ដោយ អាស៊ីសេរី
2020-03-10
អាស៊ីសេរី
នាយកផ្នែកប្រព័ន្ធផ្សព្វផ្សាយរបស់មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM)។ រូបថត៖ ហ្វេសប៊ុក លោក ណុប វី
សង្គមស៊ីវិលអំពាវនាវដល់អាជ្ញាធរកម្ពុជាឱ្យបញ្ឈប់សកម្មភាពលួចស្ដាប់កិច្ចសន្ទនាឯកជនរបស់ប្រជាពលរដ្ឋ ព្រោះនេះជាការរំលោភបំពានធ្ងន់ធ្ងរលើសិទ្ធិឯកជនរបស់មនុស្ស ដែលផ្ទុយទៅនឹងច្បាប់ជាតិ និងអន្តរជាតិ។ ការអំពាវនាវនេះ ធ្វើឡើងបន្ទាប់ពីលោកនាយករដ្ឋមន្ត្រី ហ៊ុន សែន បានប្រកាសថា អាជ្ញាធរកំពុងប្រើឧបករណ៍ចាប់សំឡេងទូរស័ព្ទ ដើម្បីតាមដានសកម្មភាពអ្នកដែលត្រូវបានចាត់ទុកថា មានចេតនាមិនល្អចំពោះសង្គម។
អ្នកការពារសិទ្ធិមនុស្ស និងអ្នកជំនាញផ្នែកសារព័ត៌មាន យល់ឃើញដូចគ្នាថា វិធានការរបស់រដ្ឋាភិបាលក្នុងការតាមដានស្ដាប់សំឡេងសន្ទនាឯកជននោះ គឺជាការគំរាមកំហែងយ៉ាងធ្ងន់ធ្ងរលើសិទ្ធិសេរីភាពបញ្ចេញមតិរបស់ប្រជាពលរដ្ឋ។
ប្រធានផ្នែកកម្មវិធីនៃសមាគមបណ្ដាញយុវជនកម្ពុជា (CYN) លោក ស ម៉ូរី រិះគន់ថា វិធានការតាមដាន និងស្ដាប់កិច្ចសន្ទនាតាមប្រព័ន្ធទូរគមនាគមន៍នេះ គឺជាការរំលោភសិទ្ធិឯកជនរបស់ពលរដ្ឋខ្មែរ ប្រាស់ចាករដ្ឋធម្មនុញ្ញ និងច្បាប់អន្តរជាតិទាំងឡាយដែលកម្ពុជាបានទទួលស្គាល់ និងសន្យាគោរពតាម។ លោកថា ប្រសិនបើអាជ្ញាធរសង្ស័យជនណាម្នាក់ថា ប៉ុនប៉ងប្រព្រឹត្តបទឧក្រិដ្ឋ ហើយចង់ស្ដាប់កិច្ចសន្ទនារបស់បុគ្គលនោះ អាជ្ញាធរត្រូវតែមានភស្តុតាងគ្រប់គ្រាន់ និងមានសេចក្ដីសម្រេចពីតុលាការ ទើបអាជ្ញាធរមានសិទ្ធិនៅក្នុងការទាញយកទិន្នន័យ ឬស្ដាប់កិច្ចសន្ទនារបស់បុគ្គលនោះ។ លោកកត់សម្គាល់ថា ការអនុវត្តកន្លងមករបស់អាជ្ញាធរ មិនបានស្របតាមនីតិវិធីច្បាប់ឡើយ៖ «ក្នុងនាមជាប្រជាពលរដ្ឋខ្មែរ ក្នុងនាមខ្ញុំជាអ្នកបង់លុយទៅឱ្យក្រុមហ៊ុនដែលផ្ដល់សេវាកម្មអ៊ិនធើណិត ក្រុមហ៊ុនទូរស័ព្ទទាំងអស់ហ្នឹង ខ្ញុំសូមថ្កោលទោសតែម្ដង ប្រសិនបើក្រុមហ៊ុនទាំងនោះអត់បានការពារសិទ្ធិឯកជនភាពរបស់ខ្ញុំ។ បើរដ្ឋាភិបាលលបស្ដាប់ការសន្ទនារបស់ប្រជាពលរដ្ឋខ្មែរទូទៅ រួមទាំងខ្ញុំដែរ ដោយគ្មានដីកាពីតុលាការទេ ខ្ញុំគិតថា សកម្មភាពទាំងអស់នេះ ជាសកម្មភាពរំលោភច្បាប់របស់កម្ពុជា រួមទាំងច្បាប់អន្តរជាតិដែលរដ្ឋាភិបាលបានផ្តល់សច្ចាប័ន»។
ប្រតិកម្មរបស់មន្ត្រីសង្គមស៊ីវិលនេះ ធ្វើឡើងក្រោយពេលមេដឹកនាំរបបក្រុងភ្នំពេញ លោក ហ៊ុន សែន បានចេញមុខប្រកាសជាសាធារណៈនៅថ្ងៃទី១០ មីនាថា អាជ្ញាធរកំពុងប្រើប្រាស់ឧបករណ៍សម្រាប់ចាប់សំឡេងតាមទូរស័ព្ទ ចំពោះអ្នកដែលនិយាយបំភ្លៃពាក្យសម្ដីរបស់លោក និងអ្នកផ្សាយព័ត៌មានមិនពិតអំពីជំងឺកូវីដ១៩ ហើយបានបញ្ជាឱ្យតាមចាប់ខ្លួនពួកគេទៀតផង៖ «ខ្ញុំនិយាយអំពីការកាត់បន្ថយការចំណាយពី ២៥% ទៅ ៥០% វាទៅកាឡៃថា យើងកាត់បន្ថយប្រាក់ខែ ៥០%។ ពួកអាចង្រៃអស់នេះ ខ្ញុំថា ល្មមដល់ពេលប្រើបច្ចេកវិទ្យាតាមចាប់យកមកតែម្ដង អត់មានញ៉ិមញ៉ុមទេ។ ការប្រឆាំងភេរវកម្មមិនទាន់ចប់ទេ អ៊ីចឹងយើងនៅមានសិទ្ធិដើម្បីស្ដាប់ ចាប់យកព័ត៌មានតទៅទៀត»។
