ដោយ មាន ឫទ្ធិ
2018-07-24
RFA
អ្នកស្រីរ៉ូណា ស្មីត (Rhona Smith) អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា។ រូបពីទំព័រហ្វេសប៊ុករបស់ UNOHCHR
អ្នករាយការណ៍ពិសេសអង្គការសហប្រជាជាតិទទួលបន្ទុកផ្នែកសិទ្ធិមនុស្សនៅកម្ពុជា អ្នកស្រី រ៉ូណា ស្មីត (Rhona Smith) ជាថ្មីម្ដងទៀត គូសបញ្ជាក់អំពីសារៈសំខាន់ និងភាពស្របច្បាប់ នៃការអនុវត្តសិទ្ធិរបស់ប្រជាពលរដ្ឋខ្មែរ ក្នុងការសម្រេចចិត្តទៅបោះឆ្នោត ឬមិនទៅបោះឆ្នោត នៅថ្ងៃបោះឆ្នោតជាតិ ថ្ងៃទី២៩ កក្កដា ខាងមុខនេះ។
ការគូសបញ្ជាក់សាថ្មីម្ដងទៀតរបស់អ្នករាយការណ៍ពិសេសអង្គការសហប្រជាជាតិរូបនេះ ធ្វើឡើងឆ្លើយតបទៅនឹងសេចក្ដីថ្លែងការណ៍របស់អ្នកនាំពាក្យក្រសួងការបរទេស កាលពីថ្ងៃទី២៣ កក្កដា ដែលបានសម្ដែងក្តីសោកស្ដាយយ៉ាងខ្លាំងចំពោះការបារម្ភរបស់អ្នកស្រីជុំវិញការបោះឆ្នោតដ៏ចម្រូងចម្រាសនេះ។
ថ្លែងប្រាប់អាស៊ីសេរី នៅថ្ងៃទី២៤ កក្កដានេះ តាមរយៈឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា តាមសារអេឡិចត្រូនិច អ្នករាយការណ៍ពិសេសអង្គការសហប្រជាជាតិ អ្នកស្រី រ៉ូណា ស្មីត បញ្ជាក់ថា ច្បាប់របស់កម្ពុជា អនុញ្ញាតឲ្យប្រជាពលរដ្ឋកម្ពុជា មានសិទ្ធិសម្រេច ឬជ្រើសរើស ថាតើគួរទៅបោះឆ្នោត ឬមិនទៅបោះឆ្នោត។ អ្នកស្រីថា អ្នកបោះឆ្នោតទាំងអស់ គួរតែអាចអនុវត្តសិទ្ធិទាំងនេះបានដោយសេរីនៅថ្ងៃបោះឆ្នោត ថ្ងៃអាទិត្យនេះ។ អ្នកស្រីសង្កត់ធ្ងន់ៗថា បើទោះបីជាច្បាប់របស់កម្ពុជា ហាមប្រាម និងដាក់ពិន័យចំពោះអ្នកទាំងឡាយណា ដែលរារាំងពលរដ្ឋដែលមានសិទ្ធិបោះឆ្នោត មិនឲ្យទៅបោះឆ្នោតក៏ពិតមែន ក៏ប៉ុន្តែបទបញ្ញត្តិនេះ មិនត្រូវចាត់ទុកថា មានន័យស្មើនឹងការរឹតត្បិតទៅលើសិទ្ធិសេរីភាពនៃការអំពាវនាវឲ្យធ្វើពហិការនោះឡើយ ដែលនេះគឺជាសិទ្ធិអនុញ្ញាតដោយច្បាប់សិទ្ធិមនុស្សអន្តរជាតិ។ អ្នកស្រី រ៉ូណា ស្មីត ក៏បានរំឭកឡើងវិញ ដូចអ្វីដែលគណៈកម្មាធិការសិទ្ធិមនុស្សអង្គការសហប្រជាជាតិ ធ្លាប់បានលើកឡើង ដែលថា ការរឹតត្បិតណាមួយទៅលើការអំពាវនាវឲ្យធ្វើពហិការការបោះឆ្នោតដែលមិនមែនជាការតម្រូវដោយច្បាប់នោះ នឹងក្លាយជាឧបសគ្គមិនឲ្យមានការជជែកដេញដោលផ្នែកនយោបាយ ហើយថា ការរឹតត្បិតនេះ ធ្វើឡើងផ្ទុយពីសិទ្ធិនៃការបញ្ចេញមតិដោយសេរី។
អង្គការសហប្រជាជាតិ ចង់ឃើញមានការបោះឆ្នោតដែលគួរឲ្យជឿទុកចិត្តបាន មានការចូលរួមពីគ្រប់ភាគីពាក់ព័ន្ធ និងប្រព្រឹត្តិទៅប្រកបដោយសន្តិវិធី៕
សេរីភាព លទ្ធិប្រជាធិបតេយ្យ គឺពាក្យពីរឃ្លានេះ ដែលអាមេរិកជួយខ្មែរច្រើនជាងគេ ហើយដែលពួកឆ្កែអាមេរិកយកមកប្រើទន្ទេញជាប់មាត់រហូតដែរ។
តែសម្រាប់ពាក្យពីរឃ្លានេះ វាគ្រាន់តែជាឃាតកឈាមត្រជាក់ សម្លាប់អាយុជិវិត ប្រជាពលរដ្ឋ
ស្លូតត្រង់ នៅលីបី សីរ៉ី អីរ៉ាក់ យេម៉ែន អូក្រែន ។ល។និង។ល។ រាប់ម៉ឺនសែននាក់ តាមរយះបដិវត្តន៏ផ្លួលរំលំរដ្ឋាភិបាលស្របច្បាប់ដែលកើតចេញពីឆន្ទះ
ប្រជាពលរដ្ឋតែប៉ុណ្ណោះ ៕
My question to MS. Smith is that in 1975 to 1979 where was she. What did she do for those 3 years? Many of my relatives and friends were dead. I was almost dead. But I have survived without these potato heads to help.
–
Now Cambodia has been developing and improving the country and its people, so they are terribly concerned and for what. What I see their activity now is that they just do not want us to succeed. Cambodians do not need them now. Go live your life and stop bothering us!