ការតវ៉ារបស់អតីតអ្នកភូមិបឹងកក់ ដើម្បីទាមទារសំណងបន្ថែមពីអាជ្ញាធរក្នុងរឿងជម្លៀសពលរដ្ឋចេញពីលំនៅឋាន ប្រែក្លាយជាអំពើហិង្សាបំផ្លាញកញ្ចក់ក្ដារខៀនព័ត៌មានរបស់សាលារាជធានីភ្នំពេញ។
ដោយ វណ្ណ វិចារ
2013-12-24
RFA
អតីតអ្នកបឹងកក់ និងព្រះសង្ឃ ប៉ះទង្គិចជាមួយសមត្ថកិច្ចនៅខាងមុខសាលារាជធានីភ្នំពេញ កាលពីរសៀលថ្ងៃទី២៤ ធ្នូ ឆ្នាំ២០១៣។ RFA/Uon Chhin
ពលរដ្ឋទាំងនោះចាប់ផ្ដើមតវ៉ានៅថ្ងៃទី២៣ ខែធ្នូ និងបន្តតវ៉ានៅព្រឹកថ្ងៃទី២៤ ខែធ្នូ ដោយមានការចូលរួមជួយតវ៉ាពីសំណាក់ព្រះសង្ឃមួយក្រុមដែលគាំទ្របាតុកម្មបក្សសង្គ្រោះជាតិ។
នៅព្រឹកថ្ងៃទី២៤ ខែធ្នូ ព្រះសង្ឃបួនអង្គដែលចូលរួមធ្វើបាតុកម្មបិទផ្លូវនៅមុខសាលារាជធានី ត្រូវបានក្រុមសន្តិសុខខណ្ឌដូនពេញវាយ។ បន្ទាប់មកនៅម៉ោងជាង ១រសៀល ក្រុមព្រះសង្ឃរាប់សិបអង្គបានចេញមកបិទផ្លូវមុខសាលារាជធានី និងមានថេរដីកាទាមទារឲ្យអាជ្ញាធរសូមខមាទោសចំពោះទង្វើហិង្សាលើព្រះសង្ឃ ប៉ុន្តែក្រុមអាជ្ញាធរមិនបានចេញតាមការទាមទារឡើយ។
ក្រុមពលរដ្ឋនិងព្រះសង្ឃខ្លះបានអន់ព្រះទ័យ និងខឹងសម្បាចំពោះការត្រៀមកម្លាំងបង្ក្រាបរបស់សមត្ថកិច្ច ហើយក៏ឈានដល់ការគប់បំបែកកញ្ចក់ផ្ទាំងក្ដារខៀនព័ត៌មាន និងពិព័រណ៍រូបថត បែកអស់គ្មានសល់។
អំពើហិង្សាត្រូវបានស្ងប់ទៅវិញ បន្ទាប់ពីមេដឹកនាំព្រះសង្ឃធ្វើបាតុកម្ម ព្រះតេជព្រះគុណ ប៊ុត ប៊ុនតិញ ប្រកាសរំសាយការតវ៉ា ដោយសារបារម្ភពីអំពើហិង្សារវាងក្រុមពលរដ្ឋដែលឈរមើលការតវ៉ា និងក្រុមអាជ្ញាធរប៉េអឹម។ ប៉ុន្តែក្រុមព្រះសង្ឃទាំងនោះមានថេរដីកាថា នឹងបន្តការតវ៉ាជាថ្មីទៀត រហូតដល់អាជ្ញាធរថ្វាយបង្គំសូមខមាទោសចំពោះការប្រើប្រាស់អំពើហិង្សាវាយលើព្រះសង្ឃ។
ទាក់ទងនឹងបញ្ហានេះ មេបញ្ជាការកងរាជអាវុធហត្ថរាជធានីភ្នំពេញ លោក រ័ត្ន ស្រ៊ាង ដែលដឹកនាំកម្លាំងអាវុធហត្ថការពារសាលារាជធានី បានចេញមុខមកជួបពលរដ្ឋ និងសម្រួលការកកស្ទះចរាចរណ៍។ ប៉ុន្តែលោកបដិសេធមិនឆ្លើយឡើយថា អាជ្ញាធរនឹងចាត់ការបែបណាចំពោះការវាយបំបែកកញ្ចក់ផ្ទាំងក្ដារខៀនព័ត៌មានរបស់សាលារាជធានីភ្នំពេញនោះ។
