ព័ត៌មានជាតិ | សុខភាព
លោក ណាត សុភាព | ១៩ កក្កដា ២០២០ | ម៉ោង ១២:០៨
VOD

ស្ត្រីអនិកជនខ្មែរ-អាមេរិកាំង ឈ្មោះ VIRA ROSE (រូបពីនគរបាលជាតិ)

ស្ត្រី​អនិកជន​ខ្មែរ​-​អាមេរិកាំង​ ដែល​រត់​ចេញពី​កន្លែង​ធ្វើ​ច​ត្តា​ឡី​ស័កឬ កន្លែងនៅដាច់ដោយឡែកដើម្បីពិនិត្យតាមដានរកមេរោគកូវីដ១៩កាលពីម្សិលមិញ​ ហើយតម្រូវឱ្យស្ត្រីរូបនោះបន្តនៅដាច់ដោយឡែក១៤ថ្ងៃទៀតនៅក្នុងខេត្តកំពង់ចាម។​​

ក្នុងគេហទំព័ររបស់អគ្គស្នងការដ្ឋាននគរបាលជាតិចុះផ្សាយកាលពីយប់ថ្ងៃ១៨ ខែកក្កដានេះថា ស្ត្រី​អនិកជន​ខ្មែរ​-​អាមេរិកាំង ឈ្មោះ VIRA ROSE  សមត្ថកិច្ចរកឃើញនៅក្នុងខេត្តកំពង់ចាម បន្ទាប់ពីរត់គេចចេញពីកន្លែងធ្វើចត្តាឡីស័កនៅក្នុងរាជធានីភ្នំពេញកាលពីរំលងអធ្រាត្រថ្ងៃទី១៧ឈានចូលថ្ងៃទី១៨ខែកក្កដា។​

បច្ចុប្បន្ននេះ ក្រសួងសុខាភិបាល បានដាក់ស្ត្រីរូបនោះ ធ្វើច​ត្តា​ឡី​ស័ក ​រយៈពេល​១៤​ថ្ងៃ នៅ​សណ្ឋាគារ​មេគង្គ ដែលជា​កន្លែង​ធ្វើ​ច​ត្តា​ឡី​ស័ក​នៅក្នុង​ខេត្តកំពង់ចាម នឹងយក​សំណាក​ស្ត្រី​រូបនោះ ទៅពិនិត្យ​នៅ​វិទ្យាស្ថាន​ប៉ាស្ទ័រ​ផងដែរ​។​

គិតត្រឹមព្រឹកថ្ងៃទី១៩ ខែកក្កដា ឆ្នាំ២០២០ កម្ពុជារកឃើញអ្នកផ្ទុកកូវីដ១៩ ចំនួន១៧១នាក់ ដែលក្នុងនោះព្យាបាលជាសះស្បើយចំនួន១៣៦នាក់៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។