ដោយ ទីន ហ្សាការីយ៉ា
2019-01-06
RFA
ស្ដាប់ ឬទាញយកសំឡេង
ប្រធានគណបក្សសង្គ្រោះជាតិ លោក កឹម សុខា ថ្លែងតាមវីដេអូនៅលើហ្វេសប៊ុក (Facebook) របស់លោកនៅថ្ងៃទី២៨ ខែសីហា ឆ្នាំ២០១៧។ Photo courtesy of Kem Sokha’s Facebook Page
តុលាការនៃរបបលោក ហ៊ុន សែន ចេញដីកាសម្រេច មិនទម្លាក់ចោលបទចោទលើ លោក កឹម សុខា នោះទេ។ ការបដិសេធនេះ បន្ទាប់ពីសហមេធាវី លោក កឹម សុខា ដាក់ពាក្យស្នើសុំទម្លាក់បទ ចោទ លើលោក កឹម សុខា ជាលើកទី៣ កាលពីចុងខែធ្នូ ឆ្នាំ២០១៨ កន្លងទៅ។ អ្នកវិភាគ យល់ថា របបលោក ហ៊ុន សែន មិនងាយដោះលែងលោក កឹម សុខា ងាយៗនោះទេ លុះត្រាតែមានសម្ពាធ អន្តរជាតិកាន់តែធ្ងន់ធ្ងរបន្ថែមទៀត។
តុលាការនៃរបបលោក ហ៊ុន សែន នៅតែបន្តរក្សាបទចោទនិងបន្តត្រួតពិនិត្យលើប្រធានគណបក្ស សង្គ្រោះជាតិ លោក កឹម សុខា ដដែល។
ស្របពេលគ្នានេះ តុលាការ ក៏បានបន្តកោះហៅសាក្សីសួរនាំបន្ថែមទៀត ពាក់ព័ន្ធនឹងការចោទប្រកាន់ថា លោក កឹម សុខា លួចសហការជាមួយបរទេស ដើម្បីផ្តួលរំលំរដ្ឋាភិបាលកម្ពុជា តាំងពីឆ្នាំ១៩៩៣ ដល់ឆ្នាំ២០១៧។
ដីកាសម្រេចរបស់ចៅក្រមស៊ើបសួរនៃសាលាដំបូងរាជធានីភ្នំពេញ លោក គី ឬទ្ធី ដែលអាស៊ីសេរីទទួល បាននៅថ្ងៃទី៦ ខែមករា បង្ហាញថា នីតិវិធីស៊ើបសួរលើសំណុំរឿងលោក កឹម សុខា កំពុងដំណើរការទៅមុខ ដូច្នេះទើបតុលាការសម្រេចបដិសេធទម្លាក់ចោលការចោទប្រកាន់នេះ។
ការបដិសេធនេះ បន្ទាប់ពីសហមេធាវីការពារក្តីឲ្យលោក កឹម សុខា បានដាក់ពាក្យស្នើសុំជាលើកទី៣ ទៅកាន់ចៅក្រមស៊ើបសួរនៃសាលាដំបូងរាជធានីភ្នំពេញ ដើម្បីសុំឲ្យទម្លាក់បទចោទលើលោក កឹម សុខា ។
អាស៊ីសេរីមិនអាចសុំការឆ្លើយតបពីមេធាវីលោក កឹម សុខា គឺអ្នកស្រី ម៉េង សុភារី បានទេ ដោយអ្នក ស្រីបង្វែរឲ្យសួរលោកមេធាវី ផែង ហេង វិញ ប៉ុន្តែទូរស័ព្ទលោកមិនអាចទាក់ទងបាន។
ទោះយ៉ាងណាក្តី ក្រុមមេធាវីលោក កឹម សុខា ធ្លាប់លើកឡើងថា ការស្នើសុំនេះដោយសារការស៊ើប អង្កេតលើសំណុំរឿងរបស់លោក កឹម សុខា មានរយៈពេលជាងមួយឆ្នាំហើយ ដែលគួរតែបញ្ចប់។ ម្យ៉ាងទៀត រហូតមកដល់ពេលនេះ ក៏មិនទាន់ឃើញភស្តុតាងណាមួយ ដែលអាចដាក់បន្ទុកលើលោក កឹម សុខា ដូចការចោទប្រកាន់ដែរ។
