លោក អ៊ុក ពេជ្រសំណាង ពេលត្រូវបានបញ្ជូនឡើងតុលាការនាពេលកន្លងមក។ ហុង មិនា
Mon, 25 September 2017
គឹម សារុំ
ភ្នំពេញប៉ុស្តិ៍
ភ្នំពេញៈ សកម្មជនគណបក្សសង្គ្រោះជាតិ លោក អ៊ុក ពេជ្រសំណាង ដែលជាប់ចោទពីបទដឹកនាំបាតុកម្មនៅមុខផ្ទះលោកនាយករដ្ឋមន្រ្តី កាលពីឆ្នាំ ២០១៤ ហើយបានដល់ឆ្នាំត្រូវដោះលែង ប៉ុន្តែនៅបន្តជាប់ពន្ធនាគារក្នុងបទចោទ ៥ ទៀតបានរិះគន់តុលាការកំពូលពីការមិនដាក់បាវចនាក្នុងបន្ទប់សវនាការ ខណៈស្ថាប័ននេះជាតំណាងឲ្យយុត្តិធម៌របស់ប្រទេស។
ថ្លែងក្នុងបន្ទប់មុនពេលបើកសវនាការ លោក អ៊ុក ពេជ្រសំណាង បានរិះគន់ខ្លាំងៗដល់តុលាការនិងរដ្ឋាភិបាលថា៖ «បាវចនាតំណាងឲ្យជាតិតែបើស្ថាប័នមួយគ្មានបាវចនាត្រឹមត្រូវទេនោះនយោបាយប្រទេសជាតិក៏ពិបាកដែរ។ ក្នុងបន្ទប់សវនាការគ្មានដាក់តាំងបាវចនាជាតិទេ បើតុលាការគ្មានស្ថិរភាពបែបនេះ អីចឹងចង់ចោទឬយកអីមកដាក់ក៏បានដែរ។ ឯប្រទេសមានតែការធ្វើទារុណកម្មដោយសារតែនយោបាយឆ្កួត។
លោកថា៖ «អ្នកដែលមិនហ៊ានតវ៉ា គឺអ្នកនោះបានសុខខ្លួន តែបើអ្នកហ៊ានតវ៉ាបានដេកគុក។ មុខពួកឯងនេះបានតែកាត់ទោសជាមួយអ្នកស្នេហាជាតិទេ ហើយបើកាត់ក្តីលើឧក្រិដ្ឋជនវិញអ្នកឯងស៊ីលុយគេហើយ។ យើងដឹងហើយថា ថ្ងៃនេះតុលាការមិនបានកាត់ក្តីឲ្យយើងបានត្រឹមត្រូវទេ។
លោក អ៊ុក ពេជ្រសំណាង ត្រូវតុលាការថ្នាក់ក្រោមចោទក្នុង ៦ បទល្មើសពាក់ព័ន្ធបទចូលរួមបាតុកម្មនៅខាងជើងនាគបាញ់ទឹកក្បែរផ្ទះលោកនាយករដ្ឋមន្រ្តីកាលពីថ្ងៃទី ២០ ខែ តុលា ឆ្នាំ ២០១៤ ហើយត្រូវសាលាដំបូងរាជធានីភ្នំពេញផ្តន្ទាទោស ២ ឆ្នាំចោទពីបទ «ហិង្សាដោយចេតនាមានស្ថានទម្ងន់ទោសនិងបទប្រឆាំងនឹងអ្នករាជការសាធារណៈ និងពិន័យប្រាក់ ៤ លានរៀលចូលថវិការដ្ឋនិងបង្គាប់ឲ្យសងជំងឺចិត្តសន្តិសុខខណ្ឌដូនពេញម្នាក់ឈ្មោះ គឹម វុត្ថា ចំនួន ១០ លានរៀល។
យ៉ាងណាក្ដីសំណុំរឿងនេះក្រោយពីអនុវត្តទោសចប់ត្រូវតុលាការដោះលែងនៅថ្ងៃទី១១ខែវិច្ឆិកាឆ្នាំ២០១៦។ ប៉ុន្តែតុលាការបានលើករឿងនេះមកជំនុំជម្រះថ្ងៃនេះតាមបណ្តឹងរបស់លោក អ៊ុក ពេជ្រសំណាង ដែលគាត់ចង់បញ្ជាក់ពីភាពស្អាតស្អំថា មិនបានប្រព្រឹត្តដូចការចោទរបស់តុលាការឡើយ។
