ដោយ ឡេង ម៉ាលី
2017-07-18
RFA
ស្ដាប់ ឬ ទាញយកសំឡេង
ទិដ្ឋភាពអគារប៊ូឌីង នៅថ្ងៃទី១៤ កក្កដា ឆ្នាំ២០១៧។ RFA/Brach Chev
បញ្ហាដីធ្លីរវាងប្រជាពលរដ្ឋ ក្រុមហ៊ុន និងអាជ្ញាធរនៅរាជធានីភ្នំពេញ បានក្លាយជាវិវាទរ៉ាំរ៉ៃដោះស្រាយមិនដាច់ស្រេច និងអូសបន្លាយរាប់ឆ្នាំរហូតមកដល់បច្ចុប្បន្ននេះ។ ទោះជាយ៉ាងនេះក្ដី ពលរដ្ឋមើលឃើញការដោះស្រាយបញ្ហានៅអគារស ឬហៅថាអគារប៊ូឌីង ជាយន្តការដោះស្រាយបានឆាប់រហ័ស។
ទាំងពលរដ្ឋដែលមានទំនាស់ដីធ្លីនៅរាជធានីភ្នំពេញ និងអង្គការមិនមែនរដ្ឋាភិបាល សុទ្ធតែបញ្ចេញទស្សនៈសាទរចំពោះយន្តការដោះស្រាយបញ្ហាដីធ្លី ដែលប៉ះពាល់ដោយសារការអភិវឌ្ឍនៅអគារស ហៅថាអគារប៊ូឌីងកាលពីប៉ុន្មានថ្ងៃមុននេះ ថាជាយន្តការល្អមួយ។
តំណាងអ្នកបឹងកក់ ដែលមានបញ្ហាដីធ្លីជាមួយក្រុមហ៊ុន ស៊ូកាគូ (Shukaku) ដែលទទួលបានសិទ្ធិអភិវឌ្ឍន៍នៅតំបន់បឹងកក់តាំងពីឆ្នាំ២០១១ គឺលោកស្រី បូវ សោភា សរសើរដល់ការដោះស្រាយផលប៉ះពាល់នៅអគារស ហៅអគារប៊ូឌីង ថាជាការគិតពីផលប្រយោជន៍ប្រជាពលរដ្ឋ៖ «»។
លោកស្រីឲ្យដឹងថា នៅពេលនេះមានអ្នកភូមិបឹងកក់សរុបចំនួន ២៥គ្រួសារទៀតដែលមិនទាន់ដោះស្រាយចប់។
ដោយឡែកអ្នកបុរីកីឡាដែលមានបញ្ហាជាមួយក្រុមហ៊ុន ផាន អ៊ីម៉ិច (Phan Imex) របស់អ្នកស្រី ស៊ុយ សុផាន ក៏បានអូសបន្លាយជាច្រើនឆ្នាំមកហើយ នៅតែមិនទាន់ដោះស្រាយចប់ដែរ។ យ៉ាងហោចណាស់មានពលរដ្ឋរស់នៅបុរីកីឡា ១៤គ្រួសារទៀតដែលនៅបន្តការទាមទាររកដំណោះស្រាយ។
ទាក់ទងនឹងការដោះស្រាយបញ្ហានៅអគារប៊ូឌីង តំណាងសហគមន៍បុរីកីឡាដែលនៅសេសសល់ គឺលោកស្រី សរ ស៊ន មានប្រសាសន៍ថា លោកស្រីចង់បានការដោះស្រាយដូចគ្នានេះដែរ ព្រោះជាការដោះស្រាយដែលអាចទទួលយកបាន៖ «»។
ទន្ទឹមគ្នានេះ ប្រធានគ្រប់គ្រងការិយាល័យស៊ើបអង្កេតសិទ្ធិមនុស្សនៃអង្គការលីកាដូ (LICADHO) លោក អំ សំអាត ចាត់ទុកការដោះស្រាយបញ្ហាប៉ះពាល់នៅអគារប៊ូឌីង ថាជាគំរូដែលអង្គការសង្គមស៊ីវិលចង់ឃើញជាយូរមកហើយ៖ «»។
ការដោះស្រាយបញ្ហាដីធ្លីចំពោះពលរដ្ឋដែលប៉ះពាល់ពីការអភិវឌ្ឍនៅតំបន់មួយចំនួនកន្លងទៅ សុទ្ធតែបន្សល់ទុកភាពមិនដាច់ស្រេច ហើយមិនទទួលយកបានគ្រប់គ្នា ដែលជាហេតុធ្វើឲ្យមានអ្នកនៅបន្តការតវ៉ា តួយ៉ាងដូចជាអតីតអ្នកបឹងកក់ម្នាក់ គឺលោកស្រី ស៊ា ណារ៉េត ដែលតែងចេញទាមទាររកសំណងបន្ថែមទៀតពីសាលារាជធានីភ្នំពេញ៖ «»។
ក្រៅពីអ្នកបឹងកក់ បុរីកីឡា សហគមន៍ថ្មគោល អេស.អូ.អេស (SOS) និងអ្នកទៅនៅទីតាំងភ្នំបាត ឯខេត្តកណ្ដាល និងពលរដ្ឋដែលរស់នៅតាមសងខាងផ្លូវរថភ្លើងចំនួន ៨សហគមន៍នៅខណ្ឌទួលគោក ក៏កំពុងបារម្ភផលប៉ះពាល់ពីការអភិវឌ្ឍផ្លូវរថភ្លើងរបស់រដ្ឋាភិបាលដែរ។ ពួកគាត់សុទ្ធតែចង់ឲ្យអាជ្ញាធរសាលារាជធានីភ្នំពេញ ដោះស្រាយសំណងសមរម្យទទួលយកបានតាមគំរូនៅអគារប៊ូឌីង៕