ដោយ៖ ថុល ស្រីលក្ខណ៍ និង ពៅ មេត្តា
ថ្ងៃអង្គារ៍ ទី24 ខែធ្នូ ឆ្នាំ2013
http://vodhotnews.com
ក្រសួងការងារសម្រេចដំឡើងប្រាក់ឈ្នួលដល់កម្មករ ក្នុង១ឆ្នាំជាង១០ដុល្លា ក្នុងរយៈពេល៥ឆ្នាំ ចាប់ពីដើមឆ្នាំ២០១៤ខាងមុខនេះ ខណៈសហជីព និងកម្មករចង់ឲ្យបានដល់១៥៤ដុល្លា ឬ ១៦០ដុល្លា ក្នុង១ខែ ទើបអាចមានជីវភាពសមរម្យបាន។
ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជាលោក អាត់ ធន់ មានប្រសាសន៍ថា បន្ទាប់ពីកិច្ចប្រជុំរវាងក្រសួងពាក់ព័ន្ធ តំណាងថៅកែរោងចក្រ និងក្រុមសហជីពកាលពីព្រឹកមិញនេះ ក្រសួងការងារបានសម្រេចដំឡើងប្រាក់ឈ្នួលដល់កម្មកររោងចក្រកាត់ដេរក្នុងរយៈ១ឆ្នាំៗ ចាប់ពី១៥ដុល្លា ដល់១៧ដុល្លារ ក្នុងរយៈពេល៥ឆ្នាំ ចាប់ពីឆ្នាំ២០១៤ដល់ឆ្នាំ២០១៨។ លោកថា បើបូកជាមួយប្រាក់ខែគោលមានស្រាប់ចំនួន៨០ដុល្លារនៅឆ្នាំ២០១៤នេះ កម្មករអាចទទួលបានប្រាក់ខែគោលចំនួន៩៥ដុល្លារ ហើយរហូតដល់ឆ្នាំ២០១៨ ទើបកម្មករទទួលបានប្រាក់ខែគោល១៦០ដុល្លា។
បន្ទាប់ពីកិច្ចប្រជុំបានបញ្ចប់ តំណាងកម្មករប្រមាណ៤០០នាក់ មកពីបណ្តារោងចក្រផ្សេងៗមកពីតាមខេត្ត បានបិទផ្លូវសហព័ន្ធរ៉ូស៊ី ខាងមុខក្រសួងការកន្លះម៉ោងទើបបើកផ្លូវហើយរំសាយត្រលប់ទៅផ្ទះវិញ ។
លោក អាត់ ធន់ បានហៅការដំឡើងប្រាក់ឈ្នួលនេះថា ជាការបរាជ័យក្នុងការឆ្លើយតបទៅនឹងតម្រូវការរបស់កម្មករ ស្របពេលដែលទំនិញឡើងថ្លៃបាននោះទេ។ លោកថា ក្រុមសហជីព និងកម្មករមិនអាចទទួលយកការតម្លើងប្រាក់ឈ្នួលតិចតួចនេបានទេ ហើយពួកគាត់នឹងបន្តការទាមទារតទៅទៀត។
រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈលោក អ៊ិត សំហេង ថ្លែងក្រោយពេលប្រជុំថា ការសម្រេចរបស់ក្រុមប្រឹក្សាការងារគឺជាដំណើរការមួយឈានទៅរកការជួយជីវភាពកម្មករឲ្យល្អប្រសើរ គឺដំឡើងប្រាក់ខែគោលទៅតាមលទ្ធភាព។
កាលពីថ្ងៃទី១៨ខែធ្នូឆ្នាំ២០១៣ មានសហព័ន្ធសហជីពចំនួន១៨ បានសម្រេចយករូបមន្ត ទី៣ របស់ក្រសួងការងារ និង បណ្តុះបណ្តាលវិជ្ជាជីវៈ អំពីប្រាក់ឈ្នូលអប្បបរមា គឺ៨០ដុល្លារ បូក៨០ដុល្លារ ស្មើនឹង១៦០ដុល្លារក្នុងមួយខែដំឡើង៥ឆ្នាំ ដោយមិនបូកបញ្ជូលប្រាក់អត្ថ ប្រ យោជន៍ផ្សេងៗ។
សេចក្តីថ្លែងការណ៍ចុះហត្ថលេខាដោយលោករ៉ុងឈុន ប្រធានសហភាពសហជីព កម្ពុជាចេញផ្សាយនៅថ្ងៃទី២៣ខែធ្នូនេះ បានព្រមានថា បើការសម្រេចរបស់ក្រុមប្រឹក្សាការងារលើប្រាក់ឈ្នួលអប្បបរមានៅថ្ងៃនេះ ផ្ទុយពីសំណើរបស់សហជីពនោះ នឹងផ្ទុះមហាកូដកម្ម ឬបាតុ កម្មនៅតាមបណ្តោរោងចក្រទូទាំងប្រទេស៕ ថុល ស្រីលក្ខណ៍
សូមសរសេរមកកាន់អ្នកនាងថុល ស្រីលក្ខណ៍ sreyleak@vodhotnews.com
សូមជួយតំឡើងប្រាក់ខែខ្ញុំផង (៥៤ម៉ឺនរៀល បច្ចុប្បន្ន) ខ្ញុំធ្វការតាំងពី១៩៩១បន្ទាប់ពីបញ្ចប់Msc.នៅសកលវិទ្យាល័យ១នៅក្រៅប្រទេសនិងក្រោយមកបញ្ចប់MBA នៅប្រទេស១នៅអ៊ឺរុបខាងលិច។ធ្វើការ២០ឆ្នាំសូម្បីកាំប្រាក់មិនឡើងផង។
បើពួកក្បត់បក្ស ក្បត់គ្នា ពួករ់ត់ចោលជួរហ៊្វុនស៊ិនប៉ិចអីក៏ឡើងច្រើនម្លេះ??
បើក្នុងជួរបក្សប្រជាជនវិញអ្នកខ្លះមិនដែលធ្វើរាជការផង ខ្លះទៀតចេះតែជេរគរតាមហ្វេសប៊ុកសម័យបោះឆ្នោតស្រាប់តែលេចមុខជាអនុរដ្ឋលេខាធិការ រដ្ឋលេខាធិការ។ល។
បែណ្ឌីតជា ក្នុយ(សមាជិកCPPតាំពី១៩៧៩)
ពួក លោក តម្លើង ប្រាក់ខែ អោយ កម្មករ មិនបាន ១៥០ ដុល្លារ ក្នុង ១ ខែ សូមអញ្ជើញ អែប
ទៅ កៀន ជញ្ជាំង ទៅ កុំ នៅ ទើស កន្លែង ! ទុក កន្លែង អោយ អ្នកមាន សមត្ថភាព គាត់ ធ្វើម្តង !