ដោយ វ៉ែន សុមេធ
2019-10-24
RFA
ស្ដាប់ ឬទាញយកសំឡេង
លោក ស ខេង រដ្ឋមន្ត្រីក្រសួងមហាផ្ទៃ ថ្លែងក្នុងកិច្ចប្រជុំផ្សព្វផ្សាយផែនការយុទ្ធសាស្ត្រជាតិ ២០១៩-២០២៣ ស្ដីពីការប្រយុទ្ធប្រឆាំងអំពើជួញដូឬមនុស្ស នៅថ្ងៃទី២៤ ខែតុលា ឆ្នាំ២០១៩។
រូប៖ ហ្វេសប៊ុកលោក ស ខេង
រដ្ឋមន្រ្តីក្រសួងមហាផ្ទៃបញ្ជាសមត្ថកិច្ចឲ្យបន្តចាប់ខ្លួនអ្នកត្រៀមទៅទទួលលោក សម រង្ស៊ី
មេដឹកនាំលំដាប់ទី២ នៃរបបក្រុងភ្នំពេញ ប្រកាសឲ្យបន្តចាប់ខ្លួនអ្នកចូលរួមទទួលស្វាគមន៍ ដំណើរមាតុភូមិនិវត្តន៍របស់ប្រធានស្តីទីគណបក្សសង្គ្រោះជាតិ ដែលប្រកាសវិលចូលកម្ពុជាវិញ នៅថ្ងៃទី៩ ខែវិច្ឆិកា។ មន្ត្រីសិទ្ធិមនុស្សសម្ដែងការសោកស្ដាយចំពោះការប្រកាសបែបនេះ ព្រោះធ្វើឲ្យពលរដ្ឋរងគ្រោះ ព្រមទាំងទទួលរងការរិះគន់បន្ថែមទៀតពីរឿងរំលោភសិទ្ធិមនុស្ស និងបំផ្លាញ លទ្ធិប្រជាធិបតេយ្យ។
រដ្ឋមន្ត្រីក្រសួងមហាផ្ទៃ លោក ស ខេង ចេញបញ្ជាឲ្យបន្តតាមចាប់ខ្លួនមុខសញ្ញា ដែលចូលរួមទទួល លោក សម រង្ស៊ី បន្ថែមទៀត ដោយលោកចោទថា គម្រោងមាតុភូមិនិវត្តន៍របស់មេបក្សប្រឆាំងរូបនេះ ជាការប៉ុនប៉ងបំផ្លាញសន្តិភាព។ ប្រមុខផ្នែកសន្តិសុខជាតិនៃរបបក្រុងភ្នំពេញរូបនេះបន្តថា ការដែលលោក សម រង្ស៊ី ប្រើពាក្យប្រមាថព្រះមហាក្សត្រ និងការប៉ុនប៉ងបង្កើតកងទ័ពប្រឆាំងរដ្ឋាភិបាលរបស់ក្រុមលោក គឺជារឿងខុសច្បាប់ធ្ងន់ធ្ងរ មិនមែនជាការធ្វើនយោបាយតស៊ូដោយសន្តិវិធីតាមបែបប្រជាធិបតេយ្យនោះទេ៖ «គាត់មកដើម្បីបំផ្លាញសន្តិភាព មិនមែនដូចឆ្នាំ២០១៣ ទេ ព្រោះ ២០១៣ គាត់មកដោយមានការលើកលែងទោស ហើយមកចូលរួមការបោះឆ្នោតតាមបែបប្រជាធិបតេយ្យ ដូច្នេះគាត់មកស្របច្បាប់ ហើយប្រជាពលរដ្ឋទៅទទួលជារឿងធម្មតាអត់មានអីខុសទេ ប៉ុន្តែលើកនេះគាត់មកមិនមែនន័យចឹងទេ គឺខុសគ្នាស្រឡះ»។
ក្រុមមេដឹកនាំកំពូលៗ របស់របបក្រុងភ្នំពេញ បានប្រកាសជាបន្តបន្ទាប់អំពីវិធានការបង្ក្រាប និង វាយកម្ទេចក្រុមគណបក្សសង្គ្រោះជាតិ បន្ទាប់ពីលោក សម រង្ស៊ី ដាក់ផែនការជាក់លាក់វិលចូល កម្ពុជាវិញ នៅថ្ងៃទី៩ ខែវិច្ឆិកា ដែលថាដើម្បីស្ដារលទ្ធិប្រជាធិបតេយ្យ និងការគោរពសិទ្ធិមនុស្ស។ លោក សម រង្ស៊ី ក៏ធ្លាប់អំពាវនាវឲ្យដល់កងទ័ពថា កុំឱ្យបាញ់សម្លាប់ពលរដ្ឋតាមបញ្ជារបស់ក្រុមលោក ហ៊ុន សែន ហើយចូលរួមជាមួយប្រជាពលរដ្ឋជាធ្លុងមួយ ដើម្បីទាមទារឲ្យលោក ហ៊ុន សែន ដែលលោកចាត់ទុកជាមេដឹកនាំផ្ដាច់ការនោះ ចុះចេញពីអំណាច។
