ដោយ ហេង រស្មី
2019-10-28
RFA
ស្ដាប់ ឬទាញយកសំឡេង
ពលករខ្មែរប្រមាណ ៥០នាក់ នៅប្រទេសថៃ ប្រមូលផ្ដុំគ្នាប្ដេជ្ញាចិត្តត្រៀមខ្លួនទៅអមដំណើរអ្នកដឹកនាំគណបក្សប្រឆាំងវិលចូលស្រុកនៅថ្ងៃទី៩ វិច្ឆិកា។
រូប៖ ពលករផ្ដល់ឱ្យ
ពលករខ្មែរប្រមាណ ៥០នាក់ ដែលធ្វើការនៅប្រទេសថៃ ប្រមូលផ្ដុំគ្នាប្ដេជ្ញាចិត្តត្រៀមខ្លួនទៅអមដំណើរថ្នាក់ដឹកនាំគណបក្សប្រឆាំងវិលចូលស្រុកនៅថ្ងៃទី៩ វិច្ឆិកា។ ពួកគេ មានសេចក្ដីសង្ឃឹមថា ការធ្វើមាតុភូមិនិវត្តនេះ នឹងធ្វើឱ្យពលរដ្ឋកម្ពុជាមានសេចក្ដីសុខសាន្ត។ មន្ត្រីអង្គការសង្គមស៊ីវិលថ្លែងថា ការជួបជុំគ្នានេះ ជាសិទ្ធិសេរីភាពរបស់ប្រជាពលរដ្ឋដោយស្របច្បាប់។
ក្រុមពលករខ្មែរទាំងនេះជួបប្រជុំគ្នានៅខេត្តជាប់ទីក្រុងបាងកកប្រទេសថៃនៅព្រឹកថ្ងៃទី២៧ តុលា។ ពួកគេប្ដេជ្ញាចិត្តត្រៀមខ្លួនវិលចូលស្រុកវិញ ដោយមិនខ្លាចអាជ្ញាធររបបក្រុងភ្នំពេញចាប់ដាក់ពន្ធនាគារឡើយ។
តំណាងពលករម្នាក់មកពីខេត្តបន្ទាយមានជ័យ លោក គាំ គឹមគុយ ប្រាប់អាស៊ីសេរី ក្រោយពេលជួបប្រជុំគ្នាថា លោកបែកពីឪពុកម្ដាយមកធ្វើការនៅប្រទេសថៃប្រមាណ ១០ឆ្នាំហើយ ដោយពុំមានប្រាក់សង់ផ្ទះឱ្យបានសមរម្យដូចអ្នកមានលុយមួយចំនួននៅក្នុងស្រុកនៅឡើយទេ។ ពលកររូបនេះបន្ថែមថា ពួកលោកជួបប្រជុំគ្នាប្ដេជ្ញាចិត្តវិលចូលស្រុកវិញ ដោយសារមិនពេញចិត្តរបបដឹកនាំសព្វថ្ងៃចាប់ចងមនុស្សតាមអំពើចិត្ត ជាពិសេសមួយរយៈចុងក្រោយនេះសមត្ថកិច្ចចាប់សកម្មជនបក្សប្រឆាំងជាច្រើននាក់ដាក់គុក ទោះជាពួកគេមិនបានប្រព្រឹត្តខុសច្បាប់ក៏ដោយ៖ «បាទខ្ញុំនឹងទៅអមដំណើរលោក សម រង្ស៊ី រហូតមានការប្ដូរនាយករដ្ឋមន្ត្រីថ្មី។ ខ្ញុំឃើញមន្ត្រីបក្សប្រឆាំងមួយចំនួនគាត់លះបង់ប្រពន្ធកូន និងទ្រព្យសម្បត្តិ ហើយសុខចិត្តចុះចេញពីតំណែងមកនៅប្រទេសថៃ មិនចូលជាមួយរបបលោក ហ៊ុន សែន ដល់អ៊ីចឹងហើយខ្ញុំជាពលករចង់បានប្រជាធិបតេយ្យដល់ប្រទេសរបស់ខ្ញុំ ខ្ញុំស្រឡញ់ជាតិខ្ញុំ»។
លោកបន្តថា រោងចក្រផលិតគ្រឿងបន្លាស់រថយន្ត ដែលលោកធ្វើការនៅជាប់ទីក្រុងបាងកក មានពលករខ្មែរចំនួន ៣០០នាក់ ក្នុងនោះលោកថា ពលករប្រហែល ៨០ភាគរយបានត្រៀមខ្លួនទៅចូលរួមអមដំណើរប្រធានស្ដីទីគណបក្សសង្គ្រោះជាតិវិលចូលកម្ពុជាវិញនៅពេលខាងមុខ។
