ភ្នំពេញ : ក្រៅពីប្រកាសថា ខ្លួនមានដីមិនក្រោម២០ហិកតា ដែលមានតម្លៃថ្លៃរាប់ម៉ឺនដុល្លារនៅខេត្តសៀមរាបនោះ តារាចម្រៀងទើបហក់ចូលទ្រនំហង្សមាសនាង លាង សុផាឡែន ក៏ស្រាប់តែប្រកាសពីគម្រោងបើកមុខជំនួញ ចំណាយប្រាក់់ខ្ទង់សែនដុល្លារមួយទៀត។
Monday, 12 November 2012
ស៊ូ វុទ្ធី
ភ្នំពេញ ប៉ុស្តិ៍
តារាចម្រៀងរស្មីហង្សមាសនាង លាង សុផាឡែន។ រូបថត ឈឹម ស្រីនាង
ក្រោយពេលប្រឡូកក្នុង សិល្បៈជាច្រើនឆ្នាំ តារាសម្បុរស្រអែម លាង សុផាឡែន មានការប្រែប្រួលច្រើន ទាំងសម្រស់ និងជីវភាព។ ជាក់ស្តែង កន្លងមកនាងធ្លាប់ប្រាប់ថា មានដីស្រែប្រមាណម្ភៃហិកតាសម្រាប់ដាំស្រូវនៅខេត្តសៀមរាប ហើយនៅថ្ងៃក្រោយនាងក៏មានបំណងដាំដំឡូងមី និងកៅស៊ូផងដែរ។ ជាពិសេសថ្មីៗនេះ លាង សុផា ឡែន មានគម្រោងរៀបចំមុខជំនួញមួយបន្ថែមពីលើការងារសិល្បៈដែលនាងត្រៀម បោះទុនប្រមាណជាដប់ម៉ឺនដុល្លារ ។
ក្រៅពីបដិសេធមិនទាន់រំលេច ឈ្មោះមុខជំនួញនោះ តារាចម្រៀងចំណូលថ្មីរបស់ហង្សមាសសម្បូរក្បាច់រាំបែបអឺរ៉ុបរូប នេះបាននិយាយថា៖ «មុខរបរដែលខ្ញុំគ្រោងបោះទុនជាង១០ម៉ឺនដុល្លារនោះ ជារបរស្របច្បាប់ និងមិនជាន់ជាមួយតារាដទៃទេ ហើយពេលនេះខ្ញុំកំពុងគិតគូរ»។ នាងបានបន្តថា៖ «មុខរបរដែលខ្ញុំគ្រោងបើកនេះ អាចនឹងលេចរូបរាងក្នុងពេលឆាប់ៗនេះហើយ»។
បន្ថែមពីលើនេះ កញ្ញា លាង សុផាឡែន ក៏បានបង្ហើបឲ្យដឹងទៀតថា៖ «ក្រៅពីដីនៅសៀមរាបចំនួន២០ហិកតានោះ ខ្ញុំនៅមានដីចំនួនពីរកន្លែងនៅម្តុំសំរោងអណ្តែត ហើយដីនេះខ្ញុំមានបំណងនឹងសាងសង់ផ្ទះល្វែងទុកសម្រាប់ជួល»។
ដោយ សារសិល្បៈបានផ្លាស់ប្តូរខ្សែជីវិតអ្នកចម្រៀងម្នាក់នេះឲ្យមាន ជីវភាពរុងរឿងយ៉ាងរហ័ស បានធ្វើឲ្យអ្នកខ្លះមិនអស់ចិត្តពីភាពថ្កុំថ្កើងរបស់នាងព្រោះ តែសាវតារតារាចម្រៀងរូបនេះមិនមែនផុសចេញពីត្រកូលធូរធារនោះ។ ឆ្លើយតបទៅនឹងការសង្ស័យនេះ លាង សុផាឡែន បាន ប្រាប់ថា៖ «ភាពមានបាននេះមិនមែនរំពឹងតែលើអាជីពសិល្បៈខ្ញុំនោះដែរ។ អ្វីៗនេះ ជាសំណល់ពីឪពុកម្តាយផងដែរ និងម្យ៉ាងទៀតនេះបានពីការពូកែសន្សំរបស់ខ្ញុំជាច្រើនឆ្នាំមកនេះ »។