នៅថ្ងៃទី២៤ ខែធ្នូ សាលារាជធានីភ្នំពេញ បានបិទទ្វារមិនទទួលប្រជាពលរដ្ឋដែលមកស្វែងរកសេវាបញ្ជាក់លិខិតស្នាមផ្សេងៗនោះឡើយ ដោយមន្ត្រីសាលារាជធានីឲ្យពលរដ្ឋទាំងនោះត្រឡប់ទៅផ្ទះវិញ រង់ចាំសភាពការណ៍ស្ងប់ស្ងាត់សិន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ៕
អត្ថបទដែលទាក់ទង
- កម្មករស្ទើរទូទាំងប្រទេសធ្វើបាតុកម្មទាមទារដំឡើងប្រាក់ខែគោល១៦0ដុល្លារ
- គ្រូពេទ្យអំពាវនាវឲ្យបាតុករសង្គ្រោះជាតិរក្សាអនាម័យ
- លោក សម រង្ស៊ី ចូលរួមតវ៉ាដំឡើងប្រាក់ខែឲ្យកម្មករនៅក្រុងបាវិត
- ម្ចាស់ឡានខ្មែរតវ៉ាបិទផ្លូវនៅគល់ស្ពានមិត្តភាពកម្ពុជា-ថៃ
- បក្សប្រឆាំងហែក្បួនបាតុកម្មឈានដល់ថ្ងៃទី៩
- អតីតអ្នកបឹងកក់តវ៉ាទាមទារសំណងពីសាលារាជធានី
- ពលរដ្ឋនៅស្វាយរៀងតវ៉ាថាតុលាការកាត់ក្តីអយុត្តិធម៌
- ក្រុមមគ្គុទ្ទេសក៍ខ្មែរនិយាយភាសាកូរ៉េ នៅខេត្តសៀមរាប ព្រមានធ្វើកូដកម្ម
- ពលរដ្ឋមានបញ្ហាដីធ្លីតាមខេត្តមួយចំនួនចូលរួមបាតុកម្មជាមួយបក្សសង្គ្រោះជាតិ
these low class citizen was violated rights- city hall,
they are deserving to be arrested & jail times
១. ប្លន់ដីរាស្រ្ត យកទៅធ្វើមានបានសម្រាប់បក្ខពួកនិងគ្រួសារខ្លួន ស្មានតែបានសុខ???
២. ឈាមស្រែក ស្បែកហៅ ថ្ងៃអន្សារជិតមកដលហើយ!!!!
៣. ប្លន់ដីរាស្រ្តគ្រប់កន្លែង តាមរយៈអនុក្រឹតនិងសជណ!! ពួកអានរក ឆ្ងល់តែវាធ្វើទៅកើត?? ទោះវាមិនបានចូលសាលា ប៉ុន្តែម៉ែវាអត់ប្រដៅវាថាត្រូវធ្វើល្អ គេធ្វើយ៉ាងម៉េចទេឬ?? អាត្រកូលហ៊ុន ជាពួកបីសាចជញ្ជក់ឈាម!!
CAN ANY BODY IN CPP GOV ANSWER MY QUESTION.WHAT GOING ON 1st WHO STARTED THIS PROBLEM PLLE IN BANGKOK OR THIS HUN SEN GOV.WHY THIS GOV CAN NOT MAKE THIS PROBLEM GO AWAY.ALL LEADERS IN THE WORLD KNEW THIS PROBLEM HAPPEN MANY YEARS.WHEN THEY COMPLAN ABOUT HUMANRIGHT THIS GOV ALWAY FITING BACK TO THEM.THEY SAID IT NO SENSE TO TALK TO MANTAL PERSON. THEY DO NOT CARE ABOUT THIS GOV. AL THEY CARE IS CAMBODIAN PPLE. IT ABOUT TIM THAT THIS GOV STOP MAKING THIS PPLE CRYING.PEACE TO ALL CAMBODIAN THANK YOU