ពលករខ្មែរមួយរូបទៀតមកពីខេត្តកំពង់ធំធ្វើការរោងចក្រផលិតគ្រឿងបន្លាស់រថយន្តនៅប្រទេសថៃលោកស្រី ប៊ូ ស៊ីនិត ដែលបានចូលរួមប្ដេជ្ញាចិត្តត្រឡប់ទៅកម្ពុជាដែរអះអាងថា មូលហេតុដែលលោកស្រីត្រឡប់ទៅកម្ពុជាវិញ ដោយសារមិនពេញចិត្តលោក ហ៊ុន សែន ដែលបានដឹកនាំប្រទេសជិត ៤០ឆ្នាំហើយ ប៉ុន្តែពលរដ្ឋនៅតែក្រីក្រ ហើយបង្ខំចិត្តធ្វើចំណាកស្រុកចោលឪពុកម្ដាយ ដើម្បីរកប្រាក់ដោះស្រាយជីវភាពគ្រួសារ។ លោកស្រីកត់សំគាល់ទៀតថា កត្តាដែលធ្វើឱ្យពលរដ្ឋក្រីក្រច្រើនដោយសារអាជ្ញាធររបបក្រុងភ្នំពេញពុករលួយដល់ឆ្អឹង ប្រកាន់បក្សពួកនិយម និងមិនជួយរកទីផ្សារលក់កសិផលជូនកសិករ។ លោកស្រីថា កសិករដាំដុះបានផលហើយ តែត្រូវបង្ខំចិត្តលក់ក្នុងតម្លៃទាប ឬគ្មានអ្នកទិញ ធ្វើឱ្យពួកគាត់ខាតទុន ហើយជំពាក់ប្រាក់ធនាគារកាន់តែច្រើនឡើង៖ «ហេតុផលគឺខ្ញុំចង់ប្ដូរមេដឹកនាំថ្មីឱ្យមានការងារធ្វើនៅស្រុកខ្មែរកុំឱ្យពលករខ្មែរមកធ្វើការស្រុកគេដូចសព្វថ្ងៃ ព្រោះមកនៅប្រទេសគេមិនស្រួលដូចនៅស្រុកកំណើតនោះទេ ពិបាកក្នុងការទំនាក់ទំនងគ្នា ដោយសារតែក្រពះ»។
មេដឹកនាំរបបក្រុងភ្នំពេញលោក ហ៊ុន សែន បានប្រកាសជាបន្តបន្ទាប់ថា ប្រជាពលរដ្ឋណាដែលមានពាក់ព័ន្ធនឹងគម្រោងចូលរួមអមដំណើរប្រធានស្ដីគណបក្សសង្គ្រោះជាតិលោក សម រង្ស៊ី វិលចូលស្រុកនៅថ្ងៃទី៩ វិច្ឆិកាមានទោសក្បត់ជាតិ ដែលសមត្ថកិច្ចរបស់លោកនឹងតាមចាប់ពួកគេដាក់គុក ដោយមិនឱ្យរួចខ្លួនឡើយ។
ទោះជាយ៉ាងណា លោក សម រង្ស៊ី បានប្រកាសម្ដងហើយម្ដងទៀតថា លោក និងថ្នាក់ដឹកនាំគណបក្សសង្គ្រោះជាតិ ដែលរស់នៅក្រៅប្រទេសនឹងធ្វើមាតុភូមិនិវត្តន៍ទៅកម្ពុជាវិញ នៅថ្ងៃទី៩ ខែវិច្ឆិកាខាងមុខ។ លោកអះអាងថា ការវិលត្រឡប់ចូលស្រុកវិញនេះ គឺដើម្បីទៅដោះស្រាយបញ្ហាជាតិដែលរបបលោក ហ៊ុន សែន មិនអាចដោះស្រាយបាន ជាពិសេសគឺ ទៅជួយកុំឱ្យប្រទេសកម្ពុជាបាត់បង់ការអនុគ្រោះពន្ធពីទីផ្សារសហភាពអឺរ៉ុប និងសហរដ្ឋអាមេរិក។
