Posts by DTN7
December 24, 2013
កាលពីថ្ងៃទី២២ ខែធ្នូ ឆ្នាំ២០១៣ ឯកឧត្តម ម៉ៅ មុនីវណ្ណ អ្នកតំណាងរាស្ត្រជាប់ឆ្នោតនៅមណ្ឌលខេត្តកំពង់ចាម, ឯកឧត្តម ហូរ វ៉ាន់ អ្នកតំណាងរាស្ត្រជាប់ឆ្នោតនៅមណ្ឌលរាជធានីភ្នំពេញ និងឯកឧត្តម គួយ ប៊ុនរឿន អ្នកតំណាងរាស្ត្រជាប់ឆ្នោតនៅមណ្ឌលខេត្តកំពង់ចាម តំណាងឲ្យគណបក្សសង្គ្រោះជាតិ បានធ្វើលិខិតមួយច្បាប់ជូនដំណឹងដល់អាជ្ញាធរសាលារាជធានីភ្នំពេញ ស្តីពីការធ្វើបាតុកម្មអហិង្សានៅទីលានប្រជាធិបតេយ្យ និងការដង្ហែក្បួនបាតុកម្មដោយសន្តិវិធីចំនួន៤ថ្ងៃយ៉ាងតិច គឺថ្ងៃទី២៣-២៤-២៥-២៦ ខែធ្នូ ឆ្នាំ២០១៣ ហើយលិខិតជូនដំណឹងនេះត្រូវបានសាលារាជធានីភ្នំពេញទទួលនៅវេលាម៉ោង១០ព្រឹក នាថ្ងៃទី២៣ ខែធ្នូ ឆ្នាំ២០១៣ម្សិលមិញនេះ ។
ក្រោយមកសាលារាជធានីភ្នំពេញបានចេញលិខិតផ្លូវការមួយច្បាប់លេខ៨៥៣ឆត.ចសម ចុះថ្ងៃទី២៣ ខែធ្នូ ឆ្នាំ២០១៣ ជម្រាបជូនឯកឧត្តម ម៉ៅ មុនីវណ្ណ, ឯកឧត្តម ហូរ វ៉ាន់ និងឯកឧត្តម គួយ ប៊ុនរឿន អ្នកដឹកនាំបាតុកម្មរបស់គណបក្សសង្គ្រោះជាតិវិញថា "សាលារាជធានីភ្នំពេញមានការសោកស្តាយដែលមិនអាចឆ្លើយតបបាន ព្រោះអនុលោមតាមច្បាប់ស្តីពីការធ្វើបាតុកម្មដោយសន្តិវិធី មាត្រា៧ចែងថា លិខិតជូនដំណឹងត្រូវដាក់ទៅសាលារាជធានី ឬសាលាខេត្តយ៉ាងហោចណាស់៥ថ្ងៃនៃថ្ងៃធ្វើការមុនពេលកំណត់នៃការធ្វើបាតុកម្មដោយសន្តិវិធី ។" ។
អនុលោមតាមស្មារតីលិខិតលេខ៨៥៣ឆត.ចសម ចុះថ្ងៃទី២៣ ខែធ្នូ ឆ្នាំ២០១៣ របស់សាលារាជធានីភ្នំពេញ ចុះហត្ថលេខាដោយលោក ឃួង ស្រេង ជាអភិបាលរងរាជធានីភ្នំពេញ ដែលមិនអាចឆ្លើយតបបានទៅនឹងសំណើ ឬការជូនដំណឹងរបស់អ្នកដឹកនាំបាតុកម្មគណបក្សសង្គ្រោះជាតិនោះ គឺបានបង្ហាញឲ្យឃើញថា បាតុកម្មរបស់គណបក្សសង្គ្រោះជាតិចាកចេញផុតពីការដឹងឮរបស់អាជ្ញាធរសាលារាជធានីភ្នំពេញហើយ ។
សូមរំលឹកជូនដែរថា ឆ្លុះបញ្ចាំងតាមរយៈការធ្វើមហាបាតុកម្មរបស់គណបក្សសង្គ្រោះជាតិនាពេលកន្លងមក ក៏ដូចបច្ចុប្បន្ន គឺច្បាប់ទាំងឡាយដែលតាក់តែងឡើង និងអនុវត្តន៍ដោយគណបក្សប្រជាជនកម្ពុជា ជាគណបក្សនយោបាយកាន់កាប់អំណាចដុះស្លែនៅកម្ពុជា ជាពិសេសច្បាប់ស្តីពីការធ្វើបាតុកម្មដោយសន្តិវិធី ដែលប្រកាសឲ្យប្រើដោយព្រះរាជក្រមលេខនស/រកម/១២០៩/០២៥ ចុះថ្ងៃទី០៥ ខែធ្នូ ឆ្នាំ២០០៩នោះ មិនមានប្រសិទ្ធភាពទៅលើគណបក្សសង្គ្រោះជាតិ ដែលជាគណបក្សនយោបាយប្រឆាំងដ៏ធំតែមួយគត់នៅកម្ពុជាទេ ដ្បិតគណបក្សប្រឆាំងតែងបានចោទប្រកាន់ថា ច្បាប់មួយចំនួនត្រូវបានគណបក្សកាន់អំណាចបង្កើតឡើងដើម្បីបំបិទសិទ្ធិសេរីភាពប្រជាពលរដ្ឋ និងទុកជាខែលការពារអំណាចឲ្យគណបក្សនយោបាយ និងក្រុមរបស់ខ្លួនច្រើនជាងការពារផលប្រយោជន៍របស់ប្រជាពលរដ្ឋ ៕
គេមិនអាចធ្វើតាមច្បាប់របស់សាលាក្រុងដែលតាក់តែឡើងដោយបក្សប្រជាជនតែមម្នាក់ឯងនោះ បានទេ។ បាតុកម្មនេះនិងអនុវត្តតាមរដ្ឋធម្មនុញ្ញចែងថាមុននិងរៀបចំបាតុកម្មបាតុករត្រូវតែសសេរ លិខិតជូនដំណឹងទៅអាជ្ញាធរទៅបានហើយ មិនចាំបាច់រង់ចាំការអនុញ្ញាតឬមិនអនុញ្ញាពីអាជ្ញាធរ នោះទេ។ ច្បាប់ឡប់ឡែរតាក់តែងឡើងដោយបក្សប្រជាជនតែម្នាក់ឯងមិនអាចយកមកដាក់កំហិត លើប្រជាពលរដ្ឋទូរទៅបាននោះទេទុកសម្រាប់អនុវត្តចំពោះតែបក្សប្រជាជនហ្នុងទៅពួកអាយ៉ង យួន។
。 ច្បាប់ ធ្វើ ការពារ តែ បក្សពួក ខ្លួន ! ចំណែកច្បាប់ ការពារ ប្រជាពលរដ្ឋ នៅ អែណា ? !
ដូច ជា ឃាតករ សម្លាប់ លោក ជា វីជា ពិតប្រាកដ ពេលណាចាប់បាន ! (( លោក ប៊ន សំណាង
និង លោក សុខ សំអឿន ចោទ គាត់ ទាំងបំពាន ដាក់គុកលេង ចឹងទៅ នេះ ឬ ច្បាប់
របស់ លោកអែង ， អោយតែ គ្មានយុត្តិធម៍ គឺ គ្មានសេចក្តី សុខនោះ ទេ ! ))
«« សងសឹក ពីមុខ មិនបាន សងសឹក ពី ចំហៀង ពីក្រោយ ! សូមជំរាបអ្នក បំពានលើគេ ! »»