Tuesday, 06 May 2014
សេត គឹមសឿន
ភ្នំពេញ ប៉ុស្តិ៍
ភ្នំពេញៈ អ្វីៗត្រូវបានលាតត្រដាងនៅពេលនេះថា នាង ប៊ីរីយ៉ា ពិតជាបានកាត់ផ្តាច់ស្នេហា ១០០ ភាគរយពីអតីតសង្សារមែន ហើយនៅពេលនេះនាងបានចាប់ផ្តើមសាងស្នេហ៍យ៉ាងផ្អែមល្ហែមជាមួយនឹង បុរសរូបសង្ហាម្នាក់ផ្សេងទៀត ដែលគេបានដឹងច្បាស់ថា ពួកគេគ្រោងនឹងរៀបការនាពេលឆាប់ៗនេះ។
មុននេះបន្តិច មានការលើកឡើងថា ស្នេហាមានវ័យ៥-៦ឆ្នាំរវាងតារាសម្តែង និងម៉ូដែលនាង ប៊ីរីយ៉ា និងតារាម៉ូដែល លោក ឈុន ហាំងជ័រ ដែលជាជើងឯកលេងហ្គេមនៅកម្ពុជា បានឈានដល់ការចែកចានចែកឆ្នាំងគ្នាហើយ ទោះបីជាមិនមានប្រភពណាមួយបញ្ជាក់អំពីមូលហេតុចម្បងនៃការបែកបាក់នោះឲ្យបានច្បាស់ក្តី។ ប៉ុន្តែគ្រានោះ នាង ប៊ីរីយ៉ា បានចេញមុខអះអាងថា ស្នេហារវាងនាង និងលោក ឈុន ហាំងជ័រ នៅតែរក្សាភាពផ្អែមល្ហែមគ្មានការបែកបាក់ទេ។
ប៉ុន្តែយ៉ាងណា ការឆ្លើយដោះសានោះ ប្រៀបបាននឹងយកក្រដាសទៅខ្ចប់រងើកភ្លើង អ៊ីចឹង យូរ និងឆាប់គង់តែគេដឹង។ បន្ទាប់ពីស្ងប់ស្ងាត់បន្តិច ស្រាប់តែកាលពីប៉ុន្មានថ្ងៃមុននេះ រូបថតជាច្រើនសន្លឹករបស់តារាសម្តែងនាង ប៊ីរីយ៉ា និងបុរសជាគូស្នេហ៍ថ្មីក្នុងកាយវិការស្នេហាយ៉ាងផ្អែមល្ហែម ត្រូវបានបង្ហោះនៅលើបណ្តាញសង្គមហ្វេសប៊ុក ដែលធ្វើឲ្យទស្សនិកជនភ្ញាក់ផ្អើលគ្រប់គ្នា។
គេបានដឹងយ៉ាង ច្បាស់ថា បុរសជាគូស្នេហ៍ថ្មីរបស់នាង ប៊ីរីយ៉ា មានវ័យប្រមាណជាង ៣០ ឆ្នាំស្តើងប៉ុណ្ណោះ ហើយគេក៏ជាកូនអ្នកមានទ្រព្យស្តុកស្តម្ភទៀតផង។
ពាក់ព័ន្ធនឹង ការបែកបាក់ស្នេហ៍ចាស់ ប៉ះប៉ូវដោយស្នេហាថ្មីនេះ តារាសម្តែងនាង ប៊ីរីយ៉ា បានទទួលស្គាល់ថា ស្នេហារវាងនាង និងអតីតគូស្នេហ៍លោក ហាំងជ័រ បានបែកគ្នាយូរហើយ ហើយនាងបានជួបគ្នាជាមួយនឹងគូស្នេហ៍ថ្មីមានរយៈពេលប្រហែលមួយ ឆ្នាំប៉ុណ្ណោះ។
ប៊ីរីយ៉ា បាននិយាយថា៖«សង្សារថ្មីរបស់ខ្ញុំ គាត់ឈ្មោះ Iron Fox ជនជាតិខ្មែរ។ ខ្ញុំស្គាល់គាត់ប្រហែលមួយឆ្នាំហើយ។ រីឯលោក ហាំងជ័រ យើងបែកគ្នា គឺដោយសារតែគាត់ត្រូវចេញទៅរស់នៅអាមេរិក អត់មានបញ្ហាអីទេ យើងនៅតែរាប់អានគ្នាដដែល»។
សម្រាប់ការជួបស្នេហ៍ថ្មីនេះ ប៊ីរីយ៉ា បានអះអាងថា នាងមិនទាន់អាចធានាថា ស្នេហានឹងអាចដំណើរការបានយូរអង្វែងដល់ពេលណា ឬកំណត់ថាត្រូវតែជួបគ្នារហូតនោះដែរ តែយ៉ាងណាតារារូបនេះបានបញ្ជាក់ប្រាប់ ភ្នំពេញ ប៉ុស្តិ៍ ក្តែងៗថា នាងនឹងរៀបការក្នុងពេលឆាប់ៗនេះ។
តារាសម្តែងរូបនេះនិយាយថា៖« ថ្ងៃមុខមើលអត់ឃើញថា នឹងត្រូវជួបគ្នារហូតឬយ៉ាងណាទេ តែសម្រាប់ខ្ញុំមានគម្រោងរៀបការរួចហើយ គឺនៅពេលឆាប់ៗនេះ បើយូរក៏នៅចុងឆ្នាំនេះដែរ»។ នាងបានបញ្ជាក់ថា៖ «ក្រោយរៀបការខ្ញុំនៅតែលេងសិល្បៈដដែល គ្រាន់តែបន្ធូរដៃជាងមុនបន្តិច ទុកពេលឲ្យច្រើនសម្រាប់គ្រួសារ»៕
Mi cho ka- choy kadouy herm chrouss mo-miss Bun rany, mi ngeng cham merl anh neng yok Eng-re bok ta-pork mi ngeng neng mi sam-pheng con srey-srey ngeng auy thleay dol pro-hong kdet arch mi a-yass eng
Cut kdor cut un-dat kvass phneak ah bey-sach kvac Hun sen neng con pros- pros vea douch con Gadhafi ey-cheng
Cham sam-pong kbal mi kanh-chass chit ngoab Bun Seng ly phong -de
Mi cho ka choy kadouy svet oss tuc Bun Seng Ly