អ្នកសម្របសម្រួល និងអង្កេតអង្គការ ខុមហ្វ្រែល (comfrel) លោក កន សាវាង្ស លើកឡើងថា ក្រុមពលករជួបប្រជុំគ្នានេះ មិនខុសច្បាប់នោះទេ ព្រោះជាការសម្ដែងមតិផ្នែកនយោបាយ ដែលជាសិទ្ធិសេរីភាពរបស់ពលរដ្ឋ ដែលមានចែងក្នុងរដ្ឋធម្មនុញ្ញ។ មន្ត្រីសង្គមស៊ីវិលរូបនេះ ស្នើដល់អាជ្ញាធរពាក់ព័ន្ធឈប់ចាប់ចងតាមអំពើចិត្តបន្តទៀត ព្រោះការធ្វើបែបនេះបានប៉ះពាល់ដល់សិទ្ធិសេរីភាពក្នុងការសម្ដែងមតិរបស់ពលរដ្ឋ៖ «ហើយបើប្រជាពលរដ្ឋបានសម្ដែងមតិហើយយើងចាត់ថា ជាការគាំទ្រគណបក្សមួយ ដែលមិនមែនជាគណបក្ស ឬក្រុមរបស់ខ្លួន ហើយចាត់ទុកថាជាក្រុមផ្សេងហើយថាជាក្រុងប្រឆាំងនឹងខ្លួន ដែលជាក្រុមក្បត់ជាតិនោះមិនត្រឹមត្រូវទេ ហើយក្នុងច្បាប់ក៏មិនទាន់បានពេញលេញនៅក្នុងការចោទប្រកាន់ថាជាក្បត់ជាតិដែរ។ អ៊ីចឹងចំណុចយើងគួរតែធ្វើការពិចារណា»។
បន្ថែមពីលើនេះ លោក កន សាវាង្ស ទទូចដល់មេដឹកនាំគណបក្សកាន់អំណាចនិងគណបក្សប្រឆាំងរកផ្លូវចរចាត្រូវរ៉ូវគ្នា ដើម្បីស្ដារប្រជាធិបតេយ្យឡើងវិញ ប្រសើរជាងទាស់ទែងគ្នានាំឱ្យខាតបង់ដល់ប្រយោជន៍ជាតិ ជាពិសេស កម្មកររោងចក្រប្រឈមនឹងអត់ការធ្វើ ប្រសិនបើសហភាពអឺរ៉ុប និងសហរដ្ឋអាមេរិកផ្ដាច់ការអនុគ្រោះពន្ធ EBA និង GSP មែននោះ។
ក្រុមពលករនៅប្រទេសថៃ រំពឹងថា កម្លាំងសាមគ្គីរបស់ប្រជាពលរដ្ឋនៅថ្ងៃទី៩ វិច្ឆិកា នឹងអាចជួយស្ដារមុខមាត់របស់កម្ពុជាឱ្យបានប្រសើរឡើងវិញនៅលើឆាកអន្តរជាតិ ហើយប្រទេសនឹងមានការអភិវឌ្ឍន៍ជឿនលឿនជាងពេលបច្ចុប្បន្ន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ចលនាសង្គ្រោះជាតិនៅប្រទេសជប៉ុន ប្រកាសធ្វើបាតុកម្ម នៅថ្ងៃទី៣ វិច្ឆិកា ដើម្បីកៀរគរ និងគាំទ្រដំណើរមាតុភូមិនិវត្តន៍ លោក សម រង្ស៊ី
- មន្រ្តីជាន់ខ្ពស់គណបក្សសង្រ្គោះជាតិអះអាងថា កំពុងចរចាជាមួយភាគីថៃ ដើម្បីឲ្យលោក សម រង្ស៊ី ឆ្លងកាត់ទៅកម្ពុជាតាមព្រំដែនថៃ
- ក្រុមយុវជនស្នើរដ្ឋាភិបាល ឱ្យបង្ហាញភាពច្បាស់លាស់រឿងអភិវឌ្ឍន៍តាមបណ្តោយព្រំដែន និងគ្រប់គ្រងព្រំដែនឲ្យរឹងមាំ
- ពលរដ្ឋមួយចំនួនមិនពេញចិត្តនឹងបម្រាមរបស់អភិបាលខេត្តបន្ទាយមានជ័យរឿងមិនឱ្យមន្ត្រីថ្នាក់ក្រោមចេញក្រៅប្រទេស អំឡុងពេលលោក សម រង្ស៊ី វិលត្រឡប់
- មន្ត្រីអាមេរិក និងអង់គ្លេសមិនបានសន្យាបន្តផ្ដល់ GSP និង EBA ដល់កម្ពុជាក្នុងស្ថានភាពបច្ចុប្បន្ន
