ដោយ ប្រាជ្ញ ចេវ
2025.04.17
RFA
ថ្ងៃទី១នៃការបំពេញទស្សនកិច្ចនៅកម្ពុជា ប្រធានាធិបតីចិនលោក ស៊ី ជីនពីង (Xi Jinping) ជួបព្រះមហាក្សត្រ ព្រះបាទសម្ដេច នរោត្តម សីហមុនី នៅព្រះបរមរាជវាំង ហើយបន្តជួបប្រធានព្រឹទ្ធសភាលោក ហ៊ុន សែន និងលោកនាយករដ្ឋមន្ត្រី ហ៊ុន ម៉ាណែត នៅទីស្ដីការគណៈរដ្ឋមន្ត្រី។
ទូរទស្សន៍ជាតិកម្ពុជាផ្សាយថា លោក ស៊ី ជីនពីង ចូលគាល់ព្រះមហាក្សត្រ ដើម្បីធ្វើព្រះរាជពិធីសវនាការ ប៉ុន្តែមិនបង្ហាញលទ្ធផលនៃសវនាការឬជំនួបនេះទេ។ ចំណែកជំនួបរវាងលោក ស៊ី ជីនពីង ជាមួយលោក ហ៊ុន សែន និងបន្ទាប់ជួបជាមួយលោកនាយករដ្ឋមន្ត្រី ហ៊ុន ម៉ាណែត ជាការសម្តែងការគួរសមផង និងដើម្បីពិភាក្សាការងារផង មុនឈានទៅដល់ពិធីចុះហត្ថលេខាលើឯកសារជាច្រើននៃរដ្ឋាភិបាលប្រទេសទាំងពីរ។
ភាគីកម្ពុជាអះអាងថា វត្តមានមេដឹកនាំចិននៅពេលនេះ ដើម្បីពង្រឹងទំនាក់ទំនងទ្វេភាគី ផ្លាស់ប្តូរយោបល់ស្ដីពីនយោបាយក្នុងតំបន់ និងអន្តរជាតិ ដើម្បីឱ្យចំណងមិត្តភាពជាប្រពៃណីកម្ពុជា-ចិន កាន់តែរឹងមាំថែមទៀត។
លោក ស៊ី ជីនពីង មកបំពេញទស្សនកិច្ចនៅកម្ពុជារយៈពេលពីរថ្ងៃ ចាប់ពីថ្ងៃទី១៧ ដល់ថ្ងៃទី១៨ ខែមេសា។ មុនចូលដល់កម្ពុជា លោក ស៊ី ជីនពីង បានទៅបំពេញទស្សនកិច្ចនៅប្រទេសម៉ាឡេស៊ី និងវៀតណាម៕
សូមរង់ចាំអានព័ត៌មានពិស្ដារជុំវិញរឿងនេះនាពេលឆាប់ៗ!
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។