ដោយ ម៉ៅ សុធានី
2024.02.15
RFA
សមត្ថកិច្ចចម្រុះបានឃាត់ខ្លួនក្រុមឧក្រិដ្ឋជនចំនួន៧នាក់ ដែលពួកគេមានទិសដៅប្លន់ជនបរទេស និងប្រើអំពើហិង្សា។
ការចាប់ខ្លួននេះ ធ្វើឡើងកាលពីថ្ងៃទី១២ ខែកុម្ភៈ នៅសង្កាត់ឃ្មួញ ខណ្ឌសែនសុខ រាជធានីភ្នំពេញ បន្ទាប់ពីក្រុមឧក្រិដ្ឋជនទាំងនេះ បានប្រើអំពើហិង្សាឃោរឃៅលើភ្ញៀវទេសចរជនជាតិកូរ៉េខាងត្បូង។
ក្រុមជើងកាងទាំងនោះ គឺជាយុវជនខ្មែរដែលមានអាយុចន្លោះពី ១៥ ដល់១៦ឆ្នាំ។ ក្រោយពីបានសាកសួររួច កម្លាំងនាយកដ្ឋាននគរបាលព្រហ្មទណ្ឌ ក៏បានបញ្ជូនជនសង្ស័យ ទៅអធិការដ្ឋាននគរបាលខណ្ឌសែនសុខ ដើម្បីបន្តនីតិវិធី តាមផ្លូវច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។