ប្រធានប្រតិបត្តិគណបក្សសង្គ្រោះជាតិប្រចាំខេត្តស្វាយរៀង លោក ម៉ៅ វិបុល កំពុងរស់នៅប្រទេសថៃ ដើម្បីគេចពីការតាមចាប់ខ្លួន លើកឡើងថា អ្វីដែលលោក ស ខេង ថ្លែង គឺជាការរំលោភច្បាប់ជាតិ និងអន្តរជាតិ ហើយមិនគិតគូរអំពីសុខទុក្ខប្រជាពលរដ្ឋនោះទេ គឺគិតតែពីការការពារអំណាចរបស់ក្រុមខ្លួន។ លោកបន្តថា ទោះបីជាមានការប្រកាសបែបនេះ ក៏លោកនៅតែប្រមូលកម្លាំងពលករនៅប្រទេសថៃ ដើម្បីចូលរួមអមដំណើរលោក សម រង្ស៊ី វិលចូលកម្ពុជាវិញ ដោយគ្មានខ្លាចរអានោះទេ ព្រោះលោកយល់ថា បើមិនធ្វើអ្វីសោះ ក៏នឹងរងគ្រោះដូចសម័យខ្មែរក្រហមដែរ៖ «លោក ស ខេង ប្រកាសចាប់ខ្លួនពលរដ្ឋ ដែលច្បាប់រដ្ឋធម្មនុញ្ញមានចែងថា ពលរដ្ឋមានសិទ្ធិធ្វើនយោបាយ និងធ្វើអ្វីផ្សេងៗ នោះ គឺការប្រកាសនេះកាន់តែធ្វើឲ្យប្រជាពលរដ្ឋឈឺចាប់ និងចូលរួមកាន់តែច្រើន ព្រោះឥឡូវនេះគាត់លែងខ្លាចទៀតហើយ»។
អង្គការសង្គមស៊ីវិលដែលធ្វើការផ្នែកសិទ្ធិមនុស្ស សម្ដែងការសោកស្ដាយ ចំពោះការលើកឡើងរបស់រដ្ឋមន្ត្រីក្រសួងមហាផ្ទៃ។
នាយករងទទួលបន្ទុកផ្នែកឃ្លាំមើលសិទ្ធិមនុស្សនៃអង្គការ លីកាដូ (LICADHO) លោក អំ សំអាត លើកឡើងថា ការដែលគណបក្សកាន់អំណាច និងគណបក្សសង្គ្រោះជាតិ ជ្រើសរើសមធ្យោបាយ គំរាមកំហែងគ្នាទៅវិញទៅមក ឬក៏ចាប់ចងពលរដ្ឋដាក់ពន្ធនាគារនេះ គឺមិនមែនជាជម្រើសល្អក្នុង ការបញ្ចប់វិបត្តិនយោបាយនោះទេ។ លោកយល់ថា ប្រសិនបើរដ្ឋាភិបាលចេះតែបង្កើនសកម្មភាព ចាប់ខ្លួនបែបនេះ នឹងទទួលរងការរិះគន់បន្តទៀត ពីរឿងរំលោភសិទ្ធិមនុស្ស និងបំផ្លាញប្រជាធិបតេយ្យ។ មន្ត្រីសិទ្ធិមនុស្សរូបនេះអំពាវនាវដល់មេដឹកនាំគណបក្សនយោបាយទាំងពីរថា គួរតែវិលទៅរកតុចរចាដោះស្រាយវិបត្តិនយោបាយ ដោយតម្កល់ផលប្រយោជន៍ជាតិ និងប្រជាពលរដ្ឋជាធំ ព្រោះការបន្តឈ្លោះគ្នារវាងមេដឹកនាំនយោបាយទាំងពីរនេះ គ្មានចំណេញអ្វីឡើយ ក្រៅតែពីធ្វើឲ្យប្រទេសជាតិ និងពលរដ្ឋរងគ្រោះ៖ «បញ្ចប់ការធ្វើទុក្ខបុកម្នេញ ឬការចោទប្រកាន់ ការចាប់ខ្លួន ព្រោះកុំឲ្យប៉ះពាល់ដល់សិទ្ធិមនុស្ស ព្រោះយើងឃើញហើយថា ព្រោះម្សិលមិញក៏មានទិវា កិច្ចព្រមព្រៀងទីក្រុងប៉ារីសលើកទី២៨ ដែរ ដែលភាគីខ្មែរសន្យាដោះស្រាយជម្លោះនយោបាយដោយសន្តិវិធី ហើយយើងអាចធ្វើបានក្នុងឆ្នាំ១៩៩១ ហេតុអ្វីយើងមិនអាចធ្វើបានក្នុងឆ្នាំ២០១៩ ដើម្បីនាំសន្តិភាពពិតដល់កម្ពុជា»។