មន្ត្រីជាន់ខ្ពស់គណបក្សសង្គ្រោះជាតិដែលរបបលោក ហ៊ុន សែន រំលាយចោល គឺព្រះអង្គម្ចាស់ ស៊ីសុវត្ថិ ធម្មិកោ មានបន្ទូលខកព្រះទ័យ និងសោកស្ដាយយ៉ាងខ្លាំងចំពោះដីកាសម្រេចរបស់តុលាការ ព្រោះវាគ្មានភាពយុត្តិធម៌ និងផ្ទុយពីបំណងរបស់សហគមន៍អន្តរជាតិ។ ព្រះអង្គម្ចាស់ មានព្រះ បន្ទូលទៀតថា សហគមន៍ជាតិ និងសហគមន៍អន្តរជាតិ សុទ្ធតែមើលឃើញសំណុំរឿងលោក កឹម សុខា គឺជាសំណុំរឿងសិប្បនិម្មិត ព្រោះអូសបន្លាយពេលជិតមួយឆ្នាំកន្លះហើយនៅតែមិនទាន់អាចបើកសវនាការ ជំនុំជម្រះក្តី និងរកភស្តុតាងណាមួយដើម្បីដាក់បន្ទុកលើលោក កឹម សុខា ដោយចេះតែពន្យារពេលទៅមុខប៉ុណ្ណោះ។ «»
នៅថ្ងៃនេះដែរ អាស៊ីសេរី ក៏ទើបតែទទួលបានដីការបស់សាលាដំបូងរាជធានីភ្នំពេញមួយទៀត គឺកោះហៅអតីតមន្ត្រីជាន់ខ្ពស់គណបក្សប្រឆាំង ដែលងាកទៅគាំទ្រគណបក្សកាន់អំណាចវិញ គឺលោក គង់ គាំ ឲ្យចូលបំភ្លឺសំណុំរឿងលោក កឹម សុខា នៅថ្ងៃទី២៣ ខែមករា ឆ្នាំ២០១៩។ គិតត្រឹមថ្ងៃនេះ យ៉ាងហោចណាស់ មានមនុស្ស ១០នាក់ ត្រូវបានចៅក្រមស៊ើបសួរ កោះហៅឱ្យចូលខ្លួនធ្វើជាសាក្សី ក្នុងសំណុំរឿងចោទប្រកាន់មេបក្សប្រឆាំង។
អ្នកវិភាគវ័យក្មេង លោក បុង ដែត លើកឡើងថា សំណុំរឿងមេបក្សប្រឆាំងនេះ គឺជាសំណុំរឿងនយោបាយ ដែលកាត់ក្ដីដោយតុលាការមិនឯករាជ្យស្ថិតក្រោមអំណាចរបបក្រុងភ្នំពេញ ដូច្នេះ ក្រុម មេធាវី លោក កឹម សុខា គ្មានឥទ្ធិពលអ្វីដើម្បីឲ្យតុលាការនេះ ទម្លាក់ចោលការចោទប្រកាន់លើ លោក កឹម សុខា នោះទេ។ ម្យ៉ាងទៀត លោក ហ៊ុន សែន ចង់ទុកលោក កឹម សុខា បែបនេះ ដើម្បីបំបែកបំបាក់គណបក្សសង្គ្រោះជាតិ។ លោក បុង ដែត យល់ថា របបលោក ហ៊ុន សែន អាចនឹងទម្លាក់ចោលការចោទប្រកាន់ និងផ្ដល់សេរីភាពទាំងស្រុងដល់លោក កឹម សុខា លុះត្រាតែសហគមន៍អន្តរជាតិ បន្តដាក់ទណ្ឌកម្មកាន់តែធ្ងន់ធ្ងរបន្ថែមទៀតលើរបបដឹកនាំសព្វថ្ងៃ។ «»
លោក សម រង្ស៊ី និងក្រុមអ្នកប្រឆាំង ដោយរួមទាំងសហគមន៍អន្តរជាតិ និងប្រទេសប្រជាធិបតេយ្យ ធំៗខ្លះទៀត បានព្យាយាមជាដដែល ក្នុងការទាមទារឲ្យទម្លាក់បទចោទ និងផ្ដល់សេរីភាពឲ្យបានពេញលេញជូនលោក កឹម សុខា។