នៅមុនការប្រកាសរបស់លោក ហ៊ុន សែន នេះ រដ្ឋលេខាធិការ និងជាអ្នកនាំពាក្យក្រសួងយុត្តិធម៌ លោក គឹម សន្តិភា បានថ្លែងប្រាប់ប្រព័ន្ធឃោសនាបម្រើនយោបាយបក្សកាន់អំណាចថា ក្រសួងយុត្តិធម៌បានបញ្ជាឱ្យអយ្យការទូទាំងប្រទេស អនុវត្តវិធានការច្បាប់តឹងរ៉ឹងបំផុតចំពោះអ្នកដែលបង្កើត និងផ្សព្វផ្សាយព័ត៌មានមិនពិតអំពីករណីជំងឺកូវីដ១៩។
ជាការអនុវត្តតាមបទបញ្ជានេះ សមត្ថកិច្ចរាជធានីភ្នំពេញបានចាប់ខ្លួនបុរសម្នាក់ឈ្មោះ កូយ សំអាត បញ្ជូនទៅតុលាការ បន្ទាប់ពីរូបគេបានបង្ហោះសារនៅលើហ្វេសប៊ុកទាក់ទងនឹងករណីឆ្លងជំងឺកូវីដ១៩ នៅកម្ពុជា។ ស្នងការនគរបាលរាជធានីភ្នំពេញ លោក ស ថេត អះអាងប្រាប់អាស៊ីសេរីថា ជនសង្ស័យរូបនេះបានសារភាពទោសកំហុសរបស់ខ្លួនហើយ ក៏ប៉ុន្តែសមត្ថកិច្ចនៅតែបញ្ជូនរូបគេទៅតុលាការដដែល ពីព្រោះនេះជាបញ្ជាពីខាងព្រះរាជអាជ្ញា។
មន្ត្រីជាន់ខ្ពស់សមាគមបណ្ដាញយុវជនកម្ពុជា លោក ស ម៉ូរី កត់សម្គាល់ថា អាជ្ញាធរកម្ពុជាច្រើនតែអនុវត្តច្បាប់ដោយមិនច្បាស់លាស់ពាក់ព័ន្ធនឹងរឿងព័ត៌មានក្លែងក្លាយ។ លោកថា ច្បាប់កម្ពុជាមិនមានចែងអំពីទោសទណ្ឌរឿងផ្សព្វផ្សាយព័ត៌មានក្លែងក្លាយនោះទេ តែអាជ្ញាធរបែរជាប្រើបទញុះញង់នៅក្នុងក្រមព្រហ្មទណ្ឌយកមកចោទប្រកាន់ពលរដ្ឋដែលបញ្ចេញមតិរិះគន់រដ្ឋាភិបាលទៅវិញ។ ម្យ៉ាងវិញទៀត លោកថា មន្ត្រីរដ្ឋាភិបាលខ្លះ និងប្រព័ន្ធផ្សព្វផ្សាយស្និទ្ធនឹងបក្សកាន់អំណាចមួយចំនួន ក៏ធ្លាប់បញ្ចេញ ឬចែកចាយព័ត៌មានក្លែងក្លាយដែរ ប៉ុន្តែពួកគេបែរជារួចផុតពីសំណាញ់ច្បាប់ ដែលនេះគឺជាការអនុវត្តច្បាប់មានស្តង់ដារពីរ៖ «តុលាការនៅស្រុកខ្មែរ ភាគច្រើនគាត់ចាត់វិធានការប្រឆាំងតែទៅលើអ្នកគាំទ្រគណបក្សប្រឆាំង។ យើងមានការបារម្ភ ប្រសិនបើតុលាការយើងអត់ឯករាជ្យ ហើយការអនុវត្តច្បាប់មានលក្ខណៈមិនស្មើភាពគ្នា ដូច្នេះច្បាប់អាចត្រូវបានប្រើប្រាស់ទៅជាឧបករណ៍មួយក្នុងការរឹតត្បិតសេរីភាពក្នុងការបញ្ចេញមតិរបស់ក្រុមដែលមានមតិជំទាស់ជាមួយនឹងរាជរដ្ឋាភិបាល»។
ចំណែក នាយកផ្នែកប្រព័ន្ធផ្សព្វផ្សាយនៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) លោក ណុប វី វិញ លើកឡើងថា លោកមិនលើកទឹកចិត្តឱ្យមានការបំភ្លៃព័ត៌មាននោះទេ ក៏ប៉ុន្តែលោកក៏មិនគាំទ្រចំពោះវិធានការរបស់អាជ្ញាធរក្នុងការចាប់ខ្លួនពលរដ្ឋដែលសម្ដែងកង្វល់ជុំវិញវិបត្តិជំងឺកូវីដ១៩ នោះដែរ។ លោកថា ជំនួសឱ្យការចាប់ខ្លួន និងចោទប្រកាន់ពលរដ្ឋ អាជ្ញាធរគួរតែប្រឹងអប់រំពលរដ្ឋឱ្យយល់ដឹងអំពីប្រភេទព័ត៌មានពិត និងព័ត៌មានក្លែងក្លាយវិញ។
