លោក ហ៊ុន សិរីវឌ្ឍន៍ | September 4, 2018 | 2:39 pm
https://vodhotnews.com
នាយឧត្តមសេនីយ៍ ម៉ឹង សំផន រដ្ឋលេខាធិការក្រសួងការពារជាតិ និងលោកវរសេនីយ៍ឯកពិសេស Jong Nam Chol អនុព័ន្ធយោធា នៃសាធារណៈរដ្ឋប្រជាមានិតប្រជាធិបតេយ្យកូរ៉េ ប្រចាំកម្ពុជា (រូបភាព៖ វេបសាយក្រសួងការពារជាតិ)
អនុព័ន្ធយោធា នៃប្រទេសកូរ៉េខាងជើងស្នើកម្ពុជាបង្កើនកិច្ចសហប្រតិបត្តិការរវាងក្រសួងការពារជាតិប្រទេសទាំងពីរឲ្យបានខ្លាំងក្លាឡើងវិញ បន្ទាប់ពីលោកមើលឃើញថាទំនាក់ទំនងយោធារវាងកម្ពុជា និងកូរ៉េខាងជើងហាក់បានឃ្លាតឆ្ងាយពីគ្នា។
យោងតាមគេហទំព័ររបស់ក្រសួងការពារជាតិកម្ពុជានៅថ្ងៃនេះឲ្យដឹងថា ក្នុងពិធីសំណេះសំណាលមួយ ជាមួយរដ្ឋលេខាធិការក្រសួងការពារជាតិលោក ម៉ឹង សំផន អនុព័ន្ធយោធា នៃសាធារណៈរដ្ឋប្រជាមានិតប្រជាធិបតេយ្យកូរ៉េ ប្រចាំកម្ពុជា លោកវរសេនីយ៍ឯកពិសេស Jong Nam Chol កាលពីម្សិលមិញ បានលើកឡើងថា កម្ពុជា និងកូរ៉េខាងជើង មានចំណងមិត្តភាព និងកិច្ចសហប្រតិបត្តិការជាយូរលង់ណាស់មកហើយ តាំងពីលោកសេនាប្រមុខ គីម អ៊ីលស៊ុង ជាមួយអតីត សម្តេចព្រះបាទ ព្រះបរមរតនកោដ្ឋនរោត្តមសីហនុ រហូតមកដល់បច្ចុប្បន្ន។ ប៉ុន្តែសព្វថ្ងៃនេះដោយសារប្រទេសទាំងពីរនៅឆ្ងាយពីគ្នា និងបញ្ហាសន្តិសុខពិភពលោក បានរាំងស្ទះដល់ទំនាក់ទំនង និងកិច្ចសហប្រតិបត្តិការយោធា។
លោក Jong Nam Chol បានលើកឡើងពីបំណងចង់ជំរុញឲ្យនាយកដ្ឋានទំនាក់ទំនងការបរទេសក្រសួងការពារជាតិ នៃប្រទេសទាំងពីរ រិះរកវិធីសាស្ត្រយ៉ាងណា ដើម្បីធ្វើឲ្យកិច្ចសហប្រតិបត្តិការរវាងក្រសួងការពារជាតិ និងកងទ័ពប្រទេស ទាំងពីរ ត្រូវបានពង្រឹង និងជិតស្និតវិលត្រឡប់ដូចដើមវិញ។
ជាការឆ្លើយតបរដ្ឋលេខាធិការក្រសួងការពារជាតិកម្ពុជាលោក ម៉ឹង សំផន បានឯកភាពចំពោះការស្នើឡើងរបស់ មន្ត្រីជាន់ខ្ពស់កូរ៉េខាងជើងនេះ នឹងជំរុញឲ្យនាយកដ្ឋានទំនាក់ទំនងការបរទេស នៃក្រសួងការពារជាតិទាំងពីរ បានជួបពិភាក្សាគ្នា នៅក្នុងដំណាក់កាលថ្មីនាពេលខាងមុខ។
ទំនាក់ទំនងកម្ពុជា និងកូរ៉េខាងជើងចាប់ផ្តើមនៅឆ្នាំ១៩៦៥ បន្ទាប់ពីសម្តេចសីហនុ ជួបជាមួយលោកសេនាប្រមុខគឹម អ៊ីល សុង នៅទីក្រុងហ្សាកាតា ប្រទេសឥណ្ឌូនេស៊ី ហើយចំណងទំនាក់ទំនងជាមួយសម្តេចសីហនុគឺកាន់តែខ្លាំងក្លាឡើងបន្ទាប់ពីមានរដ្ឋប្រហារនៅកម្ពុជាឆ្នាំ១៩៧០។
បច្ចុប្បន្នកូរ៉េខាងជើងត្រូវបានអន្តរជាតិហ៊ុំព័ទ្ធទាំងសេដ្ឋកិច្ច និងយោធា បន្ទាប់ពីប្រទេសនេះព្យាយាមម្តងហើយម្តងទៀតក្នុងការសាកល្បងអាវុធនុយក្លេអ៊ែរ ដែលបានគំរាមដល់សន្តិសុខពិភពលោក និងភាពវឹកវរនៅតំបន់ឧបទ្វីបកូរ៉េ៕
CCIM/VOD
រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។
At the time, in recognition of this, the felonious king or the homeless king often moves from the north because he has received a private residence from kim jung’s grandfather. The latter sits astride the leg of the king sehanoik felon.
SIHANOUK is still cretin as usual chose the NORD instead of linking the friendship with the SOUTH