ដោយ VOD Admin | ថ្ងៃពុធ ទី១៩ ខែកក្កដា ឆ្នាំ២០១៧
http://vodhotnews.com
ក្រសួងអប់រំ យុវជន និងកីឡា បានចេញសេចក្តីប្រកាសមួយប្រាប់សាធារណៈជននិងមាតាបិតាសិស្ស អំពីលេខទូរសព្ទទំនាក់ទំនង ដើម្បីសុំអន្តរាគមន៍ ក្នុងករណីបាត់ក្មេង បន្ទាប់ពីមានការផ្សាយពត៌មានពាក់ព័ន្ធនិងបញ្ហាចាប់សិស្សសាលាកាលពីពេលកន្លងមក។
បើតាមសេចក្តីប្រកាសនៅថ្ងៃទី១៨ខែកក្កដាឆ្នាំ២០១៧ នាយកដ្ឋានកណ្ដាលសន្តិសុខ បានផ្ដល់លេខទូរស័ព្ទ២ខ្សែគឺ ខ្សែទីមួយ ០៣១ ២០ ១២៣៤៥ និងខ្សែទីពីរ ០៣១ ៦០ ១២៣៤៥ ដើម្បីឱ្យសាធារណៈជនផ្តល់ពត៌មានរាយការណ៍ រាល់សកម្មភាពស្ស័យ ជូនដល់អាជ្ញាធរមានសមត្ថកិច្ច ដើម្បីចាត់វិធានការទប់ស្កាត់ និងធ្វើអន្តរាគមន៍ឱ្យបានទាន់ពេលវេលា។
ពាក់ព័ន្ធនិងបញ្ហានេះ ក្រសួងថា ភាគីពាក់ព័ន្ធនិងអាជ្ញាធរមានសមត្ថកិច្ច បានតាមដានយ៉ាងយកចិត្តទុកដាក់ ព្រមទាំងបានត្រៀមលក្ខណៈក្នុងការធ្វើអន្តរាគមន៍អោយបានទាន់ពេលវេលា។ ក្រសួង អប់រំយុវជននិងកីឡា ក៏បានចេញសេចក្តីណែនាំដល់គ្រប់ មន្ទីរអប់រំរាជធានីខេត្តឱ្យធ្វើការផ្សព្វផ្សាយ ដល់គ្រប់គ្រឹះស្ថានសិក្សាសាធារណៈនិងឯកជនទាំងអស់ឱ្យមានការប្រុងប្រយ័ត្ន និងត្រៀមសហការជាមួយអាជ្ញាធរមានសមត្ថកិច្ចផងដែរ៕
ដោយ ហូរ តុងហាន់