កាលពីថ្ងៃទី២១ ខែតុលា អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) បានចេញសេចក្ដីថ្លែងការណ៍ថា ការចាប់ខ្លួនសកម្មជនបក្សប្រឆាំងជាច្រើននាក់ ក្រោមហេតុផលនយោបាយ បង្ហាញថា រដ្ឋាភិបាលលោក ហ៊ុន សែន គ្មានបំណងបញ្ឈប់ទង្វើវាយបង្ក្រាបយ៉ាងចាស់ដៃលើសំឡេងប្រឆាំង និងសំឡេងឯករាជ្យ ដែលបណ្ដាលឱ្យកម្ពុជាស្ថិតក្នុងភាពខ្មៅងងឹតក្នុងរយៈពេលប៉ុន្មានឆ្នាំចុងក្រោយនេះឡើយ។ អង្គការអន្តរជាតិមួយនេះ ក៏អំពាវនាវដល់រដ្ឋាភិបាល និងប្រទេសម្ចាស់ជំនួយ ឱ្យដាក់សម្ពាធរបបក្រុងភ្នំពេញ ឱ្យដោះលែងអ្នកដែលត្រូវបានឃុំខ្លួនដោយខុសច្បាប់ទាំងឡាយជាបន្ទាន់ និងដោយឥតលក្ខខណ្ឌ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- មេដឹកនាំពលរដ្ឋនៅកូរ៉េខាងត្បូងអះអាងថា ពលករជាច្រើននៅទីនេះ យល់ព្រមអមដំណើរលោក សម រង្ស៊ី
- សកម្មជនបក្សប្រឆាំងមួយចំនួននៅខេត្តបន្ទាយមានជ័យរត់គេចខ្លួនបន្ទាប់ពីប៉ូលិសគំរាមឱ្យសារភាពឈប់គាំទ្រលោក សម រង្ស៊ី វិលចូលស្រុក
- ឯកអគ្គរដ្ឋទូតអាមេរិកថ្មីជួបប្រជុំជាលើកដំបូងជាមួយលោក ហ៊ុន សែន
- ភរិយាសកម្មជនបក្សប្រឆាំងនៅខេត្តបាត់ដំបងថា មន្ត្រីរបបក្រុងភ្នំពេញមិនឱ្យជួបប្ដីកំពុងមានជំងឺក្នុងពន្ធនាគារ
- អ្នកតំណាងរាស្ត្របក្សប្រឆាំងមិនមានជំនឿលើប្រព័ន្ធតុលាការចំពោះសំណុំរឿងហិង្សាកាលពី ៤ឆ្នាំមុន
- ខ្មែរនៅអូស្ត្រាលីប្រមាណ៣០០នាក់ ធ្វើបាតុកម្មជំរុញឱ្យអន្តរជាតិជួយដោះស្រាយជម្លោះនយោបាយកម្ពុជា
- ប៉ូលិសខេត្តកំពង់ចាមចាប់សកម្មជនបក្សប្រឆាំងម្នាក់ទៀត ពាក់ព័ន្ធនឹងគម្រោងមាតុភូមិនិវត្តន៍របស់លោក សម រង្ស៊ី
- កម្ពុជានៅតែបើកចំហព្រំដែនតែមិនស្វាគមន៍មន្ត្រី ជាន់ខ្ពស់គណបក្សសង្គ្រោះ ជាតិ៩នាក់
- សាច់ញាតិសង្ឃឹមថា ក្រសួងយុត្តិធម៌នឹងដោះលែងអ្នកជាប់ចោទនយោបាយ ខណៈសម្រេចបន្ធូរបន្ថយ និងលើកលែងទោសទណ្ឌិត ៥១២នាក់ពេលបុណ្យអុំទូក
- របបក្រុងភ្នំពេញ ហាមមិនឲ្យសង្គមស៊ីវិលដង្ហែក្បួនរំលឹកខួប កិច្ចព្រមព្រៀងសន្តិភាពទីក្រុងប៉ារីស
Send to facebook
ដំណឹង សម្រាប់ ពួកអាកាកសំណល់ អតីតបក្សខ្មោចតៃហោងសង្គ្រោះជាតិ
ដែលត្រូវយល់ឲ្យច្បាស់មុនបង្កររឿងហេតុ ដែលនាំគ្រោះដល់ខ្លួន
ដែលនឹកស្មានមិនដល់ !