លោកត្រូវបានសមត្ថកិច្ច ចូលទៅចាប់ខ្លួនដល់ផ្ទះ កាលពីពាក់កណ្ដាលអធ្រាត្រថ្ងៃទី២ ឈានចូលថ្ងៃទី៣ ខែកញ្ញា ឆ្នាំ២០១៧។ លោកត្រូវបានតុលាការចោទប្រកាន់ពីបទសន្និដ្ឋិភាពជាមួយបរទេស ឬលួចសហការជាមួយបរទេសដើម្បីផ្ដួលរំលំរដ្ឋាភិបាលកម្ពុជា និងបានដាក់ឃុំឃាំងក្នុងពន្ធនាគារ ត្រពាំងផ្លុង ខេត្តត្បូងឃ្មុំ ជិតព្រំដែនវៀតណាម បានមួយឆ្នាំ។ ចៅក្រមស៊ើបសួរ ទើបតែសម្រេចឲ្យ លោករស់នៅក្រៅឃុំជាបណ្ដោះអាសន្ន ក្រោមហេតុផលថា គិតគូរពីសុខភាពរបស់លោក។ ប៉ុន្តែ ចៅក្រមស៊ើបសួរ បានដាក់បម្រាមយ៉ាងតឹងរ៉ឹង ដោយមិនអនុញ្ញាតឲ្យលោក ទៅណាឆ្ងាយពីផ្ទះឡើយ ហើយមិនឲ្យជួបជនបរទេស ដែលពាក់ព័ន្ធនឹងសំណុំរឿង រួមទាំងអតីតថ្នាក់ដឹកនាំគណបក្សសង្គ្រោះជាតិផងដែរ៕
សម រង្ស៉ី និងកឹមសុខា និងបក្សពួក សមល្មមដល់ពេលវេលា
យកមកដាក់គុក មួយជិវិត ដើម្បីជម្រះទុក្ខសោកដល់វិញ្ញាណក្ខន្ធ
អ្នកស្លាប់ និងរបួស លើផ្លូវវេងស្រេងហើយ
———————-
ឥឡូវវាល្មមុដល់ពេលហើយ ដែលត្រូវយក ទណ្ឌិត សម រង្ស៉ី កឹមសុខា និងបក្សពួក មានមួរ សុខហួរ
អេង ឆៃអ៊ាង រៀលខេមរិន្ទ ជាដើម។ល។ ព្រមទាំងសង្គមសីវិលផ្នែកសិទ្ធិមនុស្ស មាន លីកាដូ អាដហុក ក្រុមសហជីពដែលមាននិន្នាការប្រឆាំងរដ្ឋាភិបាល ដែលបានដឹកនាំធ្វើបាតុកម្ម កុប្បកម្មបំ ផ្លិចបំផ្លាញ ក្នុងបំណងផ្តួលរំលំ
រដ្ឋាភិបាលស្របច្បាប់ តាមរយះបដិវត្តន៍ពណ៍ ដែលសមល្មមជាពេលវេលាត្រូវបាននាំខ្លួនពួកនេះមកកាត់ទោស
ឱ្យបានធ្ងន់ធ្ងរបំផុត គឺដាក់គុកមួយជិវិតដើម្បីលាងជម្រះទុក្ខសោកដល់វិញ្ញាណក្ខន្ធ អ្នកស្លាប់ និងរបួស នៅលើផ្លូវវេងស្រេង កាលពីខែមករា ឆ្នាំ២០១៤ហើយ។
យើងចងចាំមិនភ្លេចទេកាលពី ថ្ងៃទី០៤ ខែមករា ឆ្នាំ២០១៤ នូវព្រឹត្តិការណ៍នៃការបះបោរបះបោរ ធ្វើកុប្បកម្មដ៏ហិង្សាដឹកនាំដោយ ទណ្ឌិត សម ង្សី កឹម សុខា និងបក្ខពួកដែលយកប្រជាជន និងកម្មករ និយោជិត មកធ្វើជាផ្លូវក្រាលដោយឈាម ដើម្បីប្លន់យកអំណាចក្រោមឡេះ ទាមទារដំឡើងប្រាក់
ឈ្នួល១៦០ដុល្លារ នៅផ្លូវវ៉េងស្រេង ហើយដែលការធ្វើកុប្បកម្មដ៏ហិង្សានេះ កើតឡើងនៅពាក់កណ្តាល
អធ្រាត្រ ដែលមិនមែនជាករណីធម្មតានៃការធ្វើបាតុកម្មអហិង្សា របស់កម្មករ និយោជិតឡើយ។
ការធ្វើកុប្បកម្មដ៏ហិង្សាដែលបានបណ្តាលឱ្យមានមនុស្សស្លាប់ និងរបួសមួយចំនួន ព្រមទាំងបង្ករឲ្យ
