តិការ iOS 7
– ទំហំអេក្រង់ 4 inch កម្រិតរូបភាព 640 x 1136 Pixel (326ppi)
– គាំទ្រ LTE, Wi-Fi Dual Band និង Bluetooth 4.0 LE
– ប្រើប្រាស់បន្ទះឈីប Apple A6 ដូច iPhone 5
– កាមេរ៉ាក្រោយ iSight កម្រិតរូបភាព 8 Megapixel
– កាមេរ៉ាមុខ FaceTime HD
ទូរស័ព្ទទាំងពីរប្រភេទនេះ នឹងមានលក់នៅលើទីផ្សារនៅថ្ងៃទី២០ ខែកញ្ញា ក្នុងប្រទេសមួយចំនួន ដូចជា សហរដ្ឋអាមេរិក អូស្រ្តាលី កាណាដា ចិន បារាំង អាល្លឺម៉ង់ ជប៉ុន សឹង្ហបុរី និងប្រទេសអង់គ្លេស។ ទូរស័ព្ទទាំងពីរនេះ នឹងមានវត្តមាននៅលើទីផ្សារ ១០០ប្រទេសទៀត នៅក្នុងខែធ្នូ ឆ្នាំនេះ។ ខាងក្រោមជាតម្លៃរបស់ទូរស័ព្ទទាំងពីរ៖
iPhone 5S: 16GB = $ 649 | 32GB = $ 749 | 64GB = $ 849
iPhone 5C: 16GB = $ 549 | 32GB = $ 649
(Iphone 5s) (Iphone 5c)
សរសេរមកកាន់លោក សុខ ទី តាមរយៈ ty@vodhotnews.com