*******
កម្ពុជា ជារដ្ឋអធិបតេយ្យ !
ក្រោមបាវចនា ជាតិ សាសនា ព្រះមហាក្សត្រ
ច្បាប់ស្ដីពីវិសោធនកម្មច្បាប់ស្ដីពីគណបក្សនយោបាយ ត្រង់មាត្រា៦ គឺសំដៅដាច់ខាត
ឲ្យមានការគោរពអនុវត្តន៍ ដោយចែងថា គ្រប់គណបក្សនយោបាយមិនត្រូវធ្វើ
សកម្មភាពណាមួយ ដូចខាងក្រោមជាដាច់ខាត៖
១. ធ្វើឱ្យមានអបគមន៍ ដែលនាំឱ្យអន្តរាយដល់ឯកភាពជាតិ និងបូរណភាពដែនដី។
២. ធ្វើវិទ្ធង្សនាប្រឆាំងនឹងរបបប្រជាធិបតេយ្យ សេរី ពហុបក្ស និងរបបរាជានិយមអាស្រ័យធម្មនុញ្ញ។
៣. ធ្វើប៉ះពាល់សន្តិសុខនៃរដ្ឋ។
៤. បង្កើតកម្លាំងប្រដាប់អាវុធ។
៥. ធ្វើការញុះញង់ដែលអាចនាំអោយមានការបែកបាក់ជាតិ។
ដូច្នេះចលានាណាមួយដែលមានបំណងបំផ្លាញសន្តិភាពជាតិ ដើម្បីផ្តួលរំលំរដ្ឋាភិបាល
ស្របច្បាប់ដែលកើតចេញពីការបោះឆ្នោត តាមលទ្ធិប្រជាធិបតេយ្យ សេរីពហុបក្ស
សម្រាប់ឆន្ទះប្រជាពលរដ្ឋ ដែលជ្រើសរើសអ្នកដឹកនាំជាតិ ទោះក្នុងទម្រង់ណាមួយ ក៏ដោយ
គឺដាច់ខាតកម្ទេចចោល ដោយគ្មានការអត់ឱនឡើយ ។
ដូច្នេះ ! ត្រូវចាំឲ្យច្បាស់ពួកអាកាកសំណល់បក្សក្បត់ជាតិសង្គ្រោះជាតិ
mafia groups are worry so much’ when opposition gaining the votes ‘they are acraring and try to dissolve opposition party ‘ like 1997 coup ‘ when this mafia groups scaring about losing votes ‘they did the coup killing ‘ so this tiny country is in the hands of mafia groups’ and one party ‘ now they said democracy ‘ haha What kind of democracy’??
I think Cambodian are smart enough to know who bad who is good. what can any one tell bad or good is according to their action . how good SOR KHENG leadership was will be judge by Cambodian and world community. as I said you can not take a small leaf to cover a dead elephant . what have you been done is your responsibility, if you commit to make more harm to Cambodian you will not just facing your own people what that mean you face the world. think this way Mr KAMPOUCHEA is a tiny country but the problem is so bad and it can not end. WELL if wars come to wars get over whit by dismantle or forget about this problem nation that existing in the world.