- របបភ្នំពេញប្រកាសបន្តស្វាគមន៍លោក សម រង្ស៊ី ប៉ុន្តែបញ្ជូនដីកាចាប់ខ្លួនទៅសមាជិកអាស៊ាន
- ពលរដ្ឋថា ការឈឺចាប់និងភាពអយុត្តិធម៌សង្គម ធ្វើឱ្យពួកគាត់គាំទ្របក្សប្រឆាំង
- បក្សកាន់អំណាចមិនជឿថារដ្ឋាភិបាលថៃ ព្រមឲ្យថ្នាក់ដឹកនាំគណបក្សសង្គ្រោះជាតិចូលក្នុងដីថៃទេ
- ប៉ូលិសចាប់ខ្លួនសកម្មជនបក្សប្រឆាំងម្នាក់ទៀតនៅព្រំដែនថៃពាក់ព័ន្ធនឹងគម្រោងមាតុភូមិនិវត្តន៍របស់លោក សម រង្ស៊ី
- ការធ្វើវិសោធនកម្មរដ្ឋធម្មនុញ្ញក្នុងរយៈពេលជាង ២៦ឆ្នាំកន្លងមក ប៉ះពាល់ដល់គោលការណ៍នីតិរដ្ឋ
Send to facebook
វាជារឿងដែលគួរឲ្យអស់សំណើច ដែលអាមូស( Anonymous)
គឺជាតួអង្គអាក្បត់ជាតិសមរង្ស៊ី និយាយមកកាន់ខ្ញុំបែបនេះ ?
*******
Anonymous
October 28, 2019 at 8:12 pm
I like you so much SO SOCHEATH please let me know your identity or give me your address. I will sending you 1,000.00 US $ just to shut you up not speaking this animal word again . shame on me to have you as Khmer have born at the same country. don’t you understand why we hat you . stop talking that kind of animal word you have the right to speak on some thing you do not like but in human word. in this world every one have their right to express their filling that what I call freedom and human right. do you understand what I mean ??
so socheath
October 29, 2019 at 5:53 am
ហាស ! ហាស
ចង់យកលុយ ១ ០០០ ដុល្លារមកបិទមាត់អញផង ?
កុំថាឡើយ លុយ ១ ០០០ ដុល្លារ មួយកោដិដុល្លារ ក៏អញមិនត្រូវការដែរ ។
អញខ្ពើមណាស់ លុយទុច្ចរឹត បំផ្លាញជាតិ ក្បត់ជាតិ របស់ពួកអ្ហែង អាមូស ! (Anonymous)
who is the real KBOTH CHEATH you will see every soon Mr . too bad SO SOCHEATH the person like me always filling bad to some one like you. the reason why ?? you should understand by yourself . I tell you what the person like me just did not have only Cambodian employee it also a lot of white people who work for me too.
