ព្រឹត្តិការណ៍កម្ពុជាប្រចាំថ្ងៃ
04/02/2024 – 09:40
ដោយ៖ អ៊ឹង ប៊ុនថន
RFI
អ្នកឃ្លាំមើល៖ ការចាប់ខ្លួនសកម្មជនខ្មែរនៅថៃគឺទប់ស្កាត់ការធ្វើបាតុកម្មប្រឆាំងលោក ហ៊ុន ម៉ាណែត
អ្នកឃ្លាំមើលស្ថានការណ៍នយោបាយ យល់ឃើញថា ការដែលអាជ្ញាធរថៃចាប់ខ្លួនសកម្មជនខ្មែរ៣នាក់នៅប្រទេសថៃកាលពីថ្ងៃទី២កុម្ភៈ២០២៤ គឺដើម្បីទប់ស្កាត់ចលនាបាតុកម្មប្រឆាំងនឹងវត្តមានលោកនាយករដ្ឋមន្ត្រី ហ៊ុន ម៉ាណែត ដែលគ្រោងទៅប្រទេសថៃនៅសប្តាហ៍ក្រោយ។ សកម្មជនខ្មែរ៣នាក់ដែលជាជនភៀសខ្លួនត្រូវបានអាជ្ញាធរថៃចាប់ខ្លួននោះ មាន លោក គង់ រ៉ៃយ៉ា និងលោក ផន ផាន់ណា ជាអតីតសមាជិកគណបក្សភ្លើងទៀន និងម្នាក់ទៀតឈ្មោះ លឹម សុខា ជាអនុប្រធានគណកម្មការជនភៀសខ្លួនខ្មែរនៅបាងកក។ នេះបើតាមសារព័ត៌មានរបស់សិង្ហបុរី CNA។