ទាក់ទងនឹងការលួចស្ដាប់សំឡេងសន្ទនារបស់ពលរដ្ឋវិញ លោក ណុប វី ស្នើឱ្យអាជ្ញាធរលុបចោលវិធានការនេះជាបន្ទាន់ ព្រោះនេះជាទង្វើរំលោភបំពានធ្ងន់ធ្ងរលើសិទ្ធិឯកជនរបស់បុគ្គល ដែលជាសិទ្ធិដ៏សំខាន់ ត្រូវបានធានាដោយច្បាប់ជាតិ និងអន្តរជាតិ។ ម្យ៉ាងវិញទៀត វិធានការនេះជាការគំរាមកំហែងធ្ងន់ធ្ងរដល់សិទ្ធិសេរីភាពក្នុងការបញ្ចេញមតិរបស់ពលរដ្ឋ៖ «រាជរដ្ឋាភិបាលគួរតែពិនិត្យពិចារណាឡើងវិញជុំវិញវិធានការនានាដែលបានដាក់ហ្នឹងថា តើវិធានការហ្នឹងអាចនឹងធ្វើឱ្យវាមានភាពអសកម្មក្នុងការចូលរួមរបស់ប្រជាពលរដ្ឋ ធ្វើឱ្យមានអារម្មណ៍មួយដែលថា មិនមានសុវត្ថិភាពនៅក្នុងការទំនាក់ទំនងរបស់ប្រជាពលរដ្ឋនោះទេ។ បើវាចូលក្នុងចំណុចដែលខ្ញុំបានលើកឡើង ខ្ញុំស្នើសុំឱ្យរាជរដ្ឋាភិបាលពិចារណា ហើយនិងលុបចោលនូវអ្វីដែលជាការសម្រេចចិត្តហ្នឹង»។
រដ្ឋធម្មនុញ្ញ មាត្រា៤០ បានចែងការពារពលរដ្ឋគ្រប់រូបពីការលបថតសំឡេងនិយាយសន្ទនារបស់ពួកគាត់ និងអាថ៌កំបាំងនៃការឆ្លើយឆ្លងតាមលិខិត តាមសារទូរលេខ ទូរពុម្ព និងទូរគមនាគមន៍។ ចំណែក ច្បាប់ស្ដីពីទូរគមនាគមន៍ មាត្រា៩៧ វិញចែងថា ការលបស្ដាប់ ឬលបថតការសន្ទនា ដោយប្រើប្រាស់ប្រព័ន្ធទូរគមនាគមន៍ដោយបុគ្គលពុំមែនជាភាគីនៃការសន្ទនា ត្រូវផ្ដន្ទាទោសដាក់ពន្ធនាគារពី១ ខែទៅ១ ឆ្នាំ។
ទោះជាច្បាប់ចែងតឹងរ៉ឹងបែបនេះក្តី ក៏អាជ្ញាធរកម្ពុជាហាក់ព្រងើយកន្តើយ ចំពោះការរក្សាសុវត្ថិភាពលើប្រព័ន្ធទំនាក់ទំនងដែរ ជាពិសេស ជុំវិញការបែកធ្លាយខ្សែអាត់សំឡេងរបស់ក្រុមអ្នកនយោបាយបក្សប្រឆាំង នៅមុនពេល លោក ហ៊ុន សែន បញ្ជាឱ្យតុលាការកំពូល រំលាយគណបក្សសង្គ្រោះជាតិ នៅចុងឆ្នាំ២០១៧ កន្លងទៅ។ សហគមន៍ជាតិ និងអន្តរជាតិបានថ្កោលទោស លោក ហ៊ុន សែន ជាខ្លាំងអំពីរឿងនេះ ពីព្រោះក្នុងនាមជានាយករដ្ឋមន្ត្រី លោកបានចេញមុខគាំទ្រ និងលើកទឹកចិត្តឱ្យមានវប្បធម៌លួចថតសំឡេង និងបញ្ចេញសំឡេងសន្ទនាឯកជនរបស់បុគ្គល ដោយមិនខ្វល់ពីច្បាប់អ្វីបន្តិចសោះ។ ជាឧទាហរណ៍ លោក ហ៊ុន សែន បានសរសើរគណនីហ្វេសប៊ុកឈ្មោះ សីហា ថា មានសមត្ថភាពលួចស្ដាប់ការសន្ទនារបស់បុគ្គលសំខាន់ៗ នៅកម្ពុជា ប៉ុន្តែលោកមិនបានបញ្ជាឱ្យសមត្ថកិច្ចចាប់ខ្លួនម្ចាស់គណនីហ្វេសប៊ុកដែលប្រព្រឹត្តល្មើសច្បាប់នោះ យកមកផ្ដន្ទាទោសឡើយ ហើយសមត្ថកិច្ចក៏មិនដែលអើពើចាត់ការរឿងនេះដែរ។
លើសពីនេះទៅទៀត មេដឹកនាំដែលកាន់អំណាចយូរជាងគេនៅក្នុងតំបន់អាស៊ានរូបនេះ បានប៉ុនប៉ងបង្កើតច្បាប់គ្រប់គ្រងឧក្រិដ្ឋកម្មព័ត៌មានវិទ្យា និងការប្រឆាំងព័ត៌មានក្លែងក្លាយ ដែលសង្គមស៊ីវិលយល់ថា ជាច្បាប់រឹតត្បិតសិទ្ធិសេរីភាពរបស់ប្រជាពលរដ្ឋថែមទៀត។
អ្នកសិក្សាផ្នែកសិទ្ធិមនុស្សអន្តរជាតិ និងជាមន្ត្រីជាន់ខ្ពស់បណ្ដាញយុវជនកម្ពុជា លោក ស ម៉ូរី អំពាវនាវដល់រដ្ឋាភិបាលកម្ពុជា ឱ្យគោរពសិទ្ធិឯកជនរបស់ពលរដ្ឋ ដោយអនុលោមតាមច្បាប់ជាតិ និងអន្តរជាតិ។ ក្រៅពីនេះ លោកស្នើឱ្យរដ្ឋាភិបាលបង្កើនការអប់រំដល់ពលរដ្ឋអំពីព័ត៌មានពិត និងព័ត៌មានមិនពិត ហើយជ្រើសយកវិធានការអប់រំណែនាំចំពោះពលរដ្ឋណាដែលផ្សព្វផ្សាយព័ត៌មានមិនពិត ជំនួសឱ្យការដាក់ទោសទណ្ឌលើពួកគាត់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- សង្គមស៊ីវិលថា ការចាប់ខ្លួនរបស់អាជ្ញាធរក្រុងភ្នំពេញបានបង្ហោះសារតាមបណ្ដាញសង្គមពាក់ព័ន្ធជំងឺ កូវិត១៩ នឹងធ្វើឲ្យពលរដ្ឋភ័យខ្លាច