ល្ខោនអត់រោង
*******
ដូចខ្ញុំបានវាយតម្លៃស្ថានការណ៍នយោបាយ នៃការសន្យាការវិល
របស់ជនក្បត់ជាតិសមរង្ស៊ីនិងបក្សពួករួចមកហើយថាវាមិនខ្មេះទេ ។
អាសមរង្ស៊ីជាជនកំសាក ការភូតភរបោកប្រាសចុងក្រោយ
របស់ជនក្បត់ជាតិសមរង្ស៊ី និងបក្សពួក គឺដើម្បីយកលុយ
មូលនិធិ ៣០ម៉ឺនដុល្លារចាយ ក្នុងពេលវេលាចុងក្រោយ
នៃការបញ្ចប់អាជីពនយោបាយរបស់វាជារៀងរហូត។
តើមានអន្តរជាតិណាមួយហ៊ានធានាចំពោះអាក្បត់ជាតិសមរង្ស៊ី
និងបក្សពួកក្បត់ជាតិរបស់វាដើម្បីបំពានលើអធិបតេយ្យរបស់ប្រទេសមួយ
ដែលស្ថិតក្នុងកិច្ចគាំពារតាមច្បាប់អង្គការសហប្រជាជាតិនោះ។
សរុបសេចក្តីមក ទាល់តែសេះដុះស្នែង ទើបសមរង្ស៊ីនិងបក្សពួកហ៊ាន
ចូលកម្ពុជាវិញ។ សម្រាប់ល្បះចុងក្រោយដែលថា និងជំរុញឲ្យសមរង្ស៊ី
ចូលកម្ពុជាថ្ងៃទី៩វិច្ឆិកា វាគ្រាន់តែជាការនិយាយដើម្បី
បោកប្រាស ដើម្បីបោកយកលុយបន្ថែមពីពីអាល្ងង់ខ្លៅ មីល្ងង់ខ្លៅ
តែមានលុយទិញសក្តិ៍ខ្យល់ប៉ុណ្ណោះ។
វា ទាល់តែយូរបានអាក្បត់ជាតិសមរង្ស៊ី និងបក្សពួកក្បត់ជាតិរបស់វា
ហ៊ានមកជាប់គុក និង ឲ្យគេបាញ់ងាប់
អត់ប្រយោជន៍ ។
ដំណឹង សម្រាប់ ពួកអាកាកសំណល់ អតីតបក្សខ្មោចតៃហោងសង្គ្រោះជាតិ
ដែលត្រូវយល់ឲ្យច្បាស់មុនបង្កររឿងហេតុ ដែលនាំគ្រោះដល់ខ្លួន
ដែលនឹកស្មានមិនដល់ !
*******
កម្ពុជា ជារដ្ឋអធិបតេយ្យ !
ក្រោមបាវចនា ជាតិ សាសនា ព្រះមហាក្សត្រ
ច្បាប់ស្ដីពីវិសោធនកម្មច្បាប់ស្ដីពីគណបក្សនយោបាយ ត្រង់មាត្រា៦ គឺសំដៅដាច់ខាត
ឲ្យមានការគោរពអនុវត្តន៍ ដោយចែងថា គ្រប់គណបក្សនយោបាយមិនត្រូវធ្វើ
សកម្មភាពណាមួយ ដូចខាងក្រោមជាដាច់ខាត៖
១. ធ្វើឱ្យមានអបគមន៍ ដែលនាំឱ្យអន្តរាយដល់ឯកភាពជាតិ និងបូរណភាពដែនដី។
២. ធ្វើវិទ្ធង្សនាប្រឆាំងនឹងរបបប្រជាធិបតេយ្យ សេរី ពហុបក្ស និងរបបរាជានិយមអាស្រ័យធម្មនុញ្ញ។
៣. ធ្វើប៉ះពាល់សន្តិសុខនៃរដ្ឋ។
៤. បង្កើតកម្លាំងប្រដាប់អាវុធ។
៥. ធ្វើការញុះញង់ដែលអាចនាំអោយមានការបែកបាក់ជាតិ។
ដូច្នេះចលានាណាមួយដែលមានបំណងបំផ្លាញសន្តិភាពជាតិ ដើម្បីផ្តួលរំលំរដ្ឋាភិបាល
ស្របច្បាប់ដែលកើតចេញពីការបោះឆ្នោត តាមលទ្ធិប្រជាធិបតេយ្យ សេរីពហុបក្ស
សម្រាប់ឆន្ទះប្រជាពលរដ្ឋ ដែលជ្រើសរើសអ្នកដឹកនាំជាតិ ទោះក្នុងទម្រង់ណាមួយ ក៏ដោយ
គឺដាច់ខាតកម្ទេចចោល ដោយគ្មានការអត់ឱនឡើយ ។
ដូច្នេះ ! ត្រូវចាំឲ្យច្បាស់ពួកអាកាកសំណល់បក្សក្បត់ជាតិសង្គ្រោះជាតិ