ដោយ៖ សុទ្ធ គឹមសឿន
ថ្ងៃពុធ ទី25 ខែធ្នូ ឆ្នាំ2013
http://vodhotnews.com
មជ្ឈមណ្ឌលសិទ្ធិមនុស្សកម្ពុជា(CCHR)សម្ដែងក្ដីបារម្ភចំពោះការអំពាវនាវរបស់សមាគមរោងចក្រកាត់ដេរនៅកម្ពុជា ដែលស្នើឲ្យរដ្ឋាភិបាលចាត់វិធានការ ទៅលើកូដកម្មរបស់កម្មករដែលភាគីរោងចក្រចាត់ទុកថា “ខុសច្បាប់”នោះ។
សេចក្ដីថ្លែងការណ៍នៅថ្ងៃទី២៤ ខែធ្នូឆ្នាំ២០១៣នេះ (CCHR) ព្រួយបារម្ភជាខ្លាំងចំពោះសេចក្ដីថ្លែងការណ៍របស់សមាគមរោងចក្រកាត់ដេរកម្ពុជា (GMAC) ដែលបានចេញចេញផ្សាយនៅថ្ងៃទី១៨ ខែធ្នូ ឆ្នាំ២០១៣ ដោយលើកឡើងថា រដ្ឋាភិបាលកម្ពុជា មានភាពអត់ធ្មត់ខ្លាំង ពេកក្នុងការចាត់វិធានការចំពោះ សហជីព។ សេចក្ដីថ្លែងការណ៍ដដែលបន្ដថា ដោយស្នើឲ្យមានវិធានការមិនត្រូវអត់ឱនលើកូដកម្មខុសច្បាប់នោះ នឹងរឹតតែធ្វើឲ្យបញ្ហាកាន់តែធ្ងន់ធ្ងរឡើងនៅក្នុងវិស័យកាត់ដេរតែប៉ុណ្ណោះ។
មជ្ឈមណ្ឌលសិទ្ធិមនុស្សកម្ពុជា យល់ថា ដោយមិនគិត សំដៅលើកូដកម្មស្របច្បាប់ វិធានការមិនត្រូវអត់ឱនបែបនេះ នឹងមិនអាចដោះស្រាយនូវមូលហេតុ ជាឬសគល់សំខាន់នៃវិវាទ ការងារប៉ុណ្ណោះទេ ហើយទំនងជានឹងឈានដល់ការបង្រាបដោយហិង្សាថែមទៀតទៅលើកម្មករ និងសមាជិកជីព។
អ្នកសម្របសំរួលគម្រោងធុរកិច្ច និងសិទ្ធិមនុស្សរបស់ CCHR លោក ឌុច ពិសិដ្ឋ មានប្រសាសន៍ ថា៖ «វិវាទការងារ ត្រូវតែដោះស្រាយដោយសន្ដិវិធី។ ការប្រើប្រាស់កំលាំង និងវិធានការមិនអត់ឱន នឹងនាំឲ្យ ស្ថានភាពកាន់ តែគ្រោះ ថ្នាក់នៅក្នុងវិស័យកាត់ដេរតែប៉ុណ្ណោះ។ ការចេញសេចក្ដី ថ្លែងការណ៍របស់ សមាគមរោងចក្រកាត់ដេរនៅកម្ពុជា បានត្រឹមតែការបន្ថែមសាំងលើភ្លើងប៉ុណ្ណោះ។ ជាជំនួសមកវិញ យើងអំពាវនាវដល់ សមាគមរោងចក្រ កាត់ដេរ នៅកម្ពុជាធ្វើការសហការជាកម្មករ និងសហជីពនានា ដើម្បីដោះស្រាយវិវាទដោយសន្តិវិធី។ លោកបន្តថា យើងសូមរលឹកដល់រដ្ឋាភិបាលផងដែរថា ដោយមិនគិតពីភាពស្របច្បាប់នៃកូដកម្ម រដ្ឋាភិលត្រូវតែគោរព សិទ្ធិសេរីភាព ក្នុងការបញ្ចេញមតិ និងសិទ្ធិសេរីភាពខាងការបង្កើតសមាគមរបស់ពលរដ្ឋគ្រប់រូប ហើយមិនត្រូវ ឆ្លើយតបដោយការប្រើប្រាស់ហិង្សាប្រឆាំងលើកូដករ និងបាតុករដោយសន្តិវិធីនោះទេ»។
សេចក្ដីថ្លែងការណ៍របស់សមាគមរោងចក្រកាត់ដេរកម្ពុជា(GMAC) អំពាវនាវឲ្យរដ្ឋាភិបាលបង្កើតយន្ដការប្រកបដោយប្រសិទ្ធិភាពមួយ ដើម្បីការពារសិទ្ធិវិនិយោគិន ក្នុងគោលបំណងដើម្បីទាក់ទាញការវិនិយោគធំៗមក បណ្ដាក់ទន់កាន់តែច្រើននៅកម្ពុជា។ សេចក្ដីថ្លែងការណ៍បន្ដថា ត្រូវតែអនុវត្តច្បាប់ឲ្យមា នប្រសិទ្ធិភាព ដើម្បីបញ្ចៀសកូដកម្មខុសច្បាប់ និងហិង្សា៕
សរសេរមកកាន់លោក សុទ្ធ គឹមសឿន តាមរយៈ keomsoeunsoth@gmail.com