មានការខូចខាតទ្រព្យសម្បត្តិសាធារណៈរបស់រដ្ឋ និងឯកជន បើយើងពិនឹត្យឲ្យស៊ីជម្រៅទៅ វា ជាអំពើកុប្បកម្មផ្តួលរំលំរាជរដ្ឋាភិបាលកម្ពុជាស្របច្បាប់ តាមបែបបដិវត្តន៍ពណ៌ ដូចនៅបណ្តា
ប្រទេស នៅអាហ្វ្រិក និងនៅមជ្ឈឹមបូព៌ាតែប៉ុណ្ណោះ។
សម្រាប់ព្រឹត្តិការណ៍ដ៏ហិង្សានេះ កាលនោះ ប្រសិនជារាជរដ្ឋាភិបាល មិនចាត់វិធានការទប់ស្កាត់ និងបង្ក្រាបបានទាន់ពេលវេលាទេនោះ ហានិភ័យអាចនឹងកើតមានឡើងនៅកម្ពុជា ធ្ងន់ធ្ងរបំផុត ។
ព្រោះថាសន្តិភាពជាតិទាំងមូលនឹងត្រូវបំផ្លាញ ភាពច្របូកច្របល់ក្នុងសង្គមនឹងកើតឡើង ហើយគ្រោះមហន្តរាយ នៃការកាប់សម្លាប់គ្នាដោយអត់រើសមុខ នឹងកើតឡើង ហើយវានិងបង្កើតឡើងនូវវិនាសកម្មដល់ជិវិត
ពលរដ្ឋស្លូតត្រង់ដែលគ្មាននរណាម្នាក់និងនឹកស្មានស្មានដល់។
ដូច្នេះការចង់នាំកម្ពុជាឱ្យធ្លាក់ទៅរកគ្រោះមហន្តរាយ គ្មានអ្នកណាក្រៅពីជនក្បត់ជាតិឈ្មោះ ទណ្ឌិតសម រង្ស៉ី
ឈ្មោះ កឹម សុខានិងបក្សពួកនោះទេ។
ក្រុមជនទាំងនេះ គួរតែនាំខ្លួនមកកាត់ទោសឱ្យបានធ្ងន់ធ្ងរបំផុត ដាក់គុកមួយជិវិតដើម្បីជម្រះដល់
ទុក្ខសោកនៃវិញ្ញាណក្ខន្ធ អ្នកស្លាប់ និងរបួស ដោយមិនអាចអត់អោនឲ្យវាបានឡើយ ។
ព្រោះថារវាងនយោបាយ និងច្បាប់ គេមិនអាចបន្លែបន្លំ លាយឡំចូលគ្នា ដូចពួកបក្សក្បត់ជាតិសង្គ្រោះជាតិ
ធ្លាប់លើកដើម្បីគេចវេសពីផ្លូវច្បាប់នោះទេ ៕
who was your nation’s traitor you dump ass ???????? SAM RANSY and KIM SOKHA never have been in powers . the only you evil favorite man since 1979 look what you got.>> your country getting bigger , no more forest, underground mineral just about empty, Vietcong every where in side the country, Cambodian gone all over the world looking for work, soon those Vietcong going to F your ass and get children then you call the Vietcong KAMPOUCHEA kids . sorry your animal get lost we knew every thing about KAMPOUCHEA do not lie to us. soon I will looking for this dump SO CHET in THAILAND and see what this dud look like.