គួររំឭកថា កាលពីថ្ងៃទី ២០ ខែតុលាឆ្នាំ ២០១៤ មានពលរដ្ឋមកពីខេត្តព្រះវិហារប្រមាណ ១០០ នាក់បំណងមកដាក់ញត្តិនៅខុទ្ទកាល័យលោកនាយករដ្ឋមន្រ្តីក្បែរវិមានឯករាជ្យ។ ប៉ុន្តែត្រូវបានសន្តិសុខខណ្ឌដូនពេញនិងនគរបាលចរាចរណ៍រារាំងផ្លូវ តែត្រូវលោក អ៊ុក ពេជ្រសំណាង ដែលបើកម៉ូតូកង់បីបានបើកបុកបារ៉ាសហើយក៏មានការវាយតប់គ្នាជាមួយកងសន្តិសុខផងដែរ។
លោកព្រះរាជអាជ្ញា ចាន់ តារារស្មី តំណាងមហាអយ្យការសន្និដ្ឋានថា តាមអង្គហេតុ មានកងសន្តិសុខ ៥ នាក់បានប្តឹងជនជាប់ចោទហើយតាមចម្លើយរបស់ក្រុមជនរងគ្រោះថានៅថ្ងៃនោះពួកគេបានដាក់បារ៉ាសមិនឲ្យក្បួនហែរទៅភូមិគ្រឹះលោកនាយករដ្ឋមន្ត្រី ហ៊ុន សែន ប៉ុន្តែជនជាប់ចោទបានជិះបំបុកបារ៉ាសហើយវាយពួកគេឲ្យរបួសដែលត្រូវព្យាបាលអស់ពី ៤០០ ទៅ ៧០០ ដុល្លារ។
លោកបន្តថា៖ «តាមសាក្សីជាសន្តិសុខនិងប៉ូលិសរួមអង្គហេតុបញ្ជាក់ថា ជនជាប់ចោទពិតជាបានប្រព្រឹត្តដូចការចោទមែន។ ខ្ញុំសូមក្រុមប្រឹក្សាពិចារណារឿងនេះនិងតម្កល់សាលដីការបស់សាលាឧទ្ធរណ៍នៅដដែល»។
លោក លី សុចិត្រា មេធាវិការពារសិទ្ធិឲ្យលោក អ៊ុក ពេជ្រសំណាង សន្និដ្ឋានថា រឿងនេះកូនក្តីលោកគ្រាន់តែដឹកនាំក្រុមពលរដ្ឋទៅដាក់ញាត្តិប៉ុណ្ណោះរឿងទំនាស់ដីធ្លីនៅខេត្ត ព្រះវិហារ ប៉ុន្តែពេលរុញច្រានគ្នានោះកូនក្តីលោកត្រូវកងសន្តិសុខវាយបែកក្បាលនិងរបួសដងខ្លួនយ៉ាងដំណំ។
លោកថ្លែងថា៖ «ក្នុងរឿងនេះពុំមានសាក្សីណាបញ្ជាក់ថា កូនក្តីខ្ញុំប្រព្រឹត្តទេ ឯតុលាការដាក់ទោសកូនក្តីខ្ញុំធ្វើតាមតែបណ្តឹងរបស់កងសន្តិសុខប៉ុណ្ណោះ។ ខ្ញុំសូមតុលាការពិចារណាឲ្យកូនក្តីខ្ញុំរួចផុតពីសំណង»។
ក្រោយជំនុំជម្រះលោកចៅក្រម ឃឹម ប៉ុណ្ណ ប្រធានក្រុមប្រឹក្សាជំនុំជម្រះថ្លែងថា សាលដីកានេះប្រកាសនៅថ្ងៃទី ២ ខែតុលា ឆ្នាំ ២០១៧៕
Veitcong court is controlled by veitcong mafia dictator one eye veitcong mafia dictator one eye is controlled by veitcong germs ‘veitcong germs controlled by angka lour in ha noi so don’t expect justice in this veitcong puppet government ‘ No way unless have a green light from hanoi ‘look at this veitcong court never obey constitution or law&order so people must think and study from the pass and present and thinking about future’ all kon khmer must wake up. GOD bless all cambodian people’