កងវរសេនាតូចការពារព្រំដែន ៨៩១ បានឃាត់ព្រះកាយព្រះសង្ឃចំនួន ៤អង្គ កាលពីព្រឹកថ្ងៃទី២៦ ខែធ្នូ ឆ្នាំ២០១៣ ខណៈដែលព្រះសង្ឃទាំង ៤អង្គនោះ មានបំណងនិមន្តឆ្លងច្រករបៀង នៅក្រោយផ្សារសុភមង្គល ភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដើម្បីនិមន្តទៅបិណ្ឌបាតរកបច្ច័យនៅក្នុងទឹកដីថៃ។
ដោយ សួន សុផលមុន្នី
2013-12-26
RFA
២៦-ធ្នូ-២០១៣៖ ព្រះសង្ឃដែលត្រូវសមត្ថកិច្ចឃាត់ព្រះកាយនៅការិយាល័យ ប៉ូលិសការពារព្រំដែន ៨៩១ ក្រុងប៉ោយប៉ែត ខេត្តបន្ទាយមានជ័យ។ Provided Photo
មេបញ្ជាការកងវរសេនាតូចការពារព្រំដែន ៨៩១ លោក ហាំ វណ្ណៈ ថ្លែងថា ព្រះសង្ឃទាំង ៤អង្គនោះ ក្រោយពីការឃាត់ខ្លួនយកទៅសួរនាំរួចមក រកឃើញថា ព្រះអង្គគ្រប់អង្គសុទ្ធតែមានលិខិតឆ្លងដែន។ ក្រោយពីការសួរនាំ សមត្ថកិច្ចកងវរសេនាតូចការពារព្រំដែន ៨៩១ បានប្រាប់សង្ឃទាំង ៤អង្គនោះឲ្យទៅឆ្លងដែនតាមច្រកទ្វារអន្តរជាតិប៉ោយប៉ែតវិញ។
ព្រះសង្ឃទាំង ៤អង្គនោះ ទី១ មានព្រះនាម បាន វន មានព្រះជន្ម ២១ព្រះវស្សា ទី២ ព្រះនាម សៅ សុវណ្ណា ព្រះជន្ម ២៧ព្រះវស្សា សង្ឃទាំងពីរអង្គគង់នៅវត្តគិរីសារវន្ត ខេត្តកំពត ទី៣ ព្រះនាម ស៊ុំ ទូច ព្រះជន្ម ២៣ព្រះវស្សា គង់នៅវត្តដួនបុណ្យ ស្រុកកំពង់ត្រាច ខេត្តកំពត និងទី៤ ព្រះនាម សន សុវណ្ណ ព្រះជន្ម ៤០ព្រះវស្សា គង់នៅវត្តព្រះពោធិវង្សី ខេត្តព្រៃវែង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- កម្ពុជាឈ្នះមេដាយមាស៨ក្នុងការប្រកួតកីឡាស៊ីហ្គេម
- អដ្ឋិធាតុយុទ្ធជន១៦.០០០ដែលស្លាប់ក្នុងសមរភូមិកម្ពុជានិងឡាវត្រូវបញ្ជូនទៅវៀតណាម
- អ្នកបើកតាក់ស៊ីបិទផ្លូវជាតិលេខ៦ប្រឆាំងនឹងប៉ូលិសសេដ្ឋកិច្ចនៅសៀមរាប
- ក្រុមហ៊ុនបណ្ដាញរកស៊ីការប្រាក់រងការចោទថាបោកប្រាក់ពលរដ្ឋ
- កម្ពុជាបានមេដាយមាស៤ពីស៊ីហ្គេម
- ទិវាជនពិការកម្ពុជានៅបាត់ដំបងផ្ដោតលើស្នាដៃឆ្នើមជនពិការក្នុងមុខរបរប្រចាំថ្ងៃ
- កម្ពុជាឈ្នះមេដាយមាស២ក្នុងការប្រកួតកីឡាស៊ីហ្គេម
- មន្ត្រីក្រុមប្រឹក្សាឃុំនៅរតនគិរីត្អូញរឿងមិនបានបើកប្រាក់៧ខែ
- កម្ពុជាប្រារព្ធទិវាអន្តរជាតិអ្នកស្ម័គ្រចិត្ត ៥ ធ្នូ