- អាជ្ញាធរក្រុងភ្នំពេញចាប់ខ្លួនប្រជាពលរដ្ឋម្នាក់ដែលបានបង្ហោះសារតាមបណ្ដាញសង្គមពាក់ព័ន្ធជំងឺ កូវិត១៩
- សាលាឧទ្ធរណ៍គ្រោងបើកសវនាការលើបណ្ដឹងទាស់របស់សកម្មជនបក្សប្រឆាំង លោក គង់ ម៉ាស់ នៅពាក់កណ្ដាលខែមីនា
- តុលាការចោទនាវិកបរទេស ១៦នាក់ ពីបទរំលោភបូរណភាពដែនទឹកកម្ពុជា និងប៉ុនប៉ងរត់ពន្ធទំនិញ
- មេធាវីស្នើចៅក្រមស៊ើបសួរទម្លាក់បទចោទលើមន្ត្រីអង្គការពន្លកខ្មែរ និងអ្នកឃុំប្រមេរ រឿងបង្ខាំងគ្រឿងចក្រក្រុមហ៊ុនចិន
- នគរបាលបញ្ជូននាវិកលើកប៉ាល់ MT-COURAGEOUS ១៦នាក់ ដែលសមត្ថកិច្ចឃាត់ខ្លួនកាលពីសប្ដាហ៍មុន ទៅតុលាការ
- តុលាការចោទប្រកាន់មន្ត្រីជាន់ខ្ពស់ក្រសួងការពារជាតិរឿងលក់ដីមិនមែនជារបស់ខ្លួន
- សាលក្រមទម្លាក់ចោលបទចោទលើលោក អាឡិច ចូលជាស្ថាពរ
- សាលាឧទ្ធរណ៍គ្រោងប្រកាសសាលដីការឿងអតីតគ្រូបង្រៀន ១១នាក់ ដែលទាមទារក្របខ័ណ្ឌវិញ នៅសប្ដាហ៍ក្រោយ
- មេធាវី៖ ការស៊ើបអង្កេតបន្ថែម ប៉ះពាល់សេរីភាព និងយុត្តិធម៌សម្រាប់អតីតអ្នកយកព័ត៌មានអាស៊ីសេរី
Hun Sen is now adopting Pol Pot style to observe everything people do including conversation, travel, who people communicates with, do husband and wife sleep or having sex and then people will be executed by what they call Angka rules which is now under Hun Sen rule called Court. Just 1 more steps closer to killing field regime.
ស្នៀតថ្មីលើតិថីខូវីដ-19(Covid-19) ឬខូរ៉ូណាវីរុស
(corona virus)របស់ក្រុមប្រឆាំង ដែលចាំបាច់ត្រូវតែកំចាត់ចោល
***
ក្នុងតិថីខូវិដ-19 ប្រទេសកម្ពុជាត្រូវទទួលបានរឿងប្រឌឹតជាច្រើនដើម្បីវាយប្រហារទម្លាក់កំហុសលើរាជរដ្ឋាភិបាលកម្ពុជា ដែលបានប្រើកាយវិការមនុស្សធម៍ក្នុងការជួយ
សង្គោះមនុស្សគ្រប់ជាតិសាសន៍ជិតបីពាន់នាក់កនៅលើកប៉ាល់វេស្ទើរ៍ដាម ដែរសាត់អណ្តែតអត់កោះត្រើយលើផ្ទៃសមុទ្រខណះស្បៀងអាហារ ទេកសាបសម្រាប់ប្រើប្រាសដែលមាន
នៅលើកប៉ាល់ជិតអស់ បង្ខំឲ្យគ្រប់ជាតិសាសន៍ដែលនៅលើកប៉ាល់អស់សង្ឃឹមស្រែទ្រហ៊ោយំ ក្នុងពេលដែលប្រទេសប្រទេសជាច្រើននៅអាស៊ី និងកោះហ្គាមរបស់អាមេរិក
មិនព្រមឲ្យកប៉ាល់នេះចូលចតស្វែងរកទឹកនិងស្បៀងអាហារដែលក្នុងនោះក៏មានជនជាតិអាមេរិកក៏មានវត្តមាននៅលើកប៉ាល់នោះដែរ ។
សេចក្តីស្លាប់ដោយការដាច់បាយ ដាច់ទឹក បានរង់ចាំពួកគេក្នុងពេលដ៏ខ្លីខាងមុខ។
ដូចនេះសម្រាប់ការស្រេកឃ្លានពួកគេអាចស៊ីសាច់សាកសពមនុស្ស ឬសម្លាប់គ្នាស៊ីដើម្បីរស់
ក៏អាចថាបាន ដែលរឿងនេះប្រាកដណាស់ថាមិនអាចជៀសរួច ប្រសិនបើកប៉ាល់ពួកគេរសាត់លែងមានទិសដៅ ហើយដាច់ស្បៀងអាហារ ។