នាងបានបញ្ជាក់ថា៖ «ខ្ញុំពូកែសន្សំណាស់មិនសូវជាខ្ជះខ្ជាយនោះទេ ព្រោះថាខ្ញុំជាកូនផុសចេញពីត្រកូលអ្នកពិបាក ហើយទទួលបានឱកាស និងមានកេរ្តិ៍ឈ្មោះ នេះ ខ្ញុំគិតថា ខ្ញុំនឹងធ្វើឲ្យបច្ចុប្បន្នរបស់ខ្ញុំប្រែប្រួលផ្ទុយពីអតីតកាលឲ្យ ខាងតែបាន»។
ទោះជាមានគម្រោងអាជីវកម្មជាច្រើនមុខយ៉ាងនេះក្ដី ក៏ម្ចាស់ បទ រ៉េវឡនឆាលី រូបនេះអះអាងថា៖ «ខ្ញុំមិនទាន់មោទនភាពនូវអ្វីដែលខ្ញុំមានពេលនេះទេ ហើយខ្ញុំក៏នឹងព្យាយាមធ្វើការអភិវឌ្ឍបន្តទៀតធ្វើយ៉ាងណាឲ្យ កេរ្តិ៍ឈ្មោះសិល្បៈកាន់តែប្រសើរជាងនេះ»។
ថ្វីដ្បិតតែមិនទាន់ បញ្ចេញបទថ្មីសូម្បីតែមួយបទនៅលើទីផ្សារ គួបផ្សំនឹងអវត្តមានលើឆាកតន្ត្រីចុងសប្ដាហ៍ក៏រយាល ប៉ុន្តែ លាង សុផាឡែន បានប្រាប់ថា នាងត្រៀមចេញបទមនោសញ្ចេតនា និងបទញាក់នៅចុងខែតុលា ក្នុងទម្រង់ជាអាល់ប៊ុមម្នាក់ឯង។
នាង បានពន្យល់ទៀតថា៖ «ខ្ញុំព្យាយាមធ្វើអ្វីដែលល្អ មិនថាការហាត់ពត់សំឡេង ក្បាច់រាំ ការតុបតែងខ្លួន និងសម្លៀកបំពាក់ ធ្វើយ៉ាងណាឲ្យមានលក្ខណៈប្លែកជាងពីមុន និងឲ្យសាហាវ តែមិនសិចស៊ីនោះទេ។ ខ្ញុំរំពឹងថាបទចម្រៀងរបស់ខ្ញុំនឹងបានទទួលការគាំទ្រពីសំណាក់មហាជន»។
នៅពេលដែលសួរនាំពីបញ្ហាបេះដូង លាង សុផាឡែន ក៏បានបង្ហើបឲ្យដឹងដែរថា៖ «ខ្ញុំមានអ្នកស្រឡាញ់ច្រើន តែមិនទាន់មានអ្នកដែលខ្ញុំត្រូវជ្រើសរើសទេ»។
នាងថ្លែងថា៖ «ខ្ញុំប្រាប់តាមត្រង់ចុះ សង្សារចង់រកពេលណាក៏បានដែរ គ្រាន់តែខ្ញុំមិនទាន់ចង់។ សម័យនេះរៀបការអាយុច្រើនបន្តិចក៏មិនបញ្ហាអ្វីដែរ»៕
An ordinary people really can’t manage life style as one who always flip-flop, beside connection to the family of one who did look over behind. Anyway, that’s good dream to start off, as long as she keep a head straight , lucky to the man in her blacklist……