សម្រាប់កម្ពុជាហ៊ុនសែន គឺជាអ្នកដែលធ្វើឲ្យពួកគេដែលនៅលើកប៉ាល់រស់ នឹងត្រូវបានអ្នកទាំងនោះសាទរទទួលគុណនិងចាំគុណរដ្ឋាភិបាលកម្ពុជាមិនអាចបំភ្លេចបាន ។
ជាទូទៅក្នុងអន្តរជាតិ រាប់ទាំងអង្គការសហប្រជាជាតិផងដែរ បានសម្តែងនូវការកោតស្ញប់ស្ញែងចំពោះនយោបាយមនុស្សធម៏របស់រាជរដ្ឋាភិបាលកម្ពុជា ដែលដឹកនាំដោយសម្តេច
អគ្គមហាសេនាបតីតេជោហ៊ុនសែន តែវាក៏បានក្លាយជាដុំឆ្អឹងទទឺង ក ពីសំណាក់ក្រុមអ្នកនយោបាយប្រឆាំងនៅកម្ពុជា ដែលជានិច្ចកាលពួកគេតែងបង្កើតហេតុគ្រប់បែបយ៉ាង
ដើម្បីមួលបង្កាច់រាជរដ្ឋាភិបាលកម្ពុជាទាក់ទងនិងបញ្ហាសេរីភាព សិទ្ធិមនុស្ស និងពាក្យថាប្រជាធិបតេយ្យ ដែលពួកគេបានទន្ទេញជាប់មាត់ដើម្បីចោទប្រកាន់រដ្ឋាភិបាល។
ការបរាជ័យលលើផ្លូវ សេរីភាព សិទ្ធិមនុស្ស និងប្រជាធិបតេយ្យដែលពួក ដែលមាននិន្នាការប្រឆាំងរដ្ឋាភិបាលប្រកាន់យកបានបង្ខំឲ្យពួកគេប្រើស្នៀតថ្មីលើតិថីខូវីដ-១៩ នោះគឺទម្លាក់កំហុសដាក់លើហ៊ុនសែន ថាជាអ្នកនាំជម្ងឺវីរុសខូរ៉ូណាមកសម្លាប់អាយុជិវិតប្រជាជនកម្ពុជា ។
ការដួលសម្លប់គ្រប់រូបភាពនៅតាមដងផ្លូវ ត្រូវបានកើតឡើងជារៀងរាល់ថ្ងៃ តាមផ្លូវ តាមផ្សារ ហើយត្រូវបានក្រុមអតីតបក្សសង្គ្រោះជាតិ និងក្រុមអ្នកកាសែតត្បាញអាយយកមកចុះផ្សាយព្រោងព្រាតតាមបណ្តាញសង្គមfacebookដែលរឿងបែបនេះ ពីដើមឡើយរឿងបែបនេះ មិនដែលកើត មានសោះ ។ តើវាមិនចម្លែក ផ្តើមដល់ការសង្ស័យចំពោះរឿងហេតុដែលត្រូវបានរៀបចំ ដើម្បីបង្កើតរឿងទេឬ ?
ព្រោះថាអ្នកដឹកនាំរឿង ក្នុងរឿងនេះ ដឹកនាំឆាកសម្តែងហាក់ដូចជាបោកប្រាស ភូតភរមិនគួរឲ្យជឿសោះ។
ពិតហើយវាពិតជារឿងដែលចម្លែកសម្រាប់ពួក ក្រុមជនក្បត់ជាតិសមរង្ស៊ី ដែលខំប្រឹងប្រែងយ៉ាងសកម្មក្នុងការយករឿងvirus corona ដែលជារឿងសកល យកមកទម្លាក់ដាក់បន្ទុក
លើការទទួលខុសត្រូវ របស់រាជរដ្ឋាភិបាលកម្ពុជាដែលបានអនុញ្ញាតិឲ្យកប៉ាល់ទេសចរណ៍វេស្ទើរ៍ដាម ក្នុងហេតុផលមនុស្សធម៏ កុំឲ្យមនុស្សច្រើនជនជាតិរាប់ពាន់នាក់
ស្លាប់ដោយអត់បាយដែលមានប្រទេសជាច្រើន មិនអនុញ្ញតិឲ្យកបាល់នេះចូតចតក្នុងប្រទេសរបស់ពួកគេ ថាជាការនាំយកនូវvirus corona
ចូលប្រទេសដើម្បីសម្លាប់ប្រជាជនកម្ពុជា ។
មិនមែនcorona កើតតែម៉ាប្រទេស ម៉ាតំបន់ទេ។
ប្រទេសដែលមិនទទួលយកកប៉ាល់វេស្ទើរ៍ដាមឲ្យចូលចតតែបែរបែរជាមានមនុស្សឆ្លង
virus corona មុនកម្ពុជាក្នុងចំនួនច្រើនករណី ក្នុងពេលដែលកម្ពុជា ទើបរកឃើញ
មនុស្សម្នាក់ឆ្លងជម្ងឺនេះពីអ្នកធុរៈកិច្ចជនជាតិជប៉ុន ក្នុងប៉ុន្មានថ្ងៃនេះនៅខេត្តសៀមរាប។
តើវាមានអីភ្ញាក់ផ្អើលទៅ ? ដូចនេះតើចាំបាច់ទេ ដែលពួកនេះខំព្រុសដូចឆ្កែបំពុលសង្គមកម្ពុជា ក្នុងពេលគ្រប់ទ្វីបក្នុងសកលលោកនេះ កំពុងរងផលប៉ះពាល់ពីvirus corona ក្នុងពេលប្រទេសទាំងនោះអត់មានទទួលកប៉ាល់វេស្ទើរ៍ដាម ចូលប្រទេសគេផងនោះ។
នៅចិន មានមានប្រជាជនច្រើន ពាន់លាននាក់។ អ្នកកើត អ្នកឆ្លងជម្ងឺមាន៣-៤ម៉ឹននាក់
តើវាជាស្អីទៅ ? វាស្មើប៉ុន្មានភាគរយនៃប្រជាជនចិនដែលគ្មានជម្ងឺ ?
ហើយជម្ងឺឆ្លងបែបហ្នឹងព្យាបាលមិនជាមែនទេ ?
វាជារឿងកំសត់ណាស់ ដែលកម្ពុជាមានមេដឹកដឹកនាំ ក៏ដូចជាពួកមន្ត្រីអតីតបក្សក្បត់ជាតិ
សង្គ្រោះជាតិ មានកំណើតឮជាជនជាតិខ្មែរ តែបានខិតខំប្រើគ្រប់វិធីដើម្បីបំផ្លាញជាតិ
ខ្លួនឯង ក្នុងបំណងតែមួយគត់ គឺការចង់យកឈ្នះចាញ់បំពេញមហិច្ឆតាស្រេកឃ្លានអំណាចរបស់ពួកគេតែម៉្យាងគត់។
សរុបសេចក្តីមក ពួកនេះ វាក្រាន់តែជំពូកមនុស្សចៃសង្គមដែលមិនត្រូវបានស្វាគមន៍ដោយប្រជាជនកម្ពុជានោះទេ ៕
haha’ this country is in the veitcong mafia dictator and his groups so they can do what ever they wanted to do ‘ never respected constitution or democracy world because they are mafia’ and serve only Youn-hanoi because they are hanoi dogs’
are we think this country have law ..HAS….HA….. where is the law can you fine one please. I think there are a lot of person telling lie and no lawyer .
សំណុំរឿងសន្ទិដ្ឋិភាពជាមួយបរទេសរបស់ កឹម សុខា៖ «គោដំបៅខ្នង ក្អែកហើររំលង រំសាយកន្ទុយ»
(ភ្នំពេញ)៖ សំណុំរឿងសន្ទិដ្ឋិភាពជាមួយបរទេសរបស់ កឹម សុខា កំពុងស្ថិតនៅក្នុងដំណាក់កាលនៃការសួរដេញដោល លើអង្គហេតុនិងអង្គច្បាប់នៅ សាលាដំបូងរាជធានីភ្នំពេញ ដែលបង្ហាញថា កឹម សុខា បានទទួលយកការតតាំងផ្នែកផ្លូវច្បាប់ចំពោះបទចោទប្រកាន់ប្រឆាំងនឹងខ្លួនស្របតាមគោលការណ៍នីតិរដ្ឋ និងលទ្ធិប្រជាធិបតេយ្យដែលកម្ពុជាបាននិងកំពុងអនុវត្តយ៉ាងពេញលេញ ហើយ កឹម សុខា និងបក្ខពួកក៏បានបោះបង់ចោលនូវការញុះញង់តស៊ូតាមដងផ្លូវ ដោយបំពានច្បាប់ដែលពួកគេធ្លាប់តែប្រើប្រាស់ពីអតីតកាល។
សំណុំរឿងក្បត់ជាតិដែលមិនសូវមានចំណាប់អារម្មណ៍ពីសាធារណជន ហើយគ្មានអ្នកគាំទ្រ ឈរហែរហមដូចពីមុននេះត្រូវបានកម្តៅឱ្យឡើងក្តៅ បន្តិចវិញនៅថ្ងៃទី១២ ខែមីនា ឆ្នាំ ២០២០ ក្រោយពីឯកអគ្គរដ្ឋទូតសហរដ្ឋអាម៉េរិកប្រចាំកម្ពុជា លោក ប៉ាទ្រិក ម័រហ្វី ដែលទើបតែបញ្ចប់បេសកកម្មនៅសហរដ្ឋអាមេរិក ជួបជាមួយព្រឹទ្ធសមាជិកសភាអាម៉េរិកដែលកាន់ឯកសារទាក់ទងកិច្ចការបរទេសជាមួយកម្ពជា និងសហគមន៍ខ្មែរនៅសហរដ្ឋអាម៉េរិក។ ឯកអគ្គរដ្ឋទូតអាម៉េរិករូបនេះ បានធ្វើសេចក្តីថ្លែងការណ៍ទៅកាន់អ្នកកាសែត ក្រោយខ្លួនបានចូលស្តាប់សវនាការលើសំណុំរឿងក្បត់ជាតិ កឹម សុខា ថា«យើងមានការរំខានចិត្ត ដោយខាងព្រះរាជអាជ្ញាបានលើកឡើងនូវរឿងមិនពិត ដែលត្រូវបានប្រឌិតឡើងទាក់ទងនឹងសហរដ្ឋអាមេរិក»។
ភ្លាមៗ អ្នកនាំពាក្យនៃអយ្យការអមសាលាដំបូងរាជធានី ភ្នំពេញ បានចេញសេចក្តីប្រកាសថា ឆ្លើយតបនឹងការចោទប្រកាន់របស់អគ្គរដ្ឋទូត សហរដ្ឋអាមេរិកប្រចាំនៅកម្ពុជា ក្នុងសំណុំរឿងលោក កឹម សុខា ដោយតំណាងអយ្យការបានបំភ្លឺថា «ក្នុងដំណើរការនៃការជំនុំជម្រះក្តី លើសំណុំរឿងពាក់ព័ន្ធ នឹងជនជាប់ចោទ ឈ្មោះ កឹម សុខា ពីបទសន្ទិដ្ឋិភាពជាមួយបរទេសតាមបញ្ញត្តិមាត្រា ៤៤៣ ក្រមព្រហ្មទណ្ឌនៃ ព្រះរាជាណាចក្រកម្ពុជា គឺព្រះរាជអាជ្ញាពុំបានចោទប្រកាន់ប៉ះពាល់ទៅលើសហរដ្ឋអាមេរិក រដ្ឋបរទេស ឬភ្នាក់ងារបរទេសណាមួយនោះឡើយ ព្រះរាជអាជ្ញា បានចោទប្រកាន់ទៅលើជនជាប់ចោទឈ្មោះ កឹម សុខា ដែលមានអង្គហេតុ អង្គច្បាប់ ព្រមទាំងមានធាតុផ្សំបទល្មើសគ្រប់គ្រាន់ ទៅតាមច្បាប់នៃព្រះរាជាណាចក្រកម្ពុជាតែប៉ុណ្ណោះ»។
ការគូសបញ្ជាក់សាជាថ្មីពីសំណាក់តំណាងអយ្យការនៅពេលនេះនឹងអាចធ្វើឱ្យឯកអគ្គរដ្ឋទូតអាមេរិក ប៉ាទ្រិក ម័រហ្វី យល់ច្បាស់ថា ការមានឈ្មោះ សហរដ្ឋអាម៉េរិកនៅក្នុងសំណុំរឿងក្បត់ជាតិរបស់ កឹម សុខា គឺមិនមែនរាជរដ្ឋាភិបាលកម្ពុជា មិនមែនគណបក្សប្រជាជនកម្ពុជា មិនមែនប្រជាជនកម្ពុជា មិនមែនព្រះរាជអាជ្ញាធ្វើការចោទប្រកាន់ប៉ះពាល់ដល់សហរដ្ឋអាម៉េរិក ឡើយ ប៉ុន្តែគឺជនជាប់ចោទ កឹម សុខា ខ្លួនឯងដែលបាននិយាយសារភាពនៅក្នុងឃ្លីបវីដេអូននៅ ប្រទេសអូស្ត្រាលីនៅឆ្នាំ២០១៣ ថាដោយថាអ្វីៗដែលខ្លួនធ្វើ សុទ្ធតែមានការគាំទ្រពីសហរដ្ឋអាម៉េរិកឡើងពេញៗមាត់របស់ខ្លួនដោយមោទនភាព និងគ្មានញញើតអ្វីបន្តិចឡើយ។
កឹម សុខា កាលពីជាអនុប្រធានគណបក្សសង្គ្រោះជាតិ បានសារភាពថា ខ្លួនធ្វើតាមបញ្ជាសហរដ្ឋអាមេរិក ក្នុងការផ្តួលរំលំរាជរដ្ឋាភិបាលកម្ពុជាដោយយកដូចគំរូប្រទេសយូហ្គោស្លាវី និងសើប៊ី។ កឹម សុខា ត្រូវបានចាប់ខ្លួននៅរំលងអធ្រាតថ្ងៃទី៣ ខែកញ្ញាដោយមន្ត្រីនគរបាលយុត្តិធម៌ក្នុងបទល្មើសជាក់ស្តែងដោយអនុលោក តាម ក្រមនីតិវិធីព្រហ្មទណ្ឌនៃព្រះរាជាណាចក្រកម្ពុជា ខណៈភស្តុតាងដែលសមត្ថកិច្ចប្រមូលបានគឺបង្ហាញឱ្យឃើញច្បាស់អំពីផែនការសម្ងាត់នៃការការក្បត់ជាតិរបស់ កឹម សុខា និងបក្សពួក។ កឹម សុខា បានសារភាពថា ខ្លួនបានធ្វើការជាមួយអាម៉េរិកតាំងពីឆ្នាំ ១៩៩៣ មកម្ល៉េះ។ ដូច្នេះប្រសិនបើឯកអគ្គរដ្ឋទូតសហរដ្ឋអាមេរិកថា រំខានចិត្តដោយសារតែមានឈ្មោះប្រទេសខ្លួនក្នុងសំណុំរឿងក្បត់ជាតិរបស់ កឹម សុខា គួរតែឯកអគ្គរដ្ឋទូតសហរដ្ឋអាម៉េរិកស្តីប្រដៅឱ្យ កឹម សុខា ដោយផ្ទាល់ថា ហេតុអ្វីបានជាជនជាប់ចោទរូបនេះ បានភ្ជាប់សហរដ្ឋអាម៉េរិកនឹងសកម្មភាពរបស់ខ្លួន? ឬស្នើឱ្យ កឹម សុខា បង្ហាញភស្តុតាងឱ្យច្បាស់លាស់ថា ចំណុចណាដែលថាសហរដ្ឋអាមេរិក គាំទ្រខ្លួន ផ្តល់អ្នកជំនាញឱ្យមកជួយខ្លួន ហើយថែមទាំង បង្រៀនឱ្យខ្លួនយកគំរូនៃការផ្លាស់ប្តូររបបដឹកនាំ តាមបែបអតីតប្រទេសយូហ្គោស្លាវី និងស៊ែបប៊ី?
ជាជាងមកឈួលច្រមុះចំពោះតំណាងអយ្យការដែលគ្រាន់តែសាកសួរបន្ថែមលើអ្វីដែល កឹម សុខា បានសារភាព ហើយប្រសិនបើមិនអស់ចិត្តអាចទស្សនាវីដេអូ ភស្តុតាងរយៈពេល១ម៉ោងដែល កឹម សុខា បានដាក់ តើកឹម សុខា ពិតជាបាននិយាយដូច្នេះមែនឬអត់។ ឬមួយក៏ កឹម សុខា និយាយភ្លេចគិតបង្ហាញរឿងពិតចេញមកទាំងអស់ ដោយគ្មានការលាក់ការសម្ងាត់អ្វីសោះដែលនាំឱ្យផែនការដែលបានត្រៀមរៀបចំទុកជាយូរមកហើយនោះ បានបរាជ័យយ៉ាងអាម៉ាស់ និងមិន អាចយកទៅរកស៊ីកន្លែងណាផ្សេងទៀត បានជាមកអាក់អន់ចិត្តជាមួយតំណាងអយ្យការទៅវិញ?
ប្រតិកម្មតបរបស់ឯកអគ្គរដ្ឋទូតអាមេរិកនេះត្រូវបានគេមើលឃើញថា ជាការច្រឡោតខុសចង្វាក់ ហើយអចមកពីចង់ការពារខ្លួន ឬចង់គ្រលាស់ដៃពីអ្វីដែល កឹម សុខា បានលើកឡើង បានជាបញ្ចេញឥរិយាបថបែបបំពានលើប្រព័ន្ធតុលាការនៃរដ្ឋអធិបតេយ្យមួយ និងចេញមុខការពារយ៉ាងដាច់អហង្ការបែបនេះ។ នេះមិនខុសពីពាក្យទំនៀមបុរាណខ្មែរបានលើកឡើងថា «គោដំបៅខ្នង ក្អែកហើររំលង រំសាយកន្ទុយ» ទេដឹង?
ប្រសិនបើសហរដ្ឋអាមេរិកចង់ការពារភាពស្អាតស្អំនេះ គួរតែឱ្យ កឹម សុខា បង្ហាញភស្តុតាងឱ្យបានច្បាស់នូវអ្វីដែលខ្លួនបាននិយាយក្នុងវីដេអូភស្តុតាង។ ជនជាប់ចោទ កឹម សុខា ក៏ត្រូវស្វែងរកភស្តុតាងដោះបន្ទុកក្នុងរឿងជាច្រើនទៀត ក្នុងសំណុំរឿងក្បត់ជាតិនេះ ជាពិសេសគឺសកម្មភាពនៅឆ្នាំ ២០១៣ ដែលគណបក្សសង្គ្រោះជាតិនៅពេលនោះដែលមាន សម រង្ស៊ី ជាប្រធាន និងទណ្ឌិត កឹម សុខា ជាអនុប្រធានបានប្រើប្រាស់នយោបាយបង្កចលាចលសង្គមតាមរយៈ ការអុកឡុកលើដំណើរការបោះឆ្នោត និងការបង្កើតឱ្យមានបាតុកម្មប្រឆាំងនឹងលទ្ធផលបោះឆ្នោត រហូតដល់បង្កហិង្សា។
សកម្មភាពដែលក្រុមគណបក្សប្រឆាំងបានធ្វើនៅពេលនោះ គឺច្បាស់ណាស់ចេញពីការរៀបចំផែនការដ៏ល្អិតល្អន់ ដោយឈរលើមូលដ្ឋាននៃសៀវភៅមគ្គុទ្ទេស បដិវត្តន៍ពណ៌ ដែលរៀបចំឡើង ដោយលោក ជីន សាប មានចំណងជើងថា «ពីរបបផ្តាច់ការមកប្រជាធិបតេយ្យ»។ លោក ជីន សាប ត្រូវបានពិភពលោកស្គាល់ថា ជាអ្នកបង្កើតទ្រឹស្តីនិងវិធីសាស្ត្រនៃការធ្វើបដិវត្តន៍ពណ៌ និងត្រូវបានអនុវត្តនៅតាមបណ្តាប្រទេសមួយចំនួននៅអឺរ៉ុបខាងកើត និងមជ្ឈិមបូព៌ា ក្រោមរូបភាពញុះញង់ ចលាចល ប៉ុន្តែភ្ជាប់នឹងការប្រើប្រាស់ពាក្យ«អហិង្សា»ជានិច្ច។ ដូច្នេះដើម្បីផ្លាស់ប្តូររបបបានតាមទ្រឹស្តីបដិវត្តន៍របស់ ជីន សាប ក្រុមប្រឆាំងត្រូវនាំគ្នា ផ្សព្វផ្សាយបំភ្លៃថាកម្ពុជា ផ្តាច់ការ គ្មានសិទ្ធិមនុស្ស និងលទ្ធិប្រជាធិបតេយ្យជាមុនសិន។
អ្វីដែលគេមើលឃើញការលើកឡើងដោយគ្មានសុភវិនិច្ឆ័យរបស់ឯកអគ្គរដ្ឋទូតអាមេរិកថា អយ្យការចោទប្រកាន់សហរដ្ឋអាម៉េរិកគឺគ្រាន់តែជា វីធីសាស្ត្រដើម្បីការពារកេរ្តិ៍ឈ្មោះពីការភ្ជាប់របស់ កឹម សុខាទៅនឹងប្រទេសខ្លួន។
ម្យ៉ាងទៀតវាពិតជាគួរឱ្យអស់សំណើចដែលជន សង្ស័យក្នុងសំណុំរឿងក្បត់ជាតិម្នាក់ដែលពលរដ្ឋកម្ពុជាថា «កឹម សុខា ក្បត់កម្ពុជាហើយ» ត្រូវបានគេលើកតម្កើងទាំងទទឹងទិសថា មានកេរ្តិ៍ឈ្មោះសមនឹងទទួលបាន នៅទូទាំងពិភពលោកថាជាអ្នកគាំទ្រសិទ្ធិ និងសេរី ភាព។ ជាសេរីភាពនិងសិទ្ធិមនុស្ស ដែលប្រើជាខែលដើម្បីគោលដៅបដិវត្តន៍ពណ៌ប៉ុណ្ណោះ។ នៅពេលនេះដំណើរការនីតិវិធីសំណុំរឿងក្បត់ជាតិរបស់ កឹម សុខា នៅក្នុងដៃតុលាការ គួរតែទុកឱ្យតុលាការធ្វើការងារនេះដោយវិជ្ជាជីវៈ ហើយមាសសុទ្ធមិនខ្លាចភ្លើងមែនទេលោកឯកអគ្គរដ្ឋទូត?
ដោយ៖ ចៅចាក់ស្មុក
រាជធានីភ្នំពេញ ថ្ងៃទី១២ ខែមីនា ឆ